Tag: پیوٹن

  • امریکہ نے35روسی سفارتکاروں کوملک بدر کردیا

    امریکہ نے35روسی سفارتکاروں کوملک بدر کردیا

    واشنگٹن : امریکی صدر براک اوباما امریکہ نے صدارتی انتخاب میں روس کی جانب سے سائبر حملوں کے الزام میں 35 روسی سفارت کاروں کو ملک بدر کردیا۔

    تفصیلات کےمطابق امریکہ میں ہونے والے حالیہ صدارتی انتخابات میں مبینہ طور پر روس کی جانب سے سائبر حملوں میں ملوث ہونے کی اطلاعات کے بعد امریکہ نے روس کے 35 سفارت کار ملک بدر کردیے۔

    امریکہ نے روسی سفارتکاروں کو 72 گھنٹے میں ملک چھوڑنے کا حکم دیا جبکہ امریکی صدر باراک اوباما نے روسی سفارت کاروں کے ملک بدری کے احکامات جاری کیے۔

    مزید پڑھیں:امریکی صدارتی انتخابات میں شکست کا ذمہ دار روس ہے:ہلیری

    خیال رہے کہ امریکی صدر براک اوباما نے وعدہ کیا تھا کہ وہ روس کے خلاف کارروائی کریں گے جس پر ڈیموکریٹک پارٹی کی صدارتی امیدوار ہلیری کلنٹن کی مہم کو ہیک کیا ہے۔

    دوسری جانب کریملین کے ترجمان نے ماسکو میں صحافیوں کو بتایا کہ صدر ولا دی میر پوتن ان اقدامات پر جوابی کارروائی کرے گا۔

    مزید پڑھیں:امریکی انتخابات میں ہیکنگ‘روسی صدر ملوث تھے،امریکہ

    واضح رہے کہ رواں ماہ مریکہ کا کہناتھا کہ انتخابات کے دنوں میں ہونے والی ہیکنگ میں روسی صدر پیوٹن ملوث تھے۔

  • دنیابھرمیں روسی سفارتی مشنزکی سیکیورٹی بڑھائی جائے،روسی صدر

    دنیابھرمیں روسی سفارتی مشنزکی سیکیورٹی بڑھائی جائے،روسی صدر

    ماسکو : روسی صدرولادی میر پیوٹن نےدنیابھرمیں روسی سفارتی مشنزکی سیکیورٹی بڑھانے کی ہدایت کردی۔’

    تفصیلات کےمطابق ترکی میں روسی سفیر کے قتل کے بعد ماسکومیں روسی صدرولادی میرپیوٹن سےوزیرخارجہ سرگئی لاروف نے ملاقات کی۔روسی صدر سے ملاقات میں ڈائریکٹرفارن انٹیلی جنس اورڈائریکٹرفیڈرل سیکیورٹی سروس بھی موجود تھے۔

    صدرپیوٹن نےدنیابھرمیں روسی سفارتی مشنزکی سیکیورٹی سخت کرنےکی ہدایت کی۔ولادی میر پیوٹن نے بتایاکہ روسی تحقیقاتی کمیٹی نےقتل کی تحقیقات کاآغازکردیاہے۔تحقیقاتی کمیٹی جلدورکنگ گروپ تشکیل دےکرترکی جائےگی۔

    روسی صدرپیوٹن کاکہناتھاکہ ٹیلیفونک گفتگومیں ترک صدر اردگان نے قتل کی مشترکہ تحقیقات پرآمادگی ظاہرکی ہے۔

    مزید پڑھیں:ترکی: روسی سفیر دوران خطاب فائرنگ سے ہلاک

    یاد رہے کہ گزشتہ شب ترکی میں روسی سفیر آندرے کارلوف پراسپیشل فورس کے اہلکار نے فائرنگ کی جس کے باعث وہ شدید زخمی ہوگئے اور انہیں اسپتال منتقل کردیا گیا جہاں وہ جانبر نہ ہوسکے۔

    واضح رہے کہ روسی سفیر پرحملہ ایک ایسے وقت میں ہوا ہے جب ترک وزیرخارجہ میلود چاووش اوغلو،روسی وزیر خارجہ سرگئی لارووف اور ایران کے وزیر خارجہ جواد ظریف ماسکو میں شام کے معاملے پر ایک غیر معمولی سہ فریقی مذاکرات شروع کرنے والے تھے۔

  • روسی صدرکوانتخابات سےپہلےتنبیہ کی تھی،اوباما

    روسی صدرکوانتخابات سےپہلےتنبیہ کی تھی،اوباما

    واشنگٹن : امریکی صدر اوباما کا کہناہے کہ انہوں نے صدارتی انتخابات سے پہلے روسی صدر کو تنبیہ کی تھی کہ وہ انتخابات میں مداخلت نہ کریں۔

    تفصیلات کےمطابق امریکی صدر کا کہناہےکہ ولادی میر پیوٹن کی مداخلت کے بغیر روس میں زیادہ کچھ نہیں ہوسکتا۔انہوں نے ستمبر میں پیوٹن کو کہا تھا کہ انتخابات میں مداخلت کرنے سے صورتحال خراب ہوگی۔

    خیال رہے کہ رواں سال روسی صدر کو تنبیہ کرنے کے ایک ماہ بعد امریکہ کی جانب سے روس پر امریکہ کے صدارتی انتخابات میں مداخلت کا الزام لگایاگیاتھا۔

    مزید پڑھیں:امریکی صدارتی انتخابات میں شکست کا ذمہ دار روس ہے:ہلیری

    امریکی صدر اوباما نے تجویز دی ہے کہ امریکہ کو اس معاملے پر اپنی سائبر صلاحیتوں کودکھانا چاہیے اور جو وہ ہمارے ساتھ کر رہے ہیں ہم اُن کے ساتھ بھی ویسا ہی کر سکتے ہیں۔

    مزید پڑھیں:امریکہ روسی ہیکنگ کےثبوث سامنےلائےورنہ خاموش رہے،روس

    انہوں نےڈونلڈ ٹرمپ کا نام لیے بغیر کہا کہ بعض ریپبلکن امریکی انتخاب میں روس کی مداخلت کو سنجیدگی سے نہیں لے رہے ہیں۔

    امریکی صدراوباما نے نومنتخب امریکی صدر ٹرمپ پر زور دیا کہ وہ روس کے سائبر حملے کی مکمل تحقیقات کروائیں۔

    واضح رہے کہ رواں ہفتے ڈونلڈ ٹرمپ نے بھی ان دعوؤں کی تردید کی تھی کہ روسی انٹیلی جنس نے ڈیموکریٹک پارٹی کے اہلکار اور ہیلری کلنٹن کے اتحادی کی ای میلز ہیک کیں۔

  • امریکی صدارتی انتخابات میں شکست کا ذمہ دار روس ہے:ہلیری

    امریکی صدارتی انتخابات میں شکست کا ذمہ دار روس ہے:ہلیری

    واشنگٹن :امریکی صدارتی انتخاب میں ڈیموکریٹک پارٹی کی امیدوار ہلیری کلنٹن نے اپنی شکست کے لیے پہلی بار روس کو ذمہ دار ٹھہرایا ہے۔

    تفصیلات کےمطابق ہلیری کلنٹن نے پارٹی کے لیے فنڈنگ کرنےوالوں سے کہا کہ روسی صدر ولادی میرپیوٹن کو ان سے ذاتی شکایت تھی کیونکہ انہوں نے پانچ سال پہلے روس کے پارلیمانی انتخابات میں دھاندلی کی بات کی تھی۔

    ہلیری کلنٹن نے کہا کہ ’پیوٹن نے اپنے لوگوں کے غصے کے لیے عوامی طور پر مجھےمجرم ٹھہرایا تھا۔

    انہوں نے کہاکہ’یہ صرف میرے اور میری مہم پر حملہ نہیں ہے۔ یہ حملہ ہمارے ملک کے خلاف ہے۔ یہ ہماری جمہوریت کی سالمیت اور ہمارے ملک کی حفاظت سے منسلک معاملہ ہے۔‘

    ہلیری نے ایف بی آئی کے ڈائریکٹر جیمز كومی کی جانب سے جاری خط کا ذکر بھی کیا جس میں ان کے اہم ریاستوں میں قریبی مقابلوں میں ہارنے کی بات کی گئی تھی۔

    دوسری جانب روس نے امریکہ کی جانب سے صدارتی انتخابات میں روس کے ملوث ہونے کے الزام کے ردعمل میں کہا ہے کہ امریکہ روسی ہیکنگ کے ثبوث سامنے لائے ورنہ خاموش ہو جائے۔

    مزید پڑھیں:امریکی انتخابات میں ہیکنگ‘روسی صدر ملوث تھے،امریکہ

    واضح رہے کہ گزشتہ روز امریکہ کا کہناتھا کہ انتخابات کے دنوں میں ہونے والی ہیکنگ میں روسی صدر پیوٹن ملوث تھے۔

  • امریکی انتخابات میں ہیکنگ‘روسی صدر ملوث تھے،امریکہ

    امریکی انتخابات میں ہیکنگ‘روسی صدر ملوث تھے،امریکہ

    واشنگٹن : امریکہ کا کہناہے کہ انتخابات کے دنوں میں ہونے والی ہیکنگ میں روسی صدر پیوٹن ملوث تھے۔

    تفصیلات کےمطابق امریکی صدر براک اوباما کے مشیر بین روڈیس نے کہا ہے کہ صدر پیوٹن کاحکومتی معاملات پر کڑا اختیار ہے جس سے ظاہر ہوتا ہے کہ وہ اس سارے معاملے سے آگاہ تھے۔

    امریکی میڈیا نے انٹیلی جنس حکام کے حوالے سے دعویٰ کیا ہے کہ امریکی الیکشن میں روسی صدر پیوٹن ہیکنگ کے ذریعے ہیلری کلنٹن کی شکست میں ذاتی طور پر ملوث رہے ہیں۔

    وائٹ ہاؤس کہ پریس سیکریٹری جان ارنسیٹ نے اس بارے میں مزید کہا کہ یہ بات صاف ظاہر ہےکہ ولادی میر پیوٹن اس معاملے میں شامل تھے۔

    امریکہ کے نو منتخب صدر ڈونلڈ ٹٹرمپ بھی ان دعوؤں کی تردید کرتے رہے ہیں کہ روسی انٹیلی جنس نے ڈیموکریٹک پارٹی کے اہلکار اور ہیلری کلنٹن کے اتحادی کی ای میلز ہیک کیں۔

    مزید پڑھیں:امریکہ کاروس پر سائبر حملے کا الزام

    یاد رہے کہ نومبر میں ہونے والے صدارتی انتخاب سے قبل ماہ اکتوبر میں امریکی حکومت نے روس پر ڈیموکریٹک پارٹی پر سائبر حملوں کا الزام عائد کیا تھا۔

    واضح رہے کہ امریکی صدر براک اوباما نے اس عزم کا اظہار کیا ہے کہ امریکی صدارتی انتخابات میں مبینہ مداخلت کرنے پر روس کے خلاف کارروائی کی جائے گی۔

  • ڈونلڈ ٹرمپ ہوشیار شخص ہیں،پیوٹن

    ڈونلڈ ٹرمپ ہوشیار شخص ہیں،پیوٹن

    ماسکو: روسی صدرولادیمیر پیوٹن کا کہنا ہےکہ ’ڈونلڈ ٹرمپ ایک ہوشیار شخص ہیں جو اپنےعہدے کی ذمہ داریاں بہت جلد سمجھ جائیں گے‘۔

    تفصیلات کے مطابق سرکاری نشریاتی ادارے کوانٹرویومیں ولادیمیر پیوٹن نے کہا کہ ’نومنتخب امریکی صدر ڈونلڈ ٹرمپ پہلے سے ہی منجھے ہوئے سیاستدان ہیں‘۔

    روسی صدر نے کہا کہ ٹرمپ ایک کاروباری شخصیت ہیں اور وہ امریکہ جیسے ملک کے سربراہ ہیں جوکہ دنیا کے سرکرداہ ممالک میں سے ایک ہے۔

    مزید پڑھیں:روسی صدر نے امریکہ سے بہتر تعلقات کی خواہش کا اظہارکردیا

    خیال رہے کہ اس سےقبل روسی صدر پیوٹن نے ڈونلڈ ٹرمپ کے صدر منتخب ہونے پر مسرت کا اظہار کیااور کہا کہ ماسکو اور واشنگٹن کے درمیان اچھے تعلقات دونوں ممالک کے مفاد میں ہے۔

    یاد رہے کہ اس سے قبل ستمبر میں ڈونلڈ ٹرمپ نے کہا تھا کہ پیوتن کااپنے ملک پر زبردست کنٹرول ہےاوروہ صدر اوبامہ سے بہتر صدر ہیں۔

    مزید پڑھیں:روس کسی کےساتھ لڑائی نہیں چاہتا،پیوٹن

    واضح رہے کہ رواں ماہ یکم دسمبر کوماسکو میں پارلیمان سے سالانہ خطاب کے دوران صدرپیوٹن کاکہناتھاکہ کچھ غیر ملکی روس کو دشمن سمجھتے ہیں لیکن روس ایسا نہیں چاہتا نہ کبھی ایسا چاہے گا،اسے دوستوں کی ضرورت ہے۔

  • روس کسی کےساتھ لڑائی نہیں چاہتا،پیوٹن

    روس کسی کےساتھ لڑائی نہیں چاہتا،پیوٹن

    ماسکو: روسی صدرولادیمیرپیوٹن کا کہناہےکہ روس کسی کے ساتھ لڑائی نہیں چاہتا بلکہ اسےدوستوں کی ضرورت ہے۔

    تفصیلات کےمطابق ماسکو میں پارلیمان سے سالانہ خطاب کے دوران صدرپیوٹن کاکہناتھاکہ کچھ غیر ملکی روس کو دشمن سمجھتے ہیں لیکن روس ایسا نہیں چاہتا نہ کبھی ایسا چاہے گا،اسے دوستوں کی ضرورت ہے۔

    روسی صدر کا کہنا تھا کہ دہشت گردی کے خلاف جنگ میں امریکہ کی نئی انتظامیہ کے ساتھ مل کر کام کرنے کے لیے تیار ہیں۔

    ولادیمیرپیوٹن کا کہنا تھا کہ 2014 میں ہونے والے کریمیا کے الحاق کے بعد مغرب سے جاری سرد جنگ، یوکرائن اور شام کی کشیدگی میں روس خود کو ایک انتہائی بری حالت میں گہرا ہوا دیکھ رہا ہے۔

    دوسری جانب صدرپیوٹن نے شامی صدربشارالاسد کی حمایت اورشام میں حزب اختلاف کےخلاف کارروائیوں میں مصروف روسی افواج کی تعریف کی۔

    مزید پڑھیں:روسی صدر نے امریکہ سے بہتر تعلقات کی خواہش کا اظہارکردیا

    واضح رہے کہ گزشتہ ماہ روسی صدر پیوٹن نے ڈونلڈ ٹرمپ کے صدر منتخب ہونے پر مسرت کا اظہار کیااور کہا تھاکہ ماسکو اور واشنگٹن کے درمیان اچھے تعلقات دونوں ممالک کے مفاد میں ہے۔

  • تاریخ کے دریچے کھولتی چند نادر تصاویر

    تاریخ کے دریچے کھولتی چند نادر تصاویر

    دنیا کا ہر بڑا شخص پیدا ہوتے ہی مشہور اور کامیاب نہیں بن جاتا۔ کامیابی حاصل کرنے سے پہلے اس کی زندگی بھی ہماری اور آپ کی طرح معمولی انداز میں گزرتی ہے بس فرق صرف انتھک محنت اور لگن کا ہوتا ہے۔

    آج ہم آپ کو مشہور شخصیات کی کچھ نادر و نایاب تصاویر دکھا رہے ہیں جن کو دیکھ کر شاید آپ کو حیرت کا جھٹکا لگے۔ کیونکہ آپ نے ان معروف اور کامیاب شخصیات کو کبھی ایسا تصور نہیں کیا ہوگا۔ یہ تصاویر ان کے کامیاب ہونے سے قبل یا جدوجہد کے ابتدائی دور کی ہیں۔

    ان میں بہت سی تصاویر میں آپ اپنی زندگی سے مماثلت بھی پا سکتے ہیں۔ اگر ایسا ہے تو پھر خوش ہوجایئے کہ آپ بھی بہت جلد کامیاب افراد کی فہرست میں شامل ہونے والے ہیں۔

    10

    ذرا بائیں جانب کونے میں کھڑے شخص کو غور سے دیکھیئے۔ یہ کوئی اور نہیں روس کے موجودہ صدر ولادی میر پیوٹن ہیں اور یہ تصویر 60 کی دہائی میں کھینچی گئی۔

    1

    مشہور باکسر، اداکار اور کیلیفورنیا کے سابق گورنر آرنلڈ شیوازینگر کی کامیابی کی کہانی سے کون واقف نہیں۔ فلم ٹرمینیٹر کے مرکزی اداکار آرنلڈ کی یہ تصویر سنہ 1968 کی ہے جب وہ پہلی بار نیویارک آئے۔

    3

    سنہ 1977 ۔ دنیا کے امیر ترین شخص اور مائیکرو سافٹ کمپنی کے مالک بل گیٹس کو ان کی نوجوانی کے زمانے میں بغیر لائسنس ڈرائیونگ کرنے پر گرفتار کیا گیا۔
    4

    سنہ 1977 ۔ امریکی صدر بارک اوباما اپنی باسکٹ بال ٹیم کے کھلاڑیوں کے ہمراہ۔

    2

    سنہ 1981 ۔ مشہور باکسر محمد علی ایک خودکشی پر مائل شخص کو اس کے ارادے سے باز رکھنے کی کوشش کر رہے ہیں۔

    5

    سنہ 1928 ۔ مشہور فلم ساز کمپنی ایم جی ایم کا لوگو جس میں ایک شیر چنگھاڑتا ہوا نظر آتا ہے، کچھ یوں فلمایا گیا۔

    6

    سنہ 1931 ۔ اپنے شعبوں کی دو باکمال شخصیات، خاموش فلموں کے اداکار چارلی چپلن (بائیں) اور معروف سائنسدان آئن اسٹائن (دائیں)۔

    7

    برطانوی ملکہ الزبتھ دوسری جنگ عظیم کے دوران فوج کا حصہ رہیں۔

    8

    سنہ 1981 ۔ جراسک پارک جیسی شاندار سائنسی فلمیں تخلیق کرنے والے ہدایت کار اسٹیون اسپیل برگ۔ ان کی گود میں بیٹھی بچی ہالی ووڈ کی معروف اداکارہ ڈریو بیری مور ہے۔

    9

    سنہ 1991 ۔ سائنس اور کمپیوٹر کی دنیا کو نئی جہتیں دینے والے دو عظیم دماغ، بل گیٹس (دائیں) اور ایپل کے بانی اسٹیو جابز (بائیں)۔

    تصاویر بشکریہ: برائٹ سائیڈ

  • روسی صدر نے امریکہ سے بہتر تعلقات کی خواہش کا اظہارکردیا

    روسی صدر نے امریکہ سے بہتر تعلقات کی خواہش کا اظہارکردیا

    ماسکو: روسی صدر پیوٹن نے ڈونلڈ ٹرمپ کے صدر منتخب ہونے پر مسرت کا اظہار کیااور کہا کہ ماسکو اور واشنگٹن کے درمیان اچھے تعلقات دونوں ممالک کے مفاد میں ہے۔

    تفصیلات کے مطابق روسی صدرپیوٹن نےماسکومیں غیرملکی سفارت کاروں سے سفارتی اسناد وصول کرنے کی تقریب سےخطاب میں کہاکہ ٹرمپ نےانتخابی مہم کے دوران روس اور امریکہ کے درمیان تعلقات کی بحالی سے متعلق بیانات دیے تھے۔

    ڈونلڈ ٹرمپ کی کامیابی کی تقریر کے فوری بعد صدر پیوٹن کی جانب سے انہیں ارسال کیے جانے والے پیغام میں انہوں نے روس اور امریکہ کے تعلقات کو بحران کی کیفیت سے نکالنے کے لیے مشترکہ کوششوں کی امید ظاہر کی۔

    post-tt

    مزید پڑھیں:ڈونلڈ ٹرمپ امریکہ کے نئے صدر منتخب ہوگئے

    صدرپیوٹن کاکہناتھاکہ دونوں ممالک میں تعلقات کی بحالی روسی اور امریکی عوام کے لیے مفید ثابت ہوگی اور اس سے عالمی امور پر مثبت اثرات مرتب ہوں گے۔

    واضح رہے کہ روسی صدر کا کہنا تھا کہ عالمی بحرانوں سے نمٹنے اور عالمی سطح پر سیکیورٹی چیلنجوں کے موثر جواب کے لیے ماسکو اور واشنگٹن کے درمیان تعمیراتی بات چیت کی ضرورت ہے جو کہ دونوں ممالک کے مفاد میں ہو۔

  • امریکہ خود سیاسی مقاصدکیلئے سائبر حملوں میں ملوث ہے،پیوٹن

    امریکہ خود سیاسی مقاصدکیلئے سائبر حملوں میں ملوث ہے،پیوٹن

    گوا: روسں کے صدر ولادی میر پیوٹن کا کہنا ہے کہ امریکہ خود سیاسی مقاصد کے لیے سائبرحملوں میں ملوث ہے۔انہوں نے امریکہ کی جانب سے لگائے گئے روس پرہیکنگ کے الزمات کو مسترد کردیا۔

    تفصیلات کے مطابق بھارت کے شہر گوا میں منعقدہ برکس کانفرنس کے بعد میڈیا سے گفتگو میں روسی صدر ولادی میر پیوٹن کا کہنا تھا امریکہ کی جانب سے روس پر ہیکنگ کے الزامات صدارتی الیکشن کےلیے وائٹ ہاوس کی انتخابی مہم کاحصہ ہوسکتے ہیں۔

    صدر پیوٹن نے امید ظاہر کی کہ امریکی صدارتی الیکشن کے بعد دونوں ملکوں کے باہمی تعلقات میں بہتری آئے گی۔

    مزیدپڑھیں:امریکہ کاروس پر سائبر حملے کا الزام

    خیال رہےکہ رواں ماہ کے آغاز میں امریکہ کی جانب سے پہلی بار روس کو باضابطہ طور پرڈیموکریٹک پارٹی کے اکاونٹس کی ہیکنگ کا ذمہ دار ٹھہرایا گیاتھا۔

    مزیدپڑھیں:امریکہ اوراس کےاتحادی شامی تنازع پرسیاست کررہےہیں، پیوٹن

    واضح رہے کہ گزشتہ ہفتےروسی صدرولادیمیرپیوٹن کا کہناتھا کہ امریکہ اور اس کے اتحادی شامی تنازع پر سیاست کررہے ہیں۔یورپی ممالک اورامریکہ مشرق وسطیٰ میں عدم استحکام کےذمہ دار ہیں۔