ARYNews.tv | Urdu – Har Lamha Bakhabar

Tag: پیٹرولیم لیوی

  • 2024: پیٹرولیم لیوی کی مد میں ریکارڈ 808 ارب کی وصولیاں

    2024: پیٹرولیم لیوی کی مد میں ریکارڈ 808 ارب کی وصولیاں

    اسلام آباد: سال 2024 میں پیٹرولیم لیوی کی مد میں ریکارڈ 808 ارب 14 کروڑ روپے کی وصولیاں ہوئی ہیں۔

    تفصیلات کے مطابق جنوری سے ستمبر 2024 کے دوران پیٹرولیم لیوی کی مد میں کی گئی وصولیاں 808 ارب روپے سے زائد رہیں، اکتوبر سے دسمبر کا ڈیٹا آنا باقی ہے، جس سے سال کے اختتام تک بوجھ مزید بڑھ جائے گا۔

    ذرائع کے مطابق جنوری سے مارچ کی سہ ماہی میں پیٹرولیم لیوی کی آمدنی 246 ارب 82 کروڑ روپے تھی، اپریل سے جون کی سہ ماہی میں پیٹرولیم لیوی کی وصولی 299 ارب 63 کروڑ روپے تھی، جب کہ جولائی سے ستمبر کی سہ ماہی میں پیٹرولیم لیوی کی آمدنی 261 ارب 67 کروڑ روپے رہی۔

    پاکستان کو 5 ماہ کے دوران ساڑھے تین ارب ڈالرز کی بیرونی فنڈنگ موصول

    ذرائع کا کہنا ہے کہ اس وقت پیٹرول پر 60 روپے فی لیٹر لیوی وصول کی جا رہی ہے، جب کہ ہائی اسپیڈ ڈیزل کے فی لیٹر پر بھی 60 روپے کے حساب سے لیوی عائد ہے۔

    پاکستان کیلیے امریکا سب سے بڑا برآمدی اور چین درآمدی ملک بن گیا

    واضح رہے کہ پیٹرولیم لیوی کی آمدنی وفاقی حکومت کے پاس رہتی ہے، جب کہ ایف بی آر کی آمدنی این ایف سی ایوارڈ کے تحت صوبوں کو منتقل ہوتی ہے۔

  • شہری پیٹرولیم لیوی کے بوجھ تلے دب گئے

    شہری پیٹرولیم لیوی کے بوجھ تلے دب گئے

    اسلام آباد : شہری پیٹرولیم لیوی کے بوجھ تلے دب گئے، ملکی تاریخ میں پہلی بارسب سے زیادہ لیوی کی وصول کی گئی۔

    تفصیلات کے مطابق ملکی تاریخ میں پہلی بارکسی بھی مالی سال کی پہلی سہہ ماہی سب سے زیادہ لیوی کی وصولی کی گئی۔

    ملکی تاریخ میں پہلی بار کسی بھی مالی سال کی پہلی سہہ ماہی سب سے زیادہ لیوی کی وصولی کی گئی۔

     پیٹرول کی فی لیٹر قیمت میں 30 روپے کمی کا مطالبہ

    ذرائع نے بتایا کہ جولائی تا ستمبر2024 پیٹرولیم لیوی کی مد میں وصولی 261 ارب 69 کروڑ روپے رہی، پہلی سہہ ماہی میں سالانہ بنیادپر لیوی کی وصولی میں 39 ارب62 کروڑ روپے کا اضافہ ہوا۔

    ذرائع کا کہنا تھا کہ گذشتہ سال جولائی تا ستمبر پیٹرولیم لیوی کی وصولی 222 ارب 7 کروڑ روپے تھی۔

    ذرائع نے کہا کہ رواں مالی سال کے لیے پیٹرولیم لیوی کی وصولی کا ہدف 1281 ارب روپے مقرر کیا گیا ہے۔

    ذرائع کے مطابق مالی سال 2023۔24 میں لیوی کی مد میں وصولی ایک ہزار 19 ارب روپے تھی جبکہ مالی سال 2022۔23 میں پیٹرولیم لیوی کی مد میں580ارب روپے وصول کئے گئے تھے۔

    اس وقت فی لیٹر پیٹرول پر60 روپے لیوی وصول کی جارہی ہے اور ہائی اسپیڈ ڈیزل کے فی لیٹر پر 60 روپے کے حساب سے لیوی عائد ہے۔

  • رواں مالی سال پیٹرولیم لیوی کی وصولی کا ہدف 800 ارب روپے سے زائد مقرر

    رواں مالی سال پیٹرولیم لیوی کی وصولی کا ہدف 800 ارب روپے سے زائد مقرر

    پٹرولیم ڈویژن کا کہنا ہے کہ رواں مالی سال پیٹرولیم لیوی کی وصولی کا ہدف 869 ارب روپے مقرر کیا گیا ہے۔

    تفصیلات کے مطابق ذرائع پیٹرولیم ڈویژن نے بتایا کہ جولائی تا دسمبر2023 سالانہ بنیادوں پر پیٹرولیم لیوی میں 166 فیصد کا اضافہ دیکھنے میں آیا۔ سال رواں میں پیٹرولیم لیوی کی مد میں وصولی کا ہدف 869 ارب روپے ہے۔

    ذرائع پیٹرولیم ڈویژن کا کہنا ہے کہ گزشتہ سال جولائی تا دسمبر لیوی کی مد میں وصولی 177 ارب 80 کروڑ 50 لاکھ روپے تھی۔ رواں مالی سال پہلی ششماہی میں لیوی سے وصولی 472 ارب 77 کروڑ روپے رہی۔

    پیٹرولیم ڈویژن کے ذرائع نے بتایا کہ آئی ایم ایف نے رواں مالی سال لیوی سے وصولی کا تخمینہ 918 ارب روپے لگایا ہے۔

    گزشتہ مالی سال پیٹرولیم لیوی کی مد میں 580 ارب روپے وصول کیے گئے تھے۔ اس وقت فی لیٹر پیٹرول پر60 روپے لیوی وصول کی جارہی ہے۔

    ذرائع پیٹرولیم ڈویژن نے بتایا کہ ہائی اسپیڈڈیزل کے فی لیٹر پر بھی 60 روپے کے حساب سے لیوی عائد ہے۔

  • حکومت نے پیٹرولیم لیوی سے وصولیوں کا پلان آئی ایم ایف کو پیش کر دیا

    حکومت نے پیٹرولیم لیوی سے وصولیوں کا پلان آئی ایم ایف کو پیش کر دیا

    اسلام آباد: حکومت نے پیٹرولیم لیوی سے وصولیوں کا پلان آئی ایم ایف کو پیش کر دیا۔

    تفصیلات کے مطابق حکومت پاکستان نے نئے مالی سال میں پیٹرولیم لیوی سے ملکی تاریخ کی سب سے زیادہ وصولیوں کا پلان پیش کر دیا ہے، آئندہ مالی سال کے لیے پیٹرولیم لیوی سے 1065 ارب روپے وصولیوں کا تخمینہ لگایا گیا ہے۔

    رواں سال کے مقابلے نئے مالی سال کے لیے لیوی کے ہدف میں 196 ارب روپے اضافے کا پلان ترتیب دیا گیا ہے، اور پیٹرولیم لیوی سے وصولی کا ہدف 869 ارب روپے مقرر کیا گیا ہے۔

    جب کہ رواں مالی سال لیوی سے وصولیاں اصل ہدف سے 49 ارب روپے زیادہ رہنے کا تخمینہ لگایا گیا ہے، رواں مالی سال کے لیے پیٹرولیم لیوی سے وصولیوں کا تخمینہ 918 ارب روپے لگایا گیا ہے۔

    بجلی چوری روکنے اور بجلی کمپنیوں میں بہتری لانے کا پلان آئی ایم ایف کو پیش

    اس وقت پیٹرول اور ڈیزل کے فی لیٹر پر 60،60 روپے کے حساب سے لیوی عائد ہے، جولائی تا ستمبر 2023 سالانہ بنیاد پر پیٹرولیم لیوی سے وصولی میں 368 فی صد کا اضافہ ہوا، وفاق نے رواں مالی سال کی پہلی سہ ماہی لیوی کی مد میں 222 ارب روپے وصول کیے، گزشتہ مالی سال جولائی تا ستمبر لیوی کی مد میں وصولی 47 ارب 48 کروڑ روپے تھی، جب کہ گزشتہ مالی سال پیٹرولیم لیوی کی مد میں 580 ارب روپے وصول کیے گئے تھے۔