اسلام آباد: قومی ادارہ صحت کے ذرائع نے بتایا کہ ملک میں رواں سال کا ایک اور پولیو کیس سامنے آگیا، مجموعی طور پر کیسزکی تعداد 22 ہوگئی۔
تفصیلات کے مطابق قومی ادارہ صحت کے ذرائع نے بتایا کہ پولیو کیس بلوچستان کے ضلع پشین سے سامنے آیا ہے، پولیو کے شکار بچے کی عمر ڈھائی سال ہے، نیشنل پولیو ٹیسٹنگ لیبارٹری کی جانب سے پولیو کیس کی تصدیق کی گئی ہے۔
ذرائع قومی ادارہ صحت نے کہا کہ پولیو کیس وائلڈ پولیو وائرس ٹائپ ون ہے، رواں سال کے پولیو کیسز کی تعداد 22 ہوگئی ہے۔
متاثرہ بچے کے پولیو وائرس کی جینیاتی تعلق کی جانچ جاری ہے، رواں سال بلوچستان سے 15 پولیو کیس رپورٹ ہوچکے ہیں۔
قومی ادارہ صحت نے بتایا کہ رواں سال سندھ سے 4، پنجاب سے ایک پولیو کیس سامنے آیا، رواں سال خیبر پختونخوا سے ایک، اسلام آباد سے ایک کیس رپورٹ ہوا۔
