Tag: پہلی پرواز

پاکستان میں حج فلائٹ آپریشن 2025 کا آج سے آغاز ہو رہا ہے پہلی پرواز آج شب اسلام آباد سے مدینہ منورہ کے لیے روانہ ہو گی۔

اے آر وائی نیوز کے مطابق پاکستان میں حج فلائٹ آپریشن کا آج سے آغاز ہو رہا ہے پہلی پرواز آج شب اسلام آباد سے مدینہ منورہ کے لیے روانہ ہوگی۔ وزیر مذہبی امور سردار یوسف اور سعودی سفیر نواف بن سعید المالکی عازمی کو رخصت کریں گے۔

حج آپریشن کے حوالے سے وزارت مذہبی امور نے تمام تیاریاں مکمل کر لی ہیں آج پہلی پرواز پی کے 713 393 عازمین کو لے کر روانہ ہو گی۔

وزارت مذہبی امور کے مطابق آج سے شروع ہونے والا حج فلائٹ آپریشن 31 مئی تک جاری رہے گا۔ اسلام آباد ایئر پورٹ سے 100 پروازوں میں 28 ہزار 400 عازمین حجاز مقدس جائیں گے۔

روڈ ٹو مکہ پراجیکٹ کے تحت سات خصوصی امیگریشن کاؤنٹرز تیار کیے گئے ہیں۔

67 ہزار سے زائد پاکستانی عازمین حج سے محروم، 

دوسری جانب نجی حج اسکیم کے تحت 67 ہزار عازمین رواں سال حج سے محروم رہ سکتے ہیں۔

اسلام آباد : پاکستان سے پہلی حج پرواز 179 عازمین کو لے کر سعودی عرب پہنچ گئی، عازمین مدینہ منورہ پہنچے۔

تفصیلات کے مطابق پاکستان سے عازمین کی پہلی حج پرواز سعودی عرب پہنچ گئی، سب سے پہلی پرواز کراچی سے پی اے 176 کے ذریعے 179 عازمین مدینہ منورہ پہنچے۔

کراچی سے پی ایف754 دوسری پروازکےذریعے 151عازمین حج مدینہ منورہ پہنچے جبکہ تیسری پرواز اسلام آباد سے پی اے276کے ذریعے200عازمین حج مدینہ منورہ پہنچ گئے۔

پاکستانی سفیر احمد فاروق، ڈی جی حج عبدالوہاب سومرو و دیگر نے عازمین حج کا استقبال کیا، اس موقع پر ڈائریکٹر حج مدینہ ضیاالرحمن، ڈائریکٹر سہولت و تعاون احمد ندیم بھی موجود تھے۔

یاد رہے گذشتہ رات روٹ ٹومکہ کےتحت کراچی سے حج آپریشن کا آغاز ہوا تھا، پہلی حج پرواز150عازمین اور دوسری پرواز 180عازمین کو لے کر روانہ ہوئی، کراچی سےمجموعی طورپر16ہزار281عازمین حج پرجائیں گے۔