ARYNews.tv | Urdu – Har Lamha Bakhabar

Tag: پہلا ٹیسٹ

  • ملتان ٹیسٹ: ویسٹ انڈیز کی پوری ٹیم 137 رنز پر ڈھیر

    ملتان ٹیسٹ: ویسٹ انڈیز کی پوری ٹیم 137 رنز پر ڈھیر

    ملتان ٹیسٹ کے دوسرے روز ویسٹ انڈیز کے خلاف پہلی اننگز میں پاکستان کی پوری ٹیم 230 رنز پر پویلین لوٹ گئی، جس کے بعد پاکستان کے نعمان علی اور ساجد خان نے شاندار بالنگ کا مظاہرہ کرتے ہوئے مہمان ٹیم کو صرف 137 رنز پر پویلین روانہ کردیا۔

    ملتان ٹیسٹ کے دوسرے روز پہلے سیشن میں پاکستان کے آؤٹ ہونے کے بعد ویسٹ انڈیز نے بیٹنگ شروع کی تو پاکستانی بالرز شروع سے چھائے رہے اور مہمان ٹیم کو دباؤ میں رکھا۔

    ساجد خان نے مہمان ٹیم کے 4 کھلاڑیوں کو شروع میں ہی آؤٹ کردیا، انہوں نے میکائیل لوئس کو ایک، کیاسی کارٹی کو صفر،کریک براتھویٹ کو 11 اور کیون ہوج کو 4 رنز پر آؤٹ کیا۔

    ساجد خان کے بعد نعمان علی نے ویسٹ انڈیز بیٹرز کی درگت بنائی اور 5 وکٹیں حاصل کرنے میں کامیاب ہوگئے۔

    ویسٹ انڈیز کی پانچویں وکٹ 34 رنز کے مجموعے پر گری اور نعمان علی نے جسٹن گریویس کو 4 رنز پر چلتا کیا جس کے بعد نعمان علی نے ٹریون املیچ اور ایلک ایتھنیز کو 6،6 جب کہ کلیون سنکلر کو 11 رنز پر پویلن بھیجا۔

    نعمان علی نے گداکیش موتی کو 19 رنز پر آؤٹ کرکے پانچویں وکٹ لی۔

    137 کے مجموعے پر آخری وکٹ ابرار احمد نے لی جنہوں نے جیڈن سیلز کو 22 رنز پر آؤٹ کیا۔پاکستان نے ملتان ٹیسٹ میں پہلی اننگزمیں 93 رنزکی برتری حاصل کرلی۔

    واضح رہے کہ پاکستان کو ویسٹ انڈیز سے ٹیسٹ سیریز جیتے تقریباً 8 سال گزر گئے ہیں۔ دونوں ٹیموں کے درمیان آخری ٹیسٹ سیریز ایک ایک سے برابر رہی تھی۔

    تاہم پاکستان کی سر زمین پر ویسٹ انڈیز کا ریکارڈ خراب ہے۔ دنوں ٹیموں کے درمیان سات ٹیسٹ سیریز ہوئیں جس میں صرف ایک بار 1980 میں کامیابی ملی۔

    ویسٹ انڈیز نے پاکستان کی سر زمین پر 21 میچز کھیل رکھے ہیں۔ ان میں سے صرف چار میں فتح حاصل ہوئی اور 9 میں ہار کو گلے لگایا۔ 8 میچز ڈرا رہے۔

  • پہلا ٹیسٹ: پاکستان اور جنوبی افریقہ آج مد مقابل ہوں گے

    پہلا ٹیسٹ: پاکستان اور جنوبی افریقہ آج مد مقابل ہوں گے

    پاکستان اور جنوبی افریقہ کے درمیان دو میچوں کی سیریز کا پہلا ٹیسٹ میچ آج سے سنچورین میں کھیلا جائے گا۔

    ذرائع کے مطابق پاکستانی اسکواڈ کی باکسنگ ڈے ٹیسٹ کے لیے تیاریاں مکمل ہیں، کھلاڑیوں نے بیٹنگ، بولنگ اور فیلڈنگ کی بھرپور پریکٹس کی۔

    پاکستانی ٹیم کے کپتان شان مسعود کا کہنا تھا کہ پاکستان جنوبی افریقہ کے خلاف پہلے ٹیسٹ میچ میں چار فاسٹ بولرز کے ساتھ میدان میں اترے گا۔

    شان مسعود نے کہا کہ سنچورین کی کنڈیشن فاسٹ بولرز اور بیٹرز کیلئے سازگار ہے۔ فاسٹ بولر محمد عباس کو اگست 2021 کے بعد پہلی مرتبہ ٹیم میں شامل کیا گیا ہے۔

    اس سے قبل پاکستان نے جنوبی افریقا کیخلاف پہلے ٹیسٹ کیلئے پلینگ الیون کا اعلان کر دیا۔

    تجربہ کار بابراعظم کی ٹیسٹ ٹیم میں واپسی ہوئی ہے، جب کہ دیگر کھلاڑیوں میں کپتان شان مسعود، صائم ایوب کامران غلام، رضوان، سعودشکیل، سلمان آغا، عامرجمال، نسیم شاہ، خرم شہزاد اور محمد عباس شامل ہیں۔

    جنوبی افریقہ ٹیم کی اوپننگ کمبی نیشن میں کوئی تبدیلی نہیں کی گئی اور ٹونی ڈی زورزی اور ایڈن مارکرم ٹاپ پر برقرار رہیں گے۔ سری لنکا کے خلاف سیریز میں ان دونوں کی شاندار کارکردگی تھی اور وہ اس سے بھی بہتر کارکردگی کے ساتھ سامنے آنا چاہتے ہیں۔

    سری لنکا سیریز سے جنوبی افریقہ کی بیٹنگ لائن اپ بدستور برقرار ہے جس میں قابل اعتماد ٹاپ سات شامل ہیں۔

    کاگیسو ربادا اور مارکو جانسن ٹیم کے دو فرنٹ لائن پیسر ہوں گے جبکہ ڈین پیٹرسن تیسرے فاسٹ بولر ہوں گے۔ کیشو مہاراج کی غیرموجودگی میں کوربن بوش کو ٹیم میں جگہ دی گئی ہے۔

  • بنگلادیش کیخلاف پہلا ٹیسٹ، قومی اسکواڈ کا پریکٹس سیشن

    بنگلادیش کیخلاف پہلا ٹیسٹ، قومی اسکواڈ کا پریکٹس سیشن

    قومی ٹیسٹ اسکواڈ نے بنگلادیش کے خلاف راولپنڈی ٹیسٹ میچ کی تیاریوں کے سلسلے میں چوتھے روز بھی پریکٹس سیشن کیا۔

    پاکستان کے قومی ٹیسٹ اسکواڈ کا پریکٹس سیشن پنڈی کرکٹ اسٹیڈیم میں بارش کے باعث تاخیر سے شروع ہوا۔

    ہیڈکوچ جیسن گلیسپی اور اسسٹنٹ کوچ اظہر محمود کی نگرانی میں بارش رکنے کے بعد کھلاڑیوں نے نیٹس میں بیٹنگ اور بولنگ کے سیشنز کیے۔ بیٹرز کے لیے نیٹس میں خصوصی گھاس والی پچز تیار کی گئیں۔

    واضح رہے کہ راولپنڈی ٹیسٹ کیلیے گراؤنڈز مین نے پچ کی تیاری کا کام شروع کردیا ہے، راولپنڈی میں بنگلادیش کے خلاف ٹیسٹ میچ کیلیے پچ پر گھاس ہوگی جو فاسٹ بولرز کے لیے زیادہ سازگار ہوگی۔

    دوسری جانب روہت شرما آئی سی سی ون ڈے رینکنگ میں بابر اعظم کی نمبر ون پوزیشن کو چیلنج کرنے کے قریب پہنچ گئے، وہ پاکستانی کپتان سے تھوڑے فاصلے پر ہیں۔

    پاکستان کے وائٹ بال قائد بابر اعظم طویل عرصے سے ایک روزہ مقابلوں کے نمبر ون بیٹر ہیں، تاہم تازہ آئی سی سی رینکنگ میں بھارتی کپتان روہت شرما بابر اعظم کے قریب پہنچ چکے ہیں، بدھ کو جاری ون ڈے رینکنگ میں روہت نے شبمن گل کو پیچھے چھوڑتے ہوئے بابر کے بعد دوسرا نمبر حاصل کرلیا ہے۔

    بھارتی ٹیم کو سری لنکا کے خلاف تین میچز کی حالیہ ون ڈے سیریز میں 0-2 سے شکست کا سامنا کرنا پڑا تھا لیکن روہت نے اس سیریز میں شاندار کارکردگی کا مظاہرہ کرتے ہوئے 52.33 کی اوسط سے دو نصف سنچریوں سمیت 157 رنز بنائے تھے۔

    بابر اعظم نے ون ڈے ورلڈکپ کے بعد سے اب تک ایک روزہ مقابلوں میں حصہ نہیں لیا مگر ان کی نمبر ون پوزیشن برقرار ہے۔

    2032ء اولمپکس کھیلیں گے یا نہیں؟ ارشد ندیم نے بتادیا

    اس وقت قومی کپتان 824 ریٹنگ پوائنٹس کے ساتھ چارٹ میں سرفہرست ہیں جبکہ روہت کے 765 پوائنٹس ہیں، فی الحال روہت کے پاس بابر کو ٹاپ پوزیشن سے محروم کرنے کا کوئی خاص موقع نہیں کیوں کہ اگلے سال انگلینڈ کے خلاف تین میچوں سے پہلے بھارت کی کوئی ون ڈے نہیں ہے۔

  • نیوزی لیںڈ نے دورہ پاکستان کیلئے 15 رکنی اسکواڈ کا اعلان کردیا

    نیوزی لیںڈ نے دورہ پاکستان کیلئے 15 رکنی اسکواڈ کا اعلان کردیا

    دورہ پاکستان کیلئے نیوزی لینڈ کے 15 رکنی ٹیسٹ اسکواڈ کا اعلان کردیا گیا۔

    دورہ پاکستان میں نیوزی لینڈ ٹیسٹ ٹیم کی قیادت کین ویلیم سن کے موتعفی ہونے کے بعد ٹِم ساؤتھی کریں گے، نیوزی لینڈ ٹیسٹ اسکواڈ میں لیگ اسپنر اِش سودھی کی چار سال بعد واپسی ہوئی ہے۔

    اس کے علاوہ بلیئر ٹکنر اور گلین فلپس کو بھی نیوزی لینڈ اسکواڈ میں شامل کر لیا گیا۔

    کیوی اسکواڈ کے دیگر کھلاڑیوں میں مائیکل بریسویل، ٹام بلنڈیل، ڈیون کانوے، میٹ ہینری ،ٹام لیتھم، ڈیرل مچل،ہینری نکولس، اعجاز پٹیل،کین ولیم سن ،نیل ویگنر اور ول ینگ شامل ہیں۔

     

    View this post on Instagram

     

    A post shared by BLACKCAPS (@blackcapsnz)

    واضح رہے کہ نیوزی لینڈ کی ٹیم رواں ماہ پاکستان کے دورے پر آ رہی ہے۔ اس دورے کے دوران کیوی ٹیم دو ٹیسٹ اور تین ون ڈے انٹرنیشنل پر مشتمل سیریز کھیلے گی۔

    سیریز کا پہلا ٹیسٹ 26 دسمبر سے کراچی کے نیشنل بینک کرکٹ ایرینا میں کھیلا جائے گا جب کہ دوسرا ٹیسٹ 3 سے 7 جنوری تک ملتان میں ہوگا۔

    دورہ پاکستان کیلئے نیوزی لینڈ ون ڈے اسکواڈ کا اعلان 19 دسمبر کو کیا جائے گا۔

  • آسٹریلوی کھلاڑی ڈیوڈ وارنر بھارت کے خلاف پہلے ٹیسٹ سے باہر ہوگئے

    آسٹریلوی کھلاڑی ڈیوڈ وارنر بھارت کے خلاف پہلے ٹیسٹ سے باہر ہوگئے

    آسٹریلیا اور بھارت کے خلاف حال ہی میں ختم ہونے والی ایک روزہ سیریز کے دوسرے میچ میں فیلڈنگ کے دوران آسٹریلوی کھلاڑی ڈیوڈ وارنر زخمی ہوگئے جس کے بعد انہیں سیریز کے بقیہ میچز سے باہر ہونا پڑا ہے۔

    آسٹریلوی بیٹسمین ڈیوڈ وارنر زخمی ہونے کی وجہ سے ایڈیلیڈ میں 17 دسمبر سے بھارت کے خلاف شروع ہونے والے پہلے ٹیسٹ میچ سے باہر ہوگئے ہیں۔

    انہیں پوری فٹنس حاصل کرنے میں ابھی مزید 10 دنوں کا وقفہ درکار ہے جس کے بعد وہ 26 دسمبر سے میلبورن میں ہونے والے دوسرے ٹیسٹ میچ میں کھیل سکیں گے۔

    وارنر فی الحال خصوصی علاج کے لیے سڈنی میں رہیں گے جبکہ ٹیم کے بقیہ کھلاڑی ایڈیلیڈ روانہ ہو جائیں گے۔

    وارنر کا کہنا ہے کہ میں تیزی سے صحت یاب ہورہا ہوں اور علاج کے لیے مجھے سڈنی میں ہی رکنا بہتر ہوگا، میں چوٹ سے کافی حد تک نجات حاصل کرچکا ہوں لیکن ٹیسٹ میچ میں 100 فیصد کارکردگی دینے کے لیے ابھی بھی مجھے ذہنی طور پر خود کو تیار کرنا باقی ہے۔

    انہوں نے کہا کہ فٹنس ثابت کرنے کے لیے مجھے وکٹوں کے بیچ دوڑ لگانا اور فیلڈنگ کرنی ہوگی، میں ابھی اپنی فٹنس کے تعلق سے پوری طرح مطمئن نہیں ہوں اور مجھے مکمل طور پر صحت یاب ہونے میں ابھی مزید 10 دن لگیں گے۔

    آسٹریلوی کرکٹ ٹیم کے کوچ جسٹن لنگر کا کہنا ہے کہ انہیں وارنر کے باکسنگ ڈے ٹیسٹ تک پوری طرح فٹ ہونے کی توقع ہے، انہوں نے کہا کہ وارنر جس مقام پر ہیں اس کے لیے انہوں نے کافی جدوجہد کی ہے اور ہمیں امید ہے کہ وہ میلبرن ٹیسٹ کے لیے پوری طرح فٹ ہوں گے۔

  • پہلا ٹیسٹ، سری لنکا نے پاکستان کے خلاف 5 وکٹوں پر 202 رنز بنالیے

    پہلا ٹیسٹ، سری لنکا نے پاکستان کے خلاف 5 وکٹوں پر 202 رنز بنالیے

    راولپنڈی: پاکستان اور سری لنکا کے درمیان کھیلے جانے والے پہلے ٹیسٹ میچ کے پہلے روز کھیل کے اختتام پر سری لنکا نے 5 وکٹوں کے نقصان پر 202 رنز بنالیے۔

    تفصیلات کے مطابق راولپنڈی ٹیسٹ میچ کے پہلے روز کھیل کے اختتام سری لنکا نے پاکستان کے خلاف 5 وکٹوں کے نقصان پر 202 رنز بنالیے، کپتان کرونا رتنے نے 59 رنز کی شاندار اننگز کھیلی، ڈی سلوا 38 اور ڈک ویلا 11 رنز بنا کر کریز پر موجود ہیں۔

    سری لنکا کی پہلی وکٹ 96 رنز پر گری جب کرونا رتنے 59 رنز بنا کر شاہین شاہ آفریدی کی گیند پر ایل بی ڈبلیو آؤٹ ہوئے، فرنینڈو کو 40 رنز پر نسیم شاہ نے پویلین کی راہ دکھائی۔

    مینڈس 10 رنز بنا کر عثمان شنواری کا نشانہ بنے، اینجلو میتھیوز 31 رنز بنا کر نسیم شاہ کا شکار بنے، ڈنیش چندی مل 2 رنز بنا کر محمد عباس کی گیند پر بولڈ ہوئے۔

    پاکستان کی جانب سے فاسٹ بولر نسیم شاہ نے دو کھلاڑیوں کو پویلین کی راہ دکھائی، محمد عباس، شاہین شاہ آفریدی اور عثمان شنواری نے ایک، ایک وکٹ حاصل کی۔

    اس سے قبل سری لنکا نے پاکستان کے خلاف ٹاس جیت کر بیٹنگ کا فیصلہ کیا تھا۔

    یہ پاکستانی سرزمین پر 10 سال بعد ہونے والا ٹیسٹ میچ ہے۔ پاکستان کرکٹ بورڈ نے اس موقع پر کھلاڑیوں کے لیے یادگاری کیپس تیار کی ہیں جو پاکستانی کرکٹرز سری لنکن کھلاڑیوں کو پیش کریں گے۔

    شائقین کرکٹ چیکنگ کے بعد شٹل سروس سے اسٹیڈیم پہنچے۔

    محمکہ موسمیات نے پیش گوئی کی ہے کہ راولپنڈی میں 11 دسمبر کو موسم ابر آلود رہے گا اور کم سے کم درجہ حرارت 16 ڈگری سینٹی گریڈ تک رہنے کا امکان ہے، 12 دسمبر کو وقفے وقفے سے بارش کا امکان ہے۔ دوپہر کے وقت تیز بارش بھی ہو سکتی ہے۔

    محکمہ موسمیات کے مطابق 13 اور 14 دسمبر کو بھی وقفے وقفے سے بارش کا امکان ہے جس کے باعث میچ متاثر ہونے کا خدشہ ہے۔

    پاکستان ٹیم کی قیادت اظہر علی کر رہے ہیں۔ ٹیم میں بابر اعظم، شان مسعود، اسد شفیق، حارث سہیل، محمد رضوان، نسیم شاہ، شاہین آفریدی اور محمد عباس شامل ہیں۔ عثمان خان شنواری اور عابد علی ٹیسٹ ڈیبیو کریں گے۔

    ٹاس جیتنے کے بعد سری لنکن کپتان کرونارتنے کا کہنا تھا کہ پچ اچھی ہے، کوشش کریں گے اچھا کھیلیں۔ ٹیم اچھی بنی ہوئی ہے جبھی نتائج آرہے ہیں۔

    پاکستانی کپتان اظہر علی نے کہا کہ پہلی بار پاکستان میں کھیل کر بہت اچھا لگ رہا ہے۔ کوشش کریں گے اچھا کھیلیں اور اچھا آغاز کریں۔

    خیال رہے کہ پاکستان اور سری لنکا کے درمیان 2 ٹیسٹ میچز کی سیریز کھیلی جائے گی۔ پہلا ٹیسٹ 11 دسمبر سے راولپنڈی کرکٹ اسٹیڈیم میں جبکہ دوسرا 19 سے 23 دسمبر تک نیشنل اسٹیڈیم کراچی میں کھیلا جائے گا۔

  • دبئی ٹیسٹ: قومی ٹیم 482 رنز پر آؤٹ، آسٹریلیا نے بغیر کسی نقصان کے 30 رنز بنالیے

    دبئی ٹیسٹ: قومی ٹیم 482 رنز پر آؤٹ، آسٹریلیا نے بغیر کسی نقصان کے 30 رنز بنالیے

    دبئی: آسٹریلیا کے خلاف دبئی میں جاری پہلے ٹیسٹ میچ کے دوسرے روز قومی ٹیم 482 رنز پر آؤٹ ہوگئی، آسٹریلیا نے بغیر کسی نقصان کے 30 رنز بنالیے۔

    تفصیلات کے مطابق دبئی میں جاری پہلے ٹیسٹ میچ کے دوسرے روز قومی ٹیم حارث سہیل اور محمد حفیظ کی شاندار سنچری کی بدولت 482 رنز پر آل آؤٹ ہوگئی، دن کے اختتام پر آسٹریلیا کے بغیر کسی نقصان کے 30 رنز بنالیے، آسٹریلیا کو قومی ٹیم کی برتری ختم کرنے کے لیے مزید 452 رنز درکار ہیں۔

    آسٹریلوی اوپنرز کریز پر موجود ہیں اور تیسرے روز دوبارہ بیٹنگ کا آغاز کریں گے، ایرون فنچ 13 اور عثمان خواجہ نے 17 رنز بنارکھے ہیں۔

    قبل ازیں 255 رنز تین کھلاڑیوں کے نقصان پر قومی ٹیم نے دوسرے روز کھیل کا آغاز کیا تو حارث سہیل کریز پر ڈٹ گئے اور اپنے کیریئر کی پہلی سنچری بنا ڈالی، حارث سہیل 110 رنز بنا کر آؤٹ ہوئے، اسد شفیق نے بھی 80 رنز کی اننگز کھیلی۔

    کپتان سرفراز احمد 15 رنز پر رن آؤٹ ہوئے، بلال آصف نے 12 رنز بنائے، بابر اعظم بھی 4 رنز بنا کر رن آؤٹ ہوئے، محمد عباس ایک اور یاسر شاہ تین رنز بنا کر پویلین لوٹ گئے۔

    آسٹریلیا کی جانب سے فاسٹ بولر پیٹر سدل نے تین اور نیتھن لائن نے دو کھلاڑیوں کو پویلین کی راہ دکھائی جبکہ مچل اسٹارک، اور ہولینڈ کے حصے میں ایک وکٹ آئی۔

    دبئی ٹیسٹ: پہلے روز کا کھیل ختم، پاکستان نے 3 وکٹ پر 255 رنز بنالیے

    یاد رہے کہ گزشتہ روز قومی ٹیم نے محمد حفیظ کی شاندار سنچری کی بدولت دبئی ٹیسٹ کے پہلے روز کھیل کے اختتام پر 3 وکٹ پر 255 رنز بنائے تھے۔

    پاکستان کرکٹ ٹیم کی جانب سے امام الحق نے 2 چھکوں اور 7 چوکوں کی مدد سے 76 رنز اسکور کیے تھے۔

    قومی ٹیسٹ ٹیم میں دو سال بعد کم بیک کرنے والے آل راؤنڈر محمد حفیظ نے 15 چوکوں کی مدد سے 208 گیندوں پر 126 رنز اسکور کیے تھے۔

    قومی کرکٹ ٹیم کے بلے باز اظہر علی 18 رنز بنا کر ہولینڈ کی گیند پر آؤٹ ہوئے تھے۔

    واضح رہے کہ کھیل کے پہلے دن قومی کرکٹ ٹیم کے کپتان سرفراز احمد نے ٹاس جیت کر پہلے بیٹنگ کا فیصلہ کیا تھا۔

  • پہلا ٹیسٹ : جنوبی افریقہ نے بھارت کو چوتھے روز ہی 72 رنز سے ہرا دیا

    پہلا ٹیسٹ : جنوبی افریقہ نے بھارت کو چوتھے روز ہی 72 رنز سے ہرا دیا

    کیپ ٹاؤن : جنوبی افریقہ نے بھارت کو پہلے ٹیسٹ میں 72 رنز سے ہرادیا، گھر پر جیتنے والے بھارت کو ایک بار پھرگھر سے باہر شکست کا سامنا کرنا پڑا، 208 رنز کے جواب میں بھارتی سورما 135 رنز بنا کر پویلین لوٹ گئے۔

    تفصیلات کے مطابق گھر پر شیر اور گھر سے باہر بھیگی بلی بننے والی بھارتی ٹیم کو جنوبی افریقہ نے کیپ ٹاؤن میں عبرتناک شکست دے دی۔

    ساﺅتھ افریقہ نے بھارت کو تین میچز کی سیریز کے پہلے ٹیسٹ میچ میں 72 رنز سے شکست دیتے ہوئے ایک صفر کی برتری حاصل کرلی۔

    ٹیسٹ میچ میں کھیل کے چوتھے دن کا آغاز ساﺅتھ افریقہ نے دو وکٹوں کے نقصان پر65 رنز سے دوبارہ کیا اور مزید 130 رنز بنا کر بھارت کو208 رنز کا ٹارگٹ دیا۔

    جواب میں ہوم گراؤنڈ پر رنز اور ڈبل سنچریوں کے انبار لگانے والے ویرات کوہلی جنوبی افریقہ میں بیٹنگ بھول گئے، وہ پہلی اننگز میں 5 اور دوسری میں 28 رنز ہی بناسکے۔

    شیکھر دھون، مرلی وجے، روہت شرما اور پوجارا سب ہی فیل ہوگئے۔ 208 رنز کا معمولی سا ہدف بھارتی سورماؤں کے لئے پہاڑ بن گیا، بھارت کے بڑے بڑے بلے باز کھیلنا ہی بھول گئے، پوری ٹیم135رنز پر ہی ڈھیر ہوگئی۔

    فیلنڈر نے دوسری اننگز میں 6 کھلاڑیوں کا شکارکیا جبکہ مورنی مورکل اور کگیسو ربدانے 2,2وکٹیں حاصل کیں۔

    واضح رہے کہ گذشتہ دو سال سے ہوم گراؤنڈ پر جیتنے والا بھارت گھر سے باہر پہلے ہی امتحان میں بری طرح ناکام رہا، یہ ٹیسٹ کی نمبر ون ٹیم کی اصلیت ہے جسے صرف گھر پر ہی جیتنا آتا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

  • پہلا ٹیسٹ: پاکستان کا ویسٹ انڈیز کے خلاف فیلڈنگ کا فیصلہ

    پہلا ٹیسٹ: پاکستان کا ویسٹ انڈیز کے خلاف فیلڈنگ کا فیصلہ

    کنگسٹن : پاکستان اور ویسٹ انڈیز کے درمیان ٹیسٹ سیریز کے پہلے میچ میں پاکستان نے ٹاس جیت کر ویسٹ انڈیز کو بیٹنگ کی دعوت دی۔

    تفصیلات کے مطابق پاکستان اور ویسٹ انڈیز کے درمیان تین میچوں کی سیریز کا پہلا ٹیسٹ کنگسٹن جمیکا کے سبائنا پارک میں شروع ہوگیا۔ کپتان مصباح الحق نے ٹاس جیتنے کے بعد فیلڈنگ کرنے کا فیصلہ کیا ہے۔

    ویسٹ انڈیز کے اوپنر بریتھویٹ اور اور کیرن پاؤل نے کھیل کا آغاز کردیا ہے۔

    یاد رہے کہ یہ سیریز کپتان مصباح الحق اور یونس خان کی اختتامی سیریز ہے، یونس خان کو 10 ہزار رنز بنانے والے پہلے پاکستانی بیٹسمین بننے کے لیے صرف 23 رنز درکار ہیں۔

    یاد رہے کہ جمیکا میں پاکستان نے ویسٹ انڈیز کے خلاف تین ٹیسٹ کھیلے جن میں سے دو میں اسے شکست اور 2005 میں کامیابی ملی، لیکن اس سیریز میں پاکستان فیورٹ ہے۔

  • برسبین ٹیسٹ:آسٹریلیا کی پاکستان کےخلاف ٹاس جیت کربیٹنگ جاری

    برسبین ٹیسٹ:آسٹریلیا کی پاکستان کےخلاف ٹاس جیت کربیٹنگ جاری

    برسبین :آسٹریلیا نے پاکستان کے خلاف پہلے ٹیسٹ میچ میں ٹاس جیت کر بیٹنگ کرنے کافیصلہ کیا ہے۔

    تفصیلات کےمطابق پاکستان اور آسٹریلیا کے درمیان جاری 3میچوں کی ٹیسٹ سیریز کے پہلے ٹیسٹ میچ میں میزبان ٹیم کی پاکستان کے خلاف ٹاس جیت کربیٹنگ جاری ہے۔

    میچ پاکستانی وقت کے مطابق 8 بجے شروع ہوا،جبکہ قومی ٹیم میں سمیع اسلم، اظہر علی، بابر اعظم، یونس خان،مصباح الحق، اسد شفیق، سرفراز احمد، محمد عامر، وہاب ریاض، یاسر شاہ اور راحت علی شامل ہیں۔

    دوسری جانب آسٹریلوی ٹیم میں میٹ رینشا، ڈیوڈ وارنر، اسٹیون اسمتھ، عثمان خواجہ، پیٹر ہینڈز کومب، نیک میڈیسن، میتھیو ویڈ، مچل اسٹارک، جوش ہیزل وڈ، نیتھن لائن اور جیکسن برڈ شامل ہیں۔

    واضح رہے کہ پاکستان اور آسٹریلیا کے درمیان مجموعی طور پر59 ٹیسٹ میچز کھیلے جاچکے ہیں، میزبان ٹیم نے28 میچز جیتے،جبکہ 14 میچوں میں قومی ٹیم فاتح رہی۔