Tag: پیرول پر رہا

لاہور : اپوزیشن لیڈر شہباز شریف اور حمزہ شہباز کو آج 5روز کیلئے پیرول پر رہا کیا جائے گا، شہباز شریف ایئرپورٹ پر والدہ کی میت وصول کریں گے۔

تفصیلات کے مطابق اپوزیشن لیڈر شہباز شریف اور حمزہ شہبازکو آج اڑھائی بجے پیرول پررہاکیا جائے گا، دونوں کو 5روزکیلئے پیرول پر رہائی ملے گی۔

نوازشریف اور شہبازشریف کی والدہ کی میت کل لاہورپہنچائی جائے گی ، شہبازشریف کوایئرپورٹ پروالدہ کی میت وصول کرنیکی اجازت دے دی ہے۔

بیگم شمیم اختر کی نمازجنازہ کل میڈٰیکل سٹی کمپلیکس میں دوپہرمیں اداکی جائےگی اور تدفین جاتی امرامیں ہوگی۔

ن لیگی وکلا نے15روزکی پیرول پررہائی کی درخواست کی تھی ، درخواست میں موقف اختیار کیا گیا تھا کہ شہباز شریف قائد حزب اختلاف قومی اسمبلی اور حمزہ شہباز قائد حزب اختلاف پنجاب ہیں اور ان سے پورے ملک سے لوگوں نے تعزیت کرنے آنا ہے، ماں کے دنیا سے رخصت ہو جانے سے بڑا اور صدمہ کوئی نہیں، اپنے اہل خانہ اور عزیز و اقارب کے ساتھ اس غم میں شریک ہونے کے لیے دونوں کو فوری طور پر رہا کیا جائے۔

بعد ازاں حکومت پنجاب نے شہباز شریف اور حمزہ شہباز کو صرف 5روزکی رہائی دی۔