Tag: پیٹرولیم مصنوعات کی قیمتوں

اسلام آباد : پیٹرول کی قیمتوں میں آج رات سے بڑے اضافے کا امکان ہے ، جس سے مہنگائی سے عوام کو ایک اضافی دھچکا لگنے کی توقع ہے۔

تفصیلات کے مطابق حکومت 16 جولائی سے پیٹرولیم مصنوعات کی قیمتوں میں اضافے کے لیے تیار ہے، ذرائع آئل ریفائنریز کا کہنا ہے کہ پیٹرولیم مصنوعات میں اضافے کی تجویز سامنے آگئی ہے۔

تجویز میں پیٹرول کی قیمت میں 7 روپے 67 پیسے فی لیٹر، ہائی اسپیڈ ڈیزل کی قیمت میں 3 روپے 72 پیسے فی لیٹر اور مٹی کے تیل کی قیمت میں 2 روپے39 پیسے فی لیٹر اضافے کا امکان ہے۔

توقع ہے کہ وزارت خزانہ آج رات وزیر اعظم سے مشاورت کے بعد نئی قیمتوں کا اعلان کرے گی۔

پیٹرولیم مصنوعات کی قیمتوں میں اضافے کی وجہ سے صارفین، جو پہلے ہی مہنگائی سے دوچار ہیں، کو ایک اضافی دھچکا لگنے کی توقع ہے۔

گزشتہ ہفتے ذرائع نے 5 روپے فی لیٹر اضافی پیٹرولیم لیوی کی صورت میں تیل کی قیمتوں میں مزید اضافے کا امکان بھی ظاہر کیا تھا۔

اسلام آباد : پاکستان میں پیٹرولیم مصنوعات کی قیمتوں میں اضافے سے عوام پریشان ہیں تاہم قیمتوں میں حالیہ اضافہ کی وجوہات سامنے آگئیں۔

تفصیلات کے مطابق پیٹرولیم مصنوعات کی قیمتوں میں حالیہ اضافہ کی وجوہات پر ترجمان وزارت خزانہ کا بیان سامنے آگیا۔

ترجمان وزارت خزانہ نے بتایا کہ 15 روز میں عالمی مارکیٹ میں پٹرول کی قیمت میں 3.82 ڈالر فی بیرل اور ہائی اسپیڈ ڈیزل کی قیمت میں4.30 امریکی ڈالر فی بیرل اضافہ ہوا۔

ترجمان کا کہنا تھا کہ اوگرا کی جانب سے پٹرول کی قیمت میں 4.53 روپے اضافے اور ہائی اسپیڈ ڈیزل کی قیمت میں 8.14 روپے اضافے کی تجویز دی گئی۔

وزارت خزانہ نے کہا کہ قیمتیں عالمی مارکیٹ میں قیمتوں میں ردوبدل ،ایکسچینج ریٹ پرانحصار کرتی ہیں، مشرق وسطیٰ کی صورتحال کی وجہ سےبھی عالمی مارکیٹ میں قیمتوں میں اضافہ ہوا، امید ہے مشرق وسطی بحران کےخاتمے سےریلیف مل سکے گا۔

یاد رہے 15 اپریل کو حکومت کی جانب سے پیٹرولیم مصنوعات کی نئی قیمتوں کا اعلان کیا گیا تھا،جس کے مطابق پیٹرول کی قیمت میں 4 روپے 53 پیسے فی لیٹر اضافہ کیا گیا، جس کے بعد پیٹرول کی نئی قیمت 293 روپے 94 پیسے ہوگئی ہے۔

ڈیزل 8 روپے 14 پیسے فی لیٹر مہنگا کیا گیا ہے، جس کے بعد ڈیزل کی نئی قیمت 290 روپے 38 پیسے فی لیٹر ہوگئی۔

اسلام آباد : 15 مارچ سے پیٹرول کی قیمت میں اضافے کا امکان ہے تاہم پیٹرولیم مصنوعات کی قیمتوں میں ردوبدل کا فیصلہ وزیر اعظم کریں گے۔

تفصیلات کے مطابق عالمی مارکیٹ خام تیل میں خام تیل کی قیمتوں میں دو ہفتوں میں اضافہ دیکھا گیا ہے ، لندن برنٹ آئل دو ہفتوں میں 2.10 فیصد اضافے سے 83.80 ڈالر فی بیرل جبکہ امریکی خام تیل کے سودے 1.48 فیصد اضافے سے 79.40 ڈالر فی بیرل پر آگیا۔

روپے کے مقابلے ڈالر کی قدرمیں کمی کے بھی اثرات ہوئے ، جس کے پیش نظر پیٹرولیم مصنوعات کی قیمتوں کی اضافے کی تجویز سامنے آگئی۔

ذرائع نے بتایا ہے کہ ایک لیٹر پیٹرول کی قیمت میں ایک روپے اضافے کی تجویز دی گئی ہے جبکہ ایک لیٹر ہائی اسپیڈ ڈیزل کی قیمت میں 80 پیسے، ایک لیٹر مٹی کے تیل کی قیمت میں 1 روپے اور ایک لیٹر لائٹ اسپیڈ ڈیزل 1.50 روپے کمی کی تجویز دی ہے۔

ذرائع کا کہنا ہے کہ پیٹرولیم مصنوعات کی قیمتوں میں ردوبدل کا فیصلہ وزیر اعظم کریں گے ، پیٹرولیم مصنوعات کی قیمتوں کا اعلان 15 مارچ کی رات کو کیا جائے گا۔

اسلام آباد : عالمی مارکیٹ میں خام تیل کی قیمت میں کمی کے بعد پاکستان میں پیٹرولیم مصنوعات کی قیمتوں میں کمی کی خبریں زیر گردش ہیں اور پیٹرول 10 روپے سستا ہونے کا امکان ظاہر کیا جارہا ہے۔

عالمی منڈی میں خام تیل کے نرخوں میں کمی کے بعد پاکستان میں بھی پیٹرولیم مصنوعات کی قیمتوں میں بڑی کمی کا امکان ظاہر کیا جا رہا ہے۔

تفصیلات کے مطابق پیٹرولیم مصنوعات کی نئی قیمتوں کا فیصلہ آج کیا جائے گا ، اس حوالے سے اوگرا نے حکومت کو بھیجنے کیلئے سمری تیار کرلی، سمری آج شام حکومت کو بھیجی جائے گی۔

جس کے بعد وفاقی حکومت آج رات پیٹرولیم کی قیمتوں میں ردوبدل کا اعلان کرے گی، قیمتوں کا اطلاق 16 دسمبر 2023 سے ہوگا۔

ذرائع نے بتایا کہ عالمی منڈی میں تیل کی قیمتوں میں کمی کے باعث پیٹرول کی قیمت 10 روپے اور ڈیزل 12 روپے کمی ہونے کا امکان ہے۔

یاد رہے 30 نومبر کو نگراں حکومت نے آئندہ 15 دن کے لیے پیٹرولیم مصںوعات کی قیمتوں کا اعلان کرتے ہوئے پیٹرول کی قیمت برقرار رکھنے کا فیصلہ کیا تھا جبکہ ڈیزل کی قیمت میں 7 روپے فی لیٹر کمی کی منظوری دی تھی۔

ذرائع کا کہنا تھا کہ مٹی کے تیل کی قیمت میں 3 روپے 82 پیسے فی لیٹراور لائٹ ڈیزل کی قیمت میں 4 روپے 52 پیسے فی لیٹر کمی کی گئی تھی۔

اسلام آباد : پٹرول پر پی ایس او ایکسچینج ایڈجسٹمنٹ میں اضافے کے باعث شہری پٹرول پر10 روپے70 پیسے فی لیٹرکے ریلیف سے محروم ہوگئے۔

تفصیلات کے مطابق ڈالر کی ایڈجسٹمنٹ کے باعث عوام کو پیٹرولیم مصنوعات کی قیمتوں میں ریلیف نہ مل سکا، ذرائع نے بتایا کہ شہری پٹرول پر 10روپے70 پیسے فی لیٹر اور ہائی اسپیڈڈیزل پر فی لیٹر 20 پیسے کے ریلیف سے محروم ہوئے۔

ذرائع کا کہنا تھا کہ فی لیٹرپٹرول پرایکسچینج ایڈجسٹمنٹ میں 14روپے17 پیسےکااضافہ کیا گیا اور فی لیٹر پیٹرول پر پی ایس او ایکسچینج ایڈجسٹمنٹ3  روپے21 پیسے عائد کردی۔

ذرائع نے کہا ہے کہ اس سے قبل پٹرول پر پی ایس اوایکسچینج ایڈجسٹمنٹ 10.96روپےمنفی تھی۔

ذرائع نے مزید بتایا فی لیٹرڈیزل پر پی ایس او ایکسچینج ایڈجسٹمنٹ میں45 پیسے کا اضافہ کیا ہے اور پی ایس او ایکسچینج ایڈجسٹمنٹ بڑھا کر 2.67روپےکردی گئی ہے ، اس سےقبل فی لیٹرڈیزل پرپی ایس اوایکسچینج ایڈجسٹمنٹ2.22  روپےتھی۔