ARYNews.tv | Urdu – Har Lamha Bakhabar

Tag: پینٹاگون

  • صومالیہ میں امریکی فضائی حملہ، 35 جنگجو ہلاک، پینٹاگون

    صومالیہ میں امریکی فضائی حملہ، 35 جنگجو ہلاک، پینٹاگون

    واشنگٹن: صومالیہ میں امریکی فضائی حملے کے نتیجے میں 35 جنگجو ہلاک ہوگئے، پینٹاگون نے حملے کی تصدیق کردی۔

    غیرملکی خبررساں ادارے کے مطابق امریکی فوج نے صومالیہ کے علاقے ہیران میں فضائی حملے کیے، ان حملوں میں شدت پسند تنظیم الشباب کے 35 جنگجو ہلاک جبکہ متعدد زخمی ہوئے۔

    فضائی حملے کے نتیجے میں زخمی ہونے والے جنگجوؤں کی گرفتاری کے لیے بری فوج چھاپے مار رہی ہے، فضائی حملہ جنگجوؤں کے ایک ٹھکانے سے دوسرے ٹھکانے کی جانب منتقلی کے دوران کیا گیا۔

    واضح رہے کہ صومالی حکومت کی درخواست پر امریکی فوج شدت پسندوں کے خلاف فیصلہ کن کارروائی میں معاون و مددگار ہے، امریکی فوج کا کہنا ہے کہ ہم اپنے اتحادی کو تنہا نہیں چھوڑ سکتے ہیں۔

    رپورٹ کے مطابق ڈونلڈ ٹرمپ کے صدارتی عہدہ سنبھالنے کے بعد سے صومالیہ میں شدت پسندوں کے ٹھکانوں پر فضائی حملوں میں بتدریج اضافہ دیکھا گیا ہے۔

    مزید پڑھیں: صومالیہ: کار بم دھماکے کے نتیجے میں 11 افراد ہلاک، متعدد زخمی

    گزشتہ ماہ امریکی فضائی حملے میں 52 شدت پسند ہلاک ہوئے تھے جبکہ گزشتہ سال دسمبر میں امریکی فضائیہ کی جانب سے 6 فضائی حملوں میں 62 شدت پسندوں کو ہلاک کیا گیا تھا۔

    افریقی کمانڈ کے سربراہ جنرل تھامس کا کہنا ہے کہ جب تک شدت تنظیم الشباب کے جنگجو صومالیہ کے دارالحکومت موغادیشو میں موجود ہیں امریکی فضائیہ کے حملے جاری رہیں گے۔

    یاد رہے کہ شدت پسند تنظیم الشباب کے جنگجو 2011 سے صومالیہ کے دارالحکومت میں موجود ہیں جس کے خلاف امریکی فضائیہ کی جانب سے حملے جاری ہیں۔

    شدت پسند جنگجوؤں کی جانب سے موغادیشو میں حکمران، آرمی اور عام افراد کو نشانہ بنایا جاتا ہے جس کے سبب متعدد افراد اپنی قیمتی جانوں سے ہاتھ دھو بیٹھے ہیں۔

  • پینٹاگون کا میکسیکو سرحد پر 2ہزار اضافی فوج تعینات کرنے کا اعلان

    پینٹاگون کا میکسیکو سرحد پر 2ہزار اضافی فوج تعینات کرنے کا اعلان

    واشنگٹن : امریکی محکمہ نے غیر قانونی آمد و رفت روکنے کےلیے میکسیکو کی سرحد پر مزید دو ہزار فوجی تعینات کرنے کا اعلان کردیا۔

    غیر ملکی خبر رساں ادارے کا کہنا ہے کہ میکسیکو سرحد فوج کے دو ہزار اضافی اہلکار تعینات کرنے کے بعد جنوبی سرحد پر فوجیوں کی تعداد 4300 ہوجائے گی، جو سرحد پر ریزر وائر لگانے اور نگرانی کے کاموں میں پیڑول ایجنٹ کی معاونت کریں گے۔

    پیٹناگون کا کہنا ہے کہ جنوبی سرحد پر فوج کی اضافی نفری تین ماہ کےلیے تعینات کی جائے گی، ہم جنوبی سرحد کو محفوظ بنانے کے مشن کے لیے ضروری طاقت کا استعمال کریں۔

    امریکی صدر ڈونلڈ ٹرمپ کا کہنا ہے کہ میکسیکو سرحد سے غیر قانونی مہاجرین کی آمد و رفت کا سلسلہ روکنا ہے، پناہ گزینوں کو امریکا میں داخل نہیں ہونے دیا جائے گا۔

    مزید پڑھیں : میکسیکو دیوار: امریکی صدرنے ایمرجنسی نافذ کرنے کی دھمکی دے دی

    یاد رہے کہ اس سے قبل امریکی صدر نے میکسیکو کی سرحد پردیوارکی تعمیر میں ڈیموکریٹس کے ساتھ پیش رفت نہ ہونے پر ایمرجنسی عاید کرنے کی دھمکی دی تھی، جبکہ اپوزیشن نے ممکنہ ایمرجنسی کے خلاف عدالت جانے کا اعلان کردیا تھا۔

    امریکی صدر ڈونلڈ ٹرمپ کا کہنا ہے کہ شٹ ڈاؤن کے عارضی خاتمے کے باوجود ڈیموکریٹس کے ساتھ سرحدی دیوار کے معاملے پر مذاکرات بے نتیجہ ثابت ہورہے ہیں۔

    ان کا کہنا تھا کہ ایسا لگتا ہے کہ ڈیموکریٹس امن چاہتے ہی نہیں ہیں۔ امریکی صدر نے مزید کہا کہ جب وہ کہتے ہیں کہ دیواریں فائدہ مند نہیں ہوتیں، تو اندر سے وہ جانتے ہیں کہ دیواریں فائدہ مند ہوتی ہیں۔

  • امریکا نے شام سے اپنی افواج واپس بلانے پر غور شروع کردیا

    امریکا نے شام سے اپنی افواج واپس بلانے پر غور شروع کردیا

    واشگنٹن: امریکا نے شام سے اپنی افواج واپس بلانے پر حتمی غورکرنا شروع کردیا، امریکی حکام کا کہنا ہے کہ بہت جلد شام سے اپنی افواج واپس بلالی جائیں گی۔

    غیرملکی خبررساں ادارے کے مطابق طویل عرصے سے امریکی افواج شام میں موجود ہیں، امریکی حکام کے مطابق افواج نے وہاں اپنے اہداف حاصل کرلیے ہیں اس لیے افواج کو واپس بلانے کا فیصلہ کیا جارہا ہے۔

    امریکی حکام کا کہنا تھا کہ شام سے افواج واپس بلانے کے حوالے سے تفصیلات نہیں بتاسکتے اور ابھی اس حوالے سے کوئی ٹائم فریم نہیں دیا جاسکتا ہے۔

    امریکی حکام کا کہنا تھا کہ شام سے افواج کو واپس بلانے سے قبل اتحادیوں سے مشورہ کیا جائے گا۔

    دوسری جانب پینٹاگون کے ترجمان کا کہنا ہے کہ اس طرح کی خبروں میں کوئی صداقت نہیں ہے اپنے اتحادیوں کے ساتھ شام میں کام کرتے رہیں گے۔

    مزید پڑھیں: صدر ٹرمپ نے شام سے امریکی فوج واپس بلانے کا اعلان کردیا

    ری پبلکن سینیٹر لِنڈسے گراہم نے شام سے امریکی افواج کو واپس بلانے کی مذمت کرتے ہوئے کہا ہے کہ اس طرح کے اقدامات سے امریکا اور دنیا کے دوسرے ممالک میں خطرناک نتائج برآمد ہوں گے۔

    انہوں نے کہا کہ شام سے افواج کو واپس بلانے سے ایران، داعش اور بشارالاسد کی کامیابی تصور کیا جائے گا، اس طرح کے اقدامات سے گریز کیا جائے۔

    واضح رہے کہ رواں سال مارچ میں امریکی صدر ڈونلڈ ٹرمپ نے شام سے اپنی افواج واپس بلانے کا اعلان کیا تھا، ان کا کہنا تھا کہ فوج نے شام میں داعش کو شکست دے کر اپنے اہداف حاصل کرلیے ہیں۔

    ڈونلڈ ٹرمپ کا کہنا تھا کہ شام میں امریکی افواج کا کام داعش کو شکست دینا تھا فوج نے یہ کام بخوبی سر انجام دیا ہے، فوجی جوان جلد اپنی سرزمین پر واپس پہنچ جائیں گے۔

  • پینٹاگون کا موقف ہماری قربانیوں‌ کو تسلیم کرتا ہے: شاہ محمود قریشی

    پینٹاگون کا موقف ہماری قربانیوں‌ کو تسلیم کرتا ہے: شاہ محمود قریشی

    اسلام آباد: وزیر خارجہ شاہ محمود قریشی نے کہا ہے کہ ماضی میں امریکی انتظامیہ پاکستان کی اہمیت تسلیم کرتی رہی ہے.

    ان خیالات کا اظہار انھوں نے میڈیا سے گفتگو کرتے ہوئے کیا. وزیر خارجہ نے امریکی صدر کے متنازع انٹرویو کے بعد پینٹاگون کے ردعمل کو خوش آیند قرار دیا.

    ان کا کہنا تھا کہ پینٹاگون کے ترجمان زمینی حقائق سے واقف ہیں، پینٹاگون کا مؤقف آنا تائید ہے کہ وہ ہماری قربانیوں کوتسلیم کرتے ہیں.

    وزیرخارجہ شاہ محمود قریشی کا کہنا تھا کہ امریکا کےعلاوہ اور بہت سے ممالک ہیں، جو افغان جنگ کا حصہ رہے، پاکستان نے القاعدہ کے خلاف جو کردارادا کیا وہ سب کےسامنے ہے.

    شاہ محمود قریشی کا کہنا تھا کہ پاکستان نے دہشت گردی کے خلاف جنگ میں جانی اورمالی نقصان برداشت کیا.

    مزید پڑھیں: دنیا دہشت گردی کے خلاف جنگ میں ہماری قربانیوں کو تسلیم کرے، آرمی چیف

    ان کا کہنا تھا کہ ابوظہبی میں دنیا کے مختلف ممالک کے40 وزرائے خارجہ سے ملاقات ہوئی، سب وزرائے خارجہ اس پر متفق تھے کہ ٹرمپ کا ڈپلومیسی کا اپنا انداز ہے.

    واضح رہے کہ گذشتہ دونوں‌ اپنے ایک انٹرویو میں امریکی صدر نے پاکستان پر شدید الزامات عائد کیے گئے تھے، جن کا پاکستان کی جمہوری اور عسکری قیادت نے بھرپور جواب دیا.

  • پاکستان جنوبی ایشیا میں امریکا کا اہم اتحادی ہے‘ پینٹاگون

    پاکستان جنوبی ایشیا میں امریکا کا اہم اتحادی ہے‘ پینٹاگون

    واشنگٹن : امریکی محکمہ دفاع پینٹاگون کا کہنا ہے کہ پاکستان امریکا کے فوجی تعلقات میں کوئی تبدیلی نہیں آئی۔

    تفصیلات کے مطابق پینٹاگون کے ڈائریکٹرآپریشنزپریس کرنل راب میننگ نے نیوز کانفرنس کے دوران کہا کہ پاکستان جنوبی ایشیا میں امریکا کا اہم اتحادی ہے۔

    کرنل راب میننگ کا کہنا تھا کہ پاکستان امریکا کے فوجی تعلقات میں کوئی تبدیلی نہیں آئی، خطے میں پاکستان اورامریکا کے مشترکہ مفادات ہیں۔

    پینٹاگون کے ڈائریکٹرآپریشنزپریس کا مزید کہنا تھا کہ پرامن اورمستحکم افغانستان کے لیے پاکستان کا کرداراہم ہے۔

    پاکستان نے امریکا کے لیے کچھ نہیں کیا، امریکی صدر ٹرمپ کا الزام

    خیال رہے کہ دو روز قبل امریکی صدر کا کہنا تھا کہ ہم نے پاکستان کی امداد اس لیے بند کی کیونکہ پاکستان نے ہمارے لیے کچھ نہیں کیا، امریکا نے پاکستان کو سالانہ 1.3 بلین ڈالر کی امداد دی۔

    بعدازاں وزیراعظم عمران خان نے ٹرمپ کے بیان پر ردعمل دیتے ہوئے کہا تھا کہ امریکی صدر کے غلط بیانات زخموں پر نمک چھڑکنے کے مترادف ہیں، امریکی جنگ کا خمیازہ مالی ومعاشی عدم استحکام کی شکل میں بھگتا ہے۔

    وزیراعظم عمران خان کا کہنا تھا کہ ٹرمپ کو تاریخی حقائق سے آگاہی درکار ہے، امریکی جنگ میں پہلے ہی کافی نقصان اُٹھا چکے ہیں، اب ہم وہی کریں گے جو ہمارے مفاد میں ہوگا۔

    یہ پڑھیں: ہم نے امداد دی، پاکستان نے دھوکا دیا، اب ایسا نہیں ہوگا: امریکی صدر کی ہرزہ سرائی

    یاد رہے کہ رواں سال کے شروع میں بھی امریکی صدر ڈونلڈ ٹرمپ نے اپنے دھمکی آمیز ٹویٹ میں کہا تھا کہ پاکستان امریکا کو ہمیشہ دھوکا دیتا آیا ہے، پاکستان نے امداد کے بدلے امریکا کو بے وقوف بنانے کے سوا کچھ نہیں کیا، مگر اب ایسا نہیں چلے گا۔

  • امریکا نے ایف 35 جنگی طیاروں کو عارضی طور پرگراؤنڈ کردیا

    امریکا نے ایف 35 جنگی طیاروں کو عارضی طور پرگراؤنڈ کردیا

    نیویارک : امریکا نے جنوبی کیرولینا میں ہونے والے فضائی حادثے کے بعد ایف 35 جنگی طیاروں کو عارضی طور پرگراؤنڈ کردیا۔

    تفصیلات کے مطابق امریکی فوج نے F-35 لڑاکا طیاروں کے بیڑے کو عارضی طور پرگراؤنڈ کردیا ہے۔

    غیرملکی خبررساں ادارے کی رپورٹ کے مطابق طیاروں کی فیول ٹیوبز میں آنے والی خرابی کی جانچ پڑتال کی جائے گی۔

    ایف 35 جوائنٹ پروگرام آفس کی جانب سے جاری بیان میں کہا گیا ہے کہ امریکا اور اس کے بین الاقوامی شراکت داروں نے طیاروں کی پروازیں معطل کردی ہیں۔

    پروگرام آفس کی جانب سے مزید کہا گیا ہے کہ فیول ٹیوبز میں خرابی سامنے پراسے تبدیل کردیا جائے گا اور ٹیوبز ٹھیک ہوئے تو طیاروں کو اڑان کی اجازت دی جائے گی۔

    F-35 لڑاکا طیارے کو پہلی بار اسرائیل کی جانب سے رواں برس کے آغاز میں 2 فضائی حملوں کے لیے استعمال کیا گیا تھا۔

    امریکا کا جدید ترین جنگی طیارہ ایف 35 حادثے کا شکار

    یاد رہے کہ گزشتہ ماہ جنوبی کیرولینا میں F-35 طیارہ مرین کارپس ایئر اسٹیشن بیوفورٹ کے قریب حادثے کا شکار ہوگیا تھا۔

    حادثے سے قبل پائلٹ طیارے سے نکلنے میں کامیاب ہوگیا تھا تاہم طیارہ مکمل طور پرتباہ ہوگیا تھا۔

    واضح رہے کہ امریکا کا ایف 35 جنگی طیارہ دنیا کے سب سے بڑے اور مہنگے ہتھیاروں کے پروگرام میں شامل ہے۔

  • امریکا کا پاکستان کی 30 کروڑڈالر کی امداد منسوخ کرنے کا فیصلہ

    امریکا کا پاکستان کی 30 کروڑڈالر کی امداد منسوخ کرنے کا فیصلہ

    واشنگٹن : امریکی فوج کا کہنا ہے کہ پاکستان کی جانب سے شدت پسندوں کے خلاف فیصلہ کن کارروائیاں نہ کرنے پر 30 کروڑ ڈالر کی امداد منسوخ کرنے کا فیصلہ کیا ہے۔

    تفصیلات کے مطابق امریکا نے پاکستان کی 30 کروڑ ڈالر یعنی 36 ارب 90 کروڑ روپے کی امداد منسوخ کرنے کا فیصلہ کرلیا۔

    پینٹاگون کے ترجمان لیفٹیننٹ کرنل کونی فالکنر کا کہنا ہے کہ پاکستان کی جانب سے شدت پسندوں کے خلاف ٹھوس کارروائیاں نہ کرنے پر امداد منسوخ کرنے کا فیصلہ کیا۔

    لیفٹیننٹ کرنل کا کہنا تھا کہ اگر کانگریس نے منظوری دے دی تو پینٹاگون اب یہ رقم دیگراہم ترجیحات پرصرف کرنے کا اراد ہ رکھتا ہے۔

    ترجمان پینٹاگون کے مطابق پاکستان کی جانب سے ساؤتھ ایشیا اسٹریٹیجی کے تحت فیصلہ کن کارروائیوں کے فقدان کے باعث 30 کروڑ ڈالر کو ری پروگرام کیا گیا ہے۔

    لیفٹیننٹ کرنل کا مزید کہنا تھا کہ کانگریس نے پاکستان کو کولیشن سپورٹ فنڈز کے 50 کروڑ ڈالررواں سال کے آغاز میں بھی روک لیے تھے جس کے بعد اب تک روکی جانے والی کل رقم 80 کروڑ ڈالر ہوجائے گی۔

    خیال رہے کہ پینٹاگون کی جانب سے یہ اعلان ایک ایسے وقت میں سامنے آیا ہے جب امریکی سیکریٹری خارجہ مائیک پومپیو اور جنرل جوزف ڈنفورڈ پاکستان کا دورہ کرنے والے ہیں۔

    ہم نے امداد دی، پاکستان نے دھوکا دیا، اب ایسا نہیں ہوگا: امریکی صدر

    واضح رہے کہ رواں سال کے آغاز پر امریکی صدر ڈونلڈ ٹرمپ نے کہا تھا کہ امریکہ نے گزشتہ 15 سال میں33 ارب ڈالرز پاکستان کو دے کر بے وقوفی کی، پاکستان امریکہ کو ہمیشہ دھوکہ دیتا آیا ہے۔

  • چین امریکا کو نشانہ بنانے کی تیاری کررہا ہے، پینٹاگون کا الزام

    چین امریکا کو نشانہ بنانے کی تیاری کررہا ہے، پینٹاگون کا الزام

    واشنگٹن : پینٹاگون کاکہنا ہے کہ چین ممکنہ طورپرامریکی اہداف کونشانہ بنانے کی مشقیں کررہا ہے اور روس کے ساتھ مل کر نئی دفاعی حکمت عملی اپنا رہا ہے۔

    تفصیلات کے مطابق پینٹاگون نے رپورٹ میں الزام لگایا ہے کہ چین امریکا اوراس کے اتحادیوں کونشانہ بنانے کی تیاری کررہا ہے۔

    پینٹاگون کا کہنا ہے کہ گزشتہ تین برس سے چینی افواج متنازع سمندری حدود میں گشت کررہی ہیں، متنازع سمندری حدود میں چینی اثرورسوخ بڑھا رہا ہے جبکہ مصنوعی جزیرے تک بمبار طیاروں کی تعداد بڑھا دی ہے۔

    رپورٹ کے مطابق چین روس کے ساتھ مل کرنئی دفاعی حکمت عملی بنا رہا ہے، 2028 تک چین کا دفاعی بجٹ 240ارب ڈالر ہو جائے گا۔

    پینٹاگون کا کہنا ہے کہ چین اپنے خلائی پروگرام بھی وسعت دے رہا ہے اور خلا میں بھی امریکا سے مقابلے میں فورس تیار کر رہا ہے۔

    یاد ررہے گذشتہ سال امریکی محکمہ دفاع نے اپنی رپورٹ میں دعویٰ کیا تھا کہ چین مستقبل قریب میں ممکنہ طور پر پاکستان میں بھی اپنا فوجی اڈا قائم کرسکتا ہے۔

    امریکا نے ایران کے حوالے سے نیا ایکشن گروپ تشکیل دے دیا

    دوسری امریکی وزیرخارجہ مائیک پومپیو نے پریس کانفرنس کرتے ہوئے ایران پر اقتصادی اور سفارتی دباؤ بڑھانے کے لئے نئی ٹیم بنانے کا اعلان کیا، جس کا نام ایران ایکشن گروپ ہے۔

    امریکی وزیرخارجہ کا کہنا تھا کہ ایکشن گروپ محکمہ خارجہ میں ایران سےمتعلق رپورٹ کرے گا، ایکشن گروپ روزانہ کی بنیاد پر ایران کے معاملات کا جائزہ لے گا۔

    مائیک پومپیو نے کہا کہ سینئر سفارت کاربرائن ہک ایکشن گروپ کی قیادت کریں گے، ایرانی قیادت امریکا کے خلاف شدت پسند رویے کی ذمہ دار ہے۔

    ان کا کہنا تھا کہ صدرٹرمپ نے ایرانی قیادت پردباؤ کی پالیسی اپنائی ہے، امید ہے ایران سے نیا سمجھوتہ کرنے میں کامیاب ہوجائیں گے، ایران پر سفارتی اور معاشی دباؤ جاری رکھیں گے، ایران کے رویے میں تبدیلی دیکھنا چاہتے ہیں۔

  • ڈونلڈ ٹرمپ نے محکمہ دفاع اور پینٹاگون کو خلائی فوج بنانے کا حکم دے دیا

    ڈونلڈ ٹرمپ نے محکمہ دفاع اور پینٹاگون کو خلائی فوج بنانے کا حکم دے دیا

    واشنگٹن : امریکی صدر ڈونلڈ ٹرمپ نے خلائی فوج بنانے کا حکم دے دیا، ان کا کہنا ہے کہ ہم یہ برداشت نہیں کریں گے کہ چین اور روس ہم سے پہلے خلا میں ہوں۔

    تفصیلات کے مطابق امریکا خلا پر قبضے کے خواب دیکھنے لگا، جس کیلئے روس اور چین سے پہلے چاند اور مریخ پر قبضہ  کرنے کی منصوبہ بندی کی جارہی ہے۔

    امریکہ کے صدر ڈونلڈ ٹرمپ نے محکمہ دفاع اور پینٹاگون کو حکم دیا ہے کہ وہ اپنی چھٹی شاخ خلائی فوج کے قیام کے لیے اقدامات کا آغاز کرے، یہ خلائی فوج ائیر فورس سے علیحدہ ہوگی۔

    وہائٹ ہاؤس میں ننیشنل اسپیس کونسل کے اجلاس سے قبل امریکی صدر ڈونلڈ ٹرمپ نے کہا کہ ہم یہ برداشت نہیں کریں گے کہ چین اور روس ہم سے پہلے خلا میں ہوں۔

    اس بار خلا پر صرف جھنڈا یا قدموں کے نشان نہیں چھوڑیں گے بلکہ خلا پر قبضہ کریں گے، روس اور چین کو وہاں اپنے قدم جمانے نہیں دیں گے، ہم پر لازم ہے کہ خلا میں امریکی غلبہ ہو۔

    ان کا مزید کہنا تھا کہ اس نئی شاخ کے قیام سے قومی سلامتی اور معیشت کو مدد ملے گی کیونکہ اس سے روزگار بھی ملے گا، انہوں نے اس عزم کا بھی اظہار کیا کہ امریکہ ایک بار پھر چاند اور پھر مریخ پر بھی امریکی مشن بھیجے گا۔

    واضح رہے کہ امریکہ کی جانب سے فی الحال اس نئی خلائی فورس کے بارے میں مزید تفصیلات مہیا نہیں کی گئی ہیں کہ یہ کیسی ہو گی اور اس کا کام کیا ہو گا۔

    دوسری جانب ماہرین کا کہنا ہے کہ امریکی صدر ٹرمپ بڑی بڑی باتیں کر رہے ہیں، نئی خلائی فورس کیلیے کانگریس سے منظوری لینا ہوگی، خلا پرقبضہ کرنا اتنا بھی آسان نہیں جتنا کہ وہ سمجھ رہے ہیں۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • امریکہ کا خطےمیں امن وسلامتی کےلیےپاکستان کےساتھ مل کرکام کرنےپرآمادگی کا اظہار

    امریکہ کا خطےمیں امن وسلامتی کےلیےپاکستان کےساتھ مل کرکام کرنےپرآمادگی کا اظہار

    واشنگٹن : ترجمان پینٹاگون ڈانا وائٹ کا کہنا ہےکہ امریکہ نے خطے میں امن وسلامتی کے فروغ کے لیے پاکستان کے ساتھ کام کرنے آمادگی ظاہر کی ہے۔

    تفصیلات کے مطابق واشنگٹن میں پریس بریفنگ کے دوران ترجمان پینٹاگون ڈانا وائٹ نے افغان حکام کی طرف سے پاکستان پرافغانستان میں دہشت گردانہ سرگرمیوں میں ملوث ہونے کے الزام کے حوالے سے سوال کے جواب میں کہا کہ طالبان اور داعش عوام کو خوفزدہ کرنے کے لیے حملے کررہے ہیں۔

    ترجمان پینٹاگون ڈانا وائٹ کا کہنا تھا کہ امریکہ خطے میں امن وسلامتی کے فروغ کے لیے پاکستان کے ساتھ کام کرنے کو تیار ہے۔

    پاکستان اورامریکہ افغان امن میں‌ کلیدی کردار ادا کرسکتے ہیں

    خیال رہے کہ گزشتہ ماہ 4 اپریل کو امریکی سفارت خانے کی جانب سے نائب سیکریٹری خارجہ ایلس ویلز کے دورہ پاکستان سے متعلق اعلامیے میں‌ کہا گیا تھا کہ پاکستان اور امریکہ مشترکہ تعاون کے ساتھ ہی افغانستان کے پرامن مسئلے کا حل تلاش کرسکتے ہیں۔

    پاکستان سے تعلقات منتقطع نہیں کر رہے، ایلس ویلز

    یاد رہے کہ رواں سال یکم مارچ کو امریکا کی معاون نائب وزیرخارجہ ایلس ویلز کا کہنا تھا کہ موجودہ صورتحال میں یہ نہ سمجھا جائے کہ پاکستان سے تعلقات ختم کرنے کا سوچ رہے ہیں، انتہا پسند تنظیموں کےخلاف پاکستان سے مل کر کام کرنا چاہتے ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔