شیخوپورہ: صوبہ پنجاب کے شہر شیخوپورہ میں سی ٹی ڈی کی کارروائی کے دوران کالعدم تنظیم کے6 دہشت گرد ہلاک جبکہ 3 فرار ہوگئے۔
تفصیلات کےمطابق کاونٹر ٹیررزم ڈیپارٹمنٹ کے مطابق 9 دہشت گردوں نے قانون نافذ کرنے والے ادروں پر حملہ کرنے کی منصوبہ بندی بنا رکھی تھی۔
اطلاع ملنے پر شیخوپورہ بائی پاس کے قریب سی ٹی ڈی نے دہشت گردوں کا تعاقب کیا اور ہتھیار ڈالنے کو کہا جس پر انہوں نے سی ٹی ڈی پر فائرنگ کر دی۔
جوابی فائرنگ سے 6 دہشت گرد موقع پر ہلاک ہو گئے جبکہ 3 فرار ہونے میں کامیاب ہو گئے جس کی گرفتاری کے لیے چھاپے مارے جا رہے ہیں۔دہشت گردوں سے جدید اسلحہ، بارود اور موٹرسائیکلیں برآمد ہوئیں ہیں۔
مزید پڑھیں: ٹارگٹ کلر ضیا عرف پہاڑی گرفتار، 40 سے زائد قتل کا اعتراف
یاد رہے کہ گزشتہ روز رینجرز نے کراچی کے علاقےپی آئی بی میں کارروائی کرتے ہوئے ٹارگٹ کلر ضیاء الدین عرف پہاڑی کو گرفتار کیاتھا، ملزم نے 40سے زائد افراد کو قتل کرنے کا اعتراف کیاتھا،ملزم کا تعلق ایک سیاسی جماعت سے ہے۔
