اسلام آباد: سرحدی خلاف ورزی پر بھارتی ڈپٹی ہائی کمشنر کو دفترخارجہ طلب کر لیا گیا،نکیال سیکٹرمیں بھارتی فوج کی فائرنگ سے تین شہری شہید اورپندرہ زخمی ہوئے تھے۔
ایل او سی پر فائرنگ برداشت نہیں، بھارت اپنی فوج کو روکے دفترخارجہ کا بھارتی ڈپٹی ہائی کمشنر سے احتجاج کیا، بھارتی ڈپٹی ہائی کمشنر کو دفترخارجہ طلب کرکے نکیال سیکٹرمیں بلااشتعال فائرنگ پر احتجاج کیا گیا۔
ترجمان دفتر خارجہ کے مطابق پندرہ اور سولہ اگست کو فائرنگ سے تین بے گناہ شہری شہید اور پندرہ زخمی ہوئے ۔
ترجمان کا کہنا ہے کہ بھارت بلااشتعال فائرنگ کی تحقیقات کرائے اور اپنی فوج کو جنگ بندی معاہدے کی خلاف ورزی سے روکے ۔
بھارتی فوج کی فائرنگ سے شہید خاتون کی نماز جنازہ نکیال سیکٹر میں ادا کر دی گئی، جس میں پاک فوج کے افسران اور اہل علاقہ کی بڑی تعداد نے شرکت کی۔
