Tag: پٹرولیم مصنوعات

لاہور: پٹرولیم مصنوعات کی قیمتوں میں کمی کے بعد کرائے کے نئے نرخ پر عملدرآمد کیلئے خصوصی اسکواڈز قائم کردیا گیا۔

گزشتہ دنوں پٹرولیم مصنوعات کی قیمتوں میں کمی کا فائدہ عوام تک پہنچانے کےلیے نئے نرخ پر عملدرآمد کو یقینی بنایا جائے گا، اس سلسلے میں خصوصی اسکواڈز تشکیل دیے گئے ہیں تاکہ عوام سے زائد کرایہ وصول نہ کیا جاسکے۔

زیادہ کرایہ لینے پر 27 گاڑیوں کے چالان کیے گئے، ان گاڑیوں کے مالکان پر ڈھائی لاکھ روپے جرمانہ بھی کیا گیا۔

ڈی سی نے زائد کرایہ لینے پر کارروائی کے حوالے سے بتایا کہ کرائے کے نئے نرخ پر عملدرآمد نہ کرنے پر 18 گاڑیاں تحویل میں لی گئی ہیں۔

حکومت کی جانب سے 15 اگست کی شب پیٹرولیم مصنوعات کی قیمتوں کا اعلان کیا گیا تھا،حکومت کی جانب سے جاری کردہ نوٹیفکیشن کے مطابق پیٹرول کی موجودہ قیمت برقرار رکھی گئی تھی۔

ڈیزل کی قیمت میں 12 روپے 84 پیسے فی لیٹر کمی کی گئی جس کے بعد ڈیزل کی نئی قیمت 272 روپے 99 پیسے فی لیٹر مقرر کی گئی۔

پیٹرول کی موجودہ قیمت 264 روپے 61 پیسے فی لیٹر پر برقرار رکھی گئی تھی، لائٹ ڈیزل کی قیمت 8 روپے 20 پیسے فی لیٹر کمی کے بعد 162 روپے 37 پیسے ہوگئی ہے۔

https://urdu.arynews.tv/petrol-and-diesel-pakistan-govt-adds-levy-2-august-2025/

حکومت کی جانب سے پٹرولیم مصنوعات کی قیمتوں میں اضافے کے خلاف پاکستان گڈز ٹرانسپورٹ نے ملک گیر ہڑتال کی دھمکی دے دی ہے۔

اے آر وائی نیوز کے مطابق حکومت نے آئندہ 15 روز کے لیے پٹرولیم مصنوعات کی قیمتوں میں اضافہ کر دیا ہے۔ پٹرول کی قیمت میں 8 روپے 36 پیسے، ہائی اسپیڈ ڈیزل کی قیمت میں 10 روپے 39 پیسے کے ساتھ مٹی کے تیل کی قیمت بھی بڑھا دی ہے۔

اس اضافے کو علاوہ حکومت، عوام سمیت تمام طبقہ فکر کے افراد نے مسترد کر دیا ہے۔ ٹرانسپورٹ تنظیموں نے بھی اس پر شدید ردعمل دیا ہے۔

اس حوالے سے پاکستان گڈز ٹرانسپورٹ الائنس کے صدر ملک شہزاد اعوان نے ایک ویڈیو پیغام جاری کیا ہے جس میں ملک بھر کی ٹرانسپورٹ برادری کی جانب سے پٹرولیم مصنوعات کی قیمتوں میں اضافہ کو مسترد کر دیا۔

اس کے ساتھ ہی انہوں نے 5 فیصد کرایہ بڑھانے کا اعلان کرتے ہوئے کہا ہے کہ اس فیصلے سے صرف ٹرانسپورٹ برادری ہی نہیں بلکہ ملک بھر کے عوام متاثر ہوں گے۔

ملک شہزاد اعوان کا کہنا تھا کہ ہمیں کوئی تحفظ حاصل نہیں۔ کراچی سمیت سندھ اور بلوچستان میں ہماری گاڑیوں کو نظر آتش اور پنجاب میں اسلحے کے زور پر لوٹا جا رہا ہے۔

انہوں نے یہ بھی کہا کہ حکومت ہمیں اپنے اقدامات سے مجبور کر رہی ہے کہ ہم کاروبار بند کر کے ملک گیر ہڑتال کریں۔ ٹول ٹیکس میں مسلسل اضافہ ہوتا ہے، اب ود ہولڈنگ ٹیکس بھی 4 سے بڑھا کر 6 فیصد کر دیا گیا۔

صدر پاکستان گڈز ٹرانسپورٹ اتحاد ملک شہزاد اعوان نے کہا کہ اس حوالے سے چاروں صوبوں کی ٹرانسپورٹ ایسوسی ایشنز سے مشاورت ہو رہی ہے اور بہت جلد آئندہ کے لائحہ عمل کا اعلان کیا جائے گا۔

واضح رہے کہ آل کراچی ٹرانسپورٹرز نے بھی پبلک ٹرانسپورٹ کے کرایوں میں اضافے کا عندیہ دے دیا ہے۔

https://urdu.arynews.tv/after-petrol-price-hike-karachi-transporters-likely-fair-increase/

اسلام آباد: وزیر خزانہ محمد اورنگزیب نے کہا ہے کہ پٹرولیم مصنوعات کی قیمتوں میں اضافہ عوام کو منتقل ہوگا، فیصلے حالات کے مطابق ہوں گے۔

چیئرمین سید نوید قمر کی زیرصدارت قومی اسمبلی کی قائمہ کمیٹی خزانہ کا اجلاس ہوا، اس موقع پر وزیر خزانہ کا کہنا تھا کہ پٹرولیم مصنوعات پرنظر رکھنے کیلئےکمیٹی قائم کردی گئی، فیصلے حالات کےمطابق ہوں گے، صورتحال کو مانیٹر کررہے ہیں۔

وفاقی وزیر خزانہ اورنگزیب نے مزید کہا کہ گزشتہ رات بھی پٹرولیم کی قیمتوں میں اضافہ منتقل کیا گیا، ہمیں محتاط انداز میں چلنا ہوگا۔

سیکریٹری خزانہ نے بتایا کہ پٹرول درآمد کے متبادل ذرائع پر غور کیا جارہا ہے، پٹرولیم و کاربن لیوی وصول کی جائےگی، ضرورت پڑی تو ستمبر میں بجٹ اہداف پر نظرثانی ہوگی۔

انھوں نے کہا کہ اربن لیوی سے کلین فیول و الیکٹرک گاڑیوں کو فروغ ملےگا، رواں سال حکومت کےقرض میں کمی،نجی شعبےکےقرض میں اضافہ ہوا۔

عمرایوب نے کہا کہ ایران اسرائیل کشیدگی سے بجٹ و کرنٹ اکاؤنٹ خسارہ بڑھےگا، ایکسچینج ریٹ میں اضافہ ہوجائےگا، ایف بی آر نے ٹیکس مراعات کا حجم 5,084 ارب بتایا تھا، ایک ہفتے بعد مراعات کا حجم 2,043 ارب کردیا گیا۔

انھوں نے کہا کہ رواں سال براہ راست غیر ملکی سرمایہ کاری صفر رہی، میرے سوالات بجٹ سے متعلق ہی ہیں۔

چیئرمین نوید قمر نے کہا کہ وزارت صنعت کل اس معاملے پر بریفنگ دےگی، شرمیلا فاروقی کا کہنا تھا کہ ایس آئی ایف سی نے60 ارب ڈالرسرمایہ کاری لاناتھی۔

https://urdu.arynews.tv/petroleum-products-price-increase/