ARYNews.tv | Urdu – Har Lamha Bakhabar

Tag: پولیس

  • لاہورمیں شوہرکے ظالمانہ تشدد سے بیوی زخمی

    لاہورمیں شوہرکے ظالمانہ تشدد سے بیوی زخمی

    لاہور: صوبہ پنجاب کے دارالحکومت لاہور میں شوہر کے ہاتھوں تشدد سے بیوی زخمی ہوگئی، متاثرہ خاتون کو اسپتال منتقل کردیا گیا۔

    تفصیلات کے مطابق لاہورمیں گھریلوتشدد کا ایک اورواقعہ سامنے آگیا، گرین ٹاؤن میں شوہر کے ظالمانہ تشدد سے بیوی زخمی ہوگئی۔

    متاثرہ خاتون نے شوہرکے خلاف تھانہ گرین ٹاؤن میں درخواست دے دی، خاتون کومیڈیکل کے لیے جناح اسپتال منتقل کردیا گیا۔

    پولیس حکام کے مطابق ملزم سنی کی گرفتاری کے لیے چھاپے مارے جا رہے ہیں، میڈیکل رپورٹ کے بعد مزید قانونی کارروائی عمل میں لائی جائے گی۔

    فیصل آباد : سفاک شوہر نے بیوی کی زبان کاٹ دی، ملزم گرفتار

    یاد رہے کہ گزشتہ روز فیصل آباد کے علاقے تھانہ صدر پنڈی بھٹیاں کی حدود میں گھریلو جھگڑے کے بعد شوہر نے بیوی پر بہیمانہ تشدد کیا

    پولیس کے مطابق ملزم جہانگیر نے گھریلو جھگڑے کے بعد اپنی بیوی نسرین کی زبان کاٹ دی تھی، ملزم کو گرفتار کرلیا گیا۔

    واضح رہے کہ 27 مارچ کو اسما کے شوہر نے بہیمانہ تشدد کے بعد اس کے بال مونڈھ دیے تھے، وفاقی وزیربرائے انسانی حقوق شیریں مزاری نے واقعے کا نوٹس لیا تھا جس کے بعد پولیس نے خاتون کے شوہر سمیت 2 افراد کو گرفتار کرلیا تھا۔

  • ڈی جی خان میں سی ٹی ڈی کی کارروائی‘1 دہشت گرد گرفتار

    ڈی جی خان میں سی ٹی ڈی کی کارروائی‘1 دہشت گرد گرفتار

    لاہور: صوبہ پنجاب کے شہر ڈیرہ غازی خان میں سی ٹی ڈی نے کارروائی کرتے ہوئے کالعدم تنظیم کے دہشت گرد کو گرفتار کرلیا۔

    تفصیلات کے مطابق ڈیرہ غازی خان میں سی ٹی ڈی نے کارروائی کے دوران ایک دہشت گرد کو گرفتار کرکے دستی بم اور اہم دستاویزات برآمد کرلیں۔

    ترجمان سی ٹی ڈی کے مطابق دہشت گرد جمشید کالعدم تنظیم کو مالی معاونت فراہم کرتا تھا، گرفتار دہشت گردکا تعلق کالعدم لشکرجھنگوی سے ہے۔

    سی ٹی ڈی حکام کا کہنا ہے کہ دہشت گرد کی نشاندہی پر فرخ اوراس کے والد کوبھی گرفتارکیا گیا ہے، فرخ اوراس کا والد کالعدم تنظیموں کوفنڈزدیتا تھا۔

    لورالائی میں سیکیورٹی فورسز کی کارروائی، 4 دہشت گرد ہلاک

    یاد رہے کہ 3 روز قبل صوبہ بلوچستان کے علاقے لورالائی میں سیکیورٹی فورسز کی کارروائی میں 2 خودکش بمباروں سمیت 4 دہشت گرد ہلاک ہوگئے تھے۔

    آئی ایس پی آر کے مطابق کارروائی میں بلوچستان میں حالیہ دہشت گردی کا ماسٹر مائنڈ بھی ہلاک ہوگیا۔ ہلاک ماسٹر مائنڈ کا تعلق کالعدم تحریک طالبان پاکستان سے تھا۔

    پاک فوج کے شعبہ تعلقات عامہ کا کہنا تھا کہ دہشت گرد زیارت میں 6 لیویز اہلکاروں کو شہید کرنے میں ملوث تھے۔ ہلاک دہشت گردوں سے بھاری مقدار میں گولہ بارود بھی برآمد کیا گیا تھا۔

  • مظفرگڑھ : بس اور ٹرک میں تصادم‘ 3 افراد جاں بحق

    مظفرگڑھ : بس اور ٹرک میں تصادم‘ 3 افراد جاں بحق

    مظفرگڑھ : صوبہ پنجاب کے شہر مظفرگڑھ میں مسافر بس اور تیز رفتاری کے باعث ٹرک سے ٹکرا گئی جس کے نتیجے میں 3 افراد جاں بحق جبکہ درجنوں زخمی ہوگئے۔

    تفصیلات کے مطابق مظفرگڑھ میں سلطان کالونی دری اڈے کے قریب مسافر بس اور ٹرک میں تصادم کے نتیجے میں 3 افراد جان کی بازی ہار گئے۔

    ریسکیو حکام کے مطابق ٹریفک حادثے میں 20 افراد زخمی بھی ہوئے، بس میں پھنسے مسافروں کو نکال کر طبی امداد کے لیے اسپتال منتقل کردیا گیا۔

    پولیس حکام کا کہنا ہے کہ حادثے کا شکار ہونے والی بس سخی سرور سے فیصل آباد جا رہی تھی۔

    گوجرانوالہ میں بس حادثہ ‘ 1 شخص جاں بحق ‘ 15 زخمی

    یاد رہے کہ رواں سال جنوری میں صوبہ پنجاب کے شہر گوجرانوالہ میں تیزرفتار بس فٹ پاتھ سے ٹکرا کرالٹ گئی تھی جس کے نتیجے میں ایک شخص جان کی بازی ہار گیا تھا۔

    پولیس کے مطابق بس جڑانوالہ سے سیالکوٹ ایئرپورٹ جارہی تھی، حادثے کا شکار ہونے والی بس میں عمرہ عازمین سوارتھے۔

    ڈی جی خان: خطرناک ٹریفک حادثہ، 4 افراد جاں بحق

    واضح رہے کہ گزشتہ سال دسمبرمیں پنجاب کے شہر ڈیرہ غازی خان میں انڈس ہائی وے پر پائیگاہ کے قریب کار اور ٹرک میں ٹکر ہوئی تھی جس کے باعث 4 افراد زندگی کی بازی ہار گئے تھے۔

    جاں بحق ہونے والوں میں ماں اور بیٹا بھی شامل تھے جبکہ حادثے میں ایک بچی بھی شدید زخمی ہوئی۔

  • کراچی میں ٹارگٹ کلنگ کی تازہ لہر، نئے گروہ ملوث نکلے

    کراچی میں ٹارگٹ کلنگ کی تازہ لہر، نئے گروہ ملوث نکلے

    کراچی: شہرقائد میں ٹارگٹ کلنگ کی تازہ لہر میں نئے گروہ کے سرگرم ہونے کا انکشاف ہوا ہے، یوسف پلازہ اور یوپی موڑ پر جائے وقوعہ سے ملنے والے خول میچ کرگئے۔

    تفصیلات کے مطابق پولیس حکام نے انکشاف کیا ہے کہ یوسف پلازہ پر گزشتہ روز پھل فروش شہزاد قریشی کو جس ہھتیار سے ٹارگٹ کیا گیا تھا، اسی ہتھیار سے بائیس فروری کو یوپی موڑ پر ہائی روف کو نشانہ بنایا گیا تھا۔

    پولیس کے مطابق مذکورہ واقعے کے نتیجے میں نصیب اللہ اور نورعلی جاں بحق اور ایک شخص زخمی ہوا تھا، دونوں واقعات میں ملنے والے خول میچ کرگئے ہیں۔

    یاد رہے گذشتہ دنوں کراچی کے علاقے نرسری میں فائرنگ کا واقعہ پیش آیا، واقعے میں مولانا مفتی تقی عثمانی کی 2 گاڑیوں کو نشانہ بنایا گیا، فائرنگ میں ایک گاڑی میں موجود سیکیورٹی گارڈ جاں بحق اور ڈرائیور زخمی ہوگیا، جبکہ مولانا تقی عثمانی دوسری گاڑی میں ہونے کے باعث محفوظ رہے تھے۔

    انسپکٹر جنرل (آئی جی) سندھ ڈاکٹر کلیم امام نے میڈیا سے گفتگو کرتے ہوئے مولانا کے خیریت سے ہونے کی تصدیق کرتے ہوئے کہا تھا کہ پولیس جوان نے اپنی جان پر کھیل کر مولانا صاحب کی جان بچائی۔

    کراچی: مفتی تقی عثمانی پر قاتلانہ حملے کی تحقیقات میں اہم پیش رفت

    وزیراعلیٰ سندھ سید مراد علی شاہ نے آئی جی سندھ ڈاکٹر کلیم امام سےواقعے کی رپورٹ طلب کرتے ہوئے واقعے میں ملوث کرداروں کو جلد ازجلد کیفر کردار تک پہنچانے کی ہدایت کی تھی اور ساتھ ہی ساتھ انہوں نے مساجد اور علمائے کرام کی سیکیورٹی بڑھانے کی بھی ہدایت کی۔

  • پریس کلب پر احتجاج کرتے اساتذہ کی ریڈ زون میں داخلے کی کوشش، آنسو گیس کی شیلنگ

    پریس کلب پر احتجاج کرتے اساتذہ کی ریڈ زون میں داخلے کی کوشش، آنسو گیس کی شیلنگ

    کراچی: صوبہ سندھ کے دارالحکومت کراچی میں پریس کلب کے باہر احتجاج کرتے اساتذہ نے ریڈ زون میں داخل ہونے کی کوشش کی، پولیس نے مظاہرین کو منتشرکرنے کے لیے آنسو گیس کی شیلنگ شروع کردی۔

    تفصیلات کے مطابق کراچی پریس کلب کے باہر محو احتجاج اساتذہ نے ریڈ زون میں داخل ہونے کی کوشش کی جس کے بعد تصادم کی صورتحال پیدا ہوگئی۔

    پولیس نے مظاہرین کو ریڈ زون میں داخل ہونے سے روکنے کی کوشش کی، اپنی کوشش میں ناکامی کے بعد مظاہرین کو منتشرکرنے کے لیے پولیس نے آنسو گیس کی شیلنگ شروع کردی۔

    اس دوران مظاہرین نے پولیس اور انتظامیہ کے خلاف نعرے بازی بھی شروع کردی جبکہ پولیس، مظاہرین اور وہاں موجود دیگر افراد کے درمیان دھکم پیل بھی دیکھنے میں آئی۔

    ناخوشگوار صورتحال کے پیش نظر پولیس کی مزید نفری موقع پر پہنچ گئی۔ پولیس نے کئی مظاہرین کو حراست میں بھی لے لیا ہے۔

    مذکورہ مظاہرین اساتذہ گروپ انشورنس اور پروموشن کے لیے احتجاج کر رہے ہیں، نمائندہ اے آر وائی نیوز کے مطابق تاحال مظاہرین کو مذاکرات کی پیشک نہیں کی گئی۔

  • راجن پور: پسند کی شادی کی رنجش پرفائرنگ‘ 3 افراد قتل

    راجن پور: پسند کی شادی کی رنجش پرفائرنگ‘ 3 افراد قتل

    راجن پور: صوبہ پنجاب کے علاقے راجن پور میں پسند کی شادی کی رنجش پرفائرنگ سے 3 افراد جاں بحق جبکہ 4 زخمی ہوگئے۔

    تفصیلات کے مطابق راجن پور کے علاقے بستی لاکھا میں رات گئے 2 مسلح گروپوں میں تصادم ہوا جس کے نتیجے میں فائرنگ سے 3 افراد جان کی بازی ہارگئے جبکہ 4 زخمی ہوگئے۔

    فائرنگ کے واقعے کی اطلاع ملتے ہی پولیس کی بھاری نفری موقع پر پہنچی اور زخمیوں کو ڈسٹرکٹ اسپتال راجن پور منتقل کیا۔

    پولیس حکام کے مطابق مقتولین میں پسند کی شادی کرنے والا مجید، اس کی والدہ شامل ہیں، فائرنگ کے واقعے میں ایک حملہ آور بھی مارا گیا۔

    پولیس حکام کا کہنا ہے کہ 3 سال قبل مجید اور فرزانہ نے پسند کی شادی کی تھی جس پر لڑکی کے خاندان کو رنج تھا، مبینہ طورپرلڑکی کے رشتہ داروں نے مجید کے گھر پرفائرنگ کی۔

    پولیس حکام کے مطابق ملزمان کی گرفتاری کے لیے ٹیمیں تشکیل دے دی گئی ہیں، ملزمان کو جلد گرفتارکرلیا جائے گا۔

    لاہور: سیشن کورٹ کے احاطے میں فائرنگ‘ نوجوان قتل

    یاد رہے کہ گزشتہ ماہ لاہور کی سیشن کورٹ میں تین موٹرسائیکل سواروں نے فائرنگ کرکے نوجوان کو قتل کردیا تھا، ملزمان جائے وقوعہ سے باآسانی فرار ہونے میں کامیاب ہوگئے تھے۔

    پولیس حکام کے مطابق فائرنگ سے جاں بحق ہونے والے نوجوان کی شناخت بلال عظیم کے نام سے ہوئی ہے جو مغل پورہ کا رہائشی تھا۔

    مقتول بلال ایڈیشنل سیشن جج کی عدالت میں پسند کی شادی کے کیس کے سلسلے میں پیشی پرآیا تھا۔

  • کراچی میں پولیس نے برقع پوش ڈاکوؤں کو دھر لیا

    کراچی میں پولیس نے برقع پوش ڈاکوؤں کو دھر لیا

    کراچی: شہرقائد میں برقع پہن کر واردات کرنے والے دو ڈاکو پولیس نے دھر لیے، ملزمان کے قبضے سے اسلحہ برآمد کرلیا گیا۔

    تفصیلات کے مطابق کراچی کے علاقے لیاقت آباد سے برقع پہن کر ڈاکے مارنے والے دو ڈاکو قانون کے شکنجے میں آگئے، پولیس نے کامیاب کارروائی میں نعمان اور فیاض نامی ملزمان کو گرفتار کرلیا۔

    پولیس حکام کا کہنا ہے کہ گرفتار اسٹریٹ کرمنلز خواتین کا روپ دھار کر ڈکیتیاں کرتے تھے، برقع پوش ملزم موٹرسائیکل پر پیچھے بیٹھا کرتا تھا۔

    پولیس کے مطابق برقع پوش اور ساتھی ملزم واردات کے دوران مسلح رہتے تھے، ملزمان کے قبضے سے دو ہتھیار اور رقم برآمد کرلی گئی، گرفتار ملزمان کے نام نعمان اور فیاض ہیں۔

    کراچی سمیت ملک کے مختلف شہروں میں ایسے واقعات نئے نہیں، اس سے قبل بھی برقع پوش ملزمان گرفتار کیے جاچکے ہیں۔

    خیال رہے کہ گذشتہ سال ستمبر میں کراچی میں پولیس نے 2 ملزمان انیس اور بابر حسین کو گرفتار کرکے اسلحہ موٹر سائیکل برآمد کی تھی۔

    کراچی: رینجرز سے مقابلہ، ایک ڈاکو گرفتار جبکہ ڈاکوئوں کی فائرنگ سے شہری جاں بحق

    پولیس کا کہنا تھا کہ ملزمان نے 25سے زائد وارداتیں کرنے کا اعتراف کیا، ملزم انیس اپنے ساتھی بابر حسین کے ساتھ موٹر سائیکل پر برقع پہن کر مختلف علاقوں میں شہریوں کو ایڈریس پوچھنے کے بہانے روکتا اور اسلحہ دکھا کر لوٹ لیتا تھا۔

  • گوجرانوالہ: اسکول کی دیوار گرنے سے خاتون ٹیچرسمیت 6 بچے جاں بحق

    گوجرانوالہ: اسکول کی دیوار گرنے سے خاتون ٹیچرسمیت 6 بچے جاں بحق

    گوجرانوالہ: صوبہ پنجاب کے شہر گوجرانوالہ میں اسکول کی دیوار گرنے سے 5 بچے اور خاتون ٹیچر جاں بحق ہوگئے۔

    تفصیلات کے مطابق گوجرانوالہ میں کشمیر روڈ پر واقع ماڈل اسکول میں یوم پاکستان کے حوالے سے تقریب جاری تھی کہ اچانک اسکول کی دیوار گر گئی۔

    اسکول کی دیوار گرنے سے ملبے تلے دب کر خاتون ٹیچرسمیت 6 بچے جاں بحق ہوگئے جبکہ 20 بچے شدید زخمی ہوگئے۔

    حادثے کی اطلاع ملتے ہی ریسکیو اہلکار موقع پر پہنچے اور دیوار تلے دبے بچوں کو نکالا اور اسپتال منتقل کیا گیا۔

    وزیراعلیٰ پنجاب سردار عثمان بزاد نے گوجرانوالہ میں اسکول کی دیوارگرنے پرنوٹس لیتے ہوئے کہا کہ حادثے کی رپورٹ پیش کی جائے اور ذمہ داروں کے خلاف قانونی کارروائی کی جائے۔

    سردار عثمان بزدار نے کہا کہ افسوس ناک حادثے میں زخمی ہونے والے بچوں کو ہرممکن طبی سہولتیں فراہم کی جائیں۔

    یاد رہے کہ گزشتہ ماہ گوجرانوالہ کے علاقے اروپ میں اسکول کی چھت گرنے سے ایک استاد جاں بحق جبکہ 2 افراد زخمی ہوگئے تھے۔

    واضح رہے کہ 23 فروری 2019 کو نوشہرہ کے علاقے محب بانڈہ میں اسکول کی دیوار گرنے سے 2 بچے جاں بحق ہوگئے تھے۔

  • سندھ پولیس میں اصلاحات کے لیے کمیٹی قائم

    سندھ پولیس میں اصلاحات کے لیے کمیٹی قائم

    کراچی: انسپکٹر جنرل (آئی جی) سندھ کلیم امام کا کہنا ہے کہ سندھ پولیس میں اصلاحات کے لیے ریفارمز کمیٹی قائم کردی گئی ہے جس کے تحت تھانہ کلچر اور پولیس کے خلاف شکایات کا ازالہ 7 دن کے اندر کرنا ہوگا۔

    تفصیلات کے مطابق سندھ پولیس میں اصلاحات کے لیے ریفارمز کمیٹی قائم کردی گئی۔ انسپکٹر جنرل (آئی جی) سندھ کلیم امام کا کہنا ہے کہ کمیٹی کی تشکیل لا اینڈ جسٹس آف پاکستان کی رپورٹ پر کی گئی۔

    آئی جی کا کہنا تھا کہ تھانہ کلچر اور پولیس کے خلاف شکایات کا ازالہ متعلقہ سپریٹنڈنٹ پولیس (ایس پی) کرے گا، متعلقہ افسر 7 دن کے اندر سائل کی شکایت کا ازالہ کرے گا۔ سائل کو ایف آئی آر کے لیے عدالت سے رجوع نہیں کرنا پڑے گا۔

    انہوں نے کہا کہ شکایت پر اہلکار یا افسر کو عہدے سے ہٹا کر انکوائری کی جائے گی، سنگین جرم یا زیادتی میں ملوث اہلکار یا افسر نوکری سے برخاست ہوگا۔ شکایت درج نہ کرنے پر جسٹس آف پیس خود پولیس کے پاس جائے گا۔

    آئی جی سندھ کلیم امام کے مطابق شکایت کنندہ سے حلف نامہ کے تحت پولیس کے خلاف کارروائی ہوگی۔

    خیال رہے کہ اس سے قبل آئی جی سندھ کلیم امام نے ایک تقریب سے خطاب کرتے ہوئے کہا تھا کہ پولیس ریفارمز کمیٹی / پولیس اصلاحات جیسے اقدامات اٹھانے اور ان پر عمل درآمد سے بالخصوص کرمنل جسٹس سسٹم کو صوبائی سطح پر مؤثر اور مربوط بنایا جاسکے گا۔

    ان کے مطابق ریفارمز سے کیسز کی تفتیش، تحقیق اور چھان بین سے متعلق مجموعی کاوشوں اور ترجیحات کو نہ صرف تقویت ملے گی بلکہ اس عمل سے پولیس کارکردگی پر بھی مثبت اور نمایاں اثرات مرتب ہوں گے۔

    انہوں نے بتایا تھا کہ 200 سے زائد انسپکٹرز برائے انویسٹی گیشن، 170 انسپکٹر برائے قانون اور 30 پی ڈی ایس پیز کو کیریئر گروتھ پلان اور ٹی او آرز کی ریکروٹمنٹ بھی کی جارہی ہے اور ساتھ ہی انویسٹی گیشن پر اٹھنے والے اخراجات میں بھی اضافہ کردیا گیا ہے اور فارنزک تفتیش کا باقاعدہ نصاب تشکیل دیا جاچکا ہے۔

    آئی جی کے مطابق سندھ پولیس نے ضلعی سطح پر عوامی شکایات ازالہ میکنزم باقاعدہ تشکیل دے دیا ہے جس کے تحت بالخصوص پولیس کے خلاف ملنے والی مختلف نوعیت کی شکایات پر ہر سطح پر ازالہ یقینی بنایا جارہا ہے۔

  • اٹک میں مکان کی چھت گرنے سے 6 افراد جاں بحق

    اٹک میں مکان کی چھت گرنے سے 6 افراد جاں بحق

    اٹک : صوبہ پنجاب کے شہر اٹک میں مکان کی چھت گرنے سے 2 خواتین سمیت 6 افراد جاں بحق ہوگئے۔

    تفصیلات کے مطابق اٹک کے گاؤں اڑانگ میں مکان کی چھت گرنے سے 4 بچوں سمیت 6 افراد جان کی بازی ہار گئے۔

    افسوس ناک واقعے کی اطلاع ملتے ہی ریسکیو اہلکار جائے وقوعہ پر پہنچے اور حادثے میں جاں بحق ہونے والے افراد کی لاشیں نکال لیں۔

    پولیس حکام کے مطابق جاں بحق افراد کی لاشوں کواسپتال منتقل کردیا گیا ہے، مرنے والوں میں 2 خواتین اور 4 بچے شامل ہیں۔

    لودھراں میں مکان کی چھت گرنے سے 2 افراد جاں بحق

    یاد رہے کہ گزشتہ ماہ لودھراں کے علاقے بستی سرداروالی میں مکان کی چھت گرنے سے ماں اور بیٹی جان کی بازی ہار گئی تھیں۔

    پشین میں مکان کی چھت گرنے سے4 بچے جاں بحق

    واضح رہے کہ 5 فروری 2019 کو بلوچستان میں ضلع پشین کے علاقے یعقوب کالونی میں مکان کی چھت گرنے سے 4 بچے جان کی بازی ہار گئے تھے۔

    پولیس حکام کے مطابق حادثے میں جاں بحق ہونے والے بچوں کا تعلق ایک ہی خاندان سے تھا۔