Tag: پولیس

کراچی : شہر قائد کے علاقے نئی سبزی منڈی کے قرین مبینہ پولیس مقابلے میں دو ڈاکو ہلاک، جبکہ رینجرز نے کاروائی کرکے بھتہ خور سمیت چار ملزمان کو گرفتار کرلیا.

تفصیلات کے مطابق سائٹ سپر ہائی وے کے علاقے نئی سبزی منڈی قاسم آباد میں پولیس اور ملزمان کے دورمیان مبینہ فائرنگ کے تبادلے میں دو ملزمان مارے گئے،ایس ایس پی ملیر راؤ انوار کا کہنا ہے کہ مارے گئے ملزمان کے قبضے سے اسلحہ لوٹا ہوا سامان اور موٹر سائیکل برآمد ہوئی ہیں

ان کا مزید کہنا ہے کہ دونوں ملزمان لوٹ مار کی متعدد وارداتوں میں مطلوب ہونے کے ساتھ ساتھ ڈکیتیوں کے دوران خواتین سے زیادتیوں کی وارداتوں میں بھی ملوث تھے،ادھر عوامی کالونی پولیس نے کورنگی ساڑھے 5 سے مقابلے کے بعد ایک ملزم کو شدید زخمی حالت میں گرفتار کر کے اسلحہ،نقدی اور دیگرسامان برآمد کر لیا۔جبکہ اس کے دیگر ساتھی موقع سے فرار ہو گئے.

دوسری جانب رینجرز اور پولیس نے مختلف کارروائیوں میں ٹارگٹ کلنگ اور بھتہ خوری میں ملوث چارملزمان کو گرفتارکرلیاملزمان کا تعلق سیاسی جماعت اور گینگ وار سے ہے.

ترجمان رینجرز کے مطابق رینجرزنے شاہ کالونی سے دو افراد کو گرفتار کرکے پولیس کے حوالے کردیا،ترجمان رینجرزکا کہنا ہے ملزمان ماہ رمضان میں بھتہ وصول کرکے سیکٹرآفس میں جمع کراتے تھے،ملزمان کےقبضہ سےاسلحہ بھی برآمدہوا ہے.

رینجرزکا کہنا ہےعدنان عرف ڈیٹونیٹر تین افرادکےقتل میں ملوث ہے،جبکہ ملزم ناصرنے چارافرادکےقتل کااعتراف کیاہے۔

دوسری طرف سی ٹی ڈی نے کارروائی کرتے ہوئےلیاری گینگ وار کےدوکارندے گرفتارکرلیے،انچارج سی ٹی ڈی کے مطابق ملزمان بارہ سےزائدٹارگٹ کلنگ کی وارداتوں میں ملوث ہیں،گرفتارملز مان سے کلاشنکوف اوردو دستی بم برآمدہوئے ہیں.

کراچی: شہرقائد میں امن کے قیام کے لیے قانون نافذ کرنے والے اداروں نے کارروائیاں تیز کردیں مختلف علاقوں سے آٹھ ملزمان گرفتار کرکے مغوی خاتون کوبازیاب جبکہ اسلحہ برآمد کرلیا گیا.

تفصیلات کے مطابق لیاقت آبادنمبر پانچ میں رینجرزنےٹارگٹڈکارروائی کرتے ہوئے پانچ افراد کو حراست میں لے لیا،ادھر سکھرپولیس نے لیاری میں کارروائی کرکے مغوی خاتون کو بازیاب کراکر اغواکارگرفتارکرلیا،ملزم نےایک ماہ پہلےخاتون کوسکھرسےاغواکیاتھا.

دوسری جانب اورنگی قصبہ موڑپرلوٹ مارکرنےوالاملزم مقابلےکےبعدگرفتارکرلیا گیا،جبکہ گلشن سکندرآبادسےملزم وہاب کو گرفتار کرکے منشیات برآمدکرلی گئی پولیس کے مطابق ملزم پندرہ مقدمات میں مطلوب تھا.

کراچی : سپرہائی وے پر پولیس مقابلے کے دوران لیاری گینگ وار کا کارندہ ماراگیا،جبکہ شہر کے مختلف علاقوں میں قانون نافذ کرنےو الے اداروں نےکاروائی کر کے بیس ملزمان کو گرفتار کر لیا.

تفصیلات کے مطابق سپر ہائی وے کے علاقے جنجار گوٹھ میں پولیس سے فائرنگ کے تبالے میں لیاری گینگ وار ملزم کالو کرنٹ کا بھانجا شبیر بلوچ عرف ڈاہری مار اگیا جبکہ اس کے تین ساتھی موقع سے فرار ہو گئے.

دوسری جانب سرجانی کے علاقے میں سی ٹی ڈی ٹیم نے خفیہ اطلاع پر چھاپہ مار کر سیاسی جماعت کے مبینہ ٹارگٹ کلر کو گرفتار کر لیا،جبکہ ابو الحسن اصفہانی روڈ اسکاوٴٹس کالونی میں رینجرز نے سرچ آپریشن کرتے ہوئے چھ افراد کو حراست میں لے کر تفتیش کے لیئے نا معلوم مقام پر منتقل کر دیا.

ادھر پاک کالونی،مدینہ کالونی،پیر آ باد اور منگھو پیر سے پولیس نے دو منشیات فروش اور دو مفرور سمیت تیرہ ملزمان کو گرفتار کر کے ان کے قبضے سے اسلحہ اور منشیات برآمد کر لی گئی.

واضح رہے کہ خواجہ اجمیر نگری کے علاقے نار تھ کراچی رحمانیہ موڑ پر نا معلوم ملزمان کی فائرنگ سے لیاقت نامی شخص جان کی بازی ہار گیا.