Tag: پولیس
-
کیف: یوکرین میں حکومت کیخلاف احتجاج جاری، پولیس سے جھڑپیں
یوکرائن میں پولیس اور مظاہرین کے درمیان جھڑپوں کا سلسلہ جاری ہے، کسی بھی صورتحال سے نمٹنے کے لئے پولیس کی بھاری نفری ہائی الرٹ کر دی گئی۔
دارلحکومت کیف میں ایک بار پھر پولیس اور مظاہرین کے درمیان جھڑپیں شروع ہوگئی، جس سےعلاقہ میدان جنگ بن گیا، ہزاروں مظاہرین پولیس کے سامنے کیف کی سڑکوں پر موجود ہیں۔
مظاہروں کو روکنے کے لئے یوکرائن کے صدر نے فوری طور پر مظاہرین سے مفاہمت کی اپیل کی ہے، جسے مظاہرین نے مسترد کر دیا ہے، مظاہروں کا سلسلہ اس وقت شروع ہوا، جب حکومت نے یورپی یونین کے بجائے روس سے تجارتی معاہدے کیے تھے۔
-
نیروبی: ویسٹ گیٹ شاپنگ مال پر حملہ، اہم شواہد اکٹھے کرلئے گئے
کینیا کے ویسٹ گیٹ شاپنگ مال پر حملے کے الزام میں گرفتار چار ملزمان کو پولیس نے جائے وقوعہ کا دورہ کرایا اور اہم شواہد اکٹھے کئے۔
ویسٹ گیٹ شاپنگ مال خودکش حملے میں گذشتہ سال سڑسٹھ افراد جاں بحق ہوگئے تھے، حملے کے الزام میں گرفتار چار افراد محمد احمد، لیبان عبداللہ، حسین حسن اور محمد ابراہیم کو دوران تفتیش جائے وقوعہ پر لے جایا گیا اور اہم شواہد اکٹھے کئے گئے۔
تاہم چاروں مشکوک ملزمان نے حملے میں ملوث ہونے سے انکار کر دیا، ویسٹ گیٹ حملے کی ذمہ داری صومالیہ کے اسلامی گروپس نے قبول کرلی تھی۔
-
قیام امن کیلیے پولیس کوفری ہینڈ دیدیا، وزیراطلاعات سندھ
وزیر اطلاعات سندھ شرجیل میمن نے کہاہےصوبے میں قیام امن کے لیے پولیس کو فری ہینڈدے دیا، چوہدری اسلم قتل کا مقدمہ طالبان رہنماؤں کے خلاف کرکےہمت کاکام کیا،وفاقی حکومت کو بھی ایسی ہمت کرنی چاہیے۔
وزیراطلاعات سندھ شرجیل میمن نے کہا ہے صوبےمیں امن و امان کی صورتحال بہتر کرنے کے لیے وزیرعلیٰ نے پولیس کو فری ہینڈ دے دیا ہے، چوہدری اسلم کا مشن اسکی ٹیم جاری رکھے گی، چوہدری اسلم کی جگہ سی آئی ڈی کا انچارج منتخب کرنے کے اختیارات آئی جی سندھ کو دے دیئے ہیں۔
ان کا کہنا تھاچوہدری اسلم کے قتل کا مقدمہ طالبان رہنماؤں کے خلاف کر کے ہمت کا کام کیا ہے،مرکزی حکومت دہشت گردوں کا نام لے کر مذمت سے بھی گھبراتی ہے لیکن اسے بھی ایسے ہمت کرنی چاہیے۔ جن واقعات کی ذمے داری طالبان قبول کرتے ہیں اُس پراُن کے خلاف مقدمہ درج کیا جائے، صوبے میں حلقہ بندیوں سے متعلق شرجیل میمن کا کہنا تھاحلقہ بندیوں کا ہم نے بہترطریقہ بنا یا حلقہ بندیوں کے دوران کسی جماعت نے اعتراض نہیں کیا۔ حلقہ بندیاں سرکار کا کام ہے ،سرکار کو ہی کرنا چاہیے۔
-
ایس پی سی آئی ڈی شہید چوہدری اسلم کی نماز جنازہ ادا کردی گئی
ایس پی سی آئی ڈی شہید چوہدری اسلم گزشتہ روز دھماکے میں شہید ہوگئے تھے، شہید چوہدری اسلم کی 3 پولیس اہلکار سمیت نمازجنازہ پولیس ہیڈ کوارٹر میں ادا کردی گئی۔
جس پر سندھ پولیس کے چاق و چوبند دستے نے شہدا کو سلامی پیش کی۔
وزیر اعلی سندھ قائم علی شاہ ، اویس مظفر ،آجی سندھ ، ڈی جی رینجرز ، سیاستدان ، اور علمئدین شہر نے بڑی تعداد میں شرکت کی۔
اس موقع پر سکیورٹی کے سخت انتظامات کئے گئے۔
آرمی چیف کی جانب سے بھی پھول چڑھائے گئے، ایس پی سی آئی ڈی شہید چوہدری اسلم کی تدفین گزری قبرستان میں ہوگی ۔
-
پتوکی:دوبہنوں پر سوتے میں تیزاب پھینک دیا گیا
پتوکی پولیس نے دو حقیقی بہنوں پر تیزاب پھینکنے والے سوتیلے باپ اور اس کی بیوی کو گرفتار کرلیا، ملزم کو سوتیلی بیٹی سے اپنے گونگے بہرے بیٹے کا رشتہ نہ ہونے کا رنج تھا۔
پتوکی میں ایسا ایک انسانیت سوز واقعہ پیش آیا، جہاں دو سگی کم سن بہنوں جویریہ اور ملائکہ پر رات کے پچھلے پہر سوتے میں تیزاب پھینک دیا گیا، اِن بہنوں کا قصور صرف اتنا تھا کہ ان کے والدین نے چھ ماہ قبل چودہ سالہ جویریہ کے لئے آنے والے رشتے سے انکار کیا تھا۔
وہ دونوں بہنیں تو اس شخص سے واقف بھی نہیں، جس نے اُن کے ساتھ یہ ظُلم کیا، جویریہ اور ملائکہ لاہور کے جناح اسپتال میں زیرِ علاج ہیں ان بہنوں کے چہرے تو شاید کبھی ٹھیک ہوجائیں لیکن کیا یہ بے رحم معاشرہ کبھی انہیں اس واقعہ کو بُھولنے دے گا۔
