Tag: پولیس

نواب شاہ: مرزا فرخ بیگ گاؤں میں پرانی دشمنی پر مسلح افراد کی فائرنگ سے دو بچے ہلاک اور متعدد افراد زخمی ہو گئے،زخمیوں کو اسپتال منتقل کر دیا گیا.

تفصیلات کے مطابق نواب شاہ کے علاقے جام صاحب تھانے کی حدود گاؤں مرزا فرخ بیگ میں نامعلوم مسلح افراد نے ایک گھر پر حملہ کردیا فائرنگ کے نتیجے میں دو معصوم بچے آٹھ سالہ شہنیلا اورڈھائی سالہ ذاکر حسین موقع پر ہی جاں بحق ہوگئے.

فائرنگ کے نتیجے میں چھ افراد شدید زخمی ہوئےجن میں خواتین اور بچے شامل ہیں.

واقعے کی اطلاع پر پولیس کی بھاری نفری نے علاقے کو گھیرے میں لے کر جاں بحق ھونے والے بچوں اور زخمیوں کو پی ایم یو اسپتال نواب شاہ منتقل کر دیا،جہاں زخمیوں کو طبی امداد دی گئی.

ڈاکٹرکے مطابق ایک بچے کی حالت انتہائی نازک ہے،پولیس کےمطابق واقعہ پرانی دشمنی کا شاخسانہ ہے،جاں بحق اور زخمی ہونے والوں کا تعلق بگٹی قبیلے سے ہے،پولیس واقعے کی مزیدتحقیقات کررہی ہے.

نواب شاہ :مہران ہائی وے پر دوڑ کے قریب تیز رفتار مسافر وین الٹ گئی جس کے نتیجے میں ایک شخص موقع پر ہی جاں بحق ہو گیا جبکہ بارہ افراد شدید زخمی ہوگئے.

تفصیلات کے مطابق نواب شاہ میں مہران ہائی وے پر دوڑ کے قریب تیز رفتار مسافر وین الٹ گئی جس کے نتیجے میں ایک شخص موقع پر ہی جاں بحق ہو گئے جبکہ بارہ افراد شدید زخمی ہو گئے.

حادثے میں زخمی افراد کو فوری طور پر پیپلز میڈیکل یونیورسٹی اسپتال نواب شاہ منتقل کر دیاگیا،جہاں انہیں طبی امداد دی جارہی ہے.

ڈاکٹرز کے مطابق زخمیوں میں تین کی حالت نازک ہے،پولیس کے مطابق مسافر وین شکارپور سے کراچی جارہی تھی.

کراچی:شارع فیصل کے علاقے میں پولیس نے شادی سے انکار پر لڑکی کو اغوا کے بعد قتل کرنے والے ملزم کو گرفتار کرلیا،ملزم کی نشاندہی پر سی ویو دو دریا سے مقتولہ کی لاش بھی برآمد کرلی گئی.

تفصیلات کے مطابق شارع فیصل کے علاقے کی رہائشی صنیعہ کچھ روز پہلے لاپتہ ہوگئی تھی،پولیس نے صنیعہ کے اغوا کے شبہے میں بابر نامی نوجوان کو گرفتار کیا.

ملزم نے دوران تفتیش اعتراف کیا کہ وہ صنیعہ سے محبت کرتا تھا لیکن وہ کہیں اور شادی کرنا چاہتی تھی جس پر اس نے دلبرداشتہ ہوکر صنیعہ کو اغوا کیا اور سی ویو دو دریا کے پاس لے جا کر موت کے گھات اتاردیا.

پولیس کے مطابق ملزم بابر نے لاش کمبل میں لپیٹ کر جھاڑیوں میں چھپا دی تھی.

یاد رہےگذشتہ روز پولیس نے ڈیفنس فیز ایٹ دو دریا کے قریب خالی پلاٹ سے خاتون کی کمبل میں لپٹی ہوئی لاش برآمد کی جسے جنا ح اسپتال منتقل کردیا گیاتھا.

کراچی : پولیس نے کاروائی کرکے لیاری گینگ وار عزیز بلوچ گروپ کا کارندہ بلاول سندھی گرفتار کرلیا،جبکہ پولیس نےدو دریا کے پاس سے خاتون کی کمبل میں لپٹی ہوئی لاش برآمد کرلی.

تفصیلات کے مطابق قانون نافذ کرنے والے ادارے اور پولیس نےشہر کے مختلف علاقوں میں چھاپہ مار کاروائی کے دوران دو درجن سے زائد افراد کو حراست میں لے لیا،پولیس نے لیاری کے علاقے بغدادی میں کاروائی کرکے گینگ وار عزیز بلوچ گروپ کا کارندہ بلاول سندھی گرفتار کرلیا.

دوسری جانب پولیس نے ڈیفنس فیز 8 دو دریا کے قریب خالی پلاٹ سے خاتون کی کمبل میں لپٹی ہوئی لاش برآمد کرلی جسے جنا ح اسپتال منتقل کردیا گیا.

پولیس کے مطابق مقتولہ شاہراہ فیصل کی رہائشی ہےاور نا معلوم ملزمان اسے اغواء کے بعد قتل کر کے لاش کو کمبل میں لپیٹ کریہاں پھینک کر فرار ہو گئے ہیں اور واقعہ کی مزید تفتیش جاری ہے.

محمود آباد پولیس نے ایک غیر ملکی اور سول لائن پولیس نے ایک ملزم سمیت تین مشتبہ افراد کو حراست میں لے لیا.

ادھر سعو دآباد پولیس نے رات گئے سرچ آپریشن کرتے ہوئےدو ملزمان فہد اور عبد السلام سمیت گیارہ مشتبہ افراد کو حراست میں لے لیا،جبکہ کینٹ اسٹیشن کے قریب پولیس نے ہوٹلوں اور مسافر خانوں کی تلاشی کے دوران دس مشتبہ افراد کو حراست میں لے لیا.

کراچی: پولیس نے ٹارگٹڈ کارروائیوں میں کالعدم تنظیم کے دو مفرور ملزمان سمیت نو افراد کو گرفتار کرلیا، ملزمان کے پاس سے دستی بم ،اور اسلحہ برآمد کرلیا گیا.

تفصیلات کے مطابق گلشن اقبال میں پولیس نے مقابلےکےبعددودہشت گردوں کوگرفتارکرلیا،دہشت گردوں سےاینٹی ایئرکرافٹ گن،بال بیرنگ،دستی بم،ڈیٹونیٹر،کریکربال بم اورپستول برآمد کرلیا گیا.

پولیس کے مطابق دہشت گردوں کاتعلق پنجاب سے ہے اورکالعدم تنظیم سےتعلق رکھتےہیں،پولیس کاکہناہےکہ دہشت گردسیکورٹی فورسز پر حملوں میں ملوث ہیں.

دوسری جانب پولیس نے ماڈل کالونی میں کارروائی کرتےہوئےدومفرورملزمان سمیت چھ افرادکو حراست میں لےلیا.

ابوالحسن اصفہانی روڈپر قانون نافذ کرنےوالے ادارے نےکارروائی کرتے ہوئے ایک شخص کو حراست میں لےلیا،ذرائع کاکہناہےکہ زیرحراست شخص کاتعلق سیاسی جماعت سےہے.