Tag: پہلی جھلک

ایپل کے نئے آئی فون SE2 کی پہلی تصاویر سامنے آگئیں، مذکورہ فون کا ڈیزائن آئی فون 8 جیسا ہے جبکہ اس کی قیمت بے حد کم ہے۔

آن لیکس نامی ٹویٹر اکاؤنٹ نے آئی فون ایس ای 2 یا آئی فون 9 کی ایک تصویر ٹویٹ کی ہے، تصویر کو دیکھ کر اندازہ ہوتا ہے کہ اس میں 4.7 انچ کا ایل سی ڈی ڈسپلے، ٹچ آئی ڈی ہوم بٹن اور سنگل کیمرا دیا گیا ہے۔

یہ ڈیزائن آئی فون 8 جیسا ہے جو دو سال قبل ریلیز کیا گیا تھا۔ نئے فون میں طاقتور اے 13 بائیونک پراسیسر ہوگا۔

And finally comes your very first look at #Apple‘s highly anticipated #iPhoneSE2 aka #iPhone9!

360° video + stunning official looking 5K renders + dimensions, on behalf of my Friends over @igeeksblog

-> https://t.co/vXBBRhDlgA pic.twitter.com/YQHMEZUz9e

— Steve H.McFly (@OnLeaks) January 7, 2020

خیال رہے معروف ٹیکنالوجی تجزیہ کار منگ چی کو نے بتایا تھا کہ سال 2020 میں ایپل 2 نئے ایس ای ٹو ماڈل کے آئی فون لانچ کرنے جارہا ہے، نئے ماڈلز کی اسکرینز 5.5 اور 6.1 انچ کی ہوں گی۔

منگ چی کو کے مطابق مذکورہ ماڈل کا ایس ای 2 پلس اگلے برس یعنی سنہ 2021 میں لانچ کیا جائے گا۔

ان کے مطابق ایس ای 2 ماڈلز میں تھری ڈی ٹچ فیچرز نہیں ہوں گے، یہ فیچرز آئی فون 11 سے بھی ختم کیے جا چکے ہیں۔ نئے ماڈلز میں ٹچ آئی ڈی فنگر پرنٹ ریڈر ہوگا جبکہ فیس آئی ڈی نہیں ہوگی۔

علاوہ ازیں اس میں اے 13 چپ اور تھری جی بی ریم ہوگی۔ ایس ای 2 ماڈل کی قیمت 399 ڈالر ہوگی۔