Tag: پولیس

لندن : برطانیہ کے شہر لندن میں لندن سٹی ایئرپورٹ پر ایک مشتبہ کیمائی واقعے کے باعث26 افراد متاثرہوئے۔ائیرپورٹ کو آپریشن کے بعد کلیئر قرار دے کر بحال کردیاگیا۔

تفصیلات کےمطابق لندن کے سٹی ایئرپورٹ پر اچانک متعدد مسافروں کو سانس لینے میں مشکلات کا سامنا کرنا پڑا اور وہ کھانستے رہے ، جس کے بعد حکام کی جانب سے 500 مسافروں کو ایئرپورٹ کی حدود سے باہر نکالا گیا اور 3گھنٹے کے آپریشن کے بعد ہوائی اڈے کو بحال کردیا گیا۔

لندن ایئرپورٹ کے ترجمان نے بتایا ہے کہ مسافروں کو نکالنے کا عمل اس وقت شروع کیا گیا جب ایک فائر الارم بج گیا تھا۔

Terminal has been evacuated due to fire alarm, we are looking into the cause- updates to follow.

— London City Airport (@LondonCityAir) October 21, 2016

ایئرپورٹ پر موجود مسافر 28 سالہ ڈیوڈ مورس نے بتایا کہ وہ برٹش ایئرویز کی ایڈنبرہ جانے والی پرواز پر سوار ہونے والے تھے جب وہ شدید کھانسنے لگے۔

انہوں نے بتایا کہ ہم قطار بنا کر اپنا سامان جمع کروانے والے ہی تھے کہ مجھے اس قدر کھانسی آنے لگی کہ میں کسی سے بات نہیں کر سکتا تھا۔ڈیوڈ کا کہناتھا کہ ایئرپورٹ کا عملہ سب سے زیادہ کھانسنے لگا تھا۔

واضح رہے کہ میٹروپولیٹن پولیس کا کہنا تھا کہ کسی بھی خطرے کے پیش نظر ہوائی اڈے کو خالی کرایا گیاتھا تاہم فائر بریگیڈ کا عملہ اور قانون نافذ کرنے والے ادارے وجوہات جاننے کی کوشش کر رہے ہیں۔

بویریا: جرمنی کے شہر بویریا میں پولیس پر دائیں بازو کی تنظیم کے کارکن کی فائرنگ سے 1پولیس اہلکار ہلاک جبکہ 3پولیس اہلکار زخمی ہوگئے۔

تفصیلات کےمطابق پولیس حکام کا کہنا ہے کہ دائیں بازو کی تنظیم رائخ سٹیزن سے تعلق رکھنے والے ایک شخص کے گھر پر جب پولیس نے چھاپہ مارا تو اس نے فائرنگ کردی جس کے نتیجے میں اسپیشل فورس کا 32سالہ اہلکار جان کی بازی ہارگیا۔

بویریا کے ایک قصبے کی مقامی انتظامیہ نے اس وقت پولیس کو طلب کیا جب اس شخص نے انتظامیہ سے تعاون کرنے سے انکار کر دیا۔پولیس نے اس شخص کو حراست میں لے لیا جبکہ اس کے 31 بندوق کے لائسنس بھی منسوخ کردیے۔

رائخ سٹیزن موومنٹ جرمنی کی وفاقی حکومت کو تسلیم نہیں کرتی۔اس موومنٹ کی بنیاد تین دہائی قبل رکھی گئی تھی  اس گروپ کا نظریہ قوم پرست اور یہود دشمن ہے۔

مزید پڑھیں:جرمنی میں دہشتگردی کےالزام میں گرفتارقیدی کی خودکشی

واضح رہے کہ گزشتہ ہفتےجرمنی کے برلن ائیرپورٹ پردہشت گردی کی منصوبہ بندی کے الزام میں گرفتار جابر البکرنامی شامی شہری جیل کے سیل میں خودکشی کرلی تھی۔

برازیلیا: برازیل کی شمالی ریاست رورائما کی جیل میں 2 گروپوں میں تصادم کے نتیجے میں 25 قیدی ہلاک ہو گئے۔

تفصیلات کےمطابق برازیل کی شمالی ریاست رورائما کے علاقے بواوسٹا کی جیل میں قیدیوں کے دوگروپوں میں جھڑپ کےنتیجے میں 25قیدی جان کی بازی ہار گئے۔

برازیل پولیس حکام کا کہنا ہے کہ ہلاک ہونے والوں میں 6 افراد کو گلا کاٹ کر ہلاک کیا گیا جبکہ 6 کو زندہ جلا کر مارا گیا۔

قیدیوں کی لڑائی کے باعث ملاقات کے لیے آئے ہوئے افراد بھی محصور ہو کر رہ گئے جنہیں پولیس نے بحفاظت باہر نکالا اور حالات پر قابو پالیا۔مقامی میڈیا کے مطابق مقامی میڈیا کے مطابق740 افراد کے لیے بنائی گئی جیل میں اس وقت 1400 قیدی موجود ہیں۔

واضح رہے کہ برازیل دنیا میں چوتھے نمبر پر آتا ہے جہاں تقریباََ 6لاکھ افراد قیدی ہیں اور ملک میں متعدد ایسی جیل ہیں جہاں گنجائش سے زائد قیدیوں کورکھا گیا ہے

لاس ایجلنس : امریکی شہر لاس اینجلس کے ریسٹورنٹ میں فائرنگ سے 3 افراد ہلاک اور 12 زخمی ہوگئے۔

تفصیلات کےمطابق امریکی ریاست لاس اینجلس کے ایک ریسٹورنٹ میں پارٹی جاری تھی،جس دوران فائرنگ کا واقعہ پیش آیا۔جس میں تین افراد ہلاک اور متعدد افراد زخمی ہوگئے۔

لاس اینجلس کے سیکورٹی افسر کیپٹن پیٹر کا کہنا ہےکہ پولیس نے فائرنگ کے شہبے میں خاتون اور اس کے ایک ساتھی کو حراست میں لیا ہے۔جبکہ پولیس اہلکاروں کی جانب سے فائرنگ کے شہبے میں تین ملزمان کی تلاش جاری ہے۔

کیپٹن پیٹر کا کہناتھا کہ یہ فائرنگ کا واقعہ دو گروپوں کے درمیان شاید منشیات کے حوالے سے پیش آیا ہے جس میں دونوں جانب سے فائرنگ کی گئی تاہم پولیس واقعے کی مزید تحقیقات کررہی ہے۔

مزید پڑھیں: واشنگٹن کے شاپنگ مال میں فائرنگ،5افراد ہلاک

یاد رہے کہ گزشتہ ماہ امریکہ کے دارالحکومت واشنگٹن کے علاقے برلنگٹن کے کیس کیڈ شاپنگ مال میں نامعلوم شخص کی فائرنگ سے 5 افراد ہلاک ہو گئے تھے جبکہ حملہ آور فرار ہونے میں کامیاب ہو گیاتھا۔

واضح رہے کہ لاس اینجلس کے ریسٹورینٹ میں جب فائرنگ کا واقعہ پیش آیا اس وقت وہاں کم ازکم 50 لوگ موجود تھے۔