کراچی: سابق وزیر اعظم میاں‌ نواز شریف نے مسلم لیگ فنکشنل کے سربراہ پیر پگارا سے ملاقات کے لیے رابطہ کیا ہے، مگر حروں کے روحانی پیشوا نے ملاقات سے معذرت کر لی ہے.

ذرایع کے مطابق سابق نااہل وزیر اعظم پیر صبغت اللہ راشدی سے فوری ملاقات کے خواہش مند تھے، اسی ضمن میں‌ انھوں‌ نے رابطہ کیا، مگر مسلم لیگ فنکشنل کے سربراہ کی جانب سے نوازشریف سے فوری ملنے سے معذرت کر لی گئی.

اطلاعات کے مطابق صبغت اللہ راشدی نے روحانی سفر کی وجہ سے فوری ملاقات سے معذرت کی ہے. وہ اس وقت چولستان میں حرجماعت کی دعوت پرہیں، جس کی وجہ سے فوری ملاقات ممکن نہیں.

ذرایع کا کہنا تھا کہ نواز شریف کی جانب سے ملاقات کے لیے یکم یا دو فروری کا وقت دینے کی خواہش ظاہر کی گئی تھی، مگر چولستان میں‌ ہونے کے باعث یہ مسلم لیگ فنکشنل کے سربراہ نے مقررہ تاریخوں‌ میں‌ ملاقات ممکن نہیں.

کچھ تجزیہ کاروں‌ کے خیال میں اس معذرت کا اصل سبب پیرپگارا کی میاں‌ نواز شریف سے ناراضی اور ن لیگ کی پالیسیوں‌پر تحفظات ہیں.

نوازشریف کا اب کوئی سیاسی مستقبل نہیں، پیرپگارا

یاد رہے کہ گذشتہ برس میاں‌نواز شریف کی نااہلی کے بعد پیر صعبت اللہ راشدی نے اپنے ایک بیان میں‌ کہا تھا کہ نواز شریف کا اب کوئی مستقبل نہیں، ہماری جماعت وفاق اور پاک فوج کے ساتھ ہے اور اداروں سے ٹکراؤ کی صورت میں نوازشریف کا ساتھ نہ دینے کا فیصلہ کیا ہے.

جس عدالت میں دیکھو میرے خلاف ہی مقدمہ چل رہا ہے ،نواز شریف

تجزیہ کاروں کے مطابق میاں نواز شریف کی مشکلات میں مزید اضافہ متوقع ہیں۔ آج بھی نواز شریف احتساب عدالت میں پیش ہوئے تھے، جس کے بعد انھوں نے میڈیا سے گفتگو کرتے ہوئے کہا تھا کہ ہر طرف میرا ہی کیس چل رہا ہے،  تمام کیسز کی وجہ کیا ہوسکتی ہے، اسے تلاش کرنا چاہیے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔