Tag: پیمرا کی اپیل

کراچی : سندھ ہائی کورٹ نے اے آر وائی نیوز کے خلاف پیمرا کی اپیل پر تحریری حکم نامہ جاری کرتے ہوئے اے آروائی نیوز کے وکیل کو دستاویز فراہم کرنے کا حکم دے دیا۔

تفصیلات کے مطابق سندھ ہائی کورٹ نے اے آر وائی نیوز کے خلاف پیمرا کی اپیل پر تحریری حکم نامہ جاری کردیا۔

تحریری حکم نامے میں جسٹس عقیل عباسی کی سربراہی میں 2 رکنی بینچ نے اپیل کی نقول فراہم کرنے کا حکم دیتے ہوئے کہا کہ اپیل کیساتھ منسلک دستاویز کی کاپی بھی اے آروائی نیوز کے وکیل کو فراہم کریں۔

وکیل اے آر وائی نیوز بیرسٹرایان میمن نے کہا کہ اے آر وائی نیوز کی درخواستوں پر حکم امتناع سے پیمرا کو نقصان نہیں۔

بیرسٹرایان میمن کا کہنا تھا کہ عدالتی حکم کے باوجود اے آر وائی نیوز کی نشریات بحال نہیں کی گئی ، جواب کے لئے اپیل اور منسلک دستاویزکی نقول فراہم کرنے کی ہدایت کی جائے۔

عدالت میں 2 رکنی بینچ نے اے آروائی نیوز کی درخواست منظور کرکے دستاویزفراہم کرنے کا حکم دے دیا۔

کراچی : سندھ ہائی کورٹ نے اے آروائی نیوز کے حق میں جاری حکم امتناع ختم کرنے سے انکار کردیا۔

تفصیلات کے مطابق سندھ ہائی کورٹ میں اے آروائی نیوز کا سیکیورٹی سرٹیفکیٹ منسوخ کرنے کے نوٹی فکیشن پر حکم امتناع کیخلاف اپیل پر سماعت ہوئی۔

پیمرا نے سندھ ہائی کورٹ کے 2سنگل بینچز کے احکامات کے خلاف اپیل دائر کی، اے آر وائی نیوز کے وکیل بیرسٹر ایان میمن نے کہا کہ اگر حکم امتناع کالعدم قرار دیتے گئے تو پورا کیس متاثر ہوگا۔

اے آروائی نیوز براہِ راست دیکھیں live.arynews.tv پر

بیرسٹر ایان میمن کا کہنا تھا کہ اے آروائی نیوز شہباز گل کی گفتگو کے مندرجات سے لاتعلقی کا اظہار کرچکا۔

وکیل پیمرا نے سندھ ہائیکورٹ میں مؤقف میں کہا کہ اے آر وائی کو شوکاز نوٹس اسلام آباد سےجاری ہوا۔

وکیل اے آر وائی نیوز نے عدالت کو بتایا کہ اے آر وائی نیوز پورے ملک میں بند ہے ، پورے ملک میں کیبل آپریٹرز نے 8 اگست کو پیمرا ہدایت پر نشریات بند کیں ، جس پر وکیل پیمرا کا کہنا تھا کہ پیمرا نے اے آر وائی نیوز کی نشریات سے متعلق سرکلر جاری کیا۔

جسٹس عقیل عباسی نے ریمارکس دیئے کہ کارروائی تو ہوگی، شوکاز پر جواب دیں، جس پر وکیل ایان میمن نے کہا 12 اگست کو چیئرمین نہیں تھے ، پیمرا کارروائی کر ہی نہیں سکتا تھا۔

جسٹس عقیل عباسی کا کہنا تھا کہ جب تک آپ کی تعریف ہوتی تھی، آپ کو بھی اے آروائی اچھا لگتا تھا، کسی پروگرام یا فرد پر پابندی لگا سکتے تھے ، پوراچینل کیوں بند کررہے ہیں۔

سندھ ہائی کورٹ نے اے آروائی نیوزکے حق میں جاری حکم امتناع ختم کرنے سے انکار کرتے ہوئے پیمرا کی اپیل پر مزید سماعت 19 اگست تک ملتوی کردی۔

سندھ ہائی کورٹ کے 2 رکنی بینچ نے اے آر وائی نیوز کو 19 اگست کیلئے نوٹس جاری کردیا۔