Tag: پیٹرول مہنگا

کراچی : حکومت کی جانب سے پٹرول کی قیمتوں میں اضافے پر عوام نے شدید ردعمل دیتے ہوئے کہا کہ شہباز شریف اگر تم میں غیرت ہے تو اتر جاؤ۔

تفصیلات کے مطابق رات کے اندھیرے میں پٹرولیم قیمتوں میں ایک بار پھر اضافے نے عوام کی چیخیں نکال دیں، رکشا ڈرائیور، مزدور، بائیک والا، کار والے سب ہی پریشان ہوگئے۔

عوام نے حکومت کی جانب سے پیٹرول کی قیمتوں میں اضافہ مسترد کردیا اور شدید درعمل دیتے ہوئے کہا شہباز شریف اگر تم میں غیرت ہے تو اتر جاؤ ، یہ چمڑی اتارنے والےلوگ ہیں، اپنی جیب بھریں گے، کچھ ٹھیک نہیں کریں گے۔

شہریوں کا کہنا ہے کہ رات کو سوتے ہوئے ڈرلگتا ہے کہ صبح اٹھیں گےتوپٹرول کی قیمت بڑھ چکی ہوگی، ان کا مقابلہ ابھی نہ کیا تو بعد میں کچھ نہیں ہوگا، عوام کو باہرنکلنا ہوگا۔

ایک شہری کا کہنا تھا کہ ن لیگ کا کٹر سپورٹر ہوں،مگرحکومت سے بالکل خوش نہیں، جو کماؤ پٹرول پر لگا دو، رکشے کھڑے کرنے کی نوبت آگئی ہے۔

راولپنڈی میں شہریوں نے کہا کہ اب تو لوٹ مارہوگی،ہم ایک دوسرے کا گلا دبائیں گے، حکومت کیاعوام کو بےوقوف اورپاگل سمجھ رہی ہے، تنخواہ سال میں ایک باربڑھتی ہے اور مہنگائی ہفتےمیں دوبار۔

یاد رہے حکومت نے مہنگائی کے مارے عوام پر ایک اور پٹرول بم دے مارا تھا ، پٹرول چودہ روپے پچیاسی پیسے فی لیٹرمہنگا کردیا گیا ، جس کے بعد نئی قیمت دو سو اڑتالیس روپے چوہتر پیسے مقرر کی گئی۔

ہائی اسپیڈ ڈیزل 13 روپے23 پیسے اضافے سے276 روپے چون پیسے، لائٹ ڈیزل اٹھارہ روپے اڑسٹھ پیسے اضافے سے دو سو چھبیس روپے پندرہ پیسے کا ہوگیا۔

دوسری جانب پٹرول پر دس روپے، ہائی اسپیڈڈیزل،کیروسین آئل اور لائٹ ڈیزل پر پانچ پانچ روپے فی لیٹر لیوی بھی عائد کی گئی ہے۔

نواب شاہ : پیٹرول مہنگا ہونے پر رکشہ ڈرائیوروں نے 2 رکشوں کو آگ لگا دی اور بچوں کے ساتھ خودسوزی کا اعلان کردیا۔

تفصیلات کے مطابق پیٹرول مزید مہنگا ہونے سے عوام کا صبر جواب دے گیا، نواب شاہ میں پیٹرول کی قیمتوں میں اضافے پر متعدد رکشہ ڈرائیورں نے احتجاج کیا۔

احتجاج کے دوران ڈرائیوروں نے رکشوں کو آگ لگادی جبکہ مظاہرین نے شہباز شریف حکومت کے خلاف نعرے لگائے۔

ڈرائیوروں نے کہا کہ حکومت نے پیٹرول مہنگا کرکےہماراروزگارچھین لیا ہے ، آج رکشوں کو آگ لگائی، کل ہم بچوں کےساتھ خودسوزی کریں گے۔

مظاہرین کا کہنا تھا کہ شہباز حکومت نے دو وقت کی روٹی بھی چھین لی، اس حکومت نے سفید پوش طبقے کو بھکاری بنادیا۔۔ خودکشی کے سوا کوئی راستہ نہیں چھوڑا۔

اس کے علاوہ ساہیوال،بھکر، میانوالی،چیچہ وطنی، جہانیاں، ٹوبہ ٹیک سنگھ سکھر، گھوٹکی، سجاول میں بھی پیٹرول کی قیمتوں میں اضافے پر احتجاج ہوا ، جس میں حکومت مخالف نعرے لگائے جبکہ مظاہرین نے پٹرولیم مصنوعات سستی کرنے کا مطالبہ کردیا۔

ٹیکسی ڈرائیورزاورشہریوں نے بھی پیٹرولیم مصنوعات کی قیمتوں میں اضافے کے خلاف احتجاج کرتے ہوئے ڈی سی ہاؤس کے سامنے قومی شاہراہ پر ٹیکسیاں کھڑی کرکے روڈ بلاک کردیا گیا۔

اسلام آباد: حکومت نے پیٹرولیم مصنوعات کی قیمتوں میں اضافہ کر دیا، پیٹرول کی قیمت میں 2.50 روپے فی لیٹر اضافہ کر دیا گیا ہے۔

تفصیلات کے مطابق وزارتِ خزانہ نے پیٹرولیم مصنوعات کی قیمتوں میں اضافے کی منظوری دے دی، پیٹرول کی قیمت میں ڈھائی روپے اضافے کے بعد نئی قیمت 92 روپے 88 پیسے ہو گئی ہے۔

ہائی اسپیڈ ڈیزل 4.75 روپے فی لیٹر مہنگا کر دیا گیا ہے، جس کے بعد ہائی اسپیڈ ڈیزل کی نئی قیمت 111.43 روپے فی لیٹر مقرر کر دی گئی ہے۔

مٹی کے تیل کی قیمت میں 4 روپے فی لیٹر اضافہ ہو گیا ہے، مٹی کے تیل کی نئی قیمت اب 86.31 روپے ہو گئی ہے۔

لائٹ ڈیزل بھی 2.50 روپے فی لیٹر مہنگا کیا گیا ہے جس کے بعد لائٹ ڈیزل کی نئی قیمت 77.53 روپے مقرر کی گئی ہے۔

یہ بھی پڑھیں:  حکومت نے پیٹرولیم مصنوعات کی قیمتوں میں کمی کا اعلان کردیا

وزارتِ خزانہ کے نوٹیفکیشن کے مطابق پیٹرولیم مصنوعات کی نئی قیمتوں کا اطلاق آج رات 12 بجے سے ہوگا۔

یاد رہے کہ 31 جنوری کو حکومت نے پیٹرولیم مصنوعات کی قیمتوں میں کمی کرتے ہوئے پیٹرول کی قیمت میں 59 پیسے فی لیٹر کم کی تھی، جس کے بعد نئی قیمت 90 روپے 38 پیسے مقرر کر دی گئی تھی۔

لائٹ ڈیزل کی قیمت میں 25 پیسے کمی، مٹی کے تیل کی قیمت میں 73 پیسے فی لیٹر کمی، جب کہ ہائی اسپیڈ ڈیزل 106.68 روپے فی لیٹر کی قیمت پر برقرار رکھا گیا تھا۔