Tag: پولیس

ضلع نوشہرہ کے علاقہ اکبر پورہ میں پولیس اور کالعدم تنظیم کے ارکان کے ساتھ مقابلے کے بعد دو ملزموں کو گرفتار کرلیا ہے جبکہ باقی افراد فرار ہونے میں کامیاب ہوگئے۔

ملزموں کے قبضے سے خطرناک اسلحہ اور 3گرنیڈ بھی قبضے میں لے لیے گئے، دونوں گرفتار افراد کو تفتیش کیلئے نامعلوم مقام پر منتقل کردیا گیا ہے، پولیس کے مطابق کالعدم تنظیم کے ارکان علاقے میں کسی بڑی واردات کیلئے موجود تھے، فرار ہونے والے افراد کی گرفتاری کیلئے علاقے میں سرچ آپریشن شروع کردیا گیا ہے۔

پشاور کے علاقے اعجاز آباد میں مکان کے باہر نصب بارودی مواد زوردار دھماکہ سے کئی عمارتوں اور دکانوں کے شیشے ٹوٹ گئے۔

پولیس ذرائع کے مطابق نامعلوم افراد مکان کے باہر بارودی مواد رکھ کر فرار ہوگئے تھے، جس کے بعد بارودی مواد زور دار دھماکے سے پھٹ گیا، دھماکے کی وجہ سے مکان اور قریبی عمارتوں کے شیشے ٹوٹ گئے جبکہ مکان کو جزوی نقصان پہنچا۔

پولیس کے مطابق بارودی مواد ایک سے ڈیڑھ کلو تھا، پولیس نے تھانہ گلبہار میں نامعلوم افراد کیخلاف مقدمہ درج کرکے ملزمان کی تلاش شروع کردی ہے۔