Tag: پولیس

کراچی : قانون نافذ کرنےوالے اداروں کی ٹارگٹد کاروائیاں،8ملزمان گرفتار

کراچی: شہر قائد میں رات گئے قانون نافذ کرنے والے اداروں کی جانب سے ٹارگٹڈ کارروائیوں میں آٹھ ملزمان کو گرفتارکرلیا گیاجبکہ شہرمیں پرتشددواقعات میں ایک شخص جاں بحق اور دوزخمی ہوگئے.

تفصیلات کے مطابق کراچی میں سہراب گوٹھ فائراسٹیشن پرقانون نافذکرنےوالےادارے نے کارروائی کرکےفائراسٹیشن افسرسمیت پانچ افرادکو حراست میں لےلیا گیا،زیرحراست افرادکوتفتیش کےلیے نامعلوم مقام پر منتقل کردیاگیا.

دوسری جانب نیوکراچی کی بلال کالونی میں پولیس نے ٹارگٹڈ کارروائی کی،جس میں تین ملزمان کو گرفتارکرلیا گیا،ملزمان کےقبضے سےچھینی گئی موٹرسائیکلیں برآمد ہوئیں.

ادھر سا ئٹ سپر ہائی وے تھانے کی حدود فقیرگوٹھ میں رات گئے نا معلوم ملزمان کی فائرنگ سے خان محمد نامی شخص جان کی بازی ہار گیا.

پولیس کا کہنا ہے کہ مقتول گل گوٹھ میں چوکیداری کرتا تھا،ملزمان نے مقتول کے سر پر تین گولیاں ماریں اور موقع سے فرار ہوگئے.

رضویہ کے علاقے گلبہار میں نا معلوم ملزمان کی فائرنگ سے یاور عباس جعفری زخمی ہو گیا.پولیس کا کہنا ہے کہ واقعہ لوٹ مار کے دوران مزاحمت کے باعث پیش آیا.

ادھرگڈاپ سٹی تھانے کی حدود سپر ہائی وے ٹول پلازہ کے قریب لوڈنگ سوزوکی پر فائرنگ سے مشتاق نامی ڈرائیور زخمی ہو گیا.

پولیس کے مطابق زخمی ڈرائیور سوزوکی میں دودھ سپلائی کرتا ہے اور واقعہ سے قبل وہ نیو کراچی سے سپر ہائی دنبہ گوٹھ دودھ سپلائی کرنے جار ہا تھا.

اگست 16, 2016
دو مسلح گروپوں میں تصادم،سابق چئیرمین سینیٹ کا بھانجا فہد ملک جاں بحق

اسلام آباد: وفاقی دارالحکومت اسلام آباد کے سیکٹر ایف ٹین تھری میں 2مسلح گروپوں کےدرمیان فائرنگ کا تبادلہ ہوا ہے جس میں پولیس کےمطابق سابق چیئرمین سینٹ میاں محمد سومرو کا بھانجا ملک فہد جاں بحق اوراس کاساتھی زخمی ہوگیا ہے.

تفصیلات کے مطابق فائرنگ دو مسلح گروپوں میں فائرنگ کے نتیجے میں سابق چئیرمین سینیٹ میاں محمد سومرو کے بھانجے بیرسٹر فہد ملک شدید زخمی ہوگئے تھے جنہیں تشویش ناک حالت میں اسپتال منقتل کیا گیا جہاں وہ جان کی بازی ہار گئے.

بیرسٹر فہدملک کو صبح چار بج کر پندرہ منٹ پر شدید زخمی حالت میں پمزاسپتال لایاگیا تھا، انہیں چار گولیاں لگی تھیں.

واقعے کے بعد ایس ایچ او شالیمار کو معطل کردیا گیا تاہم تصادم کی وجہ معلوم نہ ہوسکی.پولیس حکام کا کہنا ہے کہ واقعے کی تفتیش کی جارہی ہے.

*ملتان میں فائرنگ دوافراد جاں بحق،حملہ آور نے خودکشی کرلی

یاد رہے کہ گزشتہ روز ملتان میں یوم پاکستان کے سلسلے میں منعقد تقریب پر فائرنگ سے بچے سمیت دو افراد جاں بحق ہو گئے تھے.

اگست 15, 2016
ملتان میں فائرنگ دوافراد جاں بحق،حملہ آور نے خودکشی کرلی

ملتان : یوم پاکستان کے سلسلے میں منعقد تقریب میں فائرنگ سے بچے سمیت دو افراد جاں بحق ہو گئے جبکہ فائرنگ کرنے والے شخص نے بھی خودکشی کر لی.

تفصیلات کے مطابق ملتان میں یہ واقعہ بستی ملوک میں پیش آیا جہاں یونین کونسل نمبر 384 کے دفتر میں یوم پاکستان کے سلسلے میں کیک کاٹا جا رہا تھا کہ ندیم نامی شخص تقریب میں داخل ہوا اور فائرنگ کر دی.

فائرنگ سے پاکستان مسلم لیگ نواز کے کارکن سلیم رجب اعوان اور ان کے بیٹے زخمی ہو گئے اور فائرنگ کرنے والا شخص ندیم موقع سے فرار ہوگیا.

ریسکیو 1122 نے سلیم رجب اعوان کو نشتر اسپتال جبکہ بچوں کو ایک نجی اسپتال میں منتقل کر دیا جہاں اسپتال ذرائع کے مطابق سلیم رجب اعوان اور ان کا بیٹا عرفان دم توڑ گئے ہیں.

دوسری جانب پولیس کا کہنا ہے کہ فائرنگ کرنے والے شخص ندیم نے بعد میں خود کو گولی مار کر خودکشی کر لی ہے. پولیس کا کہنا ہے کہ واقعہ ذاتی دشمنی کا لگتا ہے تاہم ابھی کچھ کہنا قبل از وقت ہے .

اگست 14, 2016
امریکا میں مسلح حملہ آور کی فائرنگ سے امام مسجد جاں بحق

نیویارک : امریکی شہر نیویارک میں مسلح حملہ آور کی فائرنگ سے امام مسجد اور ان کے ایک نائب ہلاک ہو گئے.

تفصیلات کےمطابق امریکا کے شہر نیویارک کے علاقے کوئنز میں اس وقت امام پر فائرنگ کی گئی جب وہ ایک گلی میں پیدل جا رہے تھے.فائرنگ میں امام کے نائب کو تشویش ناک حالت میں اسپتال منتقل کیا گیا جہاں وہ دم توڑ گئے.

پولیس کا کہنا ہے کہ ابھی تک ایسا کوئی اشارہ نہیں مل کہ امام کو ان کے عقیدے کی بنیاد پر ہدف بنایا گیا.

مسلمان برادری کا کہنا ہے کہ یہ واقعہ نفرت پر مبنی ہے جبکہ پولیس کا کہنا ہے کہ وہ ابھی تک محرکات کے حوالے سے تحقیقات کر رہے ہیں.

جائے وقوعہ سے ایک مسلح شخص کو فرار ہوتے ہوئے دیکھا گیا ہے تاہم ابھی تک کوئی گرفتاری عمل میں نہیں آئی.

واضح رہے کہ 55 سالہ امام مولانا اخون جی دو برس قبل بنگلہ دیش سے نیویارک منتقل ہوئے تھے.

اگست 14, 2016
سوئٹزرلینڈ کے شہر سینٹ گیلن میں ٹرین مسافروں پر چاقوسے حملہ

برن :مشرقی سوئٹزرلینڈ میں ریل گاڑی کے مسافروں پرحملہ آور نے چاقو کے وارکرکے متعدد مسافروں کوزخمی کردیا جس کے بعد ٹرین میں آگ لگادی.

تفصیلات کے مطابق یہ واقعہ سوئٹزرلینڈ کے شہر سینٹ گیلن کینٹن کے علاقے سالیز میں پیش آیا جبکہ زخمیوں کو اسپتال منتقل کر دیا گیا ہے.

مشتبہ حملہ آور کی عمر 27 برس بتائی گئی ہے اور اسے بھی اسپتال منتقل کر دیا گیا ہے تاہم حملے کی وجہ ابھی معلوم نہیں ہوسکی.

گرینج کے مقامی وقت کے مطابق یہ واقعہ دوپہر ساڑھے 12 بجے اس وقت پیش آیا جب ریل گاڑی سالیز اسٹیشن کے قریب پہنچی.یہ اسٹیشن پچز اور سینوالڈ کے دیہات کے درمیان واقع ہے.

ٹرین حملےکے زخمیوں میں ایک بچے کے علاوہ ایک لڑکی، لڑکا جن کی عمریں 17 برس بتائی گئی ہیں، 34 اور 43 سال کی دو خواتین اور ایک 50 سالہ شخض شامل ہیں.

خیال رہے کہ اس قسم کے حملوں سے خبردار رہنے کے لیے یورپی ریاستوں میں پہلے ہی الرٹ جاری کیا جا چکا ہے جس کی وجہ حالیہ عرصے میں کسی اکیلے مسلح شخص کی جانب سے کیے جانے والے متعدد حملے ہیں.

*برلن :جرمنی کے شہر ورزبرگ میں ایک شخص کا ٹرین میں کلہاڑی سے حملہ

یاد رہے کہ گذشتہ ماہ ایک افغان پناہ گزین نے جنوبی جرمنی میں کلہاڑی کے وار کر کے چار افراد کو زخمی کیا تھا.

واضح رہے کہ شدت پسند تنظیم دولتِ اسلامیہ نے ایک ویڈیو کے ذریعے اس حملے کی ذمہ داری قبول کی تھی.

اگست 14, 2016
سامیعہ قتل کیس: والد اور سابق شوہرگرفتار

جہلم : صوبہ پنجاب کے ضلع جہلم کی پولیس نے پاکستانی نژاد برطانوی خاتون سامیعہ شاہد کے قتل کے مقدمے میں مقتولہ کے والد اورپہلے شوہرکوگرفتار کر لیا.

تفصیلات کےمطابق سامیعہ شاہد قتل کیس کے مرکزی ملزم اور مقتولہ کے پہلے شوہر چودھری شکیل نے اعتراف جرم کرتے ہوئے کہا ہے کہ اس نے سامیعہ شاہد کو گلا دبا کر قتل کیا.

سامیعہ کے پہلے شوہرچودھری شکیل نے پولیس کو بتایا کہ اس نے دوپٹے سے سامیعہ شاہد کاگلا دبایا جس سے اس کی موت واقع ہوئی.

یاد رہے کہ آج ایڈیشنل سیشن جج سجاد افضل کی عدالت میں سامیعہ شاہد قتل کیس کی سماعت ہوئی جس دوران عدالت نے اگلی سماعت پر ملزم چودھری شکیل کو گرفتار کر کے پیش کر نے کا حکم دیا تھا.

واضح رہے کہ مقتولہ سامیعہ شاہد کی فرانزک رپورٹ بھی پولیس کو موصول ہوگئی ہے جس میں کہا گیا ہے کہ پاکستانی نژاد برطانوی خاتون کی موت دم گھٹنے سے ہوئی.

اگست 13, 2016
کراچی میں قانون نافذ کرنے والے اداروں کی ٹارگٹڈ کارروائیاں،48ملزمان گرفتار

کراچی : شہرقائد کے مختلف علاقوں میں قانون نافذ کرنے والے اداروں کی جانب سے ٹارگٹڈ کارروائیوں میں اڑتالیس ملزمان کو گرفتار کرلیا.

تفصیلات کے مطابق کراچی میں پولیس نے رات گئےگلبرگ کے علاقے موسیٰ کالونی میں جرائم پیشہ افراد کی موجودگی کی اطلاع پر سرچ آپریشن کرتے ہوئےدو درجن کے لگ بھگ مشتبہ افراد کوحراست میں لے کر پوچھ گچھ کےلیے تھانے منتقل کردیا.

دوسری جانب نیو کراچی صنعتی ایریا تھانے کی حدود خمیسوگوٹھ میں بھی پولیس نے سرچ آپریشن کرتے ہوئےسولہ مشتبہ افراد کو حراست میں لے لیا.

ادھرمبینہ ٹاؤن پولیس نے علاقے سے اسٹریٹ کرمنل کو گرفتار کر کے اسلحہ اور مسروقہ موٹر سائیکل برآمد کر لی،جبکہ سات مشتبہ افراد کو بھی حراست میں لیا گیا.

*کراچی: شہر کے مختلف علاقوں میں سرچ آپریشن،24افراد گرفتار

یاد رہے گزشتہ روز شہر قائد میں رات گئے پولیس نے مختلف علاقوں میں سرچ آپریشن کے دوران تین ملزمان سمیت اکیس افراد کو گرفتار کیا تھا.

اگست 13, 2016
تھائی لینڈ میں سیاحتی مقامات پر دھماکے،4افراد ہلاک

بنکاک : تھائی لینڈ میں آٹھ بم دھماکوں میں 4 افراد ہلاک اور بیس سے زائدافراد زخمی ہوگئے،دھماکوں میں تھائی لینڈ کے ثقافتی سیاحتی مقامات کو نشانہ بنایا گیا.

تفصیلات کےمطابق تھائی لینڈ میں آٹھ بم دھماکوں میں 4افراد جان کی بازی ہارگئے جبکہ بیس سے زائد افراد زخمی ہوئے.دھماکے تقافتی سیاحتی مقامات پر کیے گئے.

حکام کی جانب سے دھماکوں کی وجوہات فوری طور پر بیان نہیں کی گئیں جبکہ یہ بھی نہیں بتایا گیا کہ ان دھماکوں میں کون ملوث ہے.

یاد رہے کہ گزشتہ شب تھائی لینڈ کے سیاحتی مقام ہوا ہن میں ہونے والے دھماکے میں ایک خاتون ہلاک اور دس سے زائد افراد زخمی ہوگئے.دھماکوں کے زخمیوں میں غیر ملکی سیاح بھی شامل تھے

واضح رہے کہ ہوا ہن کا علاقہ تھائی لینڈ کے خلیج میں ساحلی پٹی ہے،جو تھائی شہریوں اور غیر ملکی سیاحوں میں مقبول ہے. یہ علاقہ تھائی لینڈ کے بادشاہ بھومیبول ایدلیا ویج کا آبائی علاقہ ہونے کی وجہ سے بھی معروف ہے.

اگست 12, 2016
کراچی: شہر کے مختلف علاقوں میں سرچ آپریشن،24افراد گرفتار

کراچی : شہر قائد میں رات گئے پولیس نے مختلف علاقوں میں سرچ آپریشن کے دوران تین ملزمان سمیت اکیس افراد کو گرفتار کرلیا.

تفصیلات کے مطابق بوٹ بیسن پولیس نے رات گئے نیلم کالونی اور شیریں جنا ح کالونی میں سرچ آپریشن کرتے ہوئے گھر گھر تلاشی کے دوران 3 ملزمان سمیت 20 افراد کو حراست میں لے لیا.

پولیس کا کہنا ہے کہ حراست میں لیے گئے 3 ملزمان کے قبضے سے اسلحہ بھی برآمد کیا گیاجبکہ باقی 17 مشتبہ افراد سے پوچھ گچھ جاری ہے.

دوسری جانب عوامی کالونی پولیس نے کورنگی 5 آئی ایریا میں چھاپہ مار کر 2 اسٹریٹ کرمنلز اجمل اور اویس کو گرفتار کر کے ان کے قبضے سے اسلحہ اور چھینے گئے 4 موبائل فونز برآمد کر لیے.

ادھر سائٹ ایریا پولیس نے اسنیپ چیکنگ کے دوران 2 ملزمان عامر رحمٰن اور شوکت کو گرفتار کر کے ان کے قبضے سے منشیات اور اسلحہ برآمد کر لیا.

اگست 12, 2016
ڈونلڈٹرمپ کی رہائش گاہ میں گھسنے کی کوشش کرنے والا شخص گرفتار

نیویارک:امریکہ کے شہر نیویارک میں صدارتی امیدوار ڈونلڈ ٹرمپ کی رہائش گاہ میں گھسنے کی کوشش کرنے والے شخص کو پولیس نے حراست میں لے لیا.

تفصیلات کے مطابق 20 سالہ شخص نے نیویارک میں 58 منزلہ ‘ٹرمپ ٹاور’ پر لگے شیشے سے سکشن کپس کے ذریعے اوپر چڑھنا شروع کیا کچھ دیر بعد لوگوں نے اس شخص کو اوپر چڑھتا دیکھ کر پولیس کو اطلاع دی اور دیکھتے ہی دیکھتے عمارت کے نیچے لوگوں کا رش لگ گیا.

پولیس نے عمارت کی 21 ویں منزل پر اس شخص کو پکڑ لیا اور بحفاظت نیچے لے آئے.گرفتارشخص کا کہنا تھاکہ وہ کسی کو نقصان نہیں پہنچانا چاہتا تھا وہ ایک ریسرچر ہے اور اس کا تعلق ورجینیا سے ہے.

گرفتار شخص نے مزید بتایا کہ اس کا مقصد امریکی صدارتی امیدوار سے تنہائی میں ملاقات کرنا تھا اور وہ انہیں کچھ خفیہ اور اہم معلومات دینا چاہتا تھا تاہم اس پیغام کے بارے میں اس نے کچھ نہیں بتایا.

یادرہے کہ ‘ٹرمپ ٹاور’ ری پبلکن رہنما ڈونلڈ ٹرمپ کی رہائش گاہ بھی ہے اور یہیں سے ان کی انتخابی مہم کے سارے معاملات چلائے جاتے ہیں.

جس وقت مشتبہ شخص نے عمارت میں چڑھنے میں کوشش کی اس وقت ڈونلڈ ٹرمپ وہاں موجود نہیں تھے اور انتخابی ریلی میں شرکت کےلیے نیویارک سے باہر گئے ہوئے تھے.

پولیس کا کہنا ہے کہ حراست میں لیے جانے والے شخص کا طبی معائنہ کرانے کےلیے قریبی اسپتال لے جایا گیا تاکہ یہ معلوم کیا جاسکے کہ اس کا ذہنی توازن درست ہے یا نہیں ہے.

ٹرمپ آرگنائزیشن کے ایگزیکٹو وائس پریزیڈنٹ مائیکل کوہن نے کہا کہ اس شخص نے انتہائی خطرنات اور احمقانہ حرکت کی تاہم مجھے امید تھی کہ نیویارک پولیس ڈپارٹمنٹ اسے پکڑ لے گا.

واضح رہے کہ اس شخص نے چند روز قبل یوٹیوب پر ایک وڈیو بھی پوسٹ کی تھی جس میں اس نے ٹرمپ ٹاور پر چڑھنے کا ارادہ ظاہر کیا تھا.

اس نے اپنے وڈیو میں ڈونلڈ ٹرمپ کو مخاطب کرتے ہوئے کہا تھا کہ وہ ایسا ان کی توجہ حاصل کرنے کےلیے کرے گا ساتھ ہی اس نے لوگوں سے اپیل کی تھی کہ وہ ڈونلڈ ٹرمپ کو ووٹ دیں.

اگست 12, 2016