Tag: پولیو ٹیم

دیامر: پولیو مانیٹرنگ ٹیم پر نامعلوم ملزمان کی جانب سے فائرنگ کردی تاہم تاہم پولیو ٹیم محفوظ رہی۔

تفصیلات کے مطابق دیامر کے علاقے تانگیر شیخو میں پولیو مانیٹرنگ ٹیم پر حملہ ہوا، فائرنگ سے گاڑی کا ٹائر پھٹا تاہم پولیو ٹیم محفوظ رہی۔

پولیس نے نامعلوم افراد کیخلاف ایف آئی آر درج کر لی، ترجمان جی بی حکومت نے بتایا کہ حکومتی سطح پر سیکیورٹی کے اقدامات مزید سخت کر رہے ہیں ، پولیوٹیم بغیر اطلاع تانگیر پہنچی، ضلعی انتظامیہ اور پولیس کواطلاع دینی چاہیے تھی۔

ترجمان کا کہنا تھا کہ وزیر اعلیٰ حاجی گلبر خان نےفائرنگ کےواقعےکا نوٹس لیا ہے اور حکومت کا پولیو مہم جاری رکھنے کا اعلان کرتے ہوئے کہا ہے کہ سیکیورٹی اقدامات سخت کیے جائیں گے۔

مزید پڑھیں : نوشکی : انسداد پولیو ٹیم پر فائرنگ، ایک پولیس اہلکار شہید

یاد رہے چند روز قبل بلوچستان کے ضلع نوشکی کے علاقے کلی محمد حسنی میں نامعلوم افراد کی فائرنگ سے انسداد پولیو ٹیم کی حفاظت پر مامور پولیس اہلکار شہید ہوگیا تھا.

اس حوالے سے ترجمان حکومت بلوچستان شاہد رند نے کہا کہ شہید اہلکار وحید کا تعلق جمال آباد نوشکی سے تھا، یہ حملہ قومی انسدادپولیومہم کوسبوتاژ اور خوف و ہراس پھیلانے کی سازش ہے۔

پشاور : کرک اور بنوں میں پولیو ٹیم پر حملہ ہوا، جس کے نتیجے میں ایک پولیس اہلکار شہید جبکہ ایک پولیو ورکر اور اہلکار زخمی ہوگیا۔

تفصیلات کے مطابق کرک، بنوں اور لکی مروت میں انسداد پولیو ٹیم پر حملہ کیا گیا، پولیس کا کہنا ہے کرک میں بانڈہ داؤد شاہ کے مقام پر نامعلوم افراد نے پولیو ٹیم پر حملہ کیا۔

حملے میں فائرنگ سے ایک پولیس اہلکار شہید اور پولیو ورکر زخمی ہوا اور حملہ آور فرار ہوگئے، پولیس کی اضافی نفری طلب کرلی گئی۔

بنوں میں تھانہ صدر کی حدود میں پولیو اہلکار پر فائرنگ کی گئی، جس سے اہلکار حیات اللہ خان زخمی ہوگیا۔

حیات اللہ کے خاندان کی پرانی دشمنی ہے تاہم مسلح حملہ آور جائے وقوع سے فرار ہوگئے۔

لکی مروت میں تھانہ ڈڈیوالہ کی حدود میں دہشت گردوں نے حملہ کرکے انسداد پولیو ٹیم سے سامان چھین لیا، پولیس کا کہنا ہے سامان چھیننے کے بعد دہشت گردوں نے انسداد پولیو ٹیم کو چھوڑ دیا، انسداد پولیو ٹیم ڈیوٹی کے بعد مقامی اسپتال واپس جا رہی تھی۔

گورنر خیبرپختونخوا نے کرک پولیو ٹیم پر حملے کی اعلی حکام سے رپورٹ طلب کرتے ہوئے کہا کہ ٹیم پر حملہ انتہائی افسوسناک ہے اور حملہ میں پولیس اہلکار کی شہادت پر دلی افسوس ہوا۔

فیصل کریم کا کہنا تھا کہ زخمی پولیو ورکر کو ہر ممکن علاج کی فراہمی یقینی بنائی جائے، پولیو ورکرز پر حملہ پاکستان اور انسانیت دشمن قوتوں کی سازش ہے۔

چئرمین پی پی بلاول بھٹو نے بنوں،کرک میں پولیوٹیموں پر حملوں کی مذمت کرتے ہوئے گورنر کے پی سے رپورٹ طلب کرلی۔

پیپلز پارٹی چیئرمین نے کہا کہ پولیو ورکرزاور ٹیم کی سکیورٹی پرمامور پولیس اہلکارکی شہادت پراظہارافسوس کرتے ہوئے کہا کہ انسداد پولیومہم کی کامیابی کیلئےپولیوورکرزکاتحفظ انتہائی ضروری ہے، خیبرپختونخواحکومت پولیوورکرز کے تحفظ اورمہم کی کامیابی کو یقینی بنائے۔

کوئٹہ : ڈنڈا بردار افراد نے پولیو ٹیم پر حملہ کردیا، جس کے نتیجے میں خاتون پولیو ورکر ،2 لیویز اور ایک پولیس اہلکار زخمی ہوگیا۔

تفصیلات کے مطابق صوبہ بلوچستان کے شہر چمن میں دھرناکمیٹی کے ڈنڈابردارافراد نے پولیو ٹیم پر حملہ کردیا اور حملہ آوروں نے پولیس اور لیویز سے اسلحہ چھیننے کی کوشش کی۔

ڈپٹی کمشنر راجا اطہر عباس نے بتایا ہے کہ مسلح افراد کے حملے میں خاتون پولیوورکر، 2 لیویز اور ایک پولیس اہلکارزخمی ہوگیا۔

راجا اطہر عباس کا کہنا ہے کہ علاقے میں مزید نفری روانہ کر دی گئی ہے، پولیومہم میں رکاوٹ ڈالنے والوں کیخلاف قانونی کارروائی ہوگی۔

ترجمان بلوچستان حکومت شاہد رند نے چمن میں پولیو ٹیم پر حملے کی مذمت کرتے ہوئے کہا کہ لیویز اہلکاروں سے اسلحہ اور پولیو ٹیم سے ویکسین چھیننے کی کوشش کی گئی۔

ترجمان کا کہنا تھا کہ ضلعی انتظامیہ حملے میں ملوث عناصر کے خلاف کارروائی کررہی ہے، ملزمان پرانسداد دہشت گردی کے دفعات کے تحت مقدمہ درج کیا جائے گا۔

خیال رہے آج ملک کے سڑسٹھ مخصوص اضلاع میں انسداد پولیومہم کا آغاز کیا گیا ہے، مہم کےدوران ایک کروڑ پینسٹھ لاکھ بچوں کی ویکسی نیشن کا ہدف ہے۔

بلوچستان کے چودہ اضلاع میں بھی انسداد پولیو مہم شروع کی گئی ہے، جس میں اٹھارہ لاکھ سے زیادہ بچوں کو پولیو سے بچاؤ کے قطرے پلائے جائیں گے۔

اس کے علاوہ بلوچستان کے چھ اضلاع میں ہیٹ ویوکی پیش گوئی کے باعث مہم پانچ دن کیلئے مؤخر ہے، ان اضلاع میں انسدادِ پولیو مہم آٹھ جون سےشروع ہوگی۔