Tag: پیٹرولیم مصنوعات

     پیٹرولیم مصنوعات کی قیمتوں میں تین روپے فی لیٹر تک کمی کا امکان ہے۔

وزارت پٹرولیم و قدرتی وسائل کے ذرائع کے مطابق یکم فروری سے پیٹرولیم مصنوعات کی قیمتوں میں تین روپے تک کی کمی کا اعلان ہو سکتا ہے۔

زرائع کے مطابق پٹرول ایک روپے پینتالیس پیسے سستا ہونے کا امکان ہے، اسی طرح ہائی اسپیڈ ڈیزل دو روپے پینتالیس پیسے کم ہوسکتا ہے، لائیٹ ڈیزل تین روپے سستا ہونے کا امکان ہے، غریبوں کے ایندھن مٹی کے تیل کی قیمت میں بھی دو روپے بیس پیسے فی لیٹر کمی کی جاسکتی ہے۔

بتایا جارہا ہے عالمی منڈی میں تیل کی قیمتوں میں کمی کے باعث پیٹرولیم مصنوعات کی قیمتیں کم کرنے پر غور جاری ہے۔
       

اوگرا نے مہنگائی کی ماری عوام کیلئے نئے سال کا تحفہ پیٹرولیم مصنوعات کی قیمتوں میں اضافے کی صورت میں تیار کرلیا ہے۔

ذرائع کے مطابق آئل اینڈ گیس ریگولیٹری اتھارٹی نے یکم جنوری سے پیٹرولیم مصنوعات کی قیمتوں میں اضافے کی سمری وزارت پیٹرولیم کو بھجوادی ہے، سمری میں پیٹرول کی فی لیٹر قیمت میں دو روپے اکیانوئے پیسے، ہائی اوکٹین کی قیمت میں تین روپے ساٹھ پیسے اور ہائی اسپیڈ ڈیزل میں دو روپے چھتیس پیسے اضافہ تجویز کیا گیا ہے۔

اس کے علاوہ مٹی کے تیل کی قیمت ایک روپے اڑتیس پیسے اور لائٹ ڈیزل کی فی لیٹر قیمت ایک روپے اسی پیسے کا اضافہ تجویز کیا گیا ہے، اوگرا نے پیٹرولیم لیوی میں کمی کی درخواست کرتے ہوئے موجودہ قیمتیں برقرار رکھنے کی تجو یز بھی دی ہے۔