انٹرنیٹ، سم یا فون نمبر نہ ہونے کے باجود بھی صارفین پیغام رسانی کے قابل ہوجائیں گے، نئی بٹ ایپ چیٹ نے اس ناممکن کام کو ممکن کردکھایا۔
غیرملکی میڈیا رپوٹس کے مطابق بہت جلد بٹ چیٹ ایپ کے ذریعے یہ سہولت عام لوگوں تک پہنچنے والی ہے، یعنی عام صارف مستقبل قریب میں ایسی ایپ استعمال کریں گے جو انٹرنیٹ، سم یا فون نمبر کے بغیر پیغام رسانی کی سروس فراہم کرے گی۔
کبھی ایسا خواب و خیال میں سوچا جاتا تھا مگر اب ایسا جلد ممکن ہونے والا ہے، ایک نئی ایپ صارفین میں تیزی سے مقبول ہورہی ہے جس کانام بٹ چیٹ ہے اور اس کے فیچر حیرت انگیز ہیں۔
بٹ چیٹ ایپ کو کس طرح استعمال کرسکتے ہیں اور اس سے صارفین کس طرح مستفید ہوسکتے ہیں ان سارے سوالات کا جواب سامنے آگیا ہے۔
پیغام رسانی کے دیگر ایپس کو ٹکر دینے والی "BitChat” ایک نئی جدید ایپ ہے، خبرون کے مطابق یہ ایپ انٹرنیٹ، سم یا فون نمبر کے بغیر غیروایتی طور پر صارفین کو پیغام رسانی کی سروس دیگی۔
دراصل یہ بلیوٹوتھ آپریٹ ایپ ہوگی جو محدود کنیکٹیویٹی زونز میں پیغام رسانی کےلئے استعمال کی جاسکے گی اور لوگ اپنے دوستوں اور عزیزوں سے رابطہ کرسکیں گے۔
"BitChat” ایپ میں انکرپٹڈ، گمنام مواصلت کی اجازت کے لیے بلیوٹوتھ اور میش نیٹ ورکس کا استعمال کرنا ہوگا۔
خیال رہے کہ بٹ چیٹ یپ اور اس کی وابستگی سے متعلق تاحال کوئی تصدیق سامنے نہیں آسکی، تاہم اس ایپ کو ٹوئٹر کے شریک بانی جیک ڈورسی سے جوڑا جارہا ہے اسکی تصدیق بھی نہیں ہوسکی ہے۔
https://urdu.arynews.tv/whatsapp-document-scanning-feature-android-users/
