Tag: پیٹرول اور ڈیزل

اسلام آباد : پیٹرول پر گاڑیاں چلانے والے افراد کے لیے بڑی خبر آگئی ، آئی ایم ایف کی شرط نئی لیوی نافذ کردی گئی۔

تفصیلات کے مطابق آئی ایم ایف کی ایک اور اہم ترین شرط پوری کردی گئی ، پیٹرول اور ڈیزل پر چلنے والی گاڑیوں پر نئی لیوی کے نفاذ کا نوٹیفکیشن جاری کردیا گیا۔

نوٹیفیکیشن میں کہا گیا کہ 1300 سی سی سے چھوٹی مقامی و درآمدی گاڑیوں پر 1 فیصد انرجی وہیکل لیوی لاگو کیا گیا ہے۔.

ایف بی آر کا کہنا تھا کہ پک اپ، بسوں اور ٹرکوں پر بھی 1 فیصد لیوی عائد کیا ہے جبکہ 1300 سے 1800 سی سی گاڑیوں پر 2 فیصد انرجی وہیکل لیوی نافذ کردیا ہے۔

1800 سی سی سے بڑی گاڑیوں پر 3 فیصد لیوی لاگو ہوگی، انرجی وہیکل آڈیپشن لیوی کا مقصد پیٹرول و ڈیزل گاڑیوں کی حوصلہ شکنی ہے اور صارفین کو الیکٹرک گاڑیوں کی طرف راغب کرنا لیوی کا مقصد ہے۔

پاکستان میں تیار یا اسمبلڈ گاڑیوں پر لیوی مینوفیکچرر ادا کرے گا اور درآمدی گاڑیوں پر لیوی متعلقہ خریدار ادا کرنے کا پابند ہوگا۔

اسلام آباد : پیٹرول اور ڈیزل کے فی لیٹر مارجن میں 88 پیسے تک مزید اضافہ کردیا گیا ، 16 ستمبر اور یکم اکتوبر کو او ایم سی اور ڈیلرز مارجن فی لیٹر 1.76 روپے تک بڑھایا جا چکا ہے۔

تفصیلات کے مطابق عوام پر ایک اوراضافی بوجھ ڈال دیا گیا ، ایک ماہ میں مسلسل تیسری بار پیٹرول اور ڈیزل پر او ایم سی اور ڈیلرز مارجن بڑھایا دیا گیا۔

پیٹرول اور ڈیزل پر مارجن میں اٹھاسی پیسے فی لیٹر تک مزیداضافہ کیا گیا اور تیل کمپنیوں کے مارجن میں سینتالیس پیسے فی لیٹر اضافہ کردیا گیا۔

پیٹرول اور ڈیزل پر ڈیلرز کا مارجن اکتالیس پیسے بڑھا دیا گیا ہے۔

جس کے بعد آئل مارکیٹنگ کمپنیوں کا پٹرول پر منافع 8 روپے 23 پیسے فی لیٹر ہوگیا ہے جبکہ او ایم سیز کے لیے ڈیزل مارجن سات روپے 41 پیسے اور ڈیلرز مارجن 8 روپے 23 پیسے فی لیٹر کردیا گیا۔

خیال رہے او ایم سی اورڈیلرز مارجن 16 ستمبر اور یکم اکتوبر کو فی لیٹر1.76 روپے تک بڑھایا جا چکا ہے، اس وقت فی لیٹر پیٹرول پر ڈیلرز مارجن 7روپے 82 پیسے اور فی لیٹر ڈیزل پر او ایم سی مارجن 7 روپے 8 پیسے لاگو ہے۔

دوسری جانب نگران حکومت نے ڈیزل پر عائد لیوی میں پانچ روپے فی لیٹراضافہ کردیا، اس حوالے سے اوگرا نے نوٹی فکیشن بھی جاری کر دیا ہے۔

ڈیزل پر لیوی کی شرح پچپن روپے فی لیٹر اور پٹرول پر لیوی کی شرح 60 روپے فی لیٹر مقرر کردی گئی ہے، پیٹرول اور ڈیزل پر لیوی کی شرح آئی ایم ایف سے طے شرائط پر بڑھائی جا رہی ہے۔