کراچی : سعودی عرب نے مملکت میں آنے والے پاکستانیوں پر بڑی پابندی عائد کردی اور تمام ائیرلائنز کو بھی خبردار کردیا۔
تفصیلات کے مطابق سعودی سول ایوی ایشن گاکا نے سعودی عرب آنیوالوں کی پاکستانیوں کا ویکسین سرٹیفکیٹ کے بغیر داخلہ بند کردیا۔
گاگا نے کہا کہ مملکت میں آنے والے تمام مسافروں کیلئے پولیو ویکسینیشن لازمی قرار دے دی، پاکستان، افغانستان، نائجیریا، صومالیہ و دیگرممالک کے مسافروں کیلئے ویکسینیشن سرٹیفکیٹ لازمی ہوگا۔
سعودی سول ایوی ایشن اتھارٹی کا کہنا تھا مذکورہ ملکوں سے گزرنے والے ایسے مسافر جو بارہ گھنٹوں میں ٹرانزٹ ایریا سے باہر نہیں گئے انہیں استثنا ہوگا۔
سعودی سول ایوی ایشن نے مزید کہا کہ مسافروں کے پاس کم ازکم چارہفتے قبل کا پولیوویکسین سرٹیفکیٹ ہونا ضروری ہے، چھ ماہ سے زائد پرانا ویکسین سرٹیفکیٹ قابل قبول نہیں ہوگا۔
اس حوالے سے سعودی ایوی ایشن اتھارٹی نے تمام ائیرلائنز کو بھی آگاہ کرتے ہوئے پاکستان، افغانستان، نائجیریا اور موزمبیق سے آنیوالوں کے سرٹیفکیٹ کی جانچ کی ہدایت کی اور کیا خبردارکیا ہے کہ خلاف ورزی پرقانونی کارروائی اورسخت سزائیں دی جائیں گی۔
