اسلام آباد: آصف کرمانی نے مسلم لیگ ن سے باقاعدہ علیحدگی کا اعلان کر دیا۔
تفصیلات کے مطابق مسلم لیگ ن کے صدر اور سابق وزیراعظم نواز شریف کے سابق پولیٹیکل سیکرٹری آصف کرمانی نے پارٹی چھوڑنے کا اعلان کر دیا۔
آصف کرمانی نے ایک بیان میں کہا کہ کافی عرصہ سے خود کو ن لیگ کے سیاسی معاملات سے علیحدہ کر چکا تھا، عوام مہنگائی اور بجلی کے بلوں سے مر رہے ہیں، خوشامدی ٹولہ سب اچھا کی گردان کر رہا ہے۔
آصف کرمانی کا کہنا تھا کہ نواز شریف صاحب! سب اچھا نہیں ہے، تفصیلی بیان جلد جاری کروں گا۔
راولپنڈی : قومی احتساب بیورو (نیب) نے منی لانڈرنگ کیس کی تحقیقات کیلئے آصف زرداری کی پولیٹیکل سیکرٹری کوطلب کرلیا اور منی ٹریل سمیت تمام متعلقہ ریکارڈ ساتھ لانے کی ہدایت کردی۔
تفصیلات کے مطابق قومی احتساب بیورو (نیب) راولپنڈی نے منی لانڈرنگ کیس میں آصف زرداری کی پولیٹیکل سیکرٹری کوطلب کرلیا۔
نیب کی جانب سے جاری نوٹس میں رخسانہ بنگش کو19اکتوبرکودن 12بجے پیش ہونےکی ہدایت کرتے ہوئے کہا گیا ہے کہ منی لانڈرنگ کیس میں پوچھ گچھ کرنی ہے۔
نیب کا کہنا ہے کہ رخسانہ بنگش نے اوپن مارکیٹ سے 2لاکھ 84ہزارڈالرزخریدے اور 3لاکھ 43 ہزار ڈالرز کوبیرون ملک بھی بھجوایا گیا۔
نوٹس میں رخسانہ بنگش کومنی ٹریل سمیت تمام متعلقہ ریکارڈساتھ لانےکی ہدایت کرتے ہوئے کہا گیا ہے کہ تمام پاکستانی اورغیرملکی اکاؤنٹس کی تفصیلات بھی فراہم کی جائے۔