Tag: پٹرولیم مصنوعات

اسلام آباد : ملکی تاریخ میں پہلی بار مالی سال کی پہلی سہ ماہی میں سب سےزیادہ لیوی وصول کی گئی، لیوی کی مد میں222ارب روپے وصول کئے گئے۔

تفصیلات کے مطابق پیٹرولیم مصنوعات کی قیمتوں کے ساتھ پیٹرولیم لیوی کا ریکارڈ بوجھ بھی عوام پر ڈال دیا گیا، ملکی تاریخ میں پہلی بار مالی سال کی پہلی سہہ ماہی میں سب سے زیادہ لیوی کی وصولی کی گئی۔

ذرائع نے بتایا کہ جولائی تاستمبر2023سالانہ بنیاد پر پیٹرولیم لیوی کی وصولی میں368فیصد کااضافہ ہوا اور وفاق نےرواں مالی سال کی پہلی سہہ ماہی لیوی کی مد میں222ارب روپے وصول کئے۔

ذرائع کا کہنا تھا کہ گذشتہ سال جولائی تاستمبر لیوی کی مد میں وصولی47 ارب48 کروڑ روپے تھی اور رواں مالی سال کیلئے پیٹرولیم لیوی کی وصولی کاہدف869 ارب روپےمقرر ہے۔

گذشتہ سال پیٹرولیم لیوی کی مد میں580ارب روپےوصول کئے گئےتھے، اس وقت فی لیٹر پیٹرول پر60 روپےلیوی وصول کی جارہی ہے جبکہ ہائی اسپیڈ ڈیزل کےفی لیٹر پر 55روپے کے حساب سے لیوی عائد ہے۔

پٹرولیم مصنوعات کی قیمتوں میں ریکارڈ کمی کے بعد اس کا براہ راست فائدہ عوام تک پہنچانے کا فیصلہ کرلیا گیا۔

تفصیلات کے مطابق نگران وزیراعلیٰ پنجاب کی زیر صدارت اجلاس منعقد ہوا، جس میں قیمتوں میں کمی کے لیے 48 گھنٹے کی ڈیڈ لائن دی گئی ہے۔ صوبے میں ٹرانسپورٹ کے کرایوں میں 10 فیصد تک کمی لانےکا ٹاسک دیا گیا ہے۔

نگران وزیراعلیٰ محسن نقوی کا کہنا تھا کہ پٹرولیم مصنوعات کی قیمتوں میں کمی کے تناسب سے ٹرانسپورٹ کرائے کم کیے جائیں گے۔

اس حوالے سے نگراں وزیر اور سیکریٹری ٹرانسپورٹ کو ٹرانسپورٹرز کے ساتھ فوری میٹنگ کرنے کی بھی ہدایت دی گئی۔ وزیر صنعت و زراعت ایس ایم تنویر گھی، فلور و دیگر ایسوسی ایشنز کے ساتھ مذاکرات کریں گے۔

سیکریٹری زراعت، کمشنرز اور ڈپٹی کمشنرز کو روزمرہ اشیا کی قیمتوں میں کمی لانے کا ٹاسک دیا گیا ہے۔ چیف سیکریٹری روزانہ کمشنرز اور ڈپٹی کمشنرزسے میٹنگ کرکے اقدامات کا جائزہ لیں گے۔

پنجاب کے نگراں وزیراعلیٰ کی جانب سے پرائس کنٹرول مجسٹریٹس اور پرائس کنٹرول کمیٹیوں کو فعال کردار ادا کرنے کا حکم دیا گیا ہے۔

محسن نقوی کا کہنا تھا کہ ذخیرہ اندوزوں کے خلاف بلاامتیاز کریک ڈاؤن جاری رکھا جائے۔ پٹرولیم مصنوعات کی قیمتوں میں کمی کا فائدہ براہِ راست عوام کو منتقل کرکے ریلیف دیا جائے گا۔

لاہور : نگراں حکومت کی جانب سے پٹرولیم مصنوعات کی قیمتوں میں اضافہ لاہور ہائی کورٹ میں چیلنج کردیا گیا، جس میں استدعا کی گئی کہ پٹرولیم مصنوعات کی قیمتوں میں اضافے کو کالعدم قرار دیا جائے۔

تفصیلات کے مطابق لاہور ہائی کورٹ میں پٹرولیم مصنوعات کی قیمتوں میں اضافے کیخلاف درخواست دائر کردی گئی، جوڈیشل ایکٹوزم پینل نےقیمتوں میں اضافےکیخلاف درخواست دائر کی۔

درخواست میں کہا گیا ہے کہ عالمی مارکیٹ میں قیمتوں کےمقابلےمیں پاکستان میں بے تحاشا اضافے کیا گیا، پٹرولیم مصنوعات کی قیمتوں میں اضافے سے مہنگائی بڑھ جائے گی۔

درخواست میں کہا ہے کہ پٹرولیم مصنوعات کی قیمتوں کےتعین کاکوئی میکنزم موجودنہیں، استدعا ہے کہ پٹرولیم مصنوعات کی قیمتوں میں اضافے کو کالعدم قرار دیا جائے۔

اسلام آباد : حکومت نے پیٹرول پر فریٹ مارجن میں ڈیڑھ روپے فی لیٹر اضافہ اور ڈیزل پر تیل کمپنیوں کا مارجن 24 پیسے فی لیٹر اضافہ کردیا۔

تفصیلات کے مطابق ڈالر کی اونچی اڑان اور ٹیکسز میں اضافہ عوام پر قہر بن کر گرا ، حکومت نے پٹرولیم مصنوعات پر ترسیلی مارجن اور تیل کمپنیوں کا مارجن بڑھا دیا۔

پیٹرول پر فریٹ مارجن میں ڈیڑھ روپے فی لٹر کا اضافہ کردیا گیا ، دستاویز میں بتایا ہے کہ پٹرول پر تیل کے ترسیلی اخراجات کا مارجن 4روپے13 پیسے فی لٹر مقرر کیا ہے۔

دستاویز میں کہنا تھا کہ ڈیزل پر تیل کمپنیوں کا مارجن 24 پیسے فی لٹر بڑھا دیا گیا اور ڈیزل پر تیل کمپنیوں کا مارجن بڑھا کر6 روپے 24 پیسے فی لٹر کردیا گیا۔

حکومت پٹرول پر 72روپے 13 پیسے فی لیٹر ٹیکسز وصول کررہی ہے ، پٹرول کی بنیادی قیمت 218 روپے 32 پیسے فی لٹر ہے اور پٹرول پر 55 روپے فی لٹر لیوی وصول کی جارہی ہے۔

پیٹرول پر ڈیلر مارجن 7 روپے اور تیل کمپنیوں کا مارجن مارجن 6 روپے 24 پیسے فی لٹر ہے، پٹرول پر سیلز ٹیکس کی شرح صفر ہے۔

ڈیزل کی بنیادی قیمت 233 روپے 19 پیسے فی لٹر ہے، حکومت ڈیزل پر63روپے 24پیسے فی لٹرٹیکسز اورمارجن وصول کررہی ہے، حکومت ڈیزل پر 50 روپے فی لٹر پٹرولیم لیوی وصول کررہی ہے۔

ڈیزل پر ڈیلر مارجن کی مدمیں 7 روپے فی لٹر وصول کئے جارہے ہیں جبکہ ڈیزل پر تیل کمپنیوں کا مارجن 6 روپے 24 پیسے فی لٹروصول کیا جارہا ہے، ڈیزل پر سیلز ٹیکس کی شرح صفر ہے۔

دیپالپور: پٹرولیم مصنوعات کی قیمتیں بڑھنے کا سن کر پمپ مالکان نے پٹرول کی فروخت بند کر دی، جہاں پٹرول مل رہا ہے وہاں عوام کا رش لگ گیا۔

تفصیلات کے مطابق دیپالپور میں شہریوں کی پریشانی میں اضافہ ہوگیا ہے، قیمتیں بڑھنے کی خبر آنے کے بعد پٹرول پمپ مالکان نے پٹرول کی فروخت بند کر دی، جن پمپس پر پٹرول مل رہا ہے وہاں شہریوں کی لمبی لائنیں لگی ہوئی ہیں۔

موٹرسائیکل کے لیے 300، گاڑی کے لیے ایک ہزار سے زیادہ کا پٹرول نہیں دیا جا رہا، شہر کے متعدد پٹرول پمپس بند ہونے کے باعث عوام پریشان ہیں جب کہ انتظامیہ بھی غائب ہے۔

واضح رہے کہ پی ڈی ایم حکومت نے مدت ختم ہونے سے قبل پیٹرول کی قیمت میں 19 روپے 95 پیسے فی لیٹر اور ہائی اسپیڈ ڈیزل کی قیمت میں 19 روپے90 پیسےفی لیٹر اضافہ کیا تھا۔

اضافے کے بعد پٹرول کی نئی قیمت 272 روپے 95 پیسے فی لیٹر اور ڈیزل کی فی لیٹر نئی قیمت 272 روپے 90 پیسے ہوگئی تھی، اب پھر سے عوام پر پٹرول بم گرانے کی تیاری کرتے ہوئے قیمتوں میں مزید اضافے کی اطلاعات ہیں۔

لاہور : پٹرولیم مصنوعات کی قیمتوں میں اضافہ لاہورہائیکورٹ میں چیلنچ کردیا گیا، جس میں استدعا کی گئی کہ قیمتوں میں حالیہ اضافہ کالعدم قرار دیا جائے۔

تفصیلات کے مطابق پٹرولیم مصنوعات کی قیمتوں میں اضافے کیخلاف لاہورہائیکورٹ میں درخواست دائر کردی گئی۔

لاہورہائی کورٹ میں درخواست اظہر صدیق ایڈووکیٹ کی جانب سے دائر کی گئی ، جس میں وفاقی حکومت،اوگرا سمیت دیگر حکام کو فریق بنایا گیا ہے۔

درخواست میں مؤقف اختیار کیا کہ دنیا بھر میں پٹرولیم مصنوعات کی قیمتوں میں کمی آ رہی ہے اور پاکستان میں پٹرولیم مصنوعات کی قیمتوں میں مزید اضافہ کر دیا گیا ہے۔

درخواست میں استدعا کی گئی کہ پٹرولیم مصنوعات کی قیمتوں میں حالیہ اضافہ کالعدم قرار دیا جائے۔

گذشتہ روز حکومت نے پیٹرول کی قیمت میں 19روپے95پیسےروپے فی لیٹر اور ہائی اسپیڈ ڈیزل کی قیمت میں 19روپے90 پیسےفی لیٹر اضافے کا اعلان کیا تھا۔

اسحاق ڈار نے کہا تھا اضافے کے بعد پٹرول کی نئی قیمت 272 روپے 95 پیسے فی لیٹر اور ڈیزل کی فی لیٹر نئی قیمت 272روپے 90پیسے ہوگئی، پیٹرول کی قیمتوں میں اضافے کا اطلاق فوری طور پر ہوگا۔