Tag: پولیس

برلن : جرمنی کےشہرڈسلڈورف کے ریلوے اسٹیشن پر نامعلوم افراد کے کلہاڑی سے حملے میں 5افراد زخمی ہوگئے۔

تفصیلات کےمطابق جرمنی کےشہرڈسلڈورف کےریلوے اسٹیشن پرنامعلوم افراد کےحملے میں پانچ افراد زخمی ہوئے۔پولیس کاکہناہےکہ حملے میں ملوث ایک مشتبہ شخص کو گرفتارکرلیاگیاہےجبکہ دوسرے کی تلاش جاری ہے۔

جرمنی کی پولیس نے سماجی رابطے کی ویب سائٹ ٹویٹر پر لوگوں سے درخواست کی ہےکہ وہ اس واقعے کے حوالے سے قیاس آرائیوں سے گریز کریں۔

ریلوے اسٹیشن پر حملہ مقامی وقت کے مطابق رات نو بجے کے قریب ہوا جس میں پانچ افراد زخمی ہوئے تاہم کسی جانی نقصان کی اطلاع نہیں ہے۔

ڈسلڈورف کے مرکزی ریلوےاسٹیشن پولیس اہلکاروں نے ریلوے سٹیشن کو گھیرے میں لے رکھا ہے اور ہیلی کاپٹروں سے فضائی نگرانی کی جا رہی ہے۔

مزید پڑھیں:برلن :کرسمس بازار میں ٹرک نےشہریوں کو کچل دیا، 12افرادہلاک

یاد رہےکہ گزشتہ سال دسمبر میں جرمنی کے دارالحکومت برلن کے کرسمس بازار میں ٹرک نےشہریوں کو کچل دیاتھاجس کے نتیجے میں کم سے کم 12 افراد ہلاک جبکہ 48 زخمی ہوگئےتھے۔

واضح رہےکہ جرمنی میں گذشتہ برس دسمبر میں کرسمس مارکیٹ میں دہشت گردی کے واقعے کے بعد سے سکیورٹی ہائی الرٹ ہے۔

برلن : جرمن وزارت داخلہ کا کہناہےکہ میں آنے والے تارکین وطن پرپچھلےسال کےدوران روزانہ 10حملے رپورٹ ہوئےجن میں43 بچوں سمیت 560 افراد زخمی ہوئے۔

تفصیلات کےمطابق جرمن وزارت داخلہ کےمطابق تارکین وطن پر زیادہ ترحملے ان کی رہائش گاہوں سے دور کےعلاقوں میں کیے گئےجبکہ ایک ہزار کے قریب ایسے حملے تھے جن میں ان کےگھروں کو نشانہ بنایاگیا۔

خیال رہےکہ اس وقت جرمنی میں بہت سے تارکینِ وطن نے پناہ کی درخواستیں دے رکھی ہیں اور یورپ بھر میں دہشت گردی کےحملوں کا خطرہ ہے۔

جرمن چانسلر انجیلا مرکل کی جانب سے تارکینِ وطن کے لیے دروازے کھولنے کے بعد ان پرتشدد واقعات میں اضافہ ہوا ہے۔

جرمنی میں سال 2016 کے دوراب 3553حملےمہاجرین کے ہوسٹلوں،2545 تنہاجاتے ہوئے،998حملے ان کی رہائش گاہوں پر جبکہ 217حملے تارکین وطن کے لیےکام کرنے والی تنظیموں پر ہوئے۔

یاد رہےکہ جرمنی میں گذشتہ برس پناہ کی تلاش میں آنے والوں کی تعداد میں کمی دیکھنے کو ملی۔یہ تعداد سنہ 2015 میں چھ لاکھ تھی جبکہ گذشتہ سال یہ تعداد دو لاکھ اسّی ہزار تھی۔

واضح رہےکہ رواں برس دائیں بازو کی جماعت این پی ڈی سے تعلق رکھنے والے سیاستدان کو اسپورٹس ہال جلانے کےجرم میں 8سال قید کی سزا سنائی گئی۔یہ جگہ حکومت کی جانب سے تارکین وطن کےاستعمال کےلیے دی گئی تھی۔

کوالالمپور : ملائشیا کی وزارتِ صحت کاکہناہےکہ شمالی کوریا کےحکمران کے سوتیلے بھائی کم جونگ نیم کی ہلاکت زہریلے مادے سے کیے جانے والےحملےکےبعد15سے20منٹ میں ہوئی۔

تفصیلات کےمطابق ملائشیا کےوزیرِ صحت سبرامایم سانتھاسیوم کاکہناہےکہ وی ایکس جیسےزہریلےمادے کےمہلک حملے کےبعد کوئی دوائی کارگر ثابت نہیں ہو سکتی۔

خیال رہےکہ وی ایکس ایک غیر معمولی تباہ کن کیمیائی ہتھیار ہے اور اس کا ایک قطرہ بھی انسانی جلد پر گرنے سے انسان مر سکتا ہے۔یہ کیمیکل جلد کےراستےانسانی جسم میں داخل ہوکرنظامِ اعصاب کو تباہ کردیتا ہے۔

مزید پڑھیں:کم جونگ نیم کوقتل کرنے کے90ڈالر ملے‘سیتی ایسیاہ

ملائیشین حکام کا کہناہےکہ دو خواتین نے اپنے ہاتھوں پر زہریلا مادہ ملا اور پھر ان ہاتھوں سے کم کا چہرہ پونچھ دیا لیکن اگر ایسا ہوتا تو وہ دونوں بھی اسی وقت مر چکی ہوتیں۔

پولیس حکام کا کہنا ہے کہ انہیں یقین ہے کہ مجرموں نے 13 فروری سے پہلے شاپنگ مالز میں اس کام کی مشق کی ہوگی۔

واضح رہےکہ گزشتہ روز ملائیشیا میں کم جونگ نیم کےقتل کےالزام میں گرفتارانڈونیشین خاتون کاکہناتھاکہ انہیں ایک مزاحیہ ریئلٹی شو میں حصہ لینے کے لیے90 ڈالر کم جونگ نام کے چہرے پر’بے بی آئل‘ ملنےکےلیےدیےگئے تھے۔