Tag: پیٹرولیم مصنوعات کی قیمتوں

لاہور : پیٹرولیم مصنوعات کی قیمتوں میں اضافے کو لاہور ہائی کورٹ میں چیلنج کردیا گیا۔

تفصیلات کے مطابق لاہور ہائی کورٹ میں پیٹرولیم مصنوعات کی قیمتوں میں اضافے کیخلاف درخواست دائر کردی گئی۔

درخواست اظہر صدیق ایڈووکیٹ کی جانب سے دائرکی گئی ، جس میں مؤقف اختیار کیا ہے کہ عالمی منڈی میں پیٹرول کی قیمتیں مسلسل کم ہورہی ہے لیکن حکومت نے قیمتوں میں کمی کا فائدہ عوام تک منتقل کرنے کی بجائے اضافہ کردیا۔

درخواست میں کہا گیا ہے کہ پیٹرولیم مصنوعات کی قیمتوں میں اضافہ عوام پر ظلم ہے، اضافے سے مہنگائی کا بحران سنگین ہوگا۔

دائر درخواست میں کہا کہ حکومت شہریوں کوریلیف کی فراہمی کی بجائے ان کے بنیادی حقوق سلب کررہی ہے، استدعا ہے کہ عدالت پیٹرولیم مصنوعات کی قیمتوں میں حالیہ اضافہ کالعدم قرار دے۔

گذشتہ روز حکومت نے بین الاقوامی منڈی میں پٹرولیم قیمتوں میں مسلسل کمی اور ڈالر کے مقابلے میں روپے کی قدر میں اضافے کے باوجود پٹرول کی قیمت میں چھ روپے باہتر پیسہ اضافہ کردیا تھا۔

جس کے بعد پٹرول 233 روپے91 پیسے فی لٹر ہوگیا ، ہائی اسپیڈ ڈیزل میں صرف اکیاون پیسے فی لٹرکمی کی گئی ،جس کےبعد ڈیزل کی نئی قیمت 244 روپے44 پیسے ہوگئی۔۔

اسی طرح مٹی تیل ایک روپے سڑسٹھ پیسے کمی سے 199 روپے 40 پیسے فی لٹر اور لائٹ ڈیزل کی قیمت 43 پیسے اضافے کے بعد 191 روپے 75 پیسے فی لٹر ہوگئی ہے۔

لاہور : پیٹرولیم مصنوعات کی قیمتوں میں تیسری مرتبہ اضافہ لاہور ہائیکورٹ میں چیلنچ کر دیا گیا۔

تفصیلات کے مطابق پیٹرولیم مصنوعات کی قیمتوں میں تیسری مرتبہ اضافے کیخلاف درخواست دائر کردی گئی ، درخواست شہری منیر احمد نے لاہور ہائی کورٹ میں دائر کی۔

درخواست میں کہا گیا ہے کہ حکومت نے پیٹرولیم مصنوعات میں 100 روپے سے زائد کا اضافہ کردیا ہے، ایک ماہ میں پٹرول 84 روپے فی لٹر، ڈیزل 118 روپے فی لیٹر اضافہ کیاگیا۔

شہری کا کہنا تھا کہ پیٹرول ہونے سے ہر چیز مہنگی ہو جاتی یے۔حالیہ اضافے سے مہنگائی کا طوفان آچکا ہے، غریب پس کر رہ گیا ہے، پیٹرولیم مصنوعات کی قیمتوں کے تعین اور اضافے سے متعلق کوئی قانون ہی موجود نہیں۔

درخواست گزار نے استدعا کی کہ عدالت پیٹرولیم مصنوعات کی قیمتوں میں حالیہ اضافے کو کالعدم قرار دے اور قیمتیں مقرر کرنے کا میکنزم بنانے کا حکم دیا جائے۔

اسلام آباد : سابق وزیر خزانہ شوکت ترین کا کہنا ہے کہ اپنے کپڑے بیچنے کا اعلان کرنے والوں نے عوام کے کپڑے اتار دیئے۔

تفصیلات کے مطابق سابق وزیر خزانہ شوکت ترین نے پیٹرولیم مصنوعات کی قیمتوں میں اضافے پر ردعمل دیتے ہوئے کہا کہ سینیٹ میں کہا تھا آج یہ قیمتیں نہیں بڑھائیں گے لیکن بڑھادی گئیں، ان کی اور کوئی سوچ نہیں بس ایک ہی سوچ ہے کہ غریب آدمی کومارناہے۔

شوکت ترین کا کہنا تھا کہ کئی دن سے کہہ رہےہیں روس سےسستاتیل خریدلیں، یہ لوگ روس اس لیےنہیں جارہےکیونکہ امریکا سے ڈرتے ہیں، ان کو2ماہ سے زائد ہوگئے ہیں لیکن پھر بھی ٹارگٹڈ سبسڈی نہیں دے رہے۔

سابق وزیر خزانہ نے بتایا کہ 149روپے فی لیٹرپرپیٹرول چھوڑ کرگئےتھے، اس حکومت نے15دن میں 85روپےپیٹرول کی قیمت بڑھادی، پیٹرول کی فی لیٹر قیمت اب 235 روپے ہوگئی ہے۔

ان کا کہنا تھا کہ اپنےکپڑے بیچنے کااعلان کرنےوالوں نےعوام کےکپڑے اتاردیئے ، 2 ہزار روپےدینے سے عام آدمی کوکیا فرق پڑےگا، حکومت کوئی پوسٹ باکس تونہیں، کوئی طریقہ کارلائیں کچھ سوچیں۔

شوکت ترین نے مزید کہا کہ نچلےطبقےکوتوڈبودیااب مڈل کلاس کی باری ہے، گروتھ ریٹ ڈرامائی اندازمیں نیچےآئےگا اور مہنگائی بڑھےگی، مہنگائی بڑھنے سے غربت بڑھے گی ، کتنی بڑھتی ہے وقت بتائے گا۔

کراچی : پیٹرولیم مصنوعات کی قیمتوں میں اضافے پر گڈز ٹرانسپورٹرز بھی سراپا احتجاج ہیں ، ٹرانسپورٹرز نے سامان اٹھانے سے انکار کردیا اور کراچی پورٹ، بن قاسم اور ٹرک اڈوں پر گاڑیاں کھڑی کردیں۔

تفصیلات کے مطابق سندھ بھر کے گڈز ٹرانسپورٹرز نے ڈیزل کی قیمت میں اضافہ مسترد کر دیا، کراچی گڈزایسوسی ایشن کا کہنا ہے کہ اضافے کے بعد بندرگاہوں سے مال اٹھانا بند کر دیا ، جس کے باعث امپورٹ ایکسپورٹ اور فیکٹریوں میں خام مال کی ترسیل بند ہونے کا خدشہ ہے‌۔

مال بردارٹرانسپورٹرز کی جانب سے کرایوں میں مزید اضافے کا فیصلہ کیا جائے گا، ذرائع کا کہنا ہے کہ کرایوں میں اضافے سے اشیا ضروریہ، سبزی، دودھ اور خام مال کی قیمتوں میں مزید اضافہ ہوجائے گا۔

صدرکراچی گڈزایسوسی ایشن رانا اسلم نے کہا ہے کہ آج اجلاس طلب کر لیا ہے ، جس میں کرایوں میں مزید اضافے کافیصلہ کیا جائےگا، پیٹرولیم مصنوعات کی قیمتوں میں60روپےاضافہ نا قابل برداشت ہے۔

رانااسلم کا کہنا تھا کہ تھوک،پرچون مال کےکرایوں میں مزید 30 فیصد اضافہ کیا جاسکتا ہے، امید ہے تاجر برادری بھی ہمارے ساتھ تعاون کرے گی۔

پیٹرولیم مصنوعات کی قیمتوں میں اضافے کے بعد بن قاسم پورٹ، کراچی پورٹ اور ٹرک اڈے پر ٹرانسپورٹرز نے گاڑیاں کھڑی کر دیں۔

یاد رہے گذشتہ ہفتے گڈزٹرانسپورٹر نے ڈیزل کی قیمت میں گزشتہ اضافے پر کرایوں میں 30 فیصد اضافہ کیا تھا۔

خیال رہے شہباز حکومت کی جانب سے ایک ہفتے میں پٹرول ساٹھ روپے فی لیٹرمہنگا کر دیا گیا ہے ، گذشتہ روز 30 روپے اضافے کے بعد پٹرول کی نئی قیمت 209 روپے 86 پیسے اور ڈیزل 204 روپے 15 پیسے کا ہوگیا جبکہ مٹی کے تیل کی فی لیٹرقیمت میں 26 روپے 38 پیسے کا اضافہ ہوا۔