ARYNews.tv | Urdu – Har Lamha Bakhabar

Tag: پولیس

  • کراچی میں پولیس کی کارروائیاں‘ 17 گرفتار

    کراچی میں پولیس کی کارروائیاں‘ 17 گرفتار

    کراچی: شہرِ قائد میں جرائم پیشہ افراد کے خلاف قانون نافذ کرنے والے اداروں کا کریک ڈاؤن آپریشن جاری ہے‘ مختلف علاقوں میں کارروائی کے دوران 17 ملزمان گرفتار لرلیے گئے۔

    تفصیلات کے مطابق کراچی کے علاقے اورنگی ٹاون میں پولیس کی جانب سے سرچ آپریشن کیا گیا‘ گھر گھر تلاشی کے دوران کالعدم جماعت کا کارندہ ملزم قاری عبدالسلام کو گرفتار کرلیا گیا ہے۔

    ایس پی اورنگی ٹاؤن عابد بلوچ کے مطابق گرفتار ملزم کالعدم لشکر جھنگوی کے امیر کا قریبی ساتھی ہے اور اس کی گرفتاری سے متعدد وارداتوں کا سراغ ملنے کا امکان ہے ۔

    سینٹرل جیل سے قیدیوں کے فرارمیں جیل حکام ملوث نکلے

    دوسری جانب کراچی پولیس نے مختلف مقامات پر کارروائی کرتے ہوئے مزید 14 افراد کو گرفتار کرلیا گیا ہے۔ گرفتار ملزمان سے سیاسی کارکنان کے قتل کے حوالے سے پوچھ گچھ جاری ہے۔

    دوسری جانب گلبرگ پولیس نے جرائم پیشہ افراد کے خلاف کارروائی کے دوران 2 اسٹریٹ کریمنلز دھر لیے ہیں۔ پولیس کے مطابق گرفتار ملزمان سے اسلحہ اور مسروقہ موٹر سائیکل برآمد کرلیا گیا ہے۔

    یاد رہے کہ گزشتہ مہینے کراچی سنٹرل جیل سے لشکرِ جھنگوی سے تعلق رکھنے والا اورنگی ٹاؤن کا رہائشی ممتاز شیخ اپنے ساتھی سمیت جیل سے فرار ہوگیا تھا اور پولیس اس کی تلاش میں تاحال سرگرداں ہے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • کراچی : لیاقت آباد میں عمارت گرنےسے5افراد جاں بحق

    کراچی : لیاقت آباد میں عمارت گرنےسے5افراد جاں بحق

    کراچی: شہرقائد کےعلاقے لیاقت آباد میں واقع تین منزلہ رہائشی عمارت گرنے سے 5افراد جاں بحق جبکہ 9افراد زخمی ہوگئے۔

    تفصیلات کےمطابق کراچی کےعلاقےلیاقت آباد میں خستہ حال رہائشی عمارت زوردارنیچے آ گری جس کے نتیجے میں ملبے تلے دبنے سے عمارت میں موجود 5 افراد جاں بحق جبکہ9 افراد زخمی ہوگئے۔

    عمارت کےملبے دبے 9افراد کونکالنے کےبعد فوری طبی امداد کےلیے اسپتال منتقل کردیاگیاہے۔

    ریسکیو ذرائع کے مطابق عمارت کے ملبے تلے دبنے سے جاں بحق ہونے والے2 افراد میں 13 سالہ نوجوان اور 50سالہ شخص سمیت5 افراد شامل ہیں تاہم مزید کسی حادثے سے بچنے کے لیے اطراف کی عمارتوں کو خالی کرایا جارہا ہے۔

    دوسری جانب ڈپٹی کمشنر فریدالدین مصطفیٰ کا کہناہےکہ عمارت کےملبے سے8افراد کوریسکیو کیاگیاہے،امید ہےکہ ملبے تلےافرادکو نکالنے میں کامیاب ہوجائیں گے۔

    ڈپٹی کمشنرسینٹرل کا کہناتھاکہ مشینری 2گھنٹےلیٹ نہیں تھی،پہلےمینوئل کام کیاجاتاہے،ان کا کہناتھاکہ ہیوی مشینری کےاستعمال سےمزید جانی نقصان ہوسکتا ہے۔

    ادھرعلاقے کی رہائشی عینی شاہد خاتون کا کہنا ہے کہ گرنے والی عمارت کافی مخدوش تھی،جو رات ڈھائی بجے زوردار آواز سے زمین بوس ہوگئی، جس کی آواز سے ہماری آنکھ کھل گئی۔

    انہوں نے مزید بتایا کہ اس عمارت میں متعدد خاندان رہائش پذیر تھے، جبکہ اس کے نیچے دکانوں میں ہوٹل بھی قائم تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • لاہورمیں کھمبےسےرکشہ ڈرائیورکواتارلیاگیا

    لاہورمیں کھمبےسےرکشہ ڈرائیورکواتارلیاگیا

    لاہور: لاہورمیں رکشہ ڈرائیورکوکھمبےسےنیچےاتار لیا گیا۔رکشہ ڈرائیورچالان ہونےپراحتجاجاً کھمبےپرچڑھ گیاتھا۔

    تفصیلات کےمطابق لاہور کےعلاقےماڈل ٹاؤن کچہری کےسامنے ایک شخص کھمبےپر چڑھ گیا تھا جس پرریسکیو اہلکاروں نےاس سے مذاکرات کیےاوراس کےمطالبات تسلیم کرنےکا یقین دلایا۔جس کےبعد رکشہ ڈرائیورکونیچےاتارلیاگیا۔

    متاثرہ شخص کا کہناتھا وہ ایک رکشہ ڈرائیور ہے گزشتہ روز ٹریفک پولیس نے اس کا 1750 روپے کا چالان کر دیا تھا جس پرٹریفک پولیس کے رویے کےخلاف احتجاجاً پول پرچڑھ گیا تھا۔

    رکشہ ڈرائیور کا کہنا ہے میرا تعلق جھنگ سے ہے میری ایک بیٹی اوربیوی مریضہ ہے۔ ٹریفک پولیس کی جانب سےعائد بھاری جرمانہ ادا نہیں کرسکتا۔اس کا کہنا تھا کہ ٹریفک اہلکاروں کوتمام دستاویزات اورلائسنس دکھانے کےباوجود انہوں نےچالان کردیا۔

    اس موقع پرپولیس کی بھاری نفری،ریسکیو ٹیمیں اورایمبولینسز بھی موجود تھی جبکہ شہریوں کی بڑی تعداد بھی موقع پر موجود تھی۔

    واضح رہےکہ رکشہ ڈرائیور کو جب نیچے اتارا گیا تواس کے جسم پر زخموں کے نشان تھےریسکیو کی جانب سے ابتدائی طبی امداد دینے جانے کے بعد پولیس نےمتاثرہ شخص کو حراست میں لے لیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • پولیس نےخیبرپختونخواسےپنجاب اسلحہ اسمگلنگ کی کوشش ناکام بنادی

    پولیس نےخیبرپختونخواسےپنجاب اسلحہ اسمگلنگ کی کوشش ناکام بنادی

    ڈیرہ غازی خان: پولیس نےخیبرپختونخوا سےاسلحےکا بڑا ذخیرہ پنجاب اسمگل کرنےکی کوشش ناکام بنا دی۔

    تفصیلات کےمطابق ڈیرہ غازی خان پولیس نےترنمن چیک پوسٹ پر کارروائی کرتے ہوئے اسلحے سے بھری گاڑی تحویل میں لے کر خاتون سمیت دو ملزمان کو گرفتار کر لیا۔

    پولیس کے مطابق اسلحہ خیبر پختونخوا سے پنجاب اسمگل کیاجا رہا تھا جہاں اسےمبینہ طورپردہشت گردی کےلیےاستعمال کرنا تھا۔

    پولیس ذرائع کےمطابق گرفتارہونےوالےتینوں ملزمان کےخلاف تفتیش کا آغاز کردیا گیا ہے۔

    کوئٹہ پولیس پرفائرنگ‘جوابی کارروائی میں3دہشت گرد ہلاک

    یاد رہےکہ گزشتہ شب کوئٹہ میں پولیس اورسیکیورٹی فورسزسےفائرنگ کےتبادلےمیں3 دہشت گرد ہلاک ہوگئےتھے۔

    کوئٹہ فائرنگ، ایس پی قائدآباد سمیت 4 پولیس اہلکارشہید

    واضح رہےکہ گزشتہ روز یاد رہےکہ گزشتہ روزکوئٹہ میں نامعلوم مسلح افراد کی فائرنگ سےایس پی قائد آباد مبارک شاہ سمیت 4 پولیس اہلکار شہید ہوگئے تھے۔

    پولیس کے مطابق فائرنگ کا یہ واقعہ کوئٹہ کےعلاقے کلی دیبہ میں پیش آیاتھاجب مسلح افراد نےعلاقےمیں گشت کرتی پولیس موبائل پرفائرنگ کی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کوئٹہ پولیس پرفائرنگ‘جوابی کارروائی میں3دہشت گرد ہلاک

    کوئٹہ پولیس پرفائرنگ‘جوابی کارروائی میں3دہشت گرد ہلاک

    کوئٹہ: کوئٹہ میں پولیس اورسیکیورٹی فورسزسےفائرنگ کےتبادلے میں 3 دہشت گرد ہلاک ہوگئے۔

    تفصیلات کےمطابق کوئٹہ کےعلاقےعیسیٰ نگری میں مسلح افراد نےپولیس پیٹرولنگ پارٹی پرفائرنگ کردی۔پولیس کی جوابی کارروائی میں3 دہشت گرد ہلاک ہوئے۔

    پولیس نےدہشت گردوں سےملنےوالا اسلحہ بھی اپنےقبضےمیں لےلیا اوران کی لاشوں کوشناخت کےلیےسول اسپتال پہنچا دیا۔

    وزیراعلیٰ بلوچستان نےدہشت گردوں کےخلاف کارروائی پرپولیس کی کارکردگی پراطمینان کا اظہارکیا اورکہا کہ دہشت گردوں کی ہلاکت پولیس کی کارکردگی کا منہ بولتا ثبوت ہے۔

    نواب ثناء اللہ زہری کا کہنا تھا کہ دہشت گردوں کا آخری حد تک پیچھا کریں گےاورانہیں شکست دیں گے۔

    کوئٹہ فائرنگ، ایس پی قائدآباد سمیت 4 پولیس اہلکارشہید

    یاد رہےکہ گزشتہ روزکوئٹہ میں نامعلوم مسلح افراد کی فائرنگ سےایس پی قائد آباد مبارک شاہ سمیت 4 پولیس اہلکار شہید ہوگئے تھے۔

    واضح رہےکہ پولیس کے مطابق فائرنگ کا یہ واقعہ کوئٹہ کےعلاقے کلی دیبہ میں پیش آیاتھاجب مسلح افراد نےعلاقےمیں گشت کرتی پولیس موبائل پرفائرنگ کی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • رحیم یارخان میں پیٹرول سےبھرا ٹینکرالٹ گیا

    رحیم یارخان میں پیٹرول سےبھرا ٹینکرالٹ گیا

    رحیم یارخان : رحیم یارخان کےعلاقے کچی محمد خان میں آئل ٹینکر الٹ گیا،جس سےتیل بہنا شروع ہوگیا۔

    تفصیلات کے مطابق رحیم یار خان کےعلاقے کچی محمد خان میں آئل ٹینکر الٹ گیا جس کےنتیجےمیں سڑک پرتیل بہنا شروع ہوگیا۔ پولیس حادثے کی اطلاع ملتے ہی فوری طور پر جائے حادثہ پر پہنچ گئی۔

    پولیس نےعلاقے کو گھیرے میں لے کر لوگوں کو آگے آنے سے روک دیا جبکہ ہر قسم کی ٹریفک کی آمد و رفت بھی روک دی گئی ہے۔ پولیس کے مطابق جائے حادثہ پر ریسکیو کا کام جاری ہے جبکہ حادثے میں کسی قسم کا جانی نقصان نہیں ہوا۔

    گھوٹکی :کراچی جانے والا آئل ٹینکر الٹ گیا، قومی شاہراہ ٹریفک کے لئے بند

    یاد رہےکہ گزشتہ ہفتےحیدرآباد میں سپرہائی وے پر تھانہ بولاخان کےقریب آئل ٹینکر الٹ گیاتھاجس کے نتیجے میں ہزاروں لیٹر ڈیزل بہہ گیا تھا۔

    سانحہ بہاولپور: جاں بحق افراد کی تعداد 214 ہوگئی

    واضح رہےکہ عیدالفطر سے قبل احمد پور شرقیہ میں بڑا سانحہ ہوا تھا اور آئل ٹینکر پھٹنے سے آگ بھڑک اٹھی تھی جس کے نتیجے میں اب تک ہلاکتوں کی تعداد 2014 ہوچکی ہیں۔

    بعدازاں سانحہ احمد پور شرقیہ پر موٹر وے پولیس کی انکوائری رپورٹ جاری کی گئی تھی،غفلت برتنے پر ڈی ایس پی سمیت پانچ پولیس افسران اور چھ موٹروے پولیس اہلکار معطل کر دیے گئے تھے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • افغانستان میں مسلح افرادنے7 افراد کواغوا کےبعد قتل کر دیا

    افغانستان میں مسلح افرادنے7 افراد کواغوا کےبعد قتل کر دیا

    کابل : افغانستان کےصوبےفراہ سے مسلح افراد نے سات افراد کو اغوا کرنےکےبعد گولیاں مار کر ہلاک کردیا۔

    تفصیلات کے مطابق فراہ پولیس کے ترجمان اقبال بہار نے واقعے کا الزام طالبان پر عائد کرتے ہوئے کہا کہ افسوس ناک واقعہ اس وقت پیش آیا جب طالبان نے صوبائی دارالحکومت ہرات کو ملانے والی شاہراہ کو بند کرکےسات افراد کو مار دیا جبکہ دیگر9 افراد کویرغمال بنا لیا۔

    فراہ پولیس کے ترجمان کا کہنا تھا کہ افغان فورسز نے مغوی کی بازیابی اور شاہراہ کو کھولنے کے لیے کارروائی شروع کی اور سڑک کو کھول دیا جس کے بعد انہیں گولیوں سے چھلنی 7 لاشیں ملیں۔

    افغانستان کار بم دھماکہ، جاں‌ بحق افراد کی تعداد 34 ہوگئی

    پولیس ترجمان کا کہنا تھا کہ ہلاک افراد میں سے 6 عام شہری تھے اور ایک پولیس افسر تھا۔

    اقبال بہار کا کہنا تھا کہ یہ واضح نہیں ہے کہ مشتبہ دہشت گردوں نے انھیں کیوں اغوا کیا اور گولیاں مار کر قتل کیوں کیا جبکہ ہم دیگر مغویوں کے حوالے سے بھی غیر یقینی کا شکار ہیں۔

    واضح رہے کہ رواں ماہ کے آغاز میں افغانستان کے مغربی صوبے فراہ کے مرکزی شہرمیں 6 مزدورجاں بحق ہوئےتھےجب ان کی گاڑی سڑک کے کنارے نصب بم سے ٹکرائی تھی اورحکام نے اس کی ذمہ داری بھی طالبان پر عائد کردی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • سیہون شریف کےقریب ٹرک اوررکشےمیں تصادم‘ 5 افراد جاں بحق

    سیہون شریف کےقریب ٹرک اوررکشےمیں تصادم‘ 5 افراد جاں بحق

    سیہون : صوبہ سندھ کےشہرسیہون کےقریب تیزرفتار ٹرک اور رکشے کےتصادم کےنتیجے میں 5افراد جاں بحق ہوگئے۔

    تفصیلات کےمطابق سندھ کےشہرسیہون شریف کے قریب یہ حادثہ اس وقت پیش آیا جب ایک تیز رفتار مزدا ٹرک نے سامنے سے آنے والے رکشہ کو ٹکر مار دی جس کے نتیجے میں رکشہ میں سوار ایک ہی خاندان کے 5 افراد موقع پر ہی جاں بحق ہوگئے۔

    حادثے میں ایک ہی خاندان کے پانچ افراد جان کی بازی ہارگئے جبکہ 4افراد شدید زخمی ہوگئے ہیں جنہیں قریبی اسپتال منتقل کردیاگیا ہےجہاں انہیں طبی امداد دی جارہی ہے۔ جاں بحق افراد میں 2خواتین اور 1بچہ بھی شامل ہیں۔

    ریسکیو ذرائع کا کہنا ہے کہ حادثہ تیزرفتار مزدا ٹرک اور رکشہ کے تصادم کےنتیجے میں پیش آیا تاہم زخمیوں کو طبی امداد کے لیے قریبی اسپتال منتقل کردیا گیا ہے۔

    لیہ میں بس اورٹرک میں تصادم ‘ 11 افراد جاں بحق

    یاد رہےکہ چار روز قبل صوبہ پنجاب کے ضلع لیہ میں بس اور منی ٹرک میں تصادم کے نتیجے میں 11افراد جاں بحق جبکہ 21 افراد زخمی ہوگئےتھے۔

    ملتان ایمرسن کالج کے3 پروفیسرز ٹریفک حادثے میں جاں بحق

    واضح رہےکہ گزشتہ روزملتان ایمرسن کالج کے تین پروفیسر مری کے قریب ٹریفک حادثے میں جاں بحق ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • جرمنی میں سیاحوں کی بس میں آگ لگنے سے18 افراد ہلاک

    جرمنی میں سیاحوں کی بس میں آگ لگنے سے18 افراد ہلاک

    برلن: جرمنی میں سیاحتی بس حادثے کا شکار ہوگئی جس کےنتیجے میں 18 افراد ہلاک اور30 زخمی ہوگئے ہیں۔

    تفصیلات کےمطابق جرمنی کی ریاست باویریا میں سیاحوں کی بس ٹرالر سے ٹکراگئی جس کے بعد اس میں آگ بھڑک اٹھی اور بس مکمل طور پر جل کر تباہ ہوگئی۔

    حادثے کےنتیجے میں 18افراد ہلاک اور 30 زخمی ہوگئےجن میں سے بیشترکی حالت تشویش ناک ہے۔

    جرمن وزیرداخلہ کے مطابق حادثے کی وجوہات جاننے کی کوشش کی جارہی ہے تاہم بس کا حادثے کا شکار ہونا اور اتنی تیزی سے آگ لگنا سمجھ سے بالاتر ہے کیوں کہ اس وقت ٹریفک کی روانی بہت آہستہ تھی۔

    دوسری جانب ٹرالر کے ڈرائیور کو کسی قسم کا نقصان نہیں پہنچا جبکہ ڈرائیور کا کہنا تھا کہ ٹرالرکےٹائر سےٹکرانے کے بعد بس میں دھماکا ہوا اور آگ لگ گئی۔

    جرمنی میں مسافر ٹرین تصادم میں 10 افراد ہلاک، 150زخمی

    یاد رہےکہ گزشتہ سال فروری میں جرمنی میں دو مسافر ٹرینیں آپس میں ٹکرانے سےدس افراد ہلاک جبکہ ڈیڑھ سو سے زائد زخمی ہو گئےتھے۔

    برلن :کرسمس بازار میں ٹرک نےشہریوں کو کچل دیا، 12افرادہلاک

    واضح رہےکہ گزشتہ سال دسمبر میں جرمنی کے دارالحکومت برلن کے کرسمس بازار میں ٹرک نےشہریوں کو کچل دیاجس کے نتیجے میں کم سے کم 12 افراد ہلاک جبکہ 48 زخمی ہوگئےتھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • کشمور:بخشاپورمیں کوچ کی ٹکرسے3موٹر سائیکل سوار جاں بحق

    کشمور:بخشاپورمیں کوچ کی ٹکرسے3موٹر سائیکل سوار جاں بحق

    کشمور: صوبہ سندھ کےعلاقے بخشاپور کے قریب انڈس ہائی وے پر کوچ کی ٹکر سے 3 موٹرسائیکل سوار جان کی بازی ہار گئی۔

    تفصیلات کےمطابق صوبہ سندھ کےعلاقے بخشاپور کےقریب انڈس ہائی وے پرتیزرفتارکوچ نےآگے چلنے والی موٹرسائیکل کو ٹکر ماردی جس کےنتیجے میں موٹر سائیکل پر سوار تینوں افراد موقع پر ہی جاں بحق ہوگئے۔

    پولیس کا کہنا ہے کہ کوچ ڈرائیور کو جائے حادثہ سے گرفتار کرلیا گیا ہے تاہم جاں بحق ہونے والے افراد کی لاشوں کو ضابطے کی کارروائی کے بعد اسپتال پہنچا دیا گیا ہے۔

    دوسری جانب جامشورو میں انڈس ہائی وےپرکوچ اورٹرک میں تصادم کےنتیجے میں 2مسافر جاں بحق جبکہ 10 زخمی ہوگئے۔

    پولیس حکام کےمطابق جامشورو کےقریب حادثےکاشکارہونے والی کوچ کندھ کوٹ سےکراچی جارہی تھی۔

    کبیروالا: بس اور ٹرالر میں تصادم ‘7افراد جاں بحق

    یاد رہےکہ رواں ماہ 2 جون کو کبیروالا جھنگ روڈ پر مسافر بس اور ٹرالرمیں تصادم کے نتیجے میں 7مسافر جاں بحق اور6 شدید زخمی ہوگئے تھے۔

    ساہیوال میں بس اور ٹرالر میں تصادم‘4افراد جاں بحق

    واضح رہےکہ رواں برس 8 جنوری کو ساہیوال میں یوسف والا کے قریب مسافر بس اور ٹرالر میں تصادم کےنتیجےمیں4افراد جاں بحق متعدد زخمی ہوگئےتھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں