ماہرین کا کہنا ہے کہ ہم اپنے دماغ کو جتنا زیادہ کام کرنے پر مجبور کریں گے اتنا ہی وہ فعال ہوتا جائے گا۔ کم کام کرنے والا دماغ آہستہ آہستہ سست اور غیر فعال ہوتا جاتا ہے جس کا نتیجہ غائب دماغی کی صورت میں نکلتا ہے۔
دماغ کو فعال کرنے کے لیے ماہرین چھوٹی چھوٹی مشقیں بتاتے ہیں جن میں سب سے آسان مشق حساب کے سوالات حل کرنا یا کوئی پہیلی بوجھنا ہے۔
اسی لیے ہم آپ کے دماغ کی ورزش کے لیے آج آپ کو ایک ملزم کی گرفتاری کا معاملہ بتا رہے ہیں جس میں آپ کو بتانا ہے کہ پولیس نے ملزم کو کیسے پکڑا۔
امریکا میں چوری کی ایک واردات میں پولیس نے ان خاتون کو دھر لیا جو اپنے گھر سے آرہی تھیں۔
ایک سرد صبح جب ہر شے برف سے ڈھکی ہوئی تھی، پولیس کو چوری کی اطلاع ملی اور وہ جائے وقوع پر پہنچی تو انہیں وہاں ایک خاتون دکھائی دیں۔
خاتون نے ایک گھر کی طرف اشارہ کر کے بتایا کہ وہ ان کا گھر ہے اور وہ کچھ ضروری سامان لینے باہر نکلی ہیں۔
لیکن جب پولیس نے غور کیا تو انہی خاتون کو مجرم پایا اور انہیں گرفتار کرلیا، کیا آپ تصویر دیکھ کر بتا سکتے ہیں کہ پولیس نے ان خاتون کو کس بنیاد پر گرفتار کیا؟
⬇
⬇
⬇
⬇
⬇
⬇
⬇
⬇
⬇
⬇
دراصل پولیس نے جب برف پر قدموں کے نشانات کا جائزہ لیا تو انہوں نے دیکھا کہ خاتون کے قدموں کے نشانات دروازے کے بجائے کھڑکی سے شروع ہورہے ہیں۔
اس کا واضح مطلب یہ تھا کہ خاتون کھڑکی کے راستے باہر آئیں، اور اس کی ضرورت انہیں اس لیے پڑی کیونکہ انہوں نے کھڑکی کے راستے اس گھر میں نقب لگائی اور چوری کر کے اسی راستے سے واپس آگئیں، جبکہ پولیس کو دھوکا دینے کے لیے انہوں نے اس گھر کو اپنا گھر بتایا۔
