عالمی شہرت یافتہ گلوکار مائیکل جیکسن کی بیٹی پیرس جیکسن نے اپنا پہلا میوزک البم ریلیز کردیا، پیرس نے اپنے والد سے بالکل مختلف موسیقی کی اصناف پر طبع آزمائی کی ہے۔
آنجہانی گلوکار مائیکل جیکسن کی بیٹی پیرس 15 برس کی عمر سے ماڈلنگ اور اداکاری کر رہی ہیں اور اب انہوں نے گلوکاری کی دنیا میں بھی قدم رکھ دیا ہے۔
View this post on Instagram
والد کی موت کے وقت وہ صرف 10 برس کی تھیں اور تب سے وہ شدید ذہنی مسائل سے دوچار رہی ہیں۔
اب انہوں نے اپنا پہلا میوزک البم ویٹڈ ریلیز کیا ہے، انہوں نے والد کی طرح پاپ موسیقی کے بجائے مختلف صنف میں گانے گائے ہیں جس سے مائیکل جیکسن کے مداح کافی ناخوش بھی ہیں۔
تاہم پیرس کا کہنا ہے کہ جنہیں ان کے گانے پسند نہیں وہ نہ سنیں، انہوں نے لوگوں کو خوش کرنا چھوڑ دیا ہے۔
اس البم میں 11 گانے ہیں جن میں بعض گانوں میں پیرس نے اپنی زندگی کے حالات کو بھی بیان کیا ہے جیسے کم عمری میں والد سے جدائی کا دکھ، ڈپریشن اور مائیکل جیکسن کے بعد ان کے حوالے سے سامنے آنے والے تنازعات جنہوں نے مائیکل کے بچوں کو خاصا متاثر کیا۔
View this post on Instagram
پیرس کے علاوہ مائیکل جیکسن کے 2 اور بیٹے بھی ہیں جن کی عمریں 23 اور 18 سال ہیں۔ دنیا کو اپنی موسیقی اور رقص سے دیوانہ بنانے والے مائیکل جیکسن 25 جون 2009 کو نہایت پراسرار حالات میں چل بسے تھے۔
