Tag: پولیس

اوٹاوہ : کیوبک شہر کی مسجد پر حملہ کرنے اور شہریوں کو قتل کرنے کےالزام میں پولیس نے فرانسیسی کینیڈین طالب کو گرفتار کرلیاہے۔

تفصیلات کےمطابق کیوبک مسجد میں فائرنگ کرنے والے27 سالہ الیگزینڈر بیسونیت کوپولیس نےگرفتارکرلیا،ملزم پر نمازیوں کو قتل کرنے کا الزام عائد کیا ہے اور اب اسے عدالت میں پیش کیا جائے گا۔

گرفتارحملہ آور لاول یونیورسٹی کا طالب علم ہےجو کہ حملے کا شکار ہونے والی مسجد سے تین کلومیٹر کے فاصلے پر واقع ہے۔

کیوبک مسجد میں ہونے والے فائرنگ سے زخمی ہونے والے پانچ افراد اس وقت بھی زخمی حالت میں زیرِ علاج ہیں جبکہ 12 دیگر کو معمولی نوعیت کے زخم آئے تھے جنہیں طبی امداد دیے جانے کے بعد گھر بھجوا دیا گیا ہے۔

مزید پڑھیں:کینیڈا میں مسجد پر فائرنگ ‘6 نمازی شہید

خیال رہےکہ اس سے قبل مراکش سے تعلق رکھنے والے ایک نوجوان محمد قدیر کو بھی حملے کے بعد اس وقت حراست میں لیا گیا تھاجب اس کی جانب سے 911 کو کال کی گئی تھی تاہم بعد میں اسے مشتبہ حملہ آور کے بجائے عینی شاہد قراردیا گیا تھا۔

یاد رہےکہ ریاست کیوبیک کے پریمیئر فیلیپ کؤیلارڈ نے بھی اس واقع کو دہشت گردی قرار دیااور صوبے کے مسلمانوں کے ساتھ ہمدری اور یکجہتی کا اظہار کیا ہے۔

مزید پڑھیں:کیوبک کی مسجد میں فائرنگ ‘دہشتگرد حملہ ہے ‘وزیراعظم جسٹن ٹروڈو

واضح رہےکہ کینیڈا کے وزیر اعظم جسٹن ٹروڈو نے حملے کو دہشت گردی قرار دے کر اس پر انتہائی غم وغصے کا اظہار کیا اور اس کی شدید مذمت کی تھی۔

آسٹن: امریکی ریاست ٹیکساس کےشہرآسٹن میں قائم اسلامی مرکز اور مسجد آتشزدگی سے جل کرمکمل طور پرجل کرشہیدہوگئی۔

تفصیلات کےمطابق امریکی ریاست ٹیکساس کےشہر آسٹن میں مسجدمکمل طو پر جل کر شہید ہو گئی۔ایک ہفتے قبل مسجد میں چوری کی واردات بھی ہوئی تھی۔

عینی شاہدین کےمطابق مسجد میں آگ کا پتہ رات دو بجے کے قریب چلا اس وقت تک آگ مسجد کو پوری طرح اپنی لپیٹ میں لے چکی تھی۔

وکٹوریہ اسلامی مرکز کے صدر شاہد ہاشمی کا کہنا ہےکہ مسجد مکمل طو پر شہید ہو چکی ہے،اور اسے جلتےاور منہدم ہوتےدیکھنا بہت تکلیف دہ تھا۔وکٹوریہ فائر مارشل ٹام لیگلر کا کہنا ہےکہ آگ لگنے کی وجوہات کا پتہ چلایاجا رہا ہے۔

شاہد ہاشمی کاکہنا ہے کہ ایک ہفتہ قبل مسجد میں رکھے لیپ ٹاپ اور دیگر قیمتی اشیا چوری ہوئی تھیں۔انہوں نےکہامسجد پر چند سال قبل شدت پسندوں کی جانب سے حملہ بھی کیا گیا تھا۔

مزید پڑھیں:امریکہ، مساجد کو دھمکی آمیز خطوط کا سلسلہ جاری

واضح رہےکہ گزشتہ سال نومبر میں امریکی ریاست کیلیفورنیا میں مساجد کو موصول دھمکی آمیز خطوط موصول ہوئے تھے،جن میں نو منتخب امریکی صدر ڈونلڈ ٹرمپ کی تعریف کی گئی ہے اور مسلمانوں کی نسل کشی کی دھمکی دی گئی تھی۔

ٹیکساس: پولیس افسر کی فائرنگ سےزخمی ہونےوالےامریکی شہری کی نئی ویڈیو منظر عام پر آگئی جس میں دیکھا جاسکتا ہےکہ پولیس کی جانب سے فائرنگ میں شہری زخمی ہوا۔

تفصیلات کےمطابق گزشتہ سال نو جولائی کو امریکی ریاست ٹیکساس میں فائرنگ کاواقعہ رونما ہوا جس میں پولیس افسران کی جانب سے دعویٰ کیاگیاتھاکہ شہری کو رکنے کی ہدایت کی لیکن اس نے اس کے بجائے انہیں ہتھیار سے ڈرانے کی کوشش کی۔

گزشتہ روز 33سالہ امریکی شہری ’ڈیوڈ کولے‘ کی وکیل کی جانب سے ویڈیو جاری کی گئی،جس میں دیکھا جاسکتا ہے پولیس افسر اپنی گاڑی سے باہر نکلا اور اس نے فائرنگ کردی جس کی زد میں آکر ڈیود زمین پرگرگیا۔

فورٹ ورتھ پولیس حکام نے اس سے قبل اپنے بیان میں کہا تھا کہ دونوں افسران ڈیوٹی کےبعد اپارٹمنٹ کمپلیکس میں سیکورٹی گارڈ کےفرائض انجام دے رہےتھے۔

پولیس حکام کےمطابق اسی رات افسران کواطلاعات ملیں تھی کہ دو سیاہ فام افراد نےگیس اسٹشین پر لوٹ مار کی ہے،انہوں نے ’ڈیوڈ کولے‘ کو شک کی بناپر رکنے کا کہا جس پر اس نےاحکامات ماننے سے انکار کردیا جس پر پولیس افسر کی جانب سے فائرنگ کی گئی۔

’ڈیوڈ کولے‘ کے وکیل کا کہناہےکہ اس کے موکل نے پولیس کی ہدایات پرعمل کیااور اس وقت اس کے پاس کوئی ہتھیار موجود نہیں تھا،تفتیش کے دوران ملنے ولا کٹرباکس بھی ڈیوڈ کا نہیں ہے۔

فورٹ ورتھ پولیس سارجنٹ مارک کا کہناہے کہ انہوں نے مکمل ویڈیو دیکھی لیکن انہوں نےمعلومات کوخفیہ رکھاہے۔جبکہ فائرنگ کے اس واقعے کے بعد پولیس افسران ڈیوٹی پر واپس آگئے۔

’ڈیوڈ کولے‘ فائرنگ کے 2ماہ بعد تک اسپتال میں زیر علاج رہا اور ابتدا میں اس پر پولیس افسر پر حملے کا کیس درج کیا گیا تھا جسے بعد میں خارج کردیاگیاتھا۔

یاد رہےکہ پولیس افسر کی جانب سے فائرنگ کی نئی ویڈیو منظرعام پر آنے سے پہلے بھی فورٹ ورتھ پولیس کو49سالہ خاتون اور ان کی دو بیٹیوں کو گرفتار کرنے پر شدید تنقید کا سامنا ہے۔

واضح رہے کہ گزشتہ روز فورٹ ورتھ پولیس کی جانب سے سماجی رابطے کی ویب سائٹ پر ٹویٹ کی گئی جس میں کہا گیا ہےکہ وہ عوام کی جانب سے موصول ہونے والی شکایات کی تفتیش کررہے ہیں۔

A message from our #PublicRelations Office: pic.twitter.com/QFbZJTf9OS

— Fort Worth Police (@fortworthpd) December 27, 2016