کراچی : سندھ سالڈویسٹ مینجمنٹ بورڈاور ہریالی حب کے اشتراک سے پولی تھین بیگ کو ری سائیکل کرکے ڈسٹ بن بنانے کا تجربہ کرلیا گیا۔
تفصیلات کے مطابق پولی تھین بیگ کو ری سائیکل کرکے ڈسٹ بن بنانے کا تجربہ کرلیا گیا، تجربہ سندھ سالڈویسٹ مینجمنٹ بورڈاور ہریالی حب کےاشتراک سے کیا گیا۔
ایم ڈی سالڈ ویسٹ مینجمنٹ بورڈ امتیازعلی شاہ نے بتایا کہ کچرے کی ری سائیکل سےماحولیاتی آلودگی میں کمی ہوگی، کراچی کو ماحولیاتی آلودگی سے بچانے کیلئے اقدامات کررہےہیں۔
امتیازعلی شاہ کا کہنا تھا کہ جی ٹی ایس بلدیہ اورشرافی پرکچراری سائیکل کرنےکے پلانٹ نصب ہیں۔ کچرےکوری سائیکل کرکے آر گینک کھاد،پلاسٹک دانہ بنایا جارہا ہے۔
دوسری جانب حکومت سندھ نے پروجیکٹ کچرے سے توانائی بنانے پر بھی مرحلہ وار کام شروع کردیا ہے ،ایم ڈی سالڈ ویسٹ مینجمنٹ بورڈ نے کہا کہ پلاسٹک سے ماحول کی آلودگی میں اضافہ ہورہا ہے اس کے خاتمے کے لئے جلد از جلد اقدامات کرنے کی ضرورت ہے۔
