پاکستانی نژاد برطانوی کرکٹر شعیب بشیر کو بھارتی ویزا نہیں مل سکا، ویزا میں تاخیری کے باعث وہ بھارت اور انگلینڈ کے پہلے ٹیسٹ سے باہر ہوگئے۔
رپورٹ کے مطابق نگلینڈ کے باؤلر شعیب بشیر کی پانچ میچوں کی ٹیسٹ سیریز کے لیے بھارت آمد ویزا مسائل کے باعث تاخیر کا شکار ہے، سمر سیٹ کے آف اسپنر ابوظہبی میں کیمپ کے بعد انگلینڈ واپس آگئے، وہ اب دوربارہ سے بھارت کے ویزے کے لیے اپلائی کریں گے۔
انگلینڈ کرکٹ ٹیم کے ہیڈ کوچ برینڈن میک کولم نے کہا ہے کہ مجھے امید ہے کہ اسپنر جلد ہی ٹیم میں شامل ہو جائیں گے، آج یہ خبر آئے گی کہ اس کا ویزا منظور ہو گیا ہے، پھر ہم اسے اس سیریز میں اپنے ساتھ شامل کرلیں گے۔
دوسری جانب انگلش کپتان بین اسٹوکس نے شعیب بشیر کے ساتھ بھارتی رویے پر ناراضگی کا اظہار کیا اور کہا ایک نوجوان پلیئر کے ساتھ ایسا رویہ دیکھنا کافی مایوس کن ہے۔
واضح رہے کہ شعیب بشیر پہلے کھلاڑی نہیں جن کے ساتھ ایسا ہوا ہے، فروری 2023 میں ویزے کے مسائل نے آسٹریلوی بلے باز عثمان خواجہ کی بھارت آمد میں تاخیر کی۔
ستمبر 2023 میں ہی پاکستان کرکٹ بورڈ (پی سی بی) نے آئی سی سی کو خط لکھا تھا جس میں کہا تھا کہ بھارت میں 50 اوور کے ورلڈ کپ سے قبل پاکستانی ٹیم کے ویزے جاری کرنے میں تاخیر ہوئی ہے۔
