ARYNews.tv | Urdu – Har Lamha Bakhabar

Tag: پہلا ون ڈے

  • پہلا ون ڈے، نیوزی لینڈ نے پاکستان کو 47 رنز سے ہرادیا

    پہلا ون ڈے، نیوزی لینڈ نے پاکستان کو 47 رنز سے ہرادیا

    ابوظبی: پہلے ون ڈے میچ میں نیوزی لینڈ نے پاکستان کو 47 رنز سے شکست دے دی، عماد وسیم اور سرفراز احمد کی نصف سنچریاں بھی کام نہ آسکیں، ٹرینٹ بولٹ نے ہیٹ ٹرک کی۔

    تفصیلات کے مطابق ابوظبی کے شیخ زید اسٹیڈیم میں جاری پہلے ون ڈے میچ میں نیوزی لینڈ نے پاکستان کو 47 رنز سے شکست دے دی، قومی ٹیم 47.2 اوورز میں 219 رنز پر ڈھیر ہوگئی، سرفراز احمد اور عماد وسیم کی سنچریاں بھی کام نہ آسکیں۔

    نیوزی لینڈ کو تین میچوں کی سیریز میں ایک صفر کی برتری حاصل ہوگئی، نیوزی لینڈ کی جانب سے فاسٹ بولر ٹرینٹ بولٹ نے ہیٹ ٹرک کی، فرگیوسن نے تین کھلاڑیوں کی پویلین کی راہ دکھائی، گرینڈ ہوم کے دو وکٹیں حاصل کیں۔

    پاکستان نے 267 رنز ہدف کا تعاقب کیا تو 8 رنز پر تین کھلاڑی پویلین لوٹ گئے، فخر زمان ایک رن، محمد حفیظ اور بابر اعظم بغیر کوئی رن بنائے پویلین لوٹ گئے، شعیب ملک 30 رنز بنائے۔

    عماد وسیم اور کپتان سرفراز احمد نے ٹیم کو سہارا دیا دونوں کھلاڑیوں نے نصف سنچریاں اسکور کیں تاہم ان کی نصف سنچریاں بھی ٹیم کے کام نہ آسکیں اور پوری ٹیم 219 رنز پر ڈھیر ہوگئی۔

    قبل ازیں ابوظبی کے شیخ زید اسٹیڈیم میں کھیلے جانے پہلے ایک روزہ میچ میں نیوزی لینڈ نے قومی ٹیم کو جیت کے لیے 267 رنز کا ہدف دے دیا، روس ٹیلر نے 80 رنز کی شاندار اننگز کھیلی، شاداب خان نے تین وکٹیں حاصل کیں۔

    نیوزی لینڈ نے ٹاس جیت کر پہلے بیٹنگ کا آغاز کیا تو 13 رنز پر پہلا نقصان اُٹھانا پڑا جب جی ایچ ورکر 1 رنز بنا کر شاہین آفریدی کی گیند پر سرفراز احمد کو کیچ دے بیٹھے، کیویز کی دوسری وکٹ 36 رنز پر گری کولن منرو 29 رنز بنا کر شاہین آفریدی کی گیند پر ایل بی ڈبلیو ہوگئے۔

    کیویز کی تیسری وکٹ 78 رنز پر گری جب کپتان ولیم سن 27 رنز بنا کر آؤٹ ہوگئے، لیتھم اور راس ٹیلر کے درمیان 130 رنز کی شراکت قائم ہوئی، راس ٹیلر نے 80 اور لیتھم نے 68 رنز کی اننگز کھیلی۔

    لیگ اسپنر شاداب خان نے چار گیندوں پر تین وکٹیں حاصل کرکے نیوزی لینڈ کی شراکت کا خاتمہ کیا، اس کے بعد عماد وسیم نے راس ٹیلر کو 80 رنز پر پویلین پہنچایا، نیوزی لینڈ کے دو کھلاڑی گرینڈ ہوم اور نکولس کھاتا کھولے بغیر پویلین روانہ ہوئے۔

    پاکستان کی جانب سے شاداب خان نے چار کھلاڑیوں کی پویلین کی راہ دکھائی، فاسٹ بولر شاہین شاہ آفریدی نے چار وکٹیں حاصل کیں، عماد وسیم کے حصے میں ایک وکٹ آسکی، فاسٹ بولر حسن علی کے اوورز میں 62 رنز بنے اور وہ کوئی وکٹ حاصل نہ کرسکے۔

    قومی ٹیم کے کپتان سرفراز احمد کا کہناتھا کہ اگر ٹاس جیت جاتے تو پہلے بیٹنگ کرتے۔ ٹیم میں خاص تبدیلی نہیں، امام الحق کی واپسی ہوئی ہے۔

    دوسری جانب نیوزی لینڈ کے کپتان کین ولیمسن کا کہنا تھا کہ نیوزی لینڈ پاکستان کو بڑا ٹارگٹ دینے کی کوشش کرےگا۔

    اس سے قبل دونوں ممالک کے درمیان 3 میچز کی ٹی 20 سیریز میں پاکستان نے آخری میچ میں نیوزی لینڈ کو 47 رنز سے شکست دے کر وائٹ واش کردیا تھا۔

    پاکستان سنہ 2011 سے نیوزی لینڈ کے خلاف کوئی ون ڈے سیریز نہیں جیت سکا۔ آخری بار گرین شرٹس نے 2014 میں نیوزی لینڈ کو ون ڈے میں ہرایا تھا۔

    دوسری جانب نیوزی لینڈ مسلسل 11 میچز جیت چکا ہے۔ سرفراز الیون ابو ظہبی ون ڈے جیت کر نیوزی لینڈ کی فتوحات کو بریک لگا سکتی ہے۔

    اگر گرین شرٹس نے سیریز 0-3 سے جیت لی تو ون ڈے رینکنگ میں پاکستان کی پوزیشن پانچویں سے چوتھی ہوجائے گی۔

    اس سے قبل دبئی میں آسٹریلیا سے کھیلی جانے والی 3 میچز کی ٹی 20 سیریز بھی پاکستان نے 0-3 سے اپنے نام کرلی تھی۔

  • پاکستان بمقابلہ نیوزی لینڈ: پہلا ون ڈے آج رات تین بجے کھیلا جائے گا

    پاکستان بمقابلہ نیوزی لینڈ: پہلا ون ڈے آج رات تین بجے کھیلا جائے گا

    ویلنگٹن : پاکستان اور نیوزی لینڈ کے درمیان ویلنگٹن میں کھیلا جانے والا پہلا ون ڈے میچ پاکستانی وقت کے مطابق رات تین بجے شروع ہوگا، پاکستان ٹیم مسلسل نو میچوں سے ناقابل شکست رہی ہے۔

    تفصیلات کے مطابق پاکستان اور نیوزی لینڈ کے درمیان پانچ ون ڈے میچوں کی سیریز کا پہلا میچ نیوزی لینڈ کے دارالحکومت ویلنگٹن میں جمعے اور ہفتے کی درمیانی رات تین بجے شروع ہوگا۔

    تازہ ترین اطلاعات کے مطابق نیوزی لینڈ کے شمال میں تہلکہ خیزطوفان کی پیش گوئی کی گئی ہے، پاکستانی شاہینوں نے کیویز کو شکست دینے کی تیاریاں کرلی ہیں، ٹیم نے ویلنگٹن میں خوب پریکٹس بھی کی۔

    گرین شرٹس نے گزشتہ روز جم ٹریننگ میں جسمانی استعداد بہتر بنانے کیلیے کام کیا، یاد رہے کہ پاکستانی ٹیم اعتماد سے مالا مال ہے۔

    مزید پڑھیں: قومی ٹیم نیوزی لینڈ کو شکست دے سکتی ہے، ٹی10بہترین فارمیٹ ہے، یونس خان

    چیمپئنز ٹرافی شامل کرکے پاکستان نیوزی لینڈ سے مسلسل نو ون ڈے جیت چکا ہے جبکہ نیوزی لینڈ کی ٹیم 2014 کے بعد سے صرف ایک سیریز ہاری ہے، مگر اس بار نیوزی لینڈ ٹیم بھی فارم میں ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

  • پہلا ون ڈے: پاکستان نے سری لنکا کو83رنز سے شکست دے دی

    پہلا ون ڈے: پاکستان نے سری لنکا کو83رنز سے شکست دے دی

    دبئی : شاہینوں نے ٹیسٹ سیریز کی شکست کا بدلہ لے لیا، دبئی ون ڈے میں پاکستان نے سری لنکا کو83رنز سے شکست دےدی، سری لنکا293رنزکےتعاقب میں 209 رنزبناسکا۔

    تفصیلات کے مطابق فارمیٹ اور کٹ بدلتے ہی شاہینوں کی پرفارمنس بھی بدل گئی۔ پہلے ون ڈے میں قومی ٹیم کی بیٹنگ بھی چلی اور بولنگ بھی لاجواب رہی، اس بار بابر اعظم کی روٹھی فارم بھی مان گئی، انہوں نے103رنز بناکر کیرئیر کی چھٹی سنچری اسکور کی۔

    اوپنر احمد شہزاد بارہ گیندیں کھیل کر بھی اپنا کھاتہ نہ کھول پائے اور رن آؤٹ ہوکر پویلین لوٹ آئے، شعیب ملک کو سپورٹ کرنے ان کی اہلیہ ثانیہ مرزا بھی اسٹیڈیم میں موجود تھیں، شعیب ملک کی دھواں دھار بیٹنگ پر ثانیہ بےحد خوش نظر آئیں۔

    بابر اعظم کی سنچری اور شعیب کی ففٹی کی بدولت پاکستان نے 293رنزکا ہدف دیا۔ جواب میں پاکستانی بولرز نے لنکن بلےبازوں کو باآسانی قابو کرلیا۔

    تھرمانے کے علاوہ کوئی کھلاڑی پاکستانی بولرز کے آگے نہ ٹک سکا۔ پاکستان نے209رنز پر سری لنکا کو ڈھیر کرکے میچ83رنز سے جیت لیا۔

    پاکستان کو پانچ میچوں کی سیریزمیں0-1کی برتری حاصل ہوگئی، رومان رئیس اور حسن علی نے 3،3کھلاڑیوں کوآؤٹ کیا، محمد حفیظ اور شاداب خان نے ایک ایک وکٹ لی، شعیب ملک میچ کےبہترین کھلاڑی قرار پائے۔

     

    ہدف کے تعاقب میں ڈک ویلا اور تھرنگا نے میدان میں اتر کر کھیل کا آغاز کیا لیکن پاکستان کی خطرناک باؤلنگ کے آگے ٹکنے میں کامیاب نہیں ہوئے، ویلا19اور تھرنگا18رنز بنا کر آؤٹ ہو گئے۔

    چندی مل چاراور مینڈس دو رنز بنانے میں کامیاب ہوئے۔ سری وردنا بغیر کوئی رن بنائے حسن علی کی گیند کا نشانہ بنے اور بولڈ ہو کر پویلین لو ٹ گئے ،پیریرا21رنز پر شاداب خان کی گیند پر کیچ آؤٹ ہو گئے۔

    سری لنکا کی جانب سے تھریمانے 53رنز کے ساتھ سرفہرست رہے اور دنانجا 50رنز کے ساتھ دوسرے نمبر پر رہے۔

    بعد ازاں میڈیا سے گفتگو کرتے ہوئے سری لنکن کپتان تھرنگا کا کہنا تھا کہ پاکستان نےاچھی بیٹنگ کی، پاکستان کو270رنزسے کم پرروک سکتےتھے، ابتدائی وکٹیں جلد گرنےسے ہدف کا تعاقب مشکل ہوگیا، ہمارے بلےبازوں کوکارکردگی بہترکرنے کی ضرورت ہے،

    قومی ٹیم کے کپتان سرفرازاحمد نے کہا کہ ٹیسٹ سیریز ہارنےکے بعد پہلامیچ جیتنا بہت ضروری تھا، جیت کاکریڈٹ پوری ٹیم کوجاتاہے، پہلے بیٹنگ کرکے بڑا اسکورکرنا کوشش ہوتی ہے۔

    سرفرازاحمد نے کہا کہ امید تھی کہ محمد حفیظ اورشعیب ملک کے آنے سےمورال بلند ہوگا، بابر اعظم نے بہترین اننگز کھیلی۔

     قبل ازیں سری لنکا اور پاکستان کے درمیان کھیلے جانے والے پہلے ون ڈے میچ میں قومی ٹیم نے بابر اعظم کی سینچری103رنز اور شعیب ملک کی نصف سینچری81رنز کی بدولت293رنز کا ہدف دیا تھا۔

    سری لنکا کے کپتان نے ٹاس جیت کر فیلڈنگ کرنے کا فیصلہ کیا، پاکستان کی جانب سے اوپنر فخر زمان اور احمد شہزاد نے کھیل کا آغاز کیا۔

    بارہ گیندیں ضائع کرنے کے بعد احمد شہزاد کوئی رن بنائے بغیر ہی پویلین واپس چلے گئے، فخر زمان نے 43رنز کی اننگ کھیلی۔

    شعیب ملک نے شاندار81رنز بنائے جبکہ محمد حفیظ 32 رنز بنانے میں کامیاب ہوئے، ٹیم کے کپتان سرفراز احمد صرف ایک رن بناسکے، پاکستان نے مقررہ 50اوورز میں 6وکٹوں کے نقصان پر292 رنز بنائے۔

    پاکستان ٹیم میں سرفراز احمد کپتان، احمد شہزاد، فخر زمان، بابر اعظم، شعیب ملک، محمد حفیظ، عماد وسیم، رومان رئیس، شاداب خان، حسن علی اور جنید خان شامل ہیں۔

    سری لنکا ٹیم میں اوپل تھرنگاکپتان، نیروشن ڈیکویلا، کوشل مینڈس، لاہیرو تھریمانے، دنیش چندی مل، تھیسارا پریرا، انوشا داننجایا، سریش لکمل، جے ویندرسے، گاماگے اور ایم سری وردنے شامل ہیں۔

    مزید پڑھیں: سری لنکا سے شکست، قومی ٹیم ٹیسٹ رینکنگ میں ساتویں نمبرپر

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

     

  • پہلا ون ڈے : آسٹریلیا نے پاکستان کو 92 رنز سے شکست دے دی

    پہلا ون ڈے : آسٹریلیا نے پاکستان کو 92 رنز سے شکست دے دی

    برسبین : آسٹریلیا نے پاکستان کو بانوے رنز سے شکست دے کر ٹیسٹ سیریز کے بعد ون ڈے سیریز کا پہلا میچ بھی جیت لیا، پاکستان کی پوری ٹیم آسٹریلیا کے 269 کے ہدف کے تعاقب میں42.4 اوورز میں 176 پرہی ڈھیر ہو گئی، پاکستانی ٹیم کو آئی سی سی کی عالمی رینکنگ میں اپنی آٹھویں پوزیشن برقرار رکھنے کا اس سے اچھا موقع ہاتھ نہیں آ سکتا تھا جو اس نے ضائع کردیا۔

    تفصیلات کے مطابق آسٹریلوی کپتان اسٹیون اسمتھ نے ٹاس جیت کر پہلے بیٹنگ کرنے کا فیصلہ کیا جو پاکستان کی بولنگ کے سامنے غلط ثابت ہوا۔ اظہرعلی کی جارحانہ کپتانی کی بدولت آسٹریلیا کی آدھی ٹیم صرف اٹھتر رنز پر پویلین لوٹ گئی۔

    match-post-1

    میچ پرپاکستان کی گرفت مضبوط تھی لیکن پھر ہوا وہی جس کا ڈر تھا، میتھیو ویڈ نے گلین میکس ویل کےساتھ مل کر اپنی ٹیم کو مکمل تباہی سے بچالیا۔ دو سو انہترنز کا ہدف بڑا نہ تھا۔۔ اوپننگ شراکت بھی اچھی مل گئی تھی، لیکن شرجیل کےآؤٹ ہوتے ہی سب بدل گیا۔

    match-post-2

    شرجیل 18، حفیظ 4،عمراکمل 17،اظہرعلی 24 اوربابراعظم 33 رنز کےساتھ ٹاپ اسکورر رہے۔ پاکستان ٹیم کی باری صرف ایک سو چھتر رنز پر سمٹ گئی۔

    آسٹریلیا کی جانب سے جیمز فلکنر نے 4، پٹ اسمنز نے 3،مچل اسٹارک نے 2 اور مچل مارش نے ایک وکٹ حاصل کی۔ میتھیو ویڈ میچ کے بہترین کھلاڑی قرار پائے۔

  • بنگلہ دیش نے پاکستان کو 330 رنز کا پہاڑجیسا ہدف دے دیا

    بنگلہ دیش نے پاکستان کو 330 رنز کا پہاڑجیسا ہدف دے دیا

    میر پور: پاکستان اور بنگلہ دیش کے درمیان تین میچز کی سیریز کا پہلا ون ڈے میرپور میں کھیلا جارہا ہے۔
    بنگلادیش نے پہلے ون ڈے میں پاکستان کو بھرکس نکال دیا۔

    تمیم اقبال اور مشفق الرحیم کی سنچریوں کی بدولت بنگال ٹائیگرز نے ون ڈے کی تاریخ کا سب سے بڑا ٹوٹل سجادیا۔ بنگلہ دیش کی ٹیم کے کپتان شکیب الحسن نے ٹاس جیت کرپہلے بیٹنگ کا فیصلہ کیا.

    بنگلہ دیش نے پاکستان کو تین سو تیس رنزکا ہدف دیا ہے اور اس کے چھ کھلاڑی آؤٹ ہوئے،تازہ ترین اطلاعات کے مطابق کپتان شکیب الحسن نے شاندار اننگ کھیلی.

    انہوں نے ایک سو پینتیس بولوں پر پندرہ چوکوں اور تین چھکوں کی مدد سے 132رنز بنائے، اور وہ وہاب ریاض کی بول پر کیچ آؤٹ ہوئے۔

    سومیہ سرکار نے 20 اور محمداللہ نے 5 رنزبنائے۔ مشفق الرحیم نے 117 بولوں پر 106 رنز بنائے،جبکہ صابر رحمان پندرہ رن بنا کر آؤٹ ہوئے۔

    واضح رہے کہ بنگلہ دیش کی جانب سے پہلی مرتبہ ایک میچ میں دو کھلاڑیوں نے سنچریز اسکور کی ہیں۔

    دوسری جانب پاکستان کی طرف سے وہاب  ریاض نے 59 رنز دے کر چار کھلاڑیوں کو آؤٹ کیا۔ سعیداجمل بھی ایکشن کی درستگی کے بعد وہ اجمل نہ رہے، نہ دوسرا چلا اور نہ ہی تیسرا۔ دس اوورز میں چوہتر رنز کی پٹائی کھائی اور بدترین بولنگ کا ریکارڈ بھی بنایا۔

    جنیدخان کی یاکرز بھی کام نہ آئی ۔ وہاب ریاض نے چار وکٹیں تو حاصل کیں لیکن اس وقت تک پانی اوپر سے گزر چکاتھا۔ تمیم اقبال اور مشفق کی سنچریوں کی بدولت بنگال ٹائیگرز نے اسکور بورڈ پر تین سو انتیس رنز کا پہاڑ کھڑا کردیا۔

  • پہلا ون ڈے:آسٹریلیا کی پاکستان کیخلاف شاندار فتح

    پہلا ون ڈے:آسٹریلیا کی پاکستان کیخلاف شاندار فتح

      شارجہ: آسٹریلیا کیخلاف پہلے ون ڈے میچ میں پاکستانی بلے بازوں کی ناقص کارکردگی ٹیم کو لے ڈوبی۔اسٹیون اسمتھ کی شاندار سنچری اور عمدہ بولنگ نے آسٹریلیا کو ترانوے رنز سے جیتا کرسیریز میں ایک صفر کی سبقت دلادی ہے۔

    شارجہ میں کھیلے گئے پہلے ون ڈے میچ میں پاکستان کیخلاف آسٹریلوی کپتان نے ٹاس جیت کر بیٹنگ کا فیصلہ کیا۔ پہلی وکٹ صفر پر ایرون فنچ کی گری۔ اسٹیون اسمتھ نے ذمہ داری سے نہ صرف اسکور میں اضافہ کیا بلکہ ون ڈے کیرئیر کی پہلی سنچری بھی بنائی۔ وہ ایک سو ایک رنز بناکر نمایاں رہے۔

    مقررہ اوورز میں آسٹریلوی ٹیم آٹھ وکٹوں پردو سو پچپن رنز بنائے، پاکستان کیلئے شاہد آفریدی نے تین،وہاب ریاض نے دو وکٹیں حاصل کیں، جواب میں پاکستانی بلے باز ناکام ہوگئے۔ وکٹیں گرنے کا سلسلہ تھم نہ سکااور پوری ٹیم کے ڈھیر ہونے پر ختم ہوا۔

    سرفراز احمد اور عمراکمل نے کینگروز کے سامنے مزاحمت کی مگر ان کی زیادہ دیر تک چل نہ سکی، پاکستان ٹیم ایک سو باسٹھ رنز پر ہمت ہار گئی۔ سرفراز احمد چوتیس،عمر اکمل چھالیس رنز بناسکے۔

    مچل جانسن نے تین، نیتھن لیون اور گلین میکسویل نے دو،دو وکٹیں حاصل کیں۔ سیریز کا دوسرا میچ دس اکتوبر کو دبئی میں ہوگا۔

  • پاکستان بمقابلہ سری لنکا، پہلا ون ڈے آج ہمبنٹوٹا میں ہوگا

    پاکستان بمقابلہ سری لنکا، پہلا ون ڈے آج ہمبنٹوٹا میں ہوگا

    ہمبنٹوٹا :پاکستان اور سری لنکا کے درمیان تین ون ڈے کی سیریز کا پہلا میچ آج ہمبن ٹوٹا میں کھیلا جائے گا، آف اسپنر سعید اجمل آسٹریلیا میں بولنگ ایکشن کے ٹیسٹ کے سبب پہلے ون ڈے میں شرکت نہیں کریں گے۔

    ٹیسٹ سیریز میں قومی ٹیم ناکام ہوئی اور اب  قومی ٹیم کا ون ڈے میں امتحان ہونے جارہا ہے، طویل دورانیئے کی کرکٹ میں بیٹسمینوں نے مایوس کیا، قومی ٹیم کے پاس ٹیسٹ کی شکست کا بدلہ لینے کا وقت آگیا۔۔

    ٹیسٹ میچ میں گرین شرٹس کو ناکامی کا سامنا کرنا پڑا، بیٹسمینوں کی پرفارمنس نے مینجمنٹ کو تشویش میں مبتلا کردیا ہے، اسکواڈ میں فاسٹ بولر محمد عرفان کو شامل کیا گیا ہے، سعید اجمل برسبین میں ہونے والے بولنگ ایکشن ٹیسٹ کے سبب پہلے ون ڈے سے باہر ہوگئے ہیں۔

    سری لنکا کے خلاف پہلے ٹیسٹ میں امپائرز نےسعید اجمل کے بولنگ ایکشن پر اعتراض اٹھایا تھا، میزبان ٹیم ون ڈے رینکنگ میں تیسرے اور پاکستان چھٹے نمبر پر موجود ہے۔

    دونوں ٹیمیں ایک سو انتالیس مرتبہ ون ڈے میں مدمقابل آچکی ہیں، اسی میں پاکستان اور چون میں سری لنکا کامیاب رہا، کپتان مصباح الحق کا کہنا ہے کہ ٹیسٹ سیریز کی شکست کو بھلا کر ون ڈے کے لئے میدان میں اتریں گے۔

  • پاک سری لنکا ون ڈے سیریز:پہلامیچ کل شارجہ میں ہوگا

    پاک سری لنکا ون ڈے سیریز:پہلامیچ کل شارجہ میں ہوگا

    پاکستان اور سری لنکا کے درمیان پانچ میچز کی سیریز کا پہلا ون ڈے کل شارجہ میں کھیلا جائے گا۔ دونوں ٹیموں کے کپتان سیریز کا آغاز کامیابی کے ساتھ کرنے کے لئے پرعزم ہیں۔ شارجہ کا میدان پاکستان کے لئے ہوم گراؤنڈ جیسا ہی ہے۔

    اس گراؤنڈ پر قومی ٹیم کی کئی سنہری یادیں بھی وابستہ ہیں۔ سری لنکا کے خلاف بھی پاکستان کا شارجہ میں ریکارڈ کافی اچھا ہے۔ دونوں ٹیموں کے درمیان شارجہ میں مجموعی طور پر تینتیس میچز کھیلے گئے۔ بیس میں پاکستان اور بارہ میں سری لنکا نے میدان مارا۔

    اس ریکارڈ کو مزید بہتر کرنے کے لئے پاکستانی ٹیم پانچ میچز کی سیریز میں سری لنکا کے مدمقابل آرہی ہے۔ پہلے میچ کی تیاری کے لئے دونوں ٹیمیں بھرپور پریکٹس کررہی ہیں۔ شارجہ میں دونوں ٹیموں کے کپتانوں کی پریس کانفرنس سے قبل ٹرافی کی تقریب رونمائی کے موقع پر کپتان مصباح الحق کا کہنا تھا کہ ون ڈے سیریز میں بیٹسمینوں کا کردار بہت اہم ہوگا۔ ٹاپ چھ بلے بازوں کو پچاس اوورز کھیلنا ہوں گے۔

    ادھر سری لنکن کپتان اینجلو میتھیوز نے سیریز کا آغاز کامیابی کے ساتھ کرنے کا عزم ظاہر کیا ہے۔ حیران کن طور پر دونوں ٹیمیں ڈیڑھ سال کے بعد ایک روزہ کرکٹ میں مدمقابل آرہی ہیں۔ اس سے قبل کھیلی گئی سیریز سری لنکا کے نام رہی تھی۔