راولپنڈی: ایبٹ آباد سے طالبان کا اہم کمانڈر حراست میں لےلیاگیا۔
حساس اداروں نے نواں شہر میں ایک گھر سے طالبان کا اہم کمانڈر حراست میں لے لیا، جس کے قبضہ سے بھاری تعداد میں اسلحہ بر آمد کیا گیا ہے۔
دوسری جانب بغیر رجسٹریشن کے مکانات کرایہ پر دینے والے انیس افراد گرفتارکر کے ان کے خلاف مقدمات درج کر لئے گئے ہیں۔
ڈی پی او محمد علی گنڈاپور کے مطابق اگلے چند روز میں شہر کے ہوٹلز، گیسٹ ہاؤسز، سراؤں میں بھی سرچ آپریشن کیا جائے گا۔
اسلام آباد: راولپنڈی اور اسلام آباد کے مختلف علاقوں میں پولیس اور قانون نافذ کرنے والے اداروں نے سرچ آپریشن میں چار غیر ملکیوں سمیت تین سو سے زائد مشکوک افراد کو حراست میں لے لیا ہے۔
تفصیلات کے مطابق جڑواں شہروں میں سرچ آپریشن کے دوران سیکیورٹی فورسز نے چار غیر ملکیوں سمیت تین سو افراد کو گرفتار کرلیا ہے۔ تین افراد کے قبضے سے اسلحہ بھی برآمد کر لیا گیا ہے۔
پولیس ذرائع کے مطابق تھانہ آئی نائن سبزی منڈی، تھانہ گولڑہ، کورال، شہزاد ٹاؤن نیلور اور تھانہ بارہ کہو کے علاقوں جبکہ راولپنڈی میں پیرودھائی، نیو ٹاؤن، بنی وارث خان، صادق آباد سٹی سمیت متعدد تھانوں کے علاقوں میں آپریشن جاری ہے۔ پولیس اور قانون نافذ کرنیوالے اداروں نے جڑواں شہروں کے داخلی اور خارجی راستوں کی نگرانی مزید سخت کردی ہے اور آنے جانے والی گاڑیوں کی سخت تلاشی جاری ہے۔
اس کے علاوہ بی بی ایئرپورٹ سمیت اہم پبلک مقامات اورسرکاری عمارتوں کی کڑی نگرانی کا عمل بھی جاری ہے۔ شمالی وزیرستان، خیبر ایجنسی، وفاقی دارالحکومت اور کراچی سمیت ملک کے مختلف حصوں میں دہشت گردی کیخلاف کارروائیوں کے نتیجے میں اب تک متعدد دہشت گرد اپنے انجام کو پہنچ گئے۔ کارروائیوں کے دوران دہشتگردوں کے متعدد ٹھکانے بھی تباہ کر دیئے گئے ہیں۔
کوئٹہ: کوئٹہ کے علاقے سیٹلائٹ ٹاون میں دھماکے کے نتیجے میں ایک شخص جاں بحق اور بچوں سمیت دس افراد زخمی ہوگئے ہیں، پولیس اور ایف سی سمیت دیگر ریسکیو ذرائع موقع پر پہنچنا شروع کردیا ہے۔
تفصیلات کے مطابق سیٹلائٹ ٹاون کے قریب سرکی روڈ پر سبزی منڈی میں زوردار دھماکہ ہوا ہے جس کی آواز شہر بھر میں سنی گئی ہے اور دھماکے کے نتیجے ایک شخص جاں بحق اور بچوں سمیت دس افراد زخمی ہو گئے ہے۔
دھماکے کے بعد پولیس اور ایف سی سمیت دیگر ریسکیو ذرائع موقع پر پہنچ گئے ہیں اور لاش اور زخمیوں کو قریبی اسپتال منتقل کردیا گیا، پولیس اور ایف سی سمیت دیگر حساس اداروں نے علاقے کو گھیرے میں لے کر سرچنگ شروع کردی ہے۔
اے آر وائی نیوز کے نمائندے کے مطابق دھماکہ اس قدر شدید تھا کہ ایک گاڑی اور ایک دکان مکمل تباہ ہو گئی ہے جبکہ دھماکے کے قریب موجود بجلی کے پول اُکھڑ گئے ہیں۔
پولیس ذرائع کے مطابق دھماکے کے قریب سے پولیس کی دو گاڑیاں گزر رہیں تھیں تاہم دونوں ہی محفوظ رہیں۔ پولیس نے مزید کہا کہ دھماکے کے نتیجے میں دس افراد جن میں بچے بھی شامل تھے زخمی ہو ئے ہیں اور زخمیوں کو سول اسپتال کوئٹہ میں منتقل کرکے اسپتال میں ایمرجنسی لگا دی گئی ہے۔
پولیس اور بی ڈی ایس کی ٹیموں نے وقوعہ سے شواہد جمع کرنا شروع کر دیئے ہیں، پولیس کا کہنا ہے کہ تفیش کے بعد ہی دھماکے کی نوعیت کا بتایا جاسکتا ہے۔
کوئٹہ: کو ئٹہ کے جوائنٹ روڈ پر زوردار دھماکہ اور فائرنگ ، صبائی مشیر تعلیم بال بال بچ گئے، پولیس، ایف سی اور رسیکیو ٹیموں نے امدادی کاروائیاں شروع کردی ہیں۔
تفصیلات کے مطابق کوئٹہ میں جوائنٹ روڈ پر ہیلتھ سینٹر کے قریب زوردار دھماکہ ہوا ہے، دھماکہ اس قدر شدید تھا کہ اس کی آواز کوئٹہ بھر میں سنی گئی ہے۔ دھماکے کے بعد شدید فائرنگ بھی کئی گئی ہے، دھماکے کے مقام پر ریسکیو ٹیمیں، پولیس اور دیگر قانون نافذ کرنے والے اداروں نے پہنچنا شروع کردیا ہے۔
اے آر وائی کے نمائندے کے مطابق دھماکہ کوئٹہ میں جوائنٹ روڈ پر قائم ایک سرکاری پرائمری اسکول کے سامنے ہوا ہے، جہاں دھماکہ خیز مواد نصب تھا۔ نمائندے کے مطابق مذکورہ روڈ سے دھماکے کے وقت صوبائی مشیر تعلیم سردار رضا محمد کی گاڑی گزر رہی تھی۔ دھماکے میں وہ معمولی زخمی ہوئے تاہم محفوظ رہے ہیں لیکن ان کی گاڑی تباہ ہو گئی ہے۔
ذرائع کے مطابق دھماکے کے بعد ہونے والی فائرنگ سردار رضا محمد کے گارڈز کی جانب سے کی گئی تھی۔
نمائندے کے مطابق جس مقام پر دھماکہ ہوا ہے اس مقام پر لوگوں کا ہجوم ہوتا ہے کیونکہ مزکوری روڈ پر اہم دفاتر، ہیلتھ سینٹر اور فوسٹ آفس بھی موجود ہیں، جہاں دن بھر لوگوں کا آنا جانا لگا رہتا ہے تاہم کو ئی جانی نقصان نہیں ہوا ہے۔
دھماکے کے فوری بعد مزکورہ علاقے کو پولیس اور ایف سی کے اہلکاروں نے گھیرے میں لے لیا جبکہ امدادی ٹمیوں نے روڈ کو بحال کرنے کیلئے اپنی کاروائی کا آغاز بھی کردیا ہے۔
پولیس کی جانب سے دھماکے کے مقام سے شواہد جمع کرنا شروع کر دیئے گئے ہیں۔
کوئٹہ: کوئٹہ میں ایف سی، پولیس اور دیگر حساس اداروں کا مشرقی بائی پاس لیبر کالونی میں مشترکہ سرچ آپریشن، ایک مبینہ دہشت گرد ہلاک اور تین اے ٹی ایف اہلکار زخمی ہوگئے ہیں۔
پولیس کے مطابق خفیہ اطلاع ملنے پر ایف سی پولیس اور حساس اداروں نے لیبر کالونی میں سرچ آپریشن کیا اور اس دوران ایک مکان سے سیکورٹی ٹیم پر فائرنگ کی گئی، جس کی زد میں آکر اے ٹی ایف کے تین جوان زخمی ہوگئے ہیں۔
سیکورٹی اداروں نے جوابی کارروائی کی جس کے نتیجے میں ایک دہشتگرد ہلاک ہوگیا ہے، پولیس نے مکان سے پانچ دستی بم ایک ٹی ٹی پسٹل اور ایک کلاشنکوف بھی برآمد کرلی گئی ہے اور ہلاک دہشت گردی کی لاش اور زخمیوں کو سول ہسپتال پہنچایا گیا ہے۔
واقع کے بعد زخمی اہلکاروں کو سی ایم ایچ منتقل کیا گیا، جن کی حالت خطرے سے باہر بتائی جارہی ہے۔
پولیس کے مطابق ہلاک دہشتگرد غیر ملکی ہے اور شبہ ہے کہ وہ 26نومبر کو پولیو ٹیم پر حملے میں ملوث ملزمان میں سے ایک ہے۔
ہانگ کانگ: ہزاروں جمہوریت پسندوں کی سرکاری ہیڈعمارتوں پردھاوا بولنے کی کوشش ناکام بنا دی گئی ہے، پولیس اور مظاہرین کے تصادم میں درجنوں افراد زخمی ہوگئے ہیں۔
ہانگ کانگ میں دوماہ سے جاری حکومت مخالف مظاہروں میں حکام کی جانب سے ردِ عمل ظاہر نہ ہونے پر مظاہرین نے سرکاری عمارتوں کو گھیرے میں لینے کی کوشش کی، جس کے نتیجے میں پولیس اور مظاہرین میں جھڑپیں ہوئیں۔
پولیس نے لاٹھی چارج اور پیپر اسپرے کا استعمال کیا جبکہ درجنوں مظاہرین کو گرفتار کرلیا، مظاہرین کا مطالبہ ہے کہ ملک میں آئندہ انتخابات جہوری طریقے سے کروائیں جائیں۔
اسلام آباد : سرد موسم میں سونامی رضا کاروں نے اپنے رقص اور نعروں سے جلسہ گاہ کو گرما دیا،اسلام آباد تحریک انصاف کے رنگوں میں ہے رنگا ہوا۔پی ٹی آئی نے جلسے کی بھرپور تیاری کرلی ہے۔ ٹائیگرز کا ۔جوش و خروش دیدنی ہے۔آج مارچ ہوگا یا ڈبل مارچ اس کا فیصلہ ہونا ابھی باقی ہے۔
جبکہ پاکستان تحریک انصاف کے جلسے میں شرکت کے لئے ملک بھر سے قافلے اسلام آباد پہنچنا شروع ہوگئے ہیں ۔پولیس کی بھاری نفری تعنیات کردی گئی۔ اسلام آباد میں پی ٹی آئی کے جلسے میں شرکت کے لیے قافلے پہنچنا شروع ہوگئے ہیں ۔حکومت کی جانب سے جڑواں شہروں میں پولیس کی بھاری نفری تعنیات کردی گئی ہے۔
پولیس کی جانب سے بسوں میں مسافروں کی تلاشی اور پوچھ گچھ کی جارہی ہے۔ذرائع کے مطابق پولیس اہلکاروں کو ربڑکی گولیوں اور آنسو گیس کے شیل دیئے گئے ہیں جبکہ ممکنہ خطرات کے پیش نظر لاہور سے آنسو کی بھاری کھیپ بھی منگوائی گئی ہے۔
جلسے کو ناکام بنانے کے لیےسیکریٹریٹ چوک ،نادرا اور میریٹ چوک پر کنٹینر لگاکر تمام راستے بلاک کردیے گئے جس کے باعث قافلوں کو شہر میں داخل ہونے پرمشکلات کا سامنا ہے۔
پی ٹی آئی جلسے میں عوام کی شرکت کو روکنے کیلئے حکومت کا ریاستی طا قت کا استعمال جا ری ہے،لاہور میں بس اسٹیںڈ کو سیل کردیا گیا،تیس نومبر کو پی ٹی آئی جلسے جہاں پی ٹی آئی کا رکنا ن تا ریخی جلسہ کر نے کیلئے پر عزم ہیں وہیں حکومت ریاستی طاقت سے جلسہ نا کام بنا نے کیلئے کمر بستہ دکھا ئی دیتی ہے۔
اسلام آباد راولپنڈی میں مو ٹر سائیکل سواروں کی پکڑ دھکڑ کا سلسلہ عروج پر ہے تین ہزار سے زائد موٹر سائیکل تھانوں میں بند ،سو سے زائد موٹر سائیکل سوار بھی لاک اپ کر دیئے گئے راولپنڈی سےپی ٹی آئی رکن اسمبلی راجہ راشد حفیظ کی گرفتاری کے لیے چھاپے ما رے جا رہے ہیں ۔
پنجا ب کے دیگر شہروں سے پو لیس گردی کا سلسلہ جا ری ہےاسلام آباد کے مضافاتی علاقوں میں ن لیگ کے رکن اسمبلی طارق فضل چو ہدری کے حلقے میں مساجد سے اعلا نات کئے جا رہے ہیں کہ کل دہشت گردی کا خطرہ ہے لو گ جلسے میں شرکت نہ کریں ۔
عمران خا ن کاحکومتی اقدامات کے با رے میں کہنا ہے عوام اپنے حقوق کیلئے گھروں سے نکلیں ، کس قانو ن کے تحت کا رکنوں کو گرفتار کیا جا رہا ہے؟ حکومت کو یہ سمجھنا چا ہیئے کہ ریا ستی تشددسیا سی تحریک کو دبا نے کے بجا ئے مزید جلا بخشتا ہے۔
بکھر: بکھر پی پی اڑتالیس میں ضمنی الیکشن کیلئے ووٹنگ جاری ہے ، ڈی سی او کی جانب سے سیکیورٹی کو بہتر بنانے کیلئے پولیس اور رینجرز کی خدمات حاصل کرلی گئی ہیں۔
تفصیلات کے مطابق ن لیگ کے ایم پی اے نجیب اللہ خا ن نیازی کی وفات کے بعد خالی ہونے والی نشست پی پی اڑتالیس میں صوبائی امیدوار کے چناؤ کیلئے آج ووٹ ڈالے جارہے ہیں۔ ایک لاکھ ترپن ہزار سے زائد افرد اپنے پسندیدہ امیدوار کوووٹ ڈالنے کے اہل قرار پائے ہیں۔
الیکشن کمیشن کی جانب سے حلقے میں ایک سو چوالیس پولنگ اسٹیشن قائم کئے گئے ہیں۔ انتخابی معرکے میں سا ت امید وارآمنے سامنے ہیں۔ تاہم اصل مقابلہ انتخابی سیاست کا آغاز کرنے والی پاکستان عوا می تحریک کے نامزد امیدوار نذرعباس ، آزاد امیدواروں انعام اللہ خان نیازی اور احمد نواز نوانی کے درمیان متوقع ہے۔
ضمنی الیکشن کے پیش نظر حلقے میں آج عام تعطیل کا اعلان کیا گیا ہے۔
لاہور: انسداد دہشت گردی کی خصوصی عدالت نے کوٹ رادھا کشن کیس میں چار ملزمان کی درخواست ضمانت پر نوٹس جاری کرتے ہوئے پولیس سے جواب طلب کرلیا۔ دوسری جانب بھٹہ مزدوروں نے اس واقعے کیخلاف احتجاج کیا ہے ۔
تفصیلات کے مطابق لاہور میں انسداد دہشت گردی کی خصوصی عدالت میں کوٹ رادھا کشن کیس کی سماعت ہوئی۔ مقدمے میں نامزد چار ملزمان کو عدالت میں پیش کیا گیا۔
ملزمان کا کہنا تھا کہ ان کا اس واقعے سے کوئی تعلق نہیں۔ ملزمان کے مطابق پولیس نے دباؤ میں آکر ان کے کیخلاف مقدمہ درج کردیا۔ عدالت میں ملزمان حارث، ارسلان اور عثمان نے استدعا کی کہ انھیں ضمانت پر رہا کیا جائے ۔
عدالت نے پولیس کو نوٹس جاری کرتے ہوئے پانچ دسمبر تک جواب طلب کرلیا ۔ دوسری جانب فیصل آباد میں بھٹہ مزدوروں نے سانحہ کوٹ رادھا کشن اور مقرر کردہ اجرت نہ ملنے پر احتجاج کیا ہے۔
احتجاج کے دوران بھٹہ مزدوروں نے بینر اٹھا کرکھے تھے اور وہ نعرے بازی بھی کررہے تھے ۔ ان کا کہنا تھا کہ حکومت انہیں انصاف فراہم کرے۔
لاہور: لاہور کورٹ لکھپت جیل میں سیکیورٹی اور امدادی اداروں کی جانب سے کسی بھی ناخوشگوار واقعے سے نمٹنے کے لئے ریہرسل کی گئی ہے۔
تفصیلات کے مطابق ملک میں بڑھتی ہوئی دہشت گردی کے پیش نظر کورٹ لکھپت جیل میں سیکیورٹی اور امدادی اداروں نے ٹریننگ اور ریہرسل کی ہے۔ ریہرسل میں رینجرز، پولیس، ریسکیو، ایدھی اور بی ڈی ایس نے حصہ لیا ہے۔ ان اداروں نے کسی بھی ناخوشگوار صورتحال سے نمٹنے کے لئے عملی مشق کی ہے۔