Tag: پولیس

پشاور: خیبرپختونخوا میں پولیس نے اہم کارروائی کرتے ہوئے اغوا برائے تاوان کا ملزم گرفتار کرکے مغوی بازیاب کرالیا۔

اے آر وائی نیوز کے مطابق پولیس کی جانب سے یہ کارروائی پشاور میں کی گئی۔ پولیس کا کہنا ہے کہ دوسری جماعت کے طالب علم کاشان کو گھر کے باہر سے اغوا کیا گیا تھا۔

ملزم حسنین نے 7سالہ بچے کی رہائی کے لیے چچا سے 7لاکھ روپے تاوان بھی مانگا تھا۔

پولیس نے فون کال ٹریس کرکے کارروائی کی اور بچے کو بازیاب کرا لیا۔ بچے کے اغوا میں ملوث 2مرد اور 4خواتین گرفتار ہوئے، متعلقہ اداروں نے دیگر قانونی کارروائیاں تیز کردی ہیں۔

خیال رہے کہ گزشتہ سال فروری میں کراچی کے علاقے شرافی گوٹھ پولیس نے کارروائی کرتے ہوئے محمود آباد سے اغوا کیے گئے بچے کو بازیاب کرایا تھا۔ ملک میں بچوں کے اغوا کے واقعات میں دن بہ دن اضافہ دیکھنے میں آرہا ہے۔

کراچی: شرافی گوٹھ پولیس نے محمود آباد سے اغوا کیا گیا بچہ بازیاب کرا لیا

یاد رہے کہ گزشتہ سال سندھ حکومت نے بچوں کے خلاف مختلف جرائم جیسے اغوا، گم شدگی اور زیادتی کے بڑھتے واقعات کے پیشِ نظر چائلڈ ہیلپ لائن 1121 قائم کی، محکمہ سماجی بہبود کے تحت قائم کردہ ہیلپ لائن 24 گھنٹے کام کرے گی جس میں بچوں سے متعلق مختلف شکایات لی جائیں گی، ہیلپ لائن کا مرکزی دفتر کراچی میں ہوگا۔

کراچی: شہرقائد میں پولیس نے اہم کارروائی کرتے ہوئے اسٹریٹ کرائم میں ملوث متحرک گروہ کو گرفتار کرلیا، گرفتار ملزمان کئی شہریوں سے موبائل فون، نقدی اور قیمتی اشیاء چھین چکے ہیں۔

اے آر وائی نیوز کے مطابق گلشن اقبال پولیس نے کارروائی کرتے ہوئے 6رکنی اسٹریٹ کرمنل گروہ گرفتار کیا، گرفتار گروہ 50 سے زائد اسٹریٹ کرائم کی وارداتوں میں ملوث ہے۔ پولیس کا کہنا ہے کہ گروہ کی وارداتوں کی کئی سی سی ٹی وی فوٹیج بھی سامنے آچکی ہیں۔ ملزمان سے اسلحہ، چوری شدہ موبائل فونز اور نقدی سمیت 3 موٹر سائیکلیں برآمد کی گئی ہیں۔

پولیس کے مطابق گرفتار ملزمان میں سلیم، سہیل، علی نواز، شکیل احمد، عظیم اور وسیم شامل ہیں۔ ملزمان گلشن، گلستان جوہر، شارع فیصل، مبینہ ٹاؤن اور نارتھ کراچی میں وارداتیں کرتے تھے۔ گرفتار ملزمان کے خلاف مقدمات درج کر کے مزید تفتیش کا آغاز کردیا گیا ہے۔

خیال رہے کہ شہرقائد میں اسٹریٹ کرمنل سرگرم ہوچکے ہیں، شہری دن دہاڑے اپنی قیمتی اشیاء، نقدی اور موبائل فون سے محروم ہوجاتے ہیں، کئی بار تو ڈاکو موٹر بائیک بھی ساتھ لے جاتے ہیں۔

کراچی: شہرقائد میں کچرا کنڈی سے بچے کی لاش برآمد ہوئی ہے، پولیس نے تحقیقات کا آغاز کردیا۔

تفصیلات کے مطابق کراچی کے علاقے بلوچ ہوٹل کے قریب کچرا کنڈی سے بچے کی لاش ملی ہے، لاش کو سرد خانے منتقل کردیا گیا، پولیس نے معاملے سے متعلق تحقیقات کا آغاز کردیا۔

ذرائع کا کہنا ہے کہ پولیس کی جانب سے بچے کی لاش کی شناخت یقینی بنائی جائے گی۔ متعلقہ اداروں نے تحقیقات شروع کردی۔ خیال رہے کہ کچرا کنڈی سے نومولود بچوں کی لاشیں ملنا کوئی نئی بات نہیں اس سے قبل بھی متعدد واقعات رونما ہوچکے ہیں۔ کبھی کبھار تو بچے زندہ حالت میں بھی پائے گئے۔

گزشتہ سال دسمبر میں سرجانی ٹاؤن سیون بی میدان سے بوری میں بند خاتون کی سر کٹی لاش برآمد ہوئی تھی، پولیس کا کہنا تھا کہ مقتولہ کو کسی اور مقام پر قتل کرنے کے بعد لاش مذکورہ مقام پر پھینکی گئی۔

کچرا کنڈی سے خاتون کی سر کٹی بوری بند لاش برآمد

ریسکیو کا کہنا تھا کہ خاتون کو گلا کاٹ کر قتل کیا گیا، پولیس نے لاش تحویل میں لے کر شناخت کے لیے اسپتال منتقل کی، پولیس نے بتایا کہ خاتون کا سر کاٹ کر لاش بوری میں بند کر کے پھینکی گئی، قتل کسی اور جگہ کیا گیا۔