Tag: پہلگام واقعہ

وزیر اعظم شہباز شریف نے پہلگام فالس فلیگ آپریشن ڈراما کی غیر جانبدار اور شفاف تحقیقات کیلیے برطانیہ کو شامل ہونے کی دعوت دے دی ہے۔

گزشتہ ماہ 22 اپریل کو پہلگام فالس فلیگ آپریشن کی آڑ میں بھارت کی ہندو انتہا پسند مودی سرکار پر جنگی جنون سوار ہے۔ تاہم پاکستان کی جانب سے پہلگام واقعہ کی آزادانہ، غیر جانبدارانہ اور شفاف عالمی تحقیقات کی پیشکش نے مودی حکومت کے اوچھے ہتھکنڈوں کو مزید بے نقاب کر دیا ہے۔

اب وزیراعظم شہباز شریف نے اس واقعہ کی غیر جانبدار اور عالمی شفاف تحقیقات میں برطانیہ کو بھی شمولیت کی دعوت دے دی ہے۔

وزیراعظم شہباز شریف سے برطانوی ہائی کمشنر جین میریٹ نے ملاقات کی۔ اس موقع پر وزیراعظم نے انہیں پہلگام واقعے کے بعد پاکستان کے نقطہ نظر سے آگاہ کیا اور پاکستان کو بغیر ثبوت اس واقعہ سے جوڑنے کی بھارتی کوششوں کو مسترد کرتے ہوئے اس واقعہ کی شفاف اور غیر جانبدار بین الاقوامی تحقیقات کی پیشکش کا اعادہ کیا۔

شہباز شریف نے اس غیر جانبدار اور شفاف بین الاقوامی تحقیقات میں برطانیہ کو بھی شمولیت کی دعوت دی اور کہا کہ برطانیہ خطے میں امن کی کشیدہ صورتحال کو بہتر بنانے میں اپنا کردار ادا کرے۔

انہوں نے کہا کہ حکومت کی اولین ترجیح ملک کی اقتصادی ترقی ہے، اور پاکستان کبھی ایسا کوئی اقدام نہیں اٹھائے گا جس سے علاقائی امن کو خطرہ ہو۔

اس موقع پر برطانوی ہائی کمشنر جین میرٹ نے کہا کہ برطانیہ علاقائی امن وسلامتی کیلیے پاکستان اور بھارت کے ساتھ مل کر کام کرے گا۔

https://urdu.arynews.tv/info-minister-visits-loc-along-with-local-foreign-media/

چینی صدر کے سابق مشیر پروفیسر وکٹر گاؤ  نے بھارتی اینکر کے سوال کے جواب میں کہا کہ پہلگام واقعے پر بغیر ثبوت الزام تراشی کے بجائے غیر جانب دارانہ تحقیقات سے کیوں بھاگتے ہو۔

تفصیلات کے مطابق چینی صدر کے سابق مشیر اور وائس پریزیڈنٹ سینٹر فار چائنہ اینڈ گلوبلائزیشن وکٹر گاؤ نے بھارتی اینکر کو لاجواب کردیا اور کہا کہیں دہشت گرد حملہ ہو بغیر ثبوت الزام کے بجائے تحقیقات کی جانی چاہیئے۔

چینی صدر کے سابق مشیر نے اینکر سے سوال کیا کہ پہلگام واقعے پر بغیر ثبوت الزام تراشی کے بجائے غیر جانب دارانہ تحقیقات سے کیوں بھاگتے ہو۔

پروفیسر وکٹرگاؤ کا کہنا تھا کہ پاکستان میں چینی شہریوں کیخلاف دہشت گرد حملےہوئے، چین نےپاکستان پر بلاوجہ الزام تلاشی کے بجائے آزادانہ تحقیقات کروائی۔

وائس پریزیڈنٹ سینٹر فار چائنہ اینڈ گلوبلائزیشن نے کہا کہ پاکستان کی جانب سے انسداد دہشت گردی کیلئے اہم اقدامات اٹھائے گئے ہیں، چین اورپاکستان کی دوستی سیسہ پلائی دیوارکی مانند ہے۔

انھوں نے واضح کیا کہ پاکستان اور چین اچھے برے وقت کے اتحادی پڑوسی ملک ہے، چین ہمیشہ پاکستان کی سرحدوں اور سالمیت کے دفاع کیلئے پاکستان کی ہر طرح سے مدد کرے گا اور پاکستان اورچین کی دفاعی پارٹنر شپ پر کوئی سمجھوتہ نہیں کیا جائے گا۔

پاکستان کرکٹ ٹیم کے سابق کپتان پہلگام واقعہ پر ردعمل دیتے ہوئے کہا ہے کہ مذکورہ واقعہ بھارت کا ڈراما ہے وہ اپنےلوگوں کو خود ہی مار دیتا ہے۔

اے آر وائی نیوز کے مطابق پاکستان کرکٹ ٹیم کے سابق کپتان شاہد خان آفریدی نے نیشنل ہاکی اسٹیڈیم آمد کے موقع پر میڈیا سے گفتگو کرتے ہوئے کہا ہے کہ پہلگام واقعہ بھارت کا ڈراما ہے۔ وہ اپنے لوگوں کو خود ہی مار دیتا اور پھر زندہ بھر کرا دیتا ہے۔

شاہد آفریدی نے کہا کہ ایک گھنٹے تک کارروائی ہوتی ہے اور 8 لاکھ فوجی نہیں آئے؟ یہ کیسے ہو سکتا ہے۔ بھارت کی ایسے بلنڈرز مارنے کی عادت پرانی ہو چکی ہے۔

انہوں نے کہا کہ دہشتگردی کی کوئی بھی ملک یا مذہب سپورٹ نہیں کرتا۔ ہمیشہ کوشش کی کہ بھارت سے اچھے تعلقات ہوں۔

شاہد آفریدی نے کہا کہ بھارت کی کبڈی کی ٹیم پاکستان آ جاتی ہے، لیکن کرکٹ کی ٹیم نہیں آتی۔ اگر بند کرنی ہے تو پھر تمام چیزیں ہی بند کرو۔

واضح رہے گزشتہ دنوں پہلگام فالس فلیگ آپریشن کو جواز بناتے ہوئے بھارتی حکومت پاکستان کے خلاف جنگی جنون میں مبتلا ہے۔ تاہم مودی سرکار کے اقدامات پر خود بھارت میں سوالات اٹھائے اور تنقید کی جا رہی ہے۔

https://urdu.arynews.tv/assam-cm-anyone-raises-questions-pahalgam-incident-arrested/