پاکستان شوبز کی معروف اداکارہ ثناء عسکری کا کہنا ہے کہ جب میں نے زندگی میں پہلی بار بیوٹی پارلر سے میک اپ کروایا تھا تو اپنی شکل دیکھ کر خود ڈر گئی تھی۔
اے آر وائی ڈیجٹل کے پروگرام گڈ مارننگ پاکستان میں ثناء عسکری اپنے ساتھ گزرے ہوئے ماضی کے یادگار واقعے کا ذکر کیا۔
انہوں نے بتایا کہ جب میری منگنی ہوئی تو مجھے خوبصورت لگنے کا بھوت سوار تھا، اس وقت میں تقریباً 16 سال کی تھی اور شوبز سے بھی کوئی تعلق نہیں تھا، اس وقت میں زندگی میں پہلی بار کسی بیوٹی پارلر سے میک اپ کرانے گئی۔
میں شوق میں جاکر خوشی خوشی شیشے کے سامنے بیٹھ گئی لیکن بیوٹیشن نے شیشے پر کپڑا ڈال دیا، اور جب میں نے مکمل تیار ہوکر خود کو دیکھا تو میں خوف کانپ گئی کیوں کہ پارلر والوں نے بہت خوفناک میک اپ کیا تھا۔
مجھے لینے کیلئے آنے والی کزن بھی دیکھ کر دنگ رہ گئی کہ میرا میک اپ کتنا بھیانک قسم کا کیا گیا تھا، جب میں گھر گئی تو امی نے دیکھ کر کہا تم تو رج کر چڑیل لگ رہی ہو منع بھی کیا تھا مت جاؤ۔
ثناء عسکری نے بتایا کہ میں نے اس وقت 18 ہزار کا میک کرایا تھا جو سارے کا سارا اتارا اور اور نارمل سا میک اپ کر کے اپنی منگنی کی تقریب میں گئی۔