ARYNews.tv | Urdu – Har Lamha Bakhabar

Tag: پیٹرول کی قیمت

  • پیٹرول کتنے روپے سستا ہوگا؟ عوام کے لئے بڑی خبر آگئی

    پیٹرول کتنے روپے سستا ہوگا؟ عوام کے لئے بڑی خبر آگئی

    اسلام آباد : پاکستان میں پیٹرول کی قیمت میں کمی کا امکان ہے ، تاہم کتنے روپے کم ہوں گے، اس حوالے سے عوام کے لیے اہم خبر آگئی۔

    تفصیلات کے مطابق حکومت کی جانب سے پیٹرولیم مصنوعات کی قیمتوں کا اعلان کل کیا جائے گا ، جس میں عوام کو ریلیف ملنے کا امکان ہے۔

    انڈسٹری ذرائع نے بتایا کہ قیمتوں میں کمی کے حوالے سے ابتدائی ورکنگ تیار کر لی گئی ہے ، جس میں ایک لیٹر پیٹرول 61 پیسے سستاکرنے کی تجویز دی گئی ہے۔

    ذرائع کا کہنا ہے کہ ہائی اسپیڈ ڈیزل 3 روپے 13 پیسے فی لیٹر، مٹی کا تیل 1 روپے 57 پیسے فی لیٹر جبکہ لائٹ ڈیزل 2 روپے 61 پیسے فی لیٹر سستا ہونے کی تجویز دی گئی ہے۔

    ذرائع کا کہنا ہے کہ اوگرا 31 اگست کو قیمتوں کی ورکنگ پٹرولیم ڈویژن کو بھجوائے گا جس کے بعد وزیراعظم حتمی منظوری دیں گے۔

    پاکستان میں آج ڈالر اور دیگر کرنسیوں کی قیمت

    منظوری کی صورت میں پیٹرول کی قیمت 264.61 روپے سے کم ہوکر 264 روپے فی لیٹر، ہائی اسپیڈ ڈیزل 272.99 روپے سے کم ہوکر 269.86 روپے فی لیٹر، مٹی کا تیل 178.27 روپے سے کم ہوکر 176.70 روپے فی لیٹر اور لائٹ ڈیزل 162.16 روپے سے کم ہوکر 159.55 روپے فی لیٹر ہونے کا امکان ہے۔

    ذرائع کے مطابق حکومت اس وقت فی لیٹر پیٹرول پر لیوی اور کلائمیٹ سپورٹ لیوی کی مد میں 80.52 روپے اور ڈیزل پر 79.51 روپے وصول کر رہی ہے۔

    منظوری کے بعد یکم ستمبر 2025 سے نئی قیمتوں پر عمل درآمد ہوگا، جو اگلے 15 روز تک برقرار رہیں گی۔

  • پٹرول کی قیمت میں 150 روپے فی لیٹر تک کمی کی جائے ، پاکستانی عوام کا مطالبہ

    پٹرول کی قیمت میں 150 روپے فی لیٹر تک کمی کی جائے ، پاکستانی عوام کا مطالبہ

    اسلام آباد : پاکستانی عوام نے پٹرول کی قیمت میں کمی کو ناکافی قرار دیتے ہوئے مطالبہ کیا کہ قیمت میں 150 روپے فی لیٹر تک کمی کی جائے۔

    تفصیلات کے مطابق وفاقی حکومت کی جانب سے پیٹرول کی قیمت میں کمی پر عوامی ردعمل آگیا، شہریوں نے پٹرول کی قیمت میں کمی کو ناکافی قرار دیتے ہوئے شدید ردعمل دیا ہے۔

    کراچی، لاہور، پشاور اور فیصل آباد سمیت مختلف شہروں کے عوام کا کہنا ہے کہ عالمی منڈی میں تیل کی قیمتوں میں واضح کمی کے باوجود پاکستان میں ریلیف محدود اور وقتی ہوتا ہے۔

    کراچی کے شہریوں کا کہنا تھا، "پہلے 20 روپے بڑھا کر اب 7 روپے کم کر دیے، اس سے کیا فائدہ؟” ایک اور شہری نے شکوہ کیا کہ "قیمتیں کم کر کے چند دن بعد دوبارہ بڑھا دی جاتی ہیں۔”

    لاہور کے شہریوں نے حکومت سے مطالبہ کیا کہ پٹرول کی قیمت میں 150 روپے فی لیٹر تک کمی کی جائے تاکہ حقیقی ریلیف مل سکے۔

    پشاور کے شہریوں نے کہا، "کمی پر خوشی تو ہے لیکن 7 روپے سے ریلیف نہیں ملے گا، جبکہ بین الاقوامی منڈی میں خام تیل سستا ہو رہا ہے اور یہاں پٹرول مہنگا ہو رہا ہے۔”

    فیصل آباد کے شہریوں نے بھی پٹرول کی قیمت کو کم از کم 150 روپے فی لیٹر کرنے کا مطالبہ کرتے ہوئے کہا کہ "یہ کوئی کمی نہیں، عوام کے لیے حقیقی ریلیف دیا جانا چاہیے۔”

    یاد رہے وفاقی حکومت نے پٹرول کی قیمت میں 7 روپے 54 پیسے فی لیٹر کمی کا اعلان کیا تھا جبکہ ڈیزل کی قیمت میں 1 روپیہ 48 پیسے فی لیٹر اضافہ کر دیا گیا ہے۔ وزارت خزانہ نے نئی قیمتوں کا نوٹیفکیشن جاری کر دیا ہے، جس کے مطابق نئی قیمتوں کا اطلاق فوری طور پر ہو چکا ہے۔

    نوٹیفکیشن کے مطابق پٹرول کی نئی قیمت 264 روپے 61 پیسے فی لیٹر مقرر کی گئی ہے، جب کہ ہائی اسپیڈ ڈیزل کی قیمت 285 روپے 83 پیسے فی لیٹر ہو گئی ہے۔

  • پیٹرول کی قیمت میں اس بار کتنے روپے کا اضافہ ہوگا؟ عوام کے لئے بڑی خبر

    پیٹرول کی قیمت میں اس بار کتنے روپے کا اضافہ ہوگا؟ عوام کے لئے بڑی خبر

    اسلام آباد : پاکستان میں پیٹرول کی قیمت میں اس بار بھی اضافے کا امکان ہے تاہم کتنے روپے اضافہ ہوگا؟ اس حوالے سے اہم خبر آگئی ہے۔

    تفصیلات کے حکومت نے اس بار بھی پیٹرول کی قیمتوں میں بڑے اضافے کی تیاری کرلی، جس سے عوام کی مشکلات میں اضافہ ہوگا۔

    عالمی منڈی میں خام تیل کی قیمتوں کے اتار چڑھاو کے پیش نظر ابتدائی ورکنگ تیار کرلی گئی ہے۔

    رپورٹس میں بتایا گیا کہ پیٹرول کی قیمت میں 6.60 روپے فی لیٹر تک اضافہ ہوسکتا ہے، جب کہ ہائی اسپیڈ ڈیزل (ایچ ایس ڈی) کی قیمت میں 5.27 روپے فی لیٹر کا اضافہ ہوسکتا ہے۔

    https://urdu.arynews.tv/dollar-currency-rate-pakistan-today/

    تاہم مٹی کا تیل 3 روپے 74 پیسے فی لیٹر اور لائٹ ڈیزل آئل (ایل ڈی او) میں 2 روپے 23 پیسے فی لیٹر سستا ہونے کا امکان ہے۔

    ذرائع کا کہنا ہے کہ پٹرولیم مصنوعات میں قیمتوں کی سمری کل بھجوائی جائے گی، وزیراعظم شہبازشریف نئی قیمتوں کی حتمی منظوری دیں گے۔

    وزیراعظم کی منظوری کے بعد وزارت خزانہ نئی قیمتوں کا اعلان کرے گی ، پٹرولیم مصنوعات کی نئی قیمتیں آئندہ 15 روز کے لئے نافذ ہوں گی۔

    یاد رہے یکم جولائی کو وفاقی حکومت نے اگلے پندرہ دن کے لیے پیٹرول کی قیمتوں میں 8 روپے 36 پیسے فی لیٹر اضافہ کردیا تھا۔

    وزارت خزانہ کی جانب سے جاری نوٹیفکیشن کے مطابق پیٹرول کی نئی قیمت 266 روپے 89 پیسے فی لیٹر ہوگئی تھی۔

  • پیٹرول مہنگا ہونے پر عوام پھٹ پڑے

    پیٹرول مہنگا ہونے پر عوام پھٹ پڑے

    کراچی : پیٹرول کی قیمت میں اضافے پر عوام پھٹ پڑے ، شہریوں کا کہنا ہے کہ اشرافیہ کو نوازا جارہا ہے غریب عوام کہاں جائے؟۔

    تفصیلات کے مطابق پاکستانی عوام نے حکومت کی جانب سے پیٹرولیم مصنوعات میں اضافے کو مسترد کردیا اور حکومت سے ریلیف فراہم کرنے کا مطالبہ کیا۔

    پٹرول کی قیمت میں اضافے پر عوام نے کہا اتنا مہنگا پیٹرول کردیا، غریب عوام کہاں جائے؟ اشرافیہ کو نوازا جارہا ہے غریب کو مارا جارہا ہے۔

    شہریوں کا کہنا ہے کہ حکومت کوچاہیے کہ عام آدمی کے لئے آسانیاں پیدا کرے، جینا مشکل ہوگیا ہے اور عوام بے بسی کی تصویر بن چکی ہیں۔

    مزید پڑھیں : پیٹرولیم مصنوعات کی قیمتوں میں بڑا اضافہ

    یاد رہے گذشتہ رات حکومت نے پٹرولیم مصنوعات کی قیمتوں میں اضافہ کا اعلان کیا، وزارت خزانہ کے نوٹی فکیشن کے مطابق پٹرول کی قیمت میں 8 روپے 36 پیسے فی لیٹراضافہ کیا گیا، جس کے نتیجے میں پٹرول کی نئی قیمت 266 روپے اناسی پیسے فی لیٹرہوگئی۔

    ہائی اسپیڈ ڈیزل 10 روپے 39 پیسے فی لیٹرمہنگا ہوا اور ہائی اسپیڈڈیزل کی نئی قیمت272 روپے اٹھانوے پیسے فی لیٹر ہوگئی جبکہ تمام پٹرولیم مصنوعات پر ڈھائی روپے فی لیٹر کاربن لیوی شامل کردی گئی۔

  • پیٹرول کتنے روپے مہنگا ہونے والا ہے؟ عوام کے لیے بڑی خبر

    پیٹرول کتنے روپے مہنگا ہونے والا ہے؟ عوام کے لیے بڑی خبر

    اسلام آباد : یکم جولائی پیٹرول کی قیمت میں بڑے اضافے کا امکان ہے ، جس سے مہنگائی سے پریشان عوام کی مشکلات میں مزید اضافہ ہوگا۔

    تفصیلات کے مطابق عالمی سطح پر تیل کی قیمتوں میں تیزی سے اضافے کے پیش نظر پاکستان میں یکم جولائی سے پیٹرول اور ڈیزل کی قیمتیں بڑھنے والی ہیں۔

    حکومت کی جانب سے آج پٹرولیم مصنوعات کی نئی قیمتوں کا اعلان کیا جائے گا، جس میں پیٹرول کی قیمت میں بڑا اضافہ متوقع ہے۔

    ذرائع کا کہنا ہے کہ پیٹرولیم مصنوعات 14 روپے 86 پیسے فی لٹر تک مہنگی ہونے کا امکان ہے۔

    ذرائع نے بتایا کہ ہائی سپیڈ ڈیزل 14 روپے 86 پیسے فی لیٹر اور پٹرول 11 روپے 43 پیسے فی لٹر مہنگا ہوسکتا ہے۔

    پٹرولیم مصنوعات کی قیمتوں کی ورکنگ آج بھیجی جائے گی ، پٹرولیم ڈویژن اور وزارت خزانہ مشاورت کے بعد وزیراعظم کو ورکنگ پیش کریں گی۔

    وزیراعظم قیمتوں میں اضافے کی حتمی منظوری دیں گے، وزیراعظم کی منظوری کے بعد آج رات وزارت خزانہ نئی قیمتوں کااعلان کرے گی، نئی قیمتیں آئندہ پندرہ روز کے لئے نافذ العمل ہوں گے۔

    پاکستان میں آج ڈالر اور دیگر کرنسیوں کی قیمت

  • ‘جولائی میں پیٹرول کی قیمت ! صوبائی مشیر نے عوام کو خبردار کردیا

    ‘جولائی میں پیٹرول کی قیمت ! صوبائی مشیر نے عوام کو خبردار کردیا

    پشاور: وزیراعلیٰ خیبرپختونخوا کے مشیر برائے اطلاعات بیرسٹر سیف نے خبردار کیا ہے کہ جولائی میں پیٹرولیم مصنوعات کی قیمتوں میں مزید اضافہ ہوگا اور پیٹرول کی قیمتیں آسمان سے باتیں کریں گی۔

    تفصیلات کے مطابق وزیراعلیٰ خیبرپختونخوا کے مشیر برائے اطلاعات بیرسٹرمحمد علی سیف نے حکومت پر کڑی تنقید کرتے ہوئے کہا کہ وفاقی حکومت نےنئے مالی سال سے قبل عوام پرپیٹرول بم گرا دیا، جولائی میں پیٹرولیم مصنوعات کی قیمتوں میں مزید اضافہ ہوگا۔

    مشیر برائے اطلاعات کا کہنا تھا کہ بجٹ میں پیٹرول پرڈھائی فیصد نیا ٹیکس عائد کیا گیا، پیٹرول کی قیمتیں آسمان سےباتیں کریں گی اور پیٹرول مہنگا ہونے سے اشیائے خورونوش بھی مہنگی ہو جائیں گی۔

    انھوں نے پنجاب حکومت پر بھی تنقید کرتے ہوئے کہا کہ وفاقی بجٹ غریب دشمن اورامیر دوست ہے اور پنجاب حکومت کا بجٹ بھی عوام دشمن ہے، پنجاب کے بجٹ میں زرعی شعبہ مکمل نظرانداز کیا گیا، متاثرہ کسانوں کوریلیف نہ دیناافسوسناک ہے۔

    مزید پڑھیں : پیٹرولیم مصنوعات کی قیمتوں میں اضافہ

    صوبائی مشیر نے بتایا کہ حکومت کی پالیسیوں سے کسانوں کو 2200 ارب کا نقصان برداشت کرنا پڑا، پنجاب میں صرف کمیشن والے منصوبوں کو ترجیح دی گئی، پنجاب حکومت صحت کی مفت سہولتیں دینے میں ناکام رہی۔

    ان کا مزید کہنا تھا کہ خیبرپختونخوا پنجاب کو صحت سہولیات میں مدد دینے کو تیارہے، وزیراعلیٰ کی قیادت میں فلاحی کاموں کوترجیح دی جا رہی ہے۔

  • آج پیٹرول کتنے روپے سستا ہوگا ؟ عوام کے لئے بڑی خبر

    آج پیٹرول کتنے روپے سستا ہوگا ؟ عوام کے لئے بڑی خبر

    اسلام آباد : پیٹرول کی نئی قیمت کا اعلان آج کیا جائے گا تاہم اس سے عوام کی مشکلات میں اضافہ ہوگا یا ریلیف ملے گا؟

    تفصیلات کے مطابق حکومت کی جانب سے پیٹرولیم مصنوعات کی نئی قیمتوں کا اعلان آج کیا جائے گا۔

    اب سوال یہ اٹھتا ہے کہ کیا حکومت بجٹ سے قبل پیٹرول بم گرانے جا رہی ہے یا عوام کو کچھ ریلیف ملے گا؟

    ذرائع کی جانب سے کہا گیا ہے کہ عالمی منڈی میں تیل کی قیمتوں کو مدنظر رکھتے ہوئے پیٹرول اور ڈیزل کی قیمتوں میں کمی کا امکان ظاہر کیا جارہا ہے۔

    اطلاعات کے مطابق پیٹرول کی قیمت میں 60 پیسے سے ایک روپے فی لیٹر کمی ہوسکتی ہے ، جس سے موجودہ قیمت 252.63 روپے سے کم ہو کر 251.63 روپے اور 251.63 روپے کے درمیان ہونے کا امکان ہے۔

    https://urdu.arynews.tv/dollar-currency-rate-pakistan-today/

    ہائی اسپیڈ ڈیزل کی قیمت میں 28 پیسے فی لیٹر تک کی کمی متوقع ہے جبکہ مٹی کا تیل اور لائٹ ڈیزل آئل کی قیمتوں میں معمولی اضافے کا امکان ہے، تاہم حتمی فیصلہ وزارت خزانہ اور وزیراعظم کی مشاورت سے کیا جائے گا۔

    خیال رہے اوگرا کی جانب سے ہر 15 دن بعد پیٹرولیم نرخوں پر نظرثانی کی جاتی ہے، جس میں بین الاقوامی منڈی کے اعداد و شمار اور ملکی مالیاتی پالیسیوں کو مدِنظر رکھا جاتا ہے۔

  • پیٹرول کتنے روپے سستا ہونے والا ہے؟ عوام کے لیے بڑی خبر آگئی

    پیٹرول کتنے روپے سستا ہونے والا ہے؟ عوام کے لیے بڑی خبر آگئی

    اسلام آباد : پاکستان میں پیٹرول کی قیمت میں کمی کا امکان ہے ، تاہم کتنے روپے کم ہوں گے، اس حوالے سے عوام کے لیے اہم خبر آگئی۔

    تفصیلات کے مطابق پاکستان میں پیٹرول اور ڈیزل کی قیمتوں میں اگلے 15 دن کے لئے کمی کا امکان ہے، جس سے عوام کو ریلیف ملنے کی توقع ہے۔

    آئل اینڈ گیس ریگولیٹری اتھارٹی (اوگرا) نے ابھی تفصیلات کو حتمی شکل نہیں دی ہے، توقع ہے کہ وزارت خزانہ وزیر اعظم شہباز شریف سے مشاورت کے بعد نئے نرخوں کی منظوری دے گی۔

    ذرائع نے دعویٰ کیا ہے کہ پیٹرول کی قیمت میں تقریباً 2 سے 3.5 روپے فی لیٹر کمی ہو سکتی ہے جس سے نئی قیمت تقریباً 249.30 روپے فی لیٹر ہو جائے گی جبکہ اس دوران ڈیزل کی قیمت میں 7 روپے فی لیٹر کی معمولی کمی دیکھی جا سکتی ہے، نئی قیمت 250 روپے فی لیٹر ہونے کا امکان ہے۔

    آئل اینڈ گیس ریگولیٹری اتھارٹی (اوگرا) قیمتوں میں مجوزہ ایڈجسٹمنٹ کی سمری وزیراعظم کو پیش کرے گی، منظوری کے بعد وزارت خزانہ نئی قیمتوں کے نفاذ کا باضابطہ نوٹیفکیشن جاری کرے گی۔

    https://urdu.arynews.tv/dollar-currency-rate-pakistan-today/

    گزشتہ دو ہفتوں کے دوران عالمی سطح پر تیل کی قیمتوں میں فی بیرل $1.5 سے $3 کی کمی ہوئی۔

    یاد رہے 30 اپریل کو حکومت نے پیٹرول اور ڈیزل کی قیمتوں میں 2 روپے فی لیٹر کمی کی تھی، جس کے بعد پٹرول کی قیمت 252.63 روپے فی لیٹر جب کہ ڈیزل کی قیمت 256.64 روپے فی لیٹر ہوگئی تھی۔

  • پیٹرول کتنے روپے سستا ہونے والا ہے؟ عوام کے لیے بڑی خوشخبری

    پیٹرول کتنے روپے سستا ہونے والا ہے؟ عوام کے لیے بڑی خوشخبری

    اسلام آباد : پاکستان میں پیٹرول کی قیمت میں بڑی کمی کا امکان ہے ، تاہم کتنے روپے کم ہوں گے، اس حوالے سے عوام کے لیے اہم خبر آگئی۔

    تفصیلات کے مطابق عالمی سطح پر خام تیل کی قیمتوں میں مسلسل کمی کے باعث پاکستانی عوام کو بڑا ریلیف ملنے کا امکان ہے۔

    حکومت کی جانب سے اگلے پندرہ دن کے لیے پیٹرولیم مصنوعات کی قیمتوں میں نمایاں کمی کا اعلان متوقع ہے ، پٹرولیم مصنوعات سستی کرنے کی تجویز بھیج دی گئی ہے۔

    ذرائع نے بتایا کہ پیٹرول کی قیمتوں میں 8.27 روپے فی لیٹر اور ہائی اسپیڈ ڈیزل کی قیمت میں 6 روپے 96 پیسے فی لیٹر تک کمی کا امکان ہے۔

    جس کے بعد پٹرول کی قیمت کمی کے بعد فی لیٹر 246.36 روپے اور ہائی اسپیڈڈیزل کمی کے بعد فی لیٹر 251.68 روپے کا ہو جائے گا۔

    اس کے علاوہ مٹی کا تیل 7 روپے 47 پیسے فی لیٹر سستا ہو سکتا ہے جبکہ لائٹ ڈیزل 7 روپے 21 پیسے فی لیٹر سستا ہو سکتا ہے۔

    آئل اینڈ گیس ریگولیٹری اتھارٹی (اوگرا) قیمتوں میں مجوزہ ایڈجسٹمنٹ کی سمری وزیراعظم کو پیش کرے گی، منظوری کے بعد وزارت خزانہ نئی قیمتوں کے نفاذ کا باضابطہ نوٹیفکیشن جاری کرے گی۔

    پاکستان میں آج ڈالر اور دیگر کرنسیوں کی قیمت

    یاد رہے گزشتہ ماہ حکومت نے عوام کے لیے بجلی پر ریلیف کا اعلان کرتے ہوئے پیٹرولیم لیوی کی شرح میں اضافہ کیا تھا اور پیٹرول کی قیمتیں برقرار رکھی تھیں۔

  • پیٹرول کتنے روپے سستا ہوگا؟ عوام کے لیے بڑی خبر

    پیٹرول کتنے روپے سستا ہوگا؟ عوام کے لیے بڑی خبر

    اسلام آباد : پاکستان میں پیٹرول کی قیمت میں بڑی کمی کا امکان ہے ، تاہم کتنے روپے کم ہوں گے، اس حوالے سے عوام کے لیے اہم خبر آگئی۔

    تفصیلات کے مطابق عالمی سطح پر تیل کی قیمتوں میں نمایاں کمی کے بعد حکومت عوام کو ریلیف فراہم کرنے پر غور کر رہی ہے تاہم قیمتوں میں کمی کے صحیح اعداد و شمار کو ابھی تک حتمی شکل نہیں دی گئی ہے۔

    حکومت کی جانب سے اگلے پندرہ دن کے لیے پیٹرولیم مصنوعات کی قیمتوں میں نمایاں کمی کا اعلان کیے جانے کا امکان ہے۔

    ذرائع نے کہا ہے کہ پیٹرول کی قیمتوں میں 13 سے 15 روپے فی لیٹر تک کمی کا امکان ہے جبکہ ڈیزل کی قیمتوں میں بھی 11 روپے فی لیٹر تک کمی متوقع ہے۔

    آئل اینڈ گیس ریگولیٹری اتھارٹی (اوگرا) قیمتوں میں مجوزہ ایڈجسٹمنٹ کی سمری وزیراعظم کو پیش کرے گی، منظوری کے بعد وزارت خزانہ نئی قیمتوں کے نفاذ کا باضابطہ نوٹیفکیشن جاری کرے گی۔

    اس سے قبل پاکستانی حکومت نے پیٹرولیم مصنوعات کی قیمتوں میں 5 روپے فی لیٹر تک کمی کی تھی۔

    سرکاری نوٹیفکیشن کے مطابق ہائی اسپیڈ ڈیزل کی قیمت میں 5.31 روپے کی کمی کی گئی، جس سے اسے 258.64 روپے فی لیٹر پر لایا گیا، جب کہ پیٹرول کی قیمت میں 0.50 روپے کی معمولی کمی دیکھی گئی، جو 255.63 روپے فی لیٹر پر طے ہوئی تھی۔

    اسی طرح مٹی کے تیل کی قیمت میں 3 روپے 53 پیسے کمی سے 168.12 روپے فی لیٹر اور لائٹ ڈیزل آئل کی قیمت میں 2 روپے 47 پیسے کمی کے بعد 153 روپے 34 پیسے فی لیٹر پر پہنچ گیا تھا۔

    https://urdu.arynews.tv/dollar-currency-rate-pakistan-today/