ماہ رمضان کا آغاز ہونے والا ہے اور افطار پکوڑوں کے بغیر ادھورا سمجھا جاتا ہے۔ آج ہم آپ کو مختلف اقسام کے پکوڑوں کی ترکیب بتارہے ہیں جنہیں کھا کر اہل خانہ آپ کے گن گانے پر مجبور ہوجائیں گے۔
شاہی پکوڑے
اجزا
بریڈ یا نان
بیسن: 2 کپ
پیاز: کپ (باریک کٹی ہوئی)
سبز مرچیں: 3 سے 4 عدد
سبز دھنیہ: آدھا کپ
انار دانہ: حسب ضرورت
ترکیب
گھر کے افراد کے حساب سے حسب ضرورت بریڈ کے پیس لے لیں اور پھر ایک سلائس کے 2 یا 4 پیس کاٹ لیں۔
اب چاہیں تو بیسن کا سادہ آمیزہ نمک، مرچ، مصالحے ڈال کر بنا لیں ورنہ دوسری صورت یمں بیسن میں باریک کٹی پیاز، سبز مرچیں، نمک، سرخ مرچیں، تازہ سبز دھنیہ اور انار دانہ حسب ضرورت ڈال کر آمیزہ تیار کرلیں۔
آمیزہ تیار کرنے کے بعد اس میں کٹی ہوئی بریڈ سلائس کو ڈبو کر ڈیپ فرائی کرلیں۔
مزیدار شاہی پکوڑے تیار ہیں۔ چٹنی اور کیچپ کے ساتھ افطار پر پیش کریں اور خوب داد وصول کریں۔
بریڈ موجود نہ ہونے کی صورت میں نان کے پیس لے کراس سے بھی شاہی پکوڑے بنائے جا سکتے ہیں۔
چائینیز پکوڑے
اجزا
بینگن: 2 عدد
پھول گوبھی: 1 پھول چھوٹا
آلو: 2 عدد
پیاز 2 عدد
شملہ مرچ: 3 عدد
میدہ: 2 کپ
لال مرچ: 1 چائے کا چمچ
زیرہ پاوڈر: 1 چائے کا چمچ
نمک: حسب ذائقہ
لیموں کا جوس: 2 کھانے کے چمچ
پانی: 1 کپ
تیل: حسب ضرورت
اجینو موتو (چائینیز سالٹ): 1 چائے کا چمچ
ترکیب
ایک پیالے میں میدہ، سفید زیرہ، نمک، لال مرچ، لیموں کا جوس اور پانی ملا کر پیسٹ بنالیں۔
بینگن کو چھلکوں سمیت چھوٹے کیوبز کی طرح کاٹ لیں۔
گوبھی کے پھول الگ کرلیں۔
پیاز اور شملہ مرچ کو بھی باریک کاٹ لیں۔
اب ان سب کٹی ہوئی سبزیوں پر تھوڑا میدہ چھڑک دیں۔
ایک پین میں تیل گرم کریں پھر سبزیوں کو پیسٹ میں مکس کر کے تیل میں ڈال کر فرائی کریں۔
سبزیاں تھوڑی تھوڑی کر کے فرائی کریں اور جب یہ پکوڑوں کی طرح فرائی ہوجائیں تو نکال لیں۔
پران پکوڑے
اجزا
پران: 12 سے 15 عدد
ہری مرچیں: 3 عدد
ادرک: 1 چائے کا چمچ
لہسن: 1 چائے کا چمچ
لال مرچ: 1 چائے کا چمچ
ہلدی: 1 چوتھائی چائے کا چمچ
نمک: 1 چائے کا چمچ
اجینو موتو: 1 چائے کا چمچ
شملہ مرچ: 3 کھانے کے چمچ
پیاز: 2 کھانے کے چمچ
سویا ساس: 2 کھانے کے چمچ
ہری پیاز: 3 کھانے کے چمچ
کالی مرچ: 1 چوتھائی چائے کا چمچ
گھی: ڈیڑھ کپ
ترکیب
سب سے پہلے الگ سے پران کو گھی میں فرائی کر کے نکال لیں۔
پھر لہسن٬ ادرک٬ ہری مرچیں٬ پیاز٬ شملہ مرچ٬ ہری پیاز کو فرائی کر کے اس میں نمک٬ اجینو موتو٬ ہلدی٬ لال مرچ٬ سویا سوس ڈال کر آخر میں فرائی شدہ پران شامل کرلیں۔
مزے دار پران پکوڑے کھانے کے لیے تیار ہیں۔
چکن قیمہ پکوڑے
اجزا
باریک کٹی چکن: 250 گرام
پھینٹے ہوئے انڈے: 2 عدد
بیسن: 4 کھانے کے چمچے
پسی ہوئی لال مرچ: 1 چائے کا چمچہ
کٹی ہوئی ہری مرچ: 2 عدد
ہلدی: 1 چوتھائی چائے کا چمچ
بیکنگ پاؤڈر: آدھا چائے کا چمچ
نمک: ایک چائے کا چمچ
کٹا ہرا دھنیہ: حسب ضرورت
چاٹ مصالحہ: آدھا کھانے کا چمچ
باریک کٹی ہری پیاز: آدھا کپ
ترکیب
تمام اجزا یعنی بیسن، بیکنگ پاؤڈر، پسی ہوئی لال مرچ، ہلدی، نمک، پانی، باریک کٹی چکن، کٹی ہری مرچ اور کٹا ہرا دھنیہ ڈال کر ایک پیالے میں مکس کر کے 30 منٹ کے لیے رکھ دیں۔
اب پین میں تیل گرم کر کے اس کو پکوڑے کی شکل میں خستہ اور گولڈن ہونے تک فرائی کرلیں۔
چنے کی دال کے پکوڑے
اجزا
چنے کی دال: 1 پاؤ
پسی ہوئی سرخ مرچ: 1 چائے کا چمچ
پسا ہوا زیرہ: 2 چائے کے چمچ
باریک کتری ہوئی پیاز: 1 پاؤ
نمک: حسب ذائقہ
ہلدی: آدھا چائے کا چمچ
کھانے کا سوڈا: آدھا چائے کا چمچ
ہری مرچیں: 8 عدد، باریک کتر لیں
ہرا دھنیہ: حسب ضرورت
تیل: تلنے کے لیے
ترکیب
چنے کی دال کو پانی میں بھگو دیں۔
جب پکوڑے بنانے ہوں تو دال کا پانی نکالیں اور دال کو اچھی طرح پیس لیں۔
اب اس میں نمک، پسی ہوئی سرخ مرچ، ہلدی، پسا ہوا زیرہ، کھانے کا سوڈا، پیاز، ہرا دھنیہ اور ہری مرچیں شامل کر کے اچھی طرح ملالیں۔
اس کے بعد تیل گرم کر کے دال کا آمیزہ تھوڑا تھوڑا کر کے پکوڑے کی شکل میں کڑھائی میں ڈالیں اور اچھی طرح تل لیں۔
آلو کے پکوڑے
اجزا
آلو: 2 سے 3
نمک، مرچ: حسب ذائقہ
دھنیہ پاؤڈر: 1 کھانے کا چمچ
ہلدی: چوتھائی چمچ
زیرہ پاؤڈر: حسب پسند
انار دانہ: حسب ضرورت
ترکیب
بیسن میں تمام مصالحے ڈال دیں اور مکس کریں۔
پھر پانی بہت تھوڑا تھوڑا ڈال کر مکس کرتی جائیں، پھر اس آمیزے میں آلو کے قتلے ڈال کر فرائی کرلیں۔
مزیدار آلو کے پکوڑے تیار ہیں۔
پالک کے پکوڑے
اجزا
پالک: آدھی گڈی
بیسن: 1 کپ
پیاز: 2 عدد درمیانہ سائز کی، کٹی ہوئی
ہری مرچ: 2 باریک کٹی ہوئی
ہرا دھنیہ: آدھا کپ
سفید زیرہ: آدھا چائے کا چمچ
ہلدی: چوتھائی چائے کا چمچ
لال مرچ کٹی ہوئی: آدھا چائے کا چمچ
بیکنگ پاؤڈر: آدھا چائے چمچ
تیل: حسب ضرورت
نمک: حسب ذائقہ
ترکیب
بیسن چھان لیں اور پالک باریک کاٹ لیں۔
پالک دھو کر بیسن میں شامل کر دیں۔
بیسن میں ہی تیل کے علاوہ سب کچھ ڈال دیں اور مکس کر کے 15 منٹ رکھ دیں۔
پھر تیل گرم کریں اور ڈیپ فرائی کرلیں۔
