Tag: پولینڈ

مارسیلے : یورو کپ فٹبال 2016 کے پہلے کوارٹر فائنل میں پرتگال نے پولینڈ کو پینلٹی ککس پر شکست دے کر سیمی فائنل میں جگہ بنالی.

تفصیلات کے مطابق فرانس میں جاری یوروکپ 2016 کے پہلے کوارٹر فائنل میں میچ کے آغاز سے ہی دونوں ٹیموں نے بہت تیز کھیل کا مظاہرہ کیا اور محض ایک منٹ چالیس سیکنڈ کے بعد پولینڈ کی جانب سے رابرٹ لوانڈوسکی نے میچ کا پہلا گول کر دیا.

یہ اس ٹورنامنٹ میں نہ صرف ان کا پہلا گول تھا بلکہ یہ گول یورو کپ کی تاریخ کا کسی بھی میچ میں دوسرا سب سے کم وقت میں ہونے والا گول ہے.

پرتگال کی طرف سے گول ان کے وِنگر ناتو سانچیز نے 33ویں منٹ میں کیا۔رناتو سانچیز آج کے میچ میں ہر طرف نظر آ رہے تھے اور انھوں نے اپنے ہاف میں آ کر کئی مرتبہ پولیش کھلاڑیوں سے گیند چھینے کی کوشش کی۔

میچ کے پہلے ہاف میں مقابلہ ایک ایک گول سے برابر رہا اور پھر اضافی تیس منٹ میں بھی دونوں ٹیمیں مزید گول نہ کر سکیں اور فیصلہ پانچ پانچ پنالٹی پر چلا گیا۔

دونوں طرف سے پہلی تین ککس پر گول ہوئِے اور میچ برابر رہا،لیکن پولینڈ کی طرف سے چوتھی کک پرتگال کے گول کیپر روی پیٹرسیو نے روک لی اور پرتگال نے اپنی پانچویں کک پر بھی گول کر کے میچ جیت لیا.

واضح رہے کہ پرتگال یوروکپ کےسیمی فائنل میں پہنچنے والی پہلی ٹیم بن گئی.

مارسلیے : یورو کپ فٹ بال2016 کے کوارٹر فائنلز آج سے شروع ہوجائیں گے،جبکہ پہلے کوارٹر فائنل میں آج پرتگال اور پولینڈ کا آمنا سامنا ہوگا.

تفصیلات کے مطابق یوروکپ 2016 کے کوارٹر فائنلز آج سے شروع ہوں گے، ایونٹ کے پہلے کوارٹر فائنل کا میچ پرتگال اور پولینڈ کے درمیان کھیلا جائے گا،دونوں ٹیموں کی جانب سے ایک دوسرے کو ناک آؤٹ کرنے کی سر توڑ کوشیشیں کی جائیں گی.

یاد رہے کہ ایونٹ کے ناک آؤٹ مرحلے میں اٹلی نے عمدہ کھیل کا مظاہرہ کرتے ہوئے میچ میں دفاعی چیمپئن اسپین کو صفر کے مقابلے میں دو گول سے شکست دی تھی.

دوسری جانب یورو کپ کے ناک آؤٹ مرحلے میں آئس لینڈ نے انگلینڈ کو ایک کے مقابلے میں دو گول سے شکست دی تھی،آئس لینڈ کے ہاتھوں شرمناک شکست پر انگلینڈ کے مینیجر رائے ہوڈسن مستعفی ہو گئے تھے.

یاد رہے اس سے پہلے کسی بڑے ٹورنامنٹ میں انگینڈ کو 1950 کے ورلڈ کپ کے ناک آؤٹ مرحلے میں امریکہ کے ہاتھوں شکست کا سامنا کرنا پڑا تھا.

واضح رہے کہ ایونٹ میں اب تک پولینڈ کے جیکب بلیز اور کووسکی دو دو گول کر چکے ہیں تو پرتگال کے نینی اور رونالڈو بھی دو دو بار گیند جال میں پھینک چکے ہیں.

پیرس : یورو کپ فٹبال کا ناک آؤٹ مرحلہ کے پہلے پری کوارٹرفائنل میں پولینڈ نے سوئٹزرلینڈ کوپینالٹی ککس پر شکست دے کر کوارٹر فائنل کے لیے کوالیفائی کر لیا

تفصیلات کے مطابق پولینڈ اورسوئٹزرلینڈکےدرمیان پری کوارٹرفائنل میچ کاآغاز دونوں جانب سے تابڑ توڑ حملوں سےہوا،انتالیسویں منٹ میں پولینڈنےگول داغ کربرتری حاصل کرلی.

دوسرےہاف میں سوئٹزرلینڈنےخسارا ختم کےلیے بھرپورجان ماری،اور بیاسی ویں منٹ میں شاکیری نےگیندکوجال کی راہ دکھائی.

مقررہ وقت تک مقابلہ ایک ایک گول سے برابررہا،اضافی وقت میں بھی دونوں ٹیمیں گول کرنے میں کامیاب نہ ہوسکیں،جس کے بعد میچ کا فیصلہ پینالٹی ککس پرہوا.

پولینڈنےسوئٹزرلینڈ کوپینالٹی ککس پرچارکےمقابلےپانچ گول سے ہراکریوروکپ سے کک آؤٹ کردیا.

واضح رہے کہ پنالٹی ککس پر سوئٹرز لینڈ کو شکست دےکرپولینڈ نے یورو کپ کے کوارٹرفائنل میں جگہ بنالی.

۔