Tag: پیٹرولیم ڈیلرز

کراچی : پیٹرولیم ڈیلرز آئندہ کے لائحہ عمل کا اعلان آج شام کریں گے ، جس میں پیٹرول پمپ کی ہڑتال کو مزید بڑھانے کا فیصلہ کیا جائے گا۔

تفصیلات کے مطابق پاکستان پیٹرولیم ڈیلرز ایسوسی ایشن کا ہنگامی اجلاس شام 6 بجے ہوگا، چیئرمین پاکستان پٹرولیم ڈیلرز عبد السمیع خان نے بتایا کہ آئندہ کے لائحہ عمل کا اعلان آج شام کریں گے ، پیٹرول پمپ کی ہڑتال کو مزید بڑھانے کافیصلہ اجلاس میں ہوگا۔

عبد السمیع خان کا کہنا تھا کہ حکومت ،انتظامیہ سے کوئی مذاکرات نہیں ہوئے ، کراچی میں یومیہ 35 سے 40 لاکھ لیٹر پیٹرول ،ڈیزل فروخت ہوتا ہے۔

انھوں نے بتایا کہکراچی میں 525 سے زائد پیٹرول پمپس ہیں، شہر میں ڈیلرزکے پمپس بند ہیں ،صرف کمپنی آپریٹڈپیٹرول پمپ کھلے ہیں۔

خیال رہے ٹیکس میں اضافےکےخلاف پٹرولیم ڈیلرز ایسوسی ایشن کی ہڑتال پر ملا جُلا ردعمل رہا، کہیں پٹرول پمپس کھُلےتوکہیں بند رہے۔

کراچی میں صبح کےاوقات میں بندش کےبعد متعدد پٹرول پمپس کھُل گئے، لاہورمیں اکثرپٹرول پمپس بند جبکہ چند ایک کھُلےرہے۔

کوئٹہ، پشاور، ملتان، ساہیوال اوربہاولنگرمیں جزوی ہڑتال رہی جبکہ ملاکنڈ، لوئر دیراورمانسہرہ میں پٹرول پمپس بند رہے۔

اس کے علاوہ پٹرولیم ڈیلرزایسوسی ایشن نےاپنےعہدیدارکی وفات کےباعث اسلام آباداور راولپنڈی میں ہڑتال کی کال واپس لےلی تھی جبکہ آئل ٹینکرزاونرزایسوسی ایشن نے ہڑتال سےلاتعلقی کااعلان کیا تھا۔

کراچی: پیٹرولیم ڈیلرز ایسوسی ایشن کی جانب سے ہڑتال کے اعلان پر کراچی کے اکثر پیٹرول پمپ پر رش اور متعدد پر پیٹرول ختم ہوگیا۔

تفصیلات کے مطابق پاکستان پیٹرولیم ڈیلرز ایسوسی ایشن نے حالیہ دنوں میں فنانس بل میں 0.5 فیصد ایڈوانس ٹرن اوور ٹیکس لگانے کے خلاف آج سے ملک گیر ہڑتال کا اعلان کیا ہے تاہم آئل ٹینکرز اونرز ایسوسی ایشن نے پیٹرولیم ڈیلرز کی ہڑتال سے لاتعلقی کا اعلان کیا ہے۔

آئل ٹینکرز ایسوسی ایشن کے اونرز شمس شاہوانی کا کہنا ہے کہ پی ایس او اور دیگر آئل مارکیٹنگ کمپنیز کے ٹرمینلز سے پیٹرولیم مصوعات کی ترسیل جاری ہے، آئل ٹرمینلز اور ڈپوز سے ملک بھر میں پیٹرولیم مصنوعات کی سپلائی جاری رہے گی۔

ٹینکرز اونرز کا کہنا ہے کہ ریلوئے، ایئرپورٹس پاورپلانٹس کو بھی سپلائی جاری رہے گی، اوگرا کی ہدایت کے مطابق شہر میں رات کو بھی پیٹرولیم مصنوعات کی فراہمی جاری تھی۔

دوسری جانب ذرائع کا کہنا ہے کہ کراچی میں 500 پیٹرول پمپوں سے تقریباً 20 پیٹرول پمپ آئل مارکیٹنگ کمپنیوں کے ہیں،دوسری جانب پیٹرولیم ڈیلرز کی ہڑتال کے اعلان کے بعد لاہور میں پیٹرول پمپ کھلے ہیں اور پیٹرول کی فراہمی جاری ہے۔

اسلام آباد : پیٹرولیم ڈیلرز  نے ملک بھر میں پیٹرول پمپس بند کرنے کی دھمکی دیتے  ہوئے ایڈوانس ٹیکس فوری طور پر ختم کرنے کا مطالبہ کردیا گیا۔

تفصیلات کے مطابق پاکستان پٹرولیم ڈیلرز ایسوسی ایشن نے 5 جولائی کو ملک بھر میں پیٹرول پمپس بند کرنے کا اعلان کردیا۔

چیئرمین عبد السمیع خان نے پریس کانفرنس کرتے ہوئے کہا کہ حکومت کی جانب 0.5 فیصد کا ایڈوانس ٹیکس عائد کیا گیا، منگل کو اسلام آباد میں مذاکرات کے لیے جارہے ہیں، مذاکرات کامیاب نہ ہوئے تو ملک بھر میں 5 جولائی کو پمپس بند کردیں گے۔

عبد السمیع خان کا کہنا تھا کہ ہڑتال کو ایک دن سے زیادہ بھی بڑھایا جاسکتا ہے، ڈیلرز کو فنانس بل میں ایڈوانس ٹرن اوورٹیکس پر تشویش ہے۔

پیٹرولیم ڈیلرز  نے مزید کہا کہ ٹیکس سے پیٹرول پمپ کا کاروبار چلاناناممکن ہے، حکومت ایڈوانس ٹیکس پرفوری طورپرختم کرے۔

اسلام آباد : پیٹرولیم ڈیلرز نے حکومت سے فی لیٹر پرافٹ مارجن کے معاہدے پر 15ستمبر تک عملدرآمد کرنے اور پٹرولیم اسمگلنگ روکنے کا مطالبہ کردیا۔

تفصیلات کے مطابق پیٹرولیم ڈیلرز نے نگراں وفاقی وزیر پٹرولیم محمدعلی سے ملاقات کی ، جس میں پٹرولیم ڈیلرز نے فی لیٹر پرافٹ مارجن کے معاہدے پر 15ستمبر تک عملدرآمد کا مطالبہ کردیا۔

پٹرولیم ڈیلرز نے سابق وزیرمصدق ملک سے معاہدے پر عملدرآمد نہ ہونے کی شکایت کی ۔ تاریخ میں پہلی بارآئل مارکیٹنگ کمپنیوں کافی لیٹرپرافٹ مارجن پڑولیم ڈیلرزسے زیادہ ہوگیا ہے۔

وزیراعظم سے ملاقات میں طے ہوا تھا، پٹرولیم ڈیلرز،اوایم سیز کا فی لیٹرمارجن 4 اقساط میں ملے گا، پٹرولیم ڈیلرز اور او ایم سیز کا پرافٹ مارجن ای سی سی سے منظور ہے، کابینہ سے جلد منظور ہوگا۔

اوایم سیز کا پرافٹ مارجن فی لیٹر 1.86 پیسے اور پیڑولیم ڈیلرزکاپرافٹ مارجن 1.63پیسے ہوگا ، پیڑولیم ڈیلرز کا پڑول پمپس کو کمرشل میٹر سے انڈسٹریل میٹر پر منتقل کرنے کا مطالبہ کردیا۔

اس کے علاوہ پٹرولیم ڈیلرز نے نگران وفاقی وزیرسے پٹرولیم اسمگلنگ روکنے کا بھی مطالبہ کیا۔

کراچی: پیٹرولیم ڈیلرز کی جانب سے ملک بھر میں ہڑتال کے اعلان کے بعد وزیر پیٹرولیم مصدق ملک نے کراچی آنے کا فیصلہ کرلیا۔

تفصیلات کے مطابق پٹرولیم ڈیلرز کی ہڑتال کی دھمکی کام کرگئی، پیٹرولیم ڈیلرز کی جانب سے ملک بھر میں ہڑتال کے اعلان کے بعد مصدق ملک نے پیٹرولیم ڈیلرزایسوسی ایشن کو ہڑتال کی کال واپس لینے کی اپیل کی۔

چیئرمین پیٹرولیم ڈیلرز ایسوسی ایشن سمیع خان نے اسلام آباد جانے سے انکار کرتے ہوئے کہا کہ پیٹرولیم ڈیلرز نے مطالبات کی منظوری تک ہر صورت میں ہڑتال کریں گے۔

سمیع خان نے مصدق ملک کو کراچی آنے اور مطالبات کے حوالے سے اعلانات کی یقین دھانی مانگی اور کہا جب تک ہماری ملاقات کامیاب نہیں ہوتی ہڑتال کی کال واپس نہیں لیں گے۔

جس کے بعد وفاقی مشیر پیٹرولیم مصدق ملک نے کراچی آنے کا فیصلہ کرلیا ، ،مصدق ملک آج کراچی آئیں گے، ذرائع نے بتایا ہے کہ مصدق ملک اور پیٹرولیم ڈیلرز کے ساتھ ملاقات ۔ممکنہ طور پر پی ایس او ہیڈ آفس میں ہوگی۔

پیٹرولیم ڈیلرز نے22جولائی صبح 6بجےسےملک بھرمیں ہڑتال کااعلان کیاہوا ہے، پاکستان پیٹرولیم ڈیلرزایسوسی ایشن نے کہا تھا کہ اس صورتحال میں ہماری آمدنی بالکل ختم ہوکر رہ گئی ہے، اس مارجن میں کام کرنا ناممکن ہوگیا ہے۔ تحفظات دور ہونے تک پیٹرول کی فراہمی کو بند رکھا جائے گا۔