Tag: پڑوسی

پڑوسی کو قتل کرنے کے لیے آنے والے حملہ آور کی جانب سے فائرنگ کے بعد بہادر ماں نے اپنے بچوں کی حفاظت کےلیے فوری اقدام کیا۔

انگلینڈ کے شہر مرسی سائیڈ میں ایک افسوسناک واقعہ پیش آیا ہے جہاں کرکبی کے علاقے کیوریسائیڈ ڈرائیو میں 36 سالہ شخص کو قتل کردیا گیا، اس دوران پڑوس میں موجود ماں نے گولیوں کی آوازیں سن کر چیخ کر اپنے بچوں کو ’فرش پر لیٹ جانے‘ کے لیے کہا تاکہ وہ محفوظ رہیں۔1

سیکیورٹی حکام نے اب تک مرنے والے شخص کا نام ظاہر نہیں کیا، تاہم جاسوسوں نے سی سی ٹی وی، ڈور بیل یا ڈیش کیم فوٹیج رکھنے والے افراد سے اپیل کی ہے کہ وہ آگے آئیں اور اس کیس کو نمٹانے میں مدد کریں تاکہ یہ پتا چل سکے کہ کون اس واقعے میں ملوث ہے۔

دو چھوٹے بچوں کی ماں نے بتایا کہ جس گھر پر حملہ ہوا میں اس کے ساتھ والے گھر میں رہتی ہوں، میں باہر باغ میں کام کرنے گئی تھی، اگلے ہی لمحے میں نے زوردار دھماکوں کی آوازیں سنی۔

خاتون نے بتایا کہ میں جان چکی تھی کہ دھماکے کیسے ہیں، اس لیے میں نے اپنے بچوں سے کہا کہ وہ فرش پر لیٹ جائیں میں صرف یہ یقینی بنانا چاہتا تھا کہ وہ ٹھیک ہیں، پھر میں اپنی بیٹی کو لے کر گھر سے باہر نکل گئی۔

پولیس کا کہنا ہے کہ قتل ہونے والے شخص کے قریبی رشتے داروں کو مطلع کر دیا گیا ہے، ڈیٹیکٹیو سپرنٹنڈنٹ نے کہا کہ المناک واقعے کے بعد قتل کی تحقیقات جاری ہیں جس میں ایک شخص جان لیوا گولی لگنے کے بعد اپنی جان سے ہاتھ دھو بیٹھا ہے۔

پولیس نے کہا کہ ہم ابھی تحقیقات کے ابتدائی مراحل میں ہیں اور یہ معلوم کرنے کی کوشش کر رہے ہیں کہ یہ واقعہ کیوں پیش آیا اور اس میں کون ملوث تھا۔

نفسیاتی مرض میں مبتلا پڑوسی نے ٹیپ مانگنے پر بزرگ خاتون کو گھر میں گھس کر وحشیانہ طریقے سے مارڈالا۔

فرانس کے جنوبی علاقے میں ریٹائرمنٹ کی زندگی گزارنے والی 67 سالہ خاتون کو اس کے نئے گھر میں پڑوسی نے گلا گھونٹ کر مار ڈالا۔ نفسیاتی مرض میں مبتلا آدمی بزرگ خاتون سے اس بات پر ناراض تھا کہ وہ اس سے کئی بار اسٹیکنگ ٹیپ ادھار مانگ چکی تھی۔

67 سالہ سوسن ہیگن بوتھم ستمبر 2021 میں اپنے گھر میں مردہ پائی گئی تھیں، 42 سالہ حشام بہلول کو ان کے قتل کے الزام میں عمر قید کی سزا سنائی گئی ہے۔

ایک چھوٹے سے فرانسیسی قصبے میں برطانوی پنشنر خاتون ریٹائرمنٹ کی زندگی گزارنے کی خواہشمند تھیں مگر ان کا یہ خواب پورا نہ ہوسکا۔

67 سالہ سوسن بورڈو سے 35 میل مشرق میں صرف 150 افراد پر مشتمل گاؤں ایسکلوٹس میں رہتی تھیں۔ عدالت میں اس بات کا انکشاف ہوا کہ خاتون ہیگن بوتھم 42 سالہ بہلول کی جانب سے حملے سے قبل اس سے چپکنے والی ٹیپ مانگ رہی تھیں۔

مجرم نے عدالت کو بتایا کہ وہ حملے کے دن خاتون کے گھر میں چند ڈوری لے کر گیا تھا جس سے وہ اس کا گلا گھونٹا تھا، خاتون کو مارنے سے پہلے مجرم نے ان کے سینے پر مکے اور لاتیں بھی ماریں۔

قابل ذکر بات یہ ہے کہ حملے سے پہلے بہلول نے اپنی تقریباً نصف زندگی نفسیاتی دیکھ بھال کے سینٹر میں گزاری تھی۔ وہ چھ ماہ سے مغربی گاؤں میں اپنے والدین کے ساتھ رہ رہا تھا۔ عدالت نے اسے 30 سال قید کی سزا سنائی ہے۔