Tag: پیرس اولمپکس

پیرس میں جاری اولمپکس 2024 میں میڈلز کی دوڑ میں جاپان بدستور سر فہرست ہے جب کہ چوتھے روز تین نئے اولمپک ریکارڈ بن گئے۔

دنیا میں کھیلوں کے سب سے بڑے میلے پیرس اولمپکس گیمز 2024 جاری ہیں۔ چوتھے روز جہاں اولمپک میں تین نئے ریکارڈ بنے وہیں میڈلز کی دوڑ میں جاپان نے بھی اپنی سبقت برقرار رکھی۔

ایونٹ کے چوتھے روز کے اختتام پر جاپان میڈلز ٹیبل پر سونے کے 7 اور مجموعی طور پر 13 میڈلز کے ساتھ سر فہرست ہے۔ چین کے مجموعی تمغوں کی تعداد جاپان سے زیادہ 14 ہے مگر ان میں گولڈ میڈل 6 ہونے کے باعث دوسری پوزیشن حاصل کر رکھی ہے۔

آسٹریلیا 6 گولڈ میڈلز کے ساتھ تیسرے، میزبان فرانس چوتھے اور جنوبی کوریا پانچویں نمبر پر موجود ہے۔

شوٹنگ کے مینز ٹریپ ایونٹ میں برطانیہ کے نیتھن ہیلز نے نئے اولمپک ریکارڈ کے ساتھ سونے کا تمغہ جیت لیا، اُنہوں نے 48 پوائنٹس اسکور کیے جبکہ سابقہ ریکارڈ چیک ری پبلک کے شوٹر کے پاس تھا جنہوں نے ٹوکیو اولمپک میں 43 پوائنٹس بنائے تھے۔ اس مقابلے میں چین نے چاندی اور گوئٹے مالا نے کانسی کا تمغہ جیتا۔

سوئمنگ کے ویمن 100 میٹر بیک اسٹروک میں آسٹریلوی پیراک کیلی میکیون نے نیا اولمپک ریکارڈ قائم کرتے ہوئے سونے کا تمغہ جیتا۔ اُنہوں نے ٹوکیو اولمپک میں اپنا ہی بنایا ہوا ریکارڈ توڑا، اسی ایونٹ میں چاندی اور کانسی کے تمغے امریکی پیراکوں نے جیتے۔

آئرلینڈ نے سوئمنگ کے مینز آٹھ سو میٹر فری اسٹائل میں سونے کا تمغہ حاصل کیا، ڈینیئل ویفن نے اولمپک ریکارڈ کے ساتھ گولڈ میڈل اپنے نام کیا، وہ پہلے آئرش پیراک بھی ہیں جنہوں نے اولمپک میں سونے کا تمغہ جیتا ہے۔ اسی ایونٹ میں امریکا نے چاندی اور اٹلی نے کانسی کا تمغہ حاصل کیا۔

امریکا گیمز میں دو دن کے مقابلوں کے بعد پہلا گولڈ میڈل جیتنے میں کامیاب رہا، سونے کا یہ تمغہ امریکا نے وویمن آرٹسٹک جمناسٹک میں حاصل کیا، اس ایونٹ میں اٹلی نے سلور اور برازیل نے برانز میڈل جیتا۔

ٹیبل ٹینس کے مکسڈ ڈبلز میں چین نے شمالی کوریا کو چار دو کے اسکور سے ہرایا، جنوبی کوریا نے کانسی کا تمغہ اپنے نام کیا، جوڈو میں مینز کی 81 کلو گرام کیٹیگری میں جاپان کے ناگاسی تاکا نوری نے سونے کا تمغہ جیتا،جارجیا نے چاندی اور تاجکستان نے کانسی کا تمغہ حاصل کیا۔

ویمن رگبی سیونز میں نیوزی لینڈ نے سونے کا تمغہ جیتا۔ اٹلی نے فینسنگ کے ویمن ایپی ایونٹ میں سونے کا تمغہ جیتا۔ جوڈو کی وویمن 63 کلو گرام کیٹیگری میں سلوینیا کی آندریا لسکی نے گولڈ میڈل اپنے نام کیا۔

پیرس اولمپکس 2024 کے دلچسپ مقابلے جعلی ہیں تاہم اولپمکس کی افتتاحی تقریب میں جلائی جانے والی مشعل کے جعلی ہونے کا انکشاف ہوا ہے۔

دنیا میں کھیلوں کے سب سے بڑے مقابلے اولمپکس گیمز کی تاریخ صدیوں پرانی ہے اور اس کا آغاز ہمیشہ سے روایتی مشعل جلا کر کیا جاتا رہا ہے تاہم رواں پیرس اولمپکس 2024 کی افتتاحی تقریب میں جلائی جانے والے مشعل کے جعلی ہونے کا انکشاف ہوا ہے۔

غیر ملکی میڈیا کے مطابق یہ انکشاف خود اولمپکس گیمز کے منتظمین نے کیا ہے اور بتایا ہے کہ اس مشعل میں روایتی طور پر آگ جلانے کے بجائے 40 ایل ای ڈی لائٹس اور واٹر مسٹ کا استعمال کیا گیا تھا۔

رپورٹ کے مطابق اولمپکس منتظمین نے اس کی وجہ گیمز کو ’ایکو فرینڈلی‘ بنانا قرار دیا ہے اور پیرس 2024 کی آرگنائزنگ کمیٹی کے سربراہ ٹونی ایسٹانگوئٹ نے کہا ہے کہ روایتی بڑی مشعل میں ایندھن کا استعمال کیا جاتا ہے جب کہ ایل ای ڈی لائٹس والی اس مشعل کو چھوا بھی جاسکتا ہے۔

پیرس اولمپکس کی افتتاحی تقریب میں کروڑوں شائقین نے جو مشعل جلتی دیکھی تو اس میں حقیقی آگ کا شعلہ نہیں بلکہ ایل ای ڈی لائٹس اور واٹر مسٹ کی مدد سے جعلی شعلہ بنایا گیا تھا۔

پیرس اولمپکس میں غلطیوں پر غلطیاں

اولمپک شعلہ ‘جعلی’ ہے: پیرس 2024 کی افتتاحی تقریب میں فلوٹنگ کلڈرن فائر جس نے دنیا کو جھنجھوڑ کر رکھ دیا، 100 فیصد برقی ہے، جس میں ایل ای ڈی لائٹس اور واٹر مسٹ کا استعمال کیا گیا ہے – اور چھونے کے لیے بھی محفوظ ہے۔

اولمپک شعلہ جس نے پیرس 2024 کی افتتاحی تقریب میں تیرتے ہوئے دیگچی میں دنیا کو جھنجوڑ کر رکھ دیا تھا وہ حقیقی نہیں بلکہ حقیقت میں 100 فیصد برقی ہے، منتظمین نے انکشاف کیا ہے۔

پیرس اولمپکس: ایتھلیٹ اپنی شادی کی انگوٹھی کھو جانے پر خوش، وجہ حیران کن

ان کا کہنا تھا کہ اس حوالے سے ہم بہت پرجوش تھے کہ ایک ہی وقت میں ماحولیات کے تحفظ کے ساتھ کچھ شاندار مظاہرہ کرنا چاہتے تھے۔

واضح رہے کہ فرانسیسی اولمپک طلائی تمغہ جیتنے والے میری جوزے پیریک اور ٹیڈی رائنر نے پیرس اولمپکس کی افتتاحی تقریب میں مشعل کو اولمپک کیلڈرن میں منتقل کرنے کا روایتی کردار ادا کیا۔

پیرس اولمپکس 2024 میں تمغوں کی جنگ جاری ہے اور چوتھے روز چین نے لمبی چھلانگ لگاتے ہوئے چھٹی سے دوسری پوزیشن حاصل کر لی۔

دنیا میں کھیلوں کے سب سے بڑے ایونٹ اولمپکس 2024 کے مقابلے فرانس کے شہر پیرس میں جاری ہیں تمغوں کی جنگ میں جاپان 6 طلائی تمغوں کے ساتھ بدستور سر فہرست ہے جب کہ چین نے لمبی چھلانگ لگاتے ہوئے پانچ طلائی تمغوں کے ساتھ چھٹی سے دوسری پوزیشن حاصل کر لی ہے۔

پیرس اولمپکس کے چوتھے روز جاپان 6 طلائی، 2 چاندی اور 4 کانسی کے تمغوں کے ساتھ میڈلز فہرست میں بدستور پہلی پوزیشن پر براجمان ہے جب کہ چین نے 5 گولڈ میڈل حاصل کرنے کے بعد دوسری پوزیشن سنبھال لی ہے۔

آسٹریلیا جس نے اولمپکس کے تیسرے دن چار گولڈ میڈل کے ساتھ دوسری پوزیشن پر اختتام کیا تھا اب پانچویں پوزیشن پر چلا گیا ہے۔ اس فہرست میں کوریا کی تیسری اور میزبان فرانس کی چوتھی پوزیشن ہے۔

برطانیہ نے بھی گولڈ میڈلز کا کھاتہ کھول لیا، جرمن رائیڈر مائیکل نے کیریئر کا تیسرا اولمپک گولڈ میڈل جیت کر ایکسوٹرئین میں نیا ریکارڈ بنا دیا۔

اس اولمپکس میں اب تک 22 سے زائد ممالک اپنے میڈلز کا کھاتہ کھول چکے ہیں تاہم پاکستانی ایتھلیٹس کی کارکردگی انتہائی مایوس کن رہی ہے۔ شوٹنگ اور تیراکی کے مقابلوں میں ناکامی کے بعد اب امید کی کرن جیولین تھرو ایتھلیٹ ارشد ندیم ہیں جو 6 اگست کو نیزہ بازی کے میدان میں اتریں گے۔

پیرس اولمپکس میں غلطیوں پر غلطیاں سامنے آ رہی ہیں جس کے باعث منتظمین کی کارکردگی پر سوالیہ نشانات لگنا شروع ہوگئے ہیں۔

دنیائے کھیل کے سب سے بڑے ایونٹ اولمپکس پیرس میں پوری شان وشوکت سے جاری ہیں تاہم جہاں دنیا بھر کے ہزاروں ایتھیلٹ ان مقابلوں میں حصہ لینے کے لیے آئے ہیں وہیں منتظمین کی جانب سے غلطیوں پر غلطیاں سامنے آ رہی ہیں۔

پیرس اولمپکس 2024 میں گزشتہ روز ایک اور سنگین غلطی باسکٹ بال میچ سے قبل ہوئی جب کھیل میں شریک ٹیم جنوبی سوڈان کے بجائے سوڈان کا قوامی ترانہ بجا دیا گیا۔

اس موقع پر جنوبی سوڈان جو پہلی بار کسی ٹیم ایونٹ میں شریک ہوا ہے، اس کے کھلاڑیوں کی حیرت دیدنی تھی اور وہ ایک دوسرے کو حیرت سے دیکھتے رہے۔

2011 میں آزادی حاصل کرنے والے ملک جنوبی سوڈان نے پیورٹو ریکو کو 79-90 سے ہرا کر اولمپکس میں اپنا پہلا تمغہ جیتا۔

اس سے قبل اولمپکس گیمز کی افتتاحی تقریب میں گارڈز نے گیمز کا مشہور پانچ رنگوں کے دائروں والا پرچم الٹا اٹھا لیا تھا۔

فرانس کے ریپبلیکن گارڈ کے افسران نے پانچ رنگوں کے دائروں والا اولمپکس کا جھنڈا الٹا بلند کیا۔ جھنڈا بلند کیے جانے کے دوران ریڈیو فرانس شوئر کے 60 موسیقار اولمپک ترانہ بجا رہے تھے، تاہم کسی بھی آفیشل نے یہ بات نوٹ نہیں کی کہ اولمپک کا جھنڈا الٹا بلند کیا جا رہا ہے۔

واضح رہے کہ درست ترتیب میں جھنڈے کے بالائی حصے میں نیلے، سیاہ اور سرخ رنگ کے تین دائرے ہوتے ہیں جبکہ نیچے سبز اور پیلے دائرے ہوتے ہیں۔

https://urdu.arynews.tv/paris-olympics-athlete-happy-to-lose-wedding-ring/

فرانس کے دارالحکومت میں جاری پیرس اولمپکس 2024 کے ابتدائی چار روز کے دوران میڈلز کی دوڑ میں جاپان سب سے آگے ہے۔

پیرس اولمپکس 2024 میں میڈلز کی جنگ جاری ہے اور میڈل ٹیبل پر اب تک 22 ملکوں کا کھاتہ کھل چکا ہے۔ جاپان چار گولڈ میڈلز، دو سلور اور ایک کانسی کے تمغے کےس اتھ اس فہرست میں سب سے اوپر ہے جب کہ آسٹریلیا نے چار گولڈ اور دو سلور میڈیل جیت کر دوسری پوزیشن سنبھالی ہوئی ہے۔

اب تک اولمپکس میں امریکا کے حاصل کردہ مجموعی میڈلز کی تعداد سب سے زیادہ 12 ہے لیکن تین گولڈ میڈل ہونے کے باعث وہ تیسری پوزیشن پر موجود ہے۔ امریکی کھلاڑیوں نے 6 سلور اور تین کانسی کے تمغے بھی حاصل کر رکھے ہیں۔

اس فہرست میں میزبان ملک فرانس کے ایتھلیٹس 3 گولڈ، 3 سلور اور 2 برانز میڈلز کے ساتھ چوتھے جبکہ کوریا 3 گولڈ، 2 سلور اور ایک برانز میڈل کے ساتھ پانچویں نمبر پر موجود ہے۔

چین نے 3 گولڈ میڈل کے علاوہ ایک سلور اور 2 برانز میڈلز جیتے ہیں۔ اٹلی نے ایک گولڈ، 2 سلور اور 3 برانز، قازقستان نے ایک گولڈ 2 برانز، جبکہ بیلجیم نے ایک گولڈ اور ایک برانز میڈل جیت کر بالترتیب چھٹی سے نویں پوزیشن پر ہیں۔

جرمنی، ہانگ کانگ اور ازبکستان نے ایک، ایک گولڈ میڈل جیتا، برطانیہ نے 2 سلور، 2 برانز، برازیل نے ایک سلور، 2 برانز جبکہ کینیڈا نے ایک سلور اور ایک برانز میڈل جیتا ہے۔
اس کے علاوہ فجی، کوسوو، منگولیہ، پولینڈ اور تیونس نے ایک ایک سلور میڈل۔

سوئیڈین نے 2 برانز میڈلز جبکہ مصر، اسپین، ہنگری، انڈیا میکسیکو، مولدووا اور جنوبی افریقا نے ایک ایک کانسی کا تمغہ جیتا ہوا ہے۔

پیرس اولمپکس میں پاکستانی ایتھلیٹس کی مایوس کن کارکردگی رہی۔ شوٹنگ مقابلوں میں پاکستان کے گلفام جوزف اور کشمالہ طلعت فائنل راؤنڈ میں جگہ نہ بنا سکے جب کہ تیراکی کے مقابلوں میں سوئمر احمد درانی اور خاتون سوئمر جہاں آرا نبی کا سفر بھی کوئی میڈل جیتے بغیر تمام ہوا۔

واضح رہے کہ پیرس اولمپکس کے مقابلے اے اسپورٹس اور اے آر وائی زیپ پر براہ راست دکھائے جا رہے ہیں۔