اسلام آباد : سینیٹ کا پہلا اجلاس 9 اپریل کو بلانے کی سمری ارسال کرنے کے بعد اجلاس کی تیاریوں کا آغاز کردیا گیا ہے جس میں نو منتخب سینیٹرز حلف اٹھائیں گے۔
اس حوالے سے ذرائع پارلیمانی امور کا کہنا ہے کہ گزشتہ روز سمری ارسال کرنے کے بعد اجلاس کی تیاریاں شروع کردی گئی ہیں اجلاس میں چیئرمین و ڈپٹی چیئرمین سینیٹ کا انتخاب بھی ہوگا۔
ذرائع کے مطابق سینیٹ کے پہلے اجلاس میں نومنتخب سینیٹرز کی حلف برداری اور چیئرمین و ڈپٹی چیئرمین کا انتخاب ایک ہی روز کیا جائےگا۔
یاد رہے کہ صدر مملکت آصف علی زرداری نے سینیٹ کے پہلے اجلاس کیلئے وفاقی وزیر خارجہ اسحاق ڈار کو آر او مقرر کرچکے ہیں۔
پیپلزپارٹی نے چیئرمین سینیٹ کی نشست کیلئے یوسف رضا گیلانی کو امیدوار نامزد کیا ہے جبکہ کے پی اسمبلی میں سینیٹ کی11نشستوں کیلئے نیا انتخابی شیڈول بھی جاری نہیں کیا گیا ہے۔
