Tag: پیٹرول کی قیمتوں

کراچی : پیٹرول کی قیمتوں میں کمی پر عوامی ردعمل سامنے آگیا اور کہا جینامشکل ہوگیا ہے، کم از کم 25 روپے کم کرتے۔

تفصیلات کے مطابق پٹرولیم مصنوعات کی قیمتوں میں کمی سے عوام مطمئن نہیں، عوام نے ردعمل دیتے ہوئے کہا کہ یہ کوئی ریلیف نہیں، حکومت کی نااہلی ہے، دس پندرہ روپے بڑھا کرچند روپے کم کردیےجاتےہیں۔

شہریوں کا کہنا ہے کہ ہمارا جینا مشکل ہوگیا ہے، :کم ازکم25روپےکم کرتےعوام کی زندگی پرکچھ اثرتوپڑتا،

حکومت کی نااہلی ہےعوام کوریلیف نہیں دے رہی، سیاستدانوں کو ہمارے بارے میں سوچنا چاہیے، ہم نہیں رہیں گےتویہ حکومت کا کیا کریں گے؟

یاد رہے حکومت نے پیٹرولیم مصنوعات کی قیمتوں میں کمی کا اعلان کیا تھا، پیٹرول کی فی لیٹرقیمت میں چھ روپے سترہ پیسے، ڈیزل کی فی لیٹر قیمت میں دس روپے چھیاسی پیسے کمی کی گئی ہے۔

مٹی کے تیل کی قیمت میں چھ روپے بتیس پیسے اور لائٹ اسپیڈ ڈیزل کی قیمت میں پانچ روپے باہتر پیسے فی لیٹر کمی کی گئی ہے۔

قیمتوں میں کمی کے بعد پیٹرول کی فی لٹر قیمت دو سو انہتر روپے تینتالیس پیسے، ہائی اسپیڈ ڈیزل کی فی لیٹر قیمت دو سو باہتر روپے ستتر پیسے ہوگئی ہے۔

اس کے علاوہ لائٹ ڈیزل کی فی لٹر قیمت ایک سو ساٹھ روپے تریپن پیسے اور مٹی کے تیل کی فی لٹر قیمت ایک سو ستتر روپے انتالیس پیسے ہوگئی ہے۔

وزیر اعظم کی منظوری کے بعد وزارت خزانہ نے نئی قیمتوں کا باضابطہ نوٹیفکیشن جاری کر دیا، نئی قیمتوں کا اطلاق رات بارہ بجے سے ہوگیا ہے۔

اسلام آباد : پاکستانی عوام نے پیٹرول کی قیمتوں میں اضافے کو حکومت کی ہیرا پھیری قرار دیتے ہوئے کہا حکومت کو چاہیئے ایک ساتھ 50 روپے بڑھا دے۔

تفصیلات کے مطابق حکومت کی جانب سے پٹرول کی قیمتوں میں اضافے پر عوام برس پڑے اور کہا پٹرول کی قیمت دو روپےکم کرتےہیں پھرسات روپے بڑھا دیتے ہیں۔

شہریوں کا کہنا ہے کہ صرف پندرہ دن کی خوشی ملتی ہے پھر پٹرول کی قیمت میں اضافہ کردیاجاتا ہے، سمجھ نہیں آرہا ہمارے ساتھ ہو کیا رہا ہے۔

ایک شہری نے کہا کہ فرق صرف غریب کو پڑتا ہے، حکومت کو کوئی فرق نہیں پڑتا، حکومت کو چاہیئے پٹرول پر ایک ساتھ پچاس روپے بڑھا دے۔

شہریوں نے پیٹرول کی قیمتیں کم کرنے کا مطالبہ کرتے ہوئے کہا کہ قیمت کم سے کم ایک سو پچاس روپے لٹر تو کریں۔۔

عوام کا مزید کہنا تھا کہ قیمتیں بڑھتی جا رہی ہیں،ہمارا قصور کیا ہے، ایسے ہی چلتا رہا تو سڑک پر آجائیں گے۔

یاد رہے وفاقی حکومت نے پٹرولیم مصنوعات کی قیمتوں میں اضافے کا اعلان کیا تھا ، پٹرول کی قیمت میں سات روپے پینتالیس پیسے فی لٹر اضافہ کیا گیا اور ڈیزل کی قیمت نو روپے چھپن پیسے بڑھادی گئی جبکہ مٹی کے تیل کی قیمت میں دس روپے پانچ پیسے فی لٹر اور لائٹ ڈیزل کی قیمت میں نو روپے اٹھاسی پیسے لٹر اضافہ کیا گیا ہے۔

وزیراعظم کی منظوری سے وزارت خزانہ نے نوٹی فکیشن جاری کردیا، اگلے پندرہ دن کے لیے نئی قیمتوں کا اطلاق ہوگیا۔

کراچی : نگراں وزیراطلاعات مرتضیٰ سولنگی نے عوام کو خوشخبری سناتے ہوئے کہا کہ ڈالر کی قیمت میں کمی کا سلسلہ جاری رہا تو پیٹرول کی قیمت میں کمی کی جائے گی۔

تفصیلات کے مطابق نگراں وزیراطلاعات مرتضیٰ سولنگی نے کراچی پریس کلب میں گفتگو کرتے ہوئے کہا کہ نگران حکومت کے اقدامات سے ڈالر کی قیمت میں کمی ہوئی، ڈالر کی قیمت کم ہونے سے اس کا فائدہ عوام کو منتقل ہوگا۔

نگراں وزیراطلاعات کا کہنا تھا کہ ڈالر کی قیمت میں کمی کا سلسلہ جاری رہا تو پیٹرول کی قیمت میں کمی کی جائے گی۔

میڈیا ہاؤسز کے حوالے سے مرتضیٰ سولنگی نے کہا کہ جو ادارہ ملازمین کو تنخواہ نہیں دے گا اس کو اشتہارات نہیں دئیے جائیں گے۔

حکومتی کریک ڈاؤن سے متعلق انھوں نے بتایا کہ بجلی چوری کے خلاف ملک بھر میں کریک ڈاؤن جاری ہے، بجلی چوروں سے 8 ارب کی ریکوری کی گئی۔

نگراں وزیراطلاعات نے مہنگائی کے حوالے سے کہا کہ غریب کا بیٹا ہوں سبزی اور فروٹ خود خریدتا ہوں تو مہنگائی کا احساس ہے۔

کراچی : تاجروں نے پیٹرولیم مصنوعات کی قیمتوں میں اضافے کو مسترد کردیا اور کہا اضافے سے مزید مہنگائی ہو گی۔

تفصیلات کے مطابق پیٹرول کی قیمتوں میں اضافے پر تاجروں کا ردعمل آگیا ، صدرآل سٹی تاجر اتحاد حماد پونا والا نے کہا کہ پیٹرولیم مصنوعات کی قیمتوں میں مزیداضافہ ظلم ہے، نگران حکومت میں 2مرتبہ پیٹرولیم مصنوعات کی قیمتوں میں بڑااضافہ کرچکی۔

تاجر رہنما کا کہنا تھا کہ پیٹرولیم مصنوعات کی قیمتوں میں اضافے سےاشیائےخورد و نوش کی قیمتوں میں بھی اضافہ ہوگا۔

صدر انجمن تاجران الیاس میمن نے پیٹرولیم مصنوعات کی قیمتوں میں اضافے کو مسترد کرتے ہوئے کہا کہ پیٹرولیم مصنوعات کی قیمتوں میں اضافے سےمزیدمہنگائی ہو گی۔

صدرپاکستان انجمن تاجران جاوید قریشی نے بھی پٹرولیم مصنوعات کی قیمتوں میں ہوشربا اضافہ مستردکرتے ہوئے کہا کہ نگران حکومت عوام کےمعاشی قتل کو بند کرے عوام میں مزیدمہنگائی برداشت کی سکت نہیں۔

جاوید قریشی کا کہنا تھا کہ پٹرولیم مصنوعات کی قیمتوں بے تحاشہ اضافہ عوام پر شب خون کے مترادف ہے، مہنگائی اوربیروزگاری کی وجہ سےعوام کیلئےایک وقت کی روٹی کاحصول بھی مشکل ہوگیا۔

اسلام آباد : سابق وزیرخزانہ حفیظ پاشا نے روسی خام تیل کاجہاز آنے کی وجہ سے پیٹرول کی قیمت کچھ دن کیلئے کم ہونے کا امکان ظاہر کردیا۔

تفصیلات کے مطابق سابق وزیرخزانہ حفیظ پاشا نے اے آر وائی نیوز کے پروگرام خبر ود مہربخاری میں گفتگو کرتے ہوئے کہا کہ پیٹرول کی قیمت کچھ دن کیلئے کم ہونے کا امکان ہے، روسی خام تیل کاجہاز آنے کی وجہ سے تیل کی قیمت کم ہوسکتی ہے۔

حفیظ پاشا کا کہنا تھا کہ ہمیں پھر بھی لگتا ہے پی ڈی ایل کو 75 روپے تک لے جایا جائے گا، اس وقت پی ڈی ایل کی مدمیں فی لیٹر 50 روپے لیے جا رہے ہیں۔

سابق وزیرخزانہ نے کہا کہ مہنگائی کی اوسط سالانہ شرح 30 اور کھانے پینے کی اشیا 50فیصدمہنگی ہوچکی ہیں۔